Jibadbad eo

EnglishConnect eo ej juon būrookraam̧ in katak-kajin Pālle kar ejaak jān Kabun̄ eo an Jisōs Kraist im Armej ro Rekwojarjar ilo Raan Ko Āliktata. Jibadbad eo an EnglishConnect eo ej n̄an jipan̄ kajjojo armej kōļapļo̧k an ūn̄n̄are pein make ilo jetōb im kanniōk ilo an kōlapļo̧k kapeel ko an ilo kajin Pālle ilo juon mejatoto an tōmak, jemjerā, im eddōkļo̧k.

EnglishConnect ej Rie Jerbal in Lo̧mo̧o̧r eo im Mour Ijo EutiejTata ippān Anij

EnglishConnect eo emaron̄ jipan̄ ajri ro nejin Anij:

Mour kōn gospel eo an Jisōs Kraist. Ilo EnglishConnect eo, ro rej bōk koņaer rej kōjerbal pedped in katak ko an katak “jān katak im barāinwōt jān tōmak” (Katak im Bujen Ko 88:118). Rūkaki ro im rikkatak ro rej kōkajoorļo̧k tōmak eo aer ilo aer kappukōt im bōk jipan̄ eo an Irooj. (Waanjon̄k ko)
Kea kōn ro rej pād ilo aikuj. Kapeel ko an kajin Pālle remaron̄ kōļapļo̧k iien ko rem̧m̧an n̄an un̄n̄are peid make im jerbal in jipan̄. EnglishConnect eo ej jipan̄ ro rej bōk koņaer m̧aanjabpopo n̄an iien ko rem̧m̧an n̄an jerbal in jipan̄, jerbal, im jeļāļo̧kjeņ. Ilo kakkobaba, ro rej bōk koņaer im jipan̄ im iakwe doon ilo aer katakin im katak ippān doon. (Waanjon̄ak ko)
Karuwaineneik aolep n̄an bōk gospel eo. Ilo kurup ko an EnglishConnect, ro rej bōk koņaer rej katak im kōjerbal pedped in katak ko an gospel eo im kalōk jemjerā ko. Ilo aolepān EnglishConnect eo, ro rej bōk koņaer ewōr aer iien em̧m̧an n̄an ļoor Jetōb eo ilo aer iakwe, kwaļo̧k, im karuwaineneik ro jet n̄an en̄jake kōjeraam̧m̧an ko an gospel eo. (Waanjon̄ak ko)