Waanjon̄ok ko

Juon stake ko̧o̧njeļ eo ej kōņaan kōpooj kurup ko an EnglishConnect me membōr ro an stake eo im jukjuk in pād eo remaron̄ koba jabdewōt iien. Rej kōjatdikdik kōn kurup in institute bwe ren m̧ōjļo̧k n̄an jerbal in jipan̄. Rej barāinwōt kōjatdikdik bwe kurup kein renaaj leļo̧k n̄an ro uwaan jukjuk in pād eo kōn iien ko rem̧m̧an n̄an katak eļapļo̧k kōn Jisōs Kraist im en̄jake iakwe eo an ro uwaan Kabun̄ in.

Rej kāālet juon em̧ me epaak tata n̄an elōn̄ wōt iaan armej ro me rej kōņaan pād ie. Rej kāālet n̄an kōm̧m̧an bwe kurup ko rej ioon doon joteen Juje ko jān 7:00 n̄an 8:30 pm. Rej kūr emen rūkaki ro, ruo n̄an EnglishConnect 1 im ruo n̄an EnglishConnect 2. Rej kajjitōk ippān juon iaan rūkaki ro n̄an juon rikōtōbalbal an aolepān būrookraam̧ eo im leļok bwe rūkaki jab eo kūr eo an welfare im un̄n̄are peid make specialist ilo Leader and Clerk Resources. Ippān kūr in, rikōtōbalbal eo emaron̄ rejijtōre kumi ko ilo QuickReg.

Innām stake ko̧o̧njeļ eo kareelel kōn kurup ko kōn elleļo̧k peba ko ilo m̧ōn jar eo, jeje kake ilo jekjek ko an social media, im kajjitōk ippān mijenede ro n̄an karuwaineneik armej ro rej ioon er. Jino in, stake eo ej leļo̧k an rikkatak n̄an koba ilo juon kurup in EnglishConnect 3 n̄an eria n̄e rej pojak n̄an em̧m̧akūtļo̧k jān EnglishConnect 2. Ilo iien ko, ebwe an lōn̄ ribōk koņaer n̄an rie ōōn amim addo ribōk koņaan ro n̄an rie juon EnglishConnect 3 kurup ilo ejja im̧weo wōt an Kabun̄ in āinwōt kurup ko aer ilo EnglishConnect 1 im 2. Rej jerbal ippān eo ikōtaer im BYU–Pathway Worldwide eo n̄an kūrļo̧k PathwayConnect mijenede ro n̄an lale kurup ko an EnglishConnect 3.

Juon ward ko̧o̧njeļ ej kōņaan leļo̧k n̄an membōr ro an ward eo im jukjuk in pād eo kōn juon iien em̧m̧an n̄an katak kajin Pālle. Raar kajjieon̄ kōm̧m̧ane juon kurup in EnglishConnect m̧okta, bōtaab elōn̄ wōt iaan ro rej bōk koņaer ro rej bwe epen n̄an wūjlepļo̧k aer n̄an pād ilo aolepān 25 wiik ko kōm̧m̧ane. Rej kāālet n̄an leļo̧k n̄an kurup ko me eo ej kōbare wōt ruo iunit ko.

Rikkatak ro rej karōk n̄an kōm̧m̧an bwe kurup ko rej ioon doon ilo Juje kko im Bōļaide ko 7:30 n̄an 9:00 p.m. Rej kūr emen rūkaki ro, ruo n̄an EnglishConnect 1 im ruo n̄an EnglishConnect 2. Rej rejijtōri kumi ko ilo QuickReg im kareelel kōn kurup ko kōn likūt juon kakōļļe itunam̧ōj in m̧weo im̧ōn Kabun̄ in. Rej barāinwōt kōm̧m̧ani peba ko (flyer) bwe membōr ro rej elleļo̧k n̄an ro m̧ōttaer ak kwaļo̧ke ilo social media.

Ilo jem̧ļo̧kin allōn̄ eo, ritōl ro rej kōjem̧ļo̧k kurup ko ilo QuickReg eo im kōm̧m̧ane juon karōk n̄an kōbare iunit ko tok ruo ilo ilju im jekļaj.

Juon stake ko̧o̧njeļ ej kōņaan jipan̄ jodikdik ro tōpar iien ko rem̧m̧an an jikuuļ im jikin jerbal ālkin aer kadedeļo̧k būrookraam̧ eo an jodikdik ro im ro̧o̧l n̄an kapijuknen jān mijen ko aer. Ritōl ro rej barāinwōt kōjatdikdik bwe katak kajin In̄lij kōn EnglishConnect eo enaaj jipan̄ jodikdik ro katak ekōjkan m̧ōtta ippān Anij n̄an bōk menin kōttōpar ko ewōr tokjāer. Rej kāālet n̄an jino kurup ko an EnglishConnect n̄an jodikdik ro ilo stake eo aer.

Jodikdik ro rej jokwe ettoļo̧k jān doon, kōn menin ritōl ro rej kāālet n̄an kōm̧m̧an bwe kurup ko rej ioon doon kōn intōrnet ilo Juje ko jān 8:00 n̄an 9:00 p.m. Rej kūr juon mijenede ekar ro̧o̧l jān mijen im juon jodikdik me ejeļā jidik kajin In̄lij n̄an katakin kurup eo. Ritōl ro rej kanooj lale bwe ren ļoor Kakien ko an Kabun̄ in n̄an kōjparok jodikdik ro (Church policies for protecting youth). N̄an waanjon̄ak, rej kanooj lale bwe ruo rūtto me em̧ōj aer kar kadedeļo̧k kaminene eo an kōjparok jodikdik ro ren pād ilo kajjojo iioon doon ko kōn intōrnet im bwe kajjojo jodikdik en wōr an juon boom̧ in mālim an jinen in jemān.

Ritōl ro rej barāinwōt kōm̧m̧ane juon kein etale an rūkaki ak ritōl kurup in WhatsApp bwe jodikdik ro ren maron̄ kamineneik kajin In̄lij eo aer raan otemjeļo̧k. Kurup in WhatsApp eo ej jipan̄ kobaik jodikdik ro me rejjab maron̄ koba kweilo̧k ko ilo Juje.

Ritōl ro rej jerbal ippān menija eo an welfare im un̄n̄are peid make eo an eria eo aer n̄an jino juon kurup in EnglishConnect 3 an jodikdik ilo eria eo aer n̄an ro me maron̄ ko aer ilo kajin In̄lij remootļo̧k jān EnglishConnect 2.

Ritōl ro an mijen rej kōņaan kōjerbal EnglishConnect n̄an kwaļo̧k gospel eo an Jisōs Kraist. Rejeļā bwe kurup in EnglishConnect em̧m̧an tata aer jerbal n̄e rej kōm̧m̧an jān membōr im rie jān mijenede. Ilo ko̧o̧njeļ ippān stake būreejtōn ro ilo mijen eo, rej kāālet bwe mijen eo enaaj jino kurup in EnglishConnect im jerbal n̄an liļo̧k n̄an stake ko.

Mijenede ro rej kāālet awa in iion doon ko rem̧m̧antata n̄an kurup ko n̄an jikejuuļ in kwaļo̧k naan eo aer im ļap tata aer naaj tōpar armej ro ilo jukjuk in pād eo. Ilo an mijenede ro jino āinwōt rūkaki ro an EnglishConnect eo, rej barāinwōt jerbal ippān ritōl ro an priesthood n̄an kappukot membōr ro ilo jikin ro n̄an bōk jikier, jet iaer rmaron̄ in kar rikkatak ro an EnglishConnect 1 im 2. Ilo an iien ko eļļāļo̧k, mijenede ro rej oktak n̄an juon eo ej rie. Mijenede ro rej wōnm̧aanļo̧k wōt n̄an rie kurup ko kōn pād iien otemjeļo̧k, bōkļo̧k rikkatak kāāl ko, im kōketak rikkatak ro n̄an kappukot jipan̄ eo an Anij n̄an katak kajin In̄lij.