Unsay Nakapahimong Talagsaon sa EnglishConnect?

Diha sa EnglishConnect, kita molihok inubanan sa hugot nga pagtuo sa pagtinguha sa tabang sa Ginoo sa pagkat-on og Iningles. Kon kita magtinguha sa tabang sa Ginoo sa pagkat-on og Iningles, kita mas mapaduol ngadto sa Dios ug masinati ang makapahimo nga gahom sa Manluluwas. Diha sa matag leksiyon, kita magtuon ug mogamit og espirituhanong baroganan sa pagkat-on. Ang Epiritu mao ang tinuod nga magtutudlo, ug kita makatinguha sa mga gasa sa Espiritu aron motabang nato sa pagkat-on, lakip na ang gasa sa pagsulti sa mga pinulongan (tan-awa sa Doktrina ug mga Pakigsaad 46:8–26).

2:7

Diha sa EnglishConnect, kita nagdapit sa Espiritu kon kita naghigugma, nagtudlo, ug nagsuporta sa usag usa. Kita nag-ugmad og panaghigalaay ug nagtinabangay sa usag usa nga magpabiling madasigon. Sa panag-uban makapalambo kita sa atong pagsalig, makakat-on gikan sa atong mga sayop, ug magsaulog sa atong pag-uswag. Samtang nagkat-on kita gikan sa Espiritu, kita “[m]akasabot sa usag usa, ug makadawat og kaayohan ug maglipay nga maghiusa” (Doktrina ug mga Pakigsaad 50:22).

1:52

Diha sa EnglishConnect, kita naghimo og labaw pa kaysa pagkat-on og Iningles; kita nagpalambo usab sa atong kapasidad sa pagkat-on ug sa pagtudlo. Bisan asa pa kita nagsugod, kita maningkamot og maayo ug makig-uban sa Dios aron makab-ot ang atong mga tumong. Kita molihok inubanan sa hugot nga pagtuo sa pagpraktis og Iningles kada adlaw. Kita maningkamot sa pagkat-on “pinaagi sa pagtuon ug usab pinaagi sa hugot nga pagtuo” (Doktrina ug mga Pakigsaad 88:118) diha sa tanang aspeto sa atong kinabuhi.

2:24