Unin Tōl ko Jet

Kōketak tōmak, jemjerā, im eddōkļo̧k. Jipan̄ ejaake juon mejatoto ijo rikkatak ro remaron̄ kōļapļo̧k tōmak eo aer, en̄jake jemjerā, im kaddōkļo̧k maron̄ ko aer. Kwomaron̄ kōm̧m̧ane menin ilo am̧ kūr rūkaki ro, leļo̧k kein jipan̄ ko, im kanooj lale bwe rikkatak ro im rūkaki ro en wōr aer kein jipan̄ ko remenin aikuj. Kwomaron̄ barāinwōt kōtōbalbal ippān ro jet m remaron̄ rie rikkatak ro, ko āinwōt mijenede ro im kurup eo an un̄n̄are peid make im ekar kumi ko jet.

Ko̧o̧njeļ ippān ritōl ro an priesthood. Kanooj lale bwe būrookraam̧ eo em̧ōj kōmālim im mijōk eo an ritōl ro an priesthood. Ritōl ro an priesthood ekoba ro me rej eddoik un̄n̄are peid make, jemenere im institute ko, im kijejeto ko an mijenede. Ko̧o̧njeļ ippān ritōl ro an priesthood kōn:

• Kōm̧m̧an im etali menin kōttōpar ko im tōprak ko (lale “EnglishConnect ej Rie Jerbal in Lo̧mo̧o̧r an Anij im Mour Ijo Eutiej tata ”).

• Kōkōm̧anm̧anļo̧k tōprak ko an būrookraam̧ eo.

• Kūr rūkaki kāāl ro (lale “Rūkaki ro”).

• Karuwaineneik elōn̄ļo̧k rikkatak ro n̄an bōk kuņaer (lale “Karuwainene im Jeļā Kake”).

• Kōdepakpakļo̧k deļo̧n̄e (lale “Jikin eo im Emakijkij an Jerbal”).

• Karuwaineneik rikkatak ro n̄an etale kein jipan̄ ko an Kabun̄ in (lale “Ekkejel ippān Kein Jipan̄ ko Jet an Kabun̄ in”).

Ribootļo̧k n̄an ritōl ro an priesthood. Ribootļo̧k n̄an ritōl ro an priesthood kōn tōprak ko im apan̄ ko an kurup ko an EnglishConnect.

Kanooj lale bwe ren ļoor kien (legal). Kanooj lale bwe EnglishConnect būrookraam̧ eo ej jokkun wōt juon ippān kakien ko aikuji an ijo jokwe ie loi ilo englishconnect.org/leader/approved-locations.

Kakeememej: Kein jipan̄ ko an EnglishConnect eo rej pād iumin kōjpārok eo an kakien eo an copyright im jab mālim ukukōt.

Karōk n̄an kōjerbal EnglishConnect eo n̄an kwaļo̧k gospel eo. EnglishConnect eo emaron̄ erom̧ juon m̧ōttan eo eaorōk ilo karōk eo an ward mijen eo. Kurup ko an EnglishConnect remaron̄:

• Kōļapļo̧k iien ko rem̧m̧an n̄an pukot im katakin n̄an mijenede ro rej jerbal aolep raan.

• Kōkajoorļo̧k jemjerā ko ikōtaan membōr ro, ro m̧ōttan Kabun̄ in, im mijenede ro.

• Jipan̄ membōr ro rej bar ro̧o̧ltok ak armej ro rej katakin jān mijenede ro n̄an kobaiktok er n̄an lowaan juon ward.

• Jipan̄ membōr ro kōjerbal pedped in katak ko an iakwe, kwaļo̧k, im karuwainene (lale Bok in Bōk Meļeļe, 23.1).

Kijejeto in rie an mijenede, tōl in membōr naaj em̧m̧an tata an jipan̄ kōtōprak tōprak kein. N̄e membōr ro rej tōl kurup ko an EnglishConnect, ro rej bōk koņaer eļapļo̧k aer āinwōt kalōk m̧ōttā ko ippān membōr ro im kwaļo̧k en̄jake in kalōk tōmak ko. Mijenede ro, ritōl ro an mijen, im kamiti eo an un̄n̄are peid make rej aikuj ko̧o̧njeļ ippān doon n̄an kōm̧m̧ani kumi ko an EnglishConnect juon jikin ijo kwaļo̧k im mour kōn gospel eo ej ļam waan im ejjeļo̧k uwaan.

Karuwaineneik mijenede ro n̄an jipan̄. Ilo eria ko ijo stake ko ak ward ko rej kōm̧m̧ani kumi ko an EnglishConnect, karuwaineneik mijenede ro n̄an jipan̄ kōn:

• Pād ilo kurup ko im kaminene ippāer ilo iien m̧akūtkūt ko.

• Kaminene ippān rikkatak ro ikōtaan bwebwenato ko an kurup ko.

• Katakin jet katak ko n̄e emenin aikuj.

Kūr rūkaki ro. Kōnke rikkatak ro an EnglishConnect eo remaron̄ koba ro eiet uwaer, ritōl ro an priesthood eo ilo jikin eo rej aikuj intōrpiuk kajjojo renej erom̧ rikatakin im etale rekoot in membōr eo aer kōn naan in kōmeļeļe ko m̧okta jān leļo̧k juon kūr. Kurup ko me ewōr ro eiet uwaer aikuj in wōr ruo rūtto ro rej pād im ļoor Kakien ko an Kabun̄ in n̄an kōjparok jodikdik roth. Ej elmakot bwe kurup ko ejjeļo̧k jodikdik ro ie rej barāinwōt wōr ruo rūkaki ro ie bwe ren maron̄ jim̧or katakin ak kōbare doon eļan̄n̄e juon ej jako ak nan̄inmej.

Katakin rūkaki ro. Kwomaron̄ katakin rūkaki ro ilo am̧ kōjerbal EnglishConnect for Teachers (EnglishConnect n̄an Rūkaki ro) im kein jipan̄ ko ilo englishconnect.org/teacher. Kwoj aikuj barāinwōt leļo̧k n̄an rūkaki ro juon kape in bok in kein katakin eo an rikkatak im bok in jerbal eo (lale “Materials (Bok in Kein Katakin ko)”). Rūkaki ro rej barāinwōt kar rōjan̄ er n̄an kweilo̧k iien otemjej n̄an ko̧o̧njeļ ippān doon, kwaļo̧k kaminene ko rem̧m̧an tata, uwaaki kajjitōk ko an doon, im etale bok in kein kaminene ko.

Jipan̄ rikkatak ro eddōkļo̧k n̄an erom rūkaki ro. Rūkaki ro rej kwaļo̧k rikkatak ro ilo kurup eo me remaron̄ m̧aanjabpopo n̄an katakin juon kurup ilju im jekļaj. Katakin ej jipan̄ rikkatak ro wōnm̧aanļo̧k wōt in eddōkļo̧k im kōdepakpakļo̧k an pidodo tōpar būrookraam̧ eo.

Leļo̧k n̄an rikkatak ro bok in kein katak ko. Rikkatak ro renaaj aikuj in bōk EnglishConnect 1 n̄an Rikkatak ro ak EnglishConnect 2 n̄an Rikkatak ro jim̧or ilo digital ilo Gospel Library eo ak ilo jeje jān m̧ōn wia eo an Kabun̄ ilo online ilo store.ChurchofJesusChrist.org. Kein jipan̄ ko jet rej barāinwōt pād n̄an kōkōm̧anm̧anļo̧k aer katak, ekoba bok in jerbal ko im m̧akūtkūt ko ilo online. Kōn kōmeļeļe ko an aolep kein jipan̄ kein repād n̄an rikkatak ro, lale “Ta bok in kein katakin ko an rikkatak im rūkaki n̄an EnglishConnect?” ilo “Kajjitōk ko Emakijkij Kajjitōk kaki” jekjōn eo.

Leļo̧k n̄an rūkaki ro bok in kein katakin ko. Rūkaki ro rej aikuj ekkatak ̄̄EnglishConnect n̄an Rūkaki ro ilo Gospel Library barāinwōt kein jipan̄ kaminene ko jet ilo englishconnect.org/teacher.

Jokāālet eļan̄n̄e kwonaaj kōm̧m̧ane n̄an kumi ko an ilo likio in armej ak online. Ilo likio in armej kumi ko ilo im̧ōko im̧ōn Kabun̄ in rej elmakoti n̄an leļo̧k iien ko rem̧m̧an an jemjerā. Eļan̄n̄e deļo̧n̄e im̧ōko im̧ōn Kabun̄ in ej juon apan̄ n̄an ribōk kuņaan ro, ļōmņak in kōm̧m̧ane n̄an kumi ko an online “Guide to Leading Virtual Groups (Unin Tōl eo n̄an Tōl Kumi ko an Intōrnet” im “Virtual Group Participant Guide (Unin Tōl an Kumi in Ribōk Kuņaan ilo Intōrnet)” remaron̄ jipan̄ ritōl ro, rūkaki ro, im rikkatak ro ejaake juon mejatoto in katak eim̧we ilo online. Iien katak ko ilo intōrnet ewōr ilo englishconnect.org/resources/teaching-materials.

Kāālet ewi emakijkij in an kurup ko naaj iioon doon. Elōn̄ wōt kurup ko rej ioon doon juon alen ak ruo ilo juon wiik, bōtaab katak em̧ōj je bwe kurup ko ren maron̄ emakijkijļo̧k aer ioon doon eļan̄n̄e rekōņaan. Keememej bwe rikkatak rej aikuj iien n̄an kadedeļo̧k m̧akūtkūt in ekkatak ko aer make m̧okta jān kajjojo katak.

Kāālet n̄āāt im ewi aitokan an kurup ko naaj kweilo̧k. Kāālet juon raan im awa me enaaj em̧m̧an tata n̄an rikkatak ro im rūkaki ro. Elōn̄ wōt kurup ko rej ioon doon ium̧win 90 minit ko, bōtaab kurup ko remaron̄ ioon doon ium̧win juon awa eoktak eļan̄n̄e kōņaan.

Kāālet aitokan eo kurup ko im ewi wōt iunit ko renaaj kōbari. Elōn̄ kumi ko rej wōnm̧aanļo̧k wōt, meļeļe in rej bar jino jān jinoin kōn katak 1 n̄e rej kam̧ōj bok in kein katakin eo. Kurup ko jet rej bar dibuk bok in kein katakin eo bar juon alen ak kōbare wōt jidik in iunit ko ilo bok in kein katakin eo.

Ejaake im kōtōbalbal kurup ko ilo QuickReg eo. QuickReg eo ej juon kein jerbal kar kōmālim jān Kabun̄ in n̄an lolorjake kurup ko an un̄n̄are peid make. Ejaaki kurup ko ilo QuickReg eo ilo am̧ etale quickreg.englishconnect.org. Innām wōnm̧aanļo̧k wōt n̄an kōjerbal QuickReg eo n̄an:

• Kareelel kōn kurup ko erre.

• Ukōt iien eo, awa eo, im jikin eo an kumi ko.

• Būrini peba in kam̧ool ko (certificate) an ribōk kuņaan.

• Ukōt paotok (status) eo an juon rikkatak

• Kōjemļo̧k kurup ko.

Lale kein kilen kōjerbal QuickReg eo ilo englishconnect.org/leader n̄an kaminene.

Kakeememej: N̄an kōjerbal QuikReg eo, juon membōr ej aikuj (1) wōr juon an kūr ilo Kabun̄ in im (2) kūr eo aer ekar rekoote ilo Leader and Clerk Resources eo.

Būrin im leļo̧k peba in nōbar ko jān QuickReg eo. Rūkaki ro im specialist ro an un̄n̄are peid make remaron̄ būrini im leļo̧k peba in nōbar ko an ro rej bōk koņaer n̄an rikkatak ro me rej deļo̧n̄ ilo QuickReg eo.

Kōjerbal kein katakin ko an jeļā. Kein katakin ko n̄an kōkōm̧anm̧anļo̧k rej pād ilo m̧ōn wia eo an Kabun̄ in ilo online ilo store.ChurchofJesusChrist.org im ilo englishconnect.org/resources/leader#publicity.

Karuwaineneik rikkatak ro. Kwomaron̄ kōjerbal kilen letok letak meļeļe ko me imminene kaki n̄an kareelel kōn kurup in EnglishConnect, ko āinwōt m̧aan im kōrā in jerbal in karejar ro, mijenede ro, peba ko (flyer) im ko eierļo̧k. Ijo em̧ōj kōmālimi im kar kōļļāik jān iunit ko ilo jikin eo, kurup ko remaron̄ barāinwōt ļōmņak in kareelel ilo social media ak ilo web page eo an ward eo ak stake eo ilo jikin eo. M̧okta jān jino jabdewōt m̧ōņōkjān kareelel ko, etale unin tōl ko an kien (legal) ijo jokwe ie ilo englishconnect.org/leader/approved-locations.

Karuwaineneik rikkatak ro. Ejaake juon karōk kōn wāween am̧ naaj karuwaineneik rikkatak ro n̄e rej rejijtōr n̄an kurup.

Karuwaineneik ro m̧ōttad jān kabun̄ ko jet. Kar kōketak eok n̄an kobaik armej ro jān pedped in tōmak ko rooktak. Aolep iien kwaļo̧k kautiej n̄an tōmak ko an ro jet ilo am̧ peļļo̧k ilo kwaļo̧k tōmak eo am̧ bwe Anij emaron̄ jipan̄ ribōk kuņaan ro katak kajin In̄lij.

Ļōmņak in karuwaineneik jodikdik ro. Kwomaron̄ ejaaki kurup ko n̄an baj wōt jodikdik ro, ak kwomaron̄ karuwaineneik jodikdik ro n̄an kobatok ippān rūtto ro. Ilo EnglishConnect eo, diktak in epepen eo rej katak kilen bōk jipan̄ eo an Anij n̄an katak kajin In̄lij. Katak kein remaron̄ jipan̄ er wōr tōmak bwe Anij enaaj jipan̄ er ilo aolep m̧ōttan ko ilo mour ko aer.

Ļoor Church policies for protecting youth (Kakien ko an Kabun̄ in kōj kōjparok jodikdik ro). Ro eiet uwaer (ro dettaer 18 ak dikļo̧k im jokwe ilo m̧weo) aikuj wōr juon boom̧ in peba in mālim an jinen im jemān kar jaini m̧okta jān pād ippān kurup eo. Boom̧ ko ewōr ilo elōn̄ kajin ko ilo englishconnect.org/resources/leader. Ilo kakkobaba, kurup ko an EnglishConnect rej aikuj aolep iien ļoor kakien eo an Kabun̄ in me diktata ewōr ruo rūtto ro rōkeke pād ilo aolep iien ilo kweilo̧k ko an kurup eo. Kakien kein rej aikuj ļoor jekdo̧o̧n̄ eļan̄n̄e kurup eo ej kweilo̧k kōjerbal intōrnet.

Katakin rikkatak ro kōn EnglishConnect eo im BYU–Pathway Worldwide jikin jeļāļo̧kjeņ eo im iaļ in jikin jerbal. EnglishConnect eo im BYU–Pathway Worldwide rej leļo̧k juon iaļ n̄an rikkatak ro n̄an bōk kapeel ko rekāāl ilo juon mejatoto in jemjerā im tōmak. Kwomaron̄ lo kein jipan̄ ko ilo byupathway.org/englishconnect.

Jipan̄ rikkatak ro deļo̧n̄ ilo EnglishConnect 3. Lale jekjōn eo an “Connecting Learners to EnglishConnect 3 Groups (Kakkejel Rikkatak ro n̄an EnglishConnect 3 Kumi ko).”

Ekkejel ippān mijenede in jerbal in jipan̄ ro an BYU–Pathway Worldwide ilo jikin eo. Ekōnono kōn wāween ko n̄an rie rikkatak ro ilo aer em̧m̧akūt jān EnglishConnect 3 n̄an BYU–Pathway Worldwide.

Ekkejel ippān dam̧oļo̧k in kein jipan̄ ko an Kabun̄ in. Kōm̧m̧ani karōk ko n̄an kakkeijel ribōk ro rej bōk koņaer kōn kein jipan̄ ko jet an Kabun̄ in, ko āinwōt kurup ko an un̄n̄are peid make, m̧akūtkūt ko an jodikdik, im iien ko rem̧m̧an n̄an katak eļapļo̧k kōn gospel eo an Jisōs Kraist. Lale peij eo an “Emotional, Educational, and Employment Resources” ilo ChurchofJesusChrist.org kōn elōn̄ļo̧k meļeļe.