Ekkatak Kajin Pelle
Kajjitōk ko Emakijkij Kajjitōk Kaki

“Kajjitōk ko Emakijkij Kajjitōk Kaki,” Unin Tōl An Kōjerbal EnglishConnect (2022)

“Kajjitōk ko,” Unin Tōl An Kōjerbal EnglishConnect

Kajjitōk Ko Emakijkij Kajjitōk Kaki

Ta oktak ko imaron̄ kōm̧m̧ani n̄an katak im kein jipan̄ kōkōm̧anm̧anļo̧k ko?

Jete rūkaki ro ij aikuji?

Ta eo bok in kein katakin eo an rikkatak eo im rūkaki eo n̄an EnglishConnect?

Ekōjkan aō jeļā ko kumi ko rej tōprak?

Ekōjkan aō jeļā eļan̄n̄e juon rikkatak ej aikuj bōk EnglishConnect 1 ak 2?

Ta oktak ko imaron̄ kōm̧m̧ani n̄an katak im kein jipan̄ kōkōm̧anm̧anļo̧k ko?

Kein jipan̄ ko an EnglishConnect eo rej kōjparok kōn copyright kein eo im aikuj jab ukōte kōn ejjeļo̧k mālim. Lale jekjōn “Appendix A: Meļeļe ko kōn Kakien (legal)” kōn meļeļe ko kōn kajjitōk mālim n̄an ukōt kein jipan̄ ko.

Jete rūkaki ro ij aikuji?

Kar kōmlet bwe kajjojo kurup en wōr diktata ruo an rūkaki. Ilo wāween jab in kom̧ maron̄ katakin āinwōt kurup ak kōbare doon eļan̄n̄e juon ej jako ak nan̄inmej.

Aorōk: Kurup ko an EnglishConnect rej aikuj ļoor kakien ko an Kabun̄ in me diktata ruo rūtto ro rōkekemo̧o̧j rej aikuj pād aolep iien ilo kajjojo iien kweiļo̧k an kumi. Eļan̄n̄e ewōr wōt juon rūkaki, innām kappeik juon membōr in kumi eo erūtto n̄an pād ilo kajjojo katak. Jab kōm̧m̧ani kweilo̧k an kurup ko eļan̄n̄e ejjeļo̧k diktata ruo rūtto ro rej pād.

Ta eo bok in kein katakin eo an rikkatak eo im rūkaki eo EnglishConnect?

Bok in Kein Katakin ko

Rikkatak ro renaaj aikuj deļo̧n̄e EnglishConnect 1 n̄an Rikkatak ro ak EnglishConnect 2 n̄an Rikkatak ro. Ebar āinwōt wōr kein jipan̄ ko jet n̄an kōkōm̧anm̧anļo̧k katak. Lale laajrak eo itulaļ kōn kōmeļeļe ko an aolep kein jipan̄ kok ewōr n̄an rikkatak ro:

  • EnglishConnect 1 n̄an Rikkatak ro im EnglishConnect 2 n̄an Rikkatak ro: Rikkatak ro rej kōjerbal bok in kein katak kein n̄an m̧aanjabpopo n̄an im bōk kuņaan ilo kurup in bwebwenato eo. Kajjojo bok in kein katakin an rikkatak ej ajej ilo jiljino iunit ko an emen n̄an ļalem katak ko. Kajjojo katak ekitbuuj “Personal Study (Ekkatak an Juon Make)” im “Conversation Group (Kumin In Bwebwenato)” jekjōn ko. Rikkatak ro rej kōketak n̄an kadedeļo̧k m̧akūtkūt ko an “Personal Study (Ekkatak An Juon Make)” m̧okta jān aer itok n̄an kumi in bwebwenato eo. Kwomaron̄ tōpar bok in kain katakin ko an rikkatak im kein jipan̄ ko an kein ron̄jake ko rej itok ippān tok ilo Gospel Library eo ak wōrtari ilo store.ChurchofJesusChrist.org (aitōm nōm̧ba 18489 & 19563).

  • EnglishConnect 1 Bok in jerbal eo im EnglishConnect 2 Bok in jerbal eo: EnglishConnect 1 im 2 singular ko ewōr aer kajjojo bok in jerbal make. Rikkatak ro rej kōjerbal m̧akūtkūt ko ilo bok in jerbal kein kōn er make ak ippān juon m̧ōttan āinwōt kein kaminene kein itulikin kumi in bwebwenato eo. Kwomaron̄ tōpar bok in jerbal ko ilo Gospel Library eo ak wōrtari ilo store.ChurchofJesusChrist.org (aitōm nōm̧ba 17140 & 17323).

  • EnglishConnect.org: Website eo an EnglishConnect ekitbuuj m̧akūtkūt in kaminene ko rōkareel n̄an kajjojo katak.

  • Gospel Library App eo: Rikkatak ro remaron̄ riit ak ron̄jake kōnono ko an kweilo̧k eo eļap, Bok in Mormon, im al in jar ko.

  • Bok ko Jet im App ko: Elōn̄ kein jipan̄ ko kar kōm̧m̧ani n̄an jipan̄ armej ro katak kajin In̄lij. Rikkatak ro rej aikuj “kappukot … jān bok ko rem̧m̧antata naan ko in mālōtlōt; kappukot jeļā, em̧ool jān katak im barāinwōt jān tōmak” (Katak im Bujek Ko 88:118).

Rūkaki ro rej aikuj kōketak rikkatak ro n̄an kajjieon̄ bōjin kain kein jipan̄ ko im ļōn̄aj ewi em̧m̧an in an kajjojo jerbal n̄an er.

Aitōm Nōm̧ba an Im̧ōn Wia an Kabun̄ in

EnglishConnect 1 n̄an Rikkatak ro

18489

EnglishConnect 2 n̄an Rikkatak ro

19563

EnglishConnect 1 Bok in Jerbal

17140

EnglishConnect 2 Bok in Jerbal

17323

Bok In Kein Katakin an Rūkaki

Rūkaki ro rej aikuj ekkatak EnglishConnect n̄an Rūkaki ro ilo Gospel Library eo barāinwōt kein jipan̄ kaminene ko jet ilo englishconnect.org/teacher/training. Rūkaki ro remaron̄ barāinwōt kōjerbal kein jipan̄ ko an kein katakin an EnglishConnect n̄an tōl bwebwenato eo an m̧akūtkūt ko an kurup eo. Kein jipan̄ an kein katak ko ewōr ilo englishconnect.org/resources/teaching-materials.

Ekōjkan aō jeļā ke kurup ko rej tōprak?

Jibadbad eo an EnglishConnect eo ej n̄an jipan̄ rikkatak ro kōļapļo̧k un̄n̄are peid make eo aer ilo jetōb im kanniōk ilo aer kappukot jipan̄ eo an Irooj n̄an katakin kajin In̄lij. Katak kajin In̄lij emaron̄ barāinwōt kōdepakpakļo̧k iien ko rem̧m̧an aer kōn jikuuļ im jikin jerbal. Kūlaaj ko an EnglishConnect eo raar kōm̧m̧an n̄an jipan̄ rikkatak ro kōjerbal pedped in katak ko an gospel eo ilo aer jerbal ippān doon n̄an bōk menin kōttōpar in katak ko aer.

Kwonaaj jeļā rūkaki ro rej tōprak n̄e rej:

  • Karuwaineneik Jetōb eo kōn naan in kam̧ool, jar, im kwaļo̧k iakwe im kōketak.

  • Ajeļo̧k 20 n̄an 30 minit ko an iien eo an kurup n̄an ekōnono kōn pedped eo an katakin jān katak eo.

  • Joļo̧k eļap wōt iien an iien eo an kurup n̄an jipan̄ rikkatak ro bōk kuņaer ilo aer ikitōltōl kōnono ilo m̧akūtkūt in kaminene ko.

Kwonaaj jeļā bwe rikkatak ro rej tōprak n̄e rej:

  • Pād aolep iien im niknik bōk koņaer ilo m̧wen̄an ko an kurup wiik otemjeļo̧k.

  • Katakin doon, kwaļo̧k tōmak, im kwaļo̧k naan in kam̧ool.

  • Jerbal ilo tōmak n̄an ekkatak im kaminene kajin In̄lij raan otemjeļo̧k itulikin kurup eo.

Ekōjkan aō jeļā eļan̄n̄e juon rikkatak ej aikuj bōk EnglishConnect 1 ak 2?

Kwomaron̄ kōjerbal oral assessement ilo “Appendix B: Intōrpiu an Wejepedik Kōnono n̄an Jikin eo ilo EnglishConnect Kumi ko” (Oral Proficiency Interview for Placement in EnglishConnect Groups) n̄an ļōmake eļan̄n̄e juon rikkatak ej aikuj likūti ilo EnglishConnect 1 ak EnglishConnect 2. Eļan̄n̄e ewōr wōt juon kurup kar letok, rikkatak ro jim̧or ilo level ko remaron̄ jerbal ippān doon n̄an letok im bōk rie.