« Hi’ora’a nō te fa’ahi’ora’a », Buka arata’i nō te fa’a’ohipa i te EnglishConnect (2023)
« Hi’ora’a nō te fa’ahi’ora’a », Buka arata’i nō te fa’a’ohipa i te EnglishConnect
Hi’ora’a nō te fa’ahi’ora’a
Teie i raro nei te tahi mau hi’ora’a o tē nehenehe e fa’ahitihia e te tahi atu mau pu’e parau ’e o tei tu’u-tā’āto’a-hia i roto i te « ’āfata » o te Vaira’a buka ’evanelia.
Hiʼoraʼa fa’ata’ahia 1
’Ā’amu 1—Maria
’Ua ha’api’i mai Maria nāhea ’ia fa’ari’i i te tauturu a te Atua nō te ha’api’i mai i te reo Peretāne. ’Ua rahi atu tōna fa’aro’o ’e tōna ti’aturira’a i te Atua, ’e tē ’imi nei ’oia i tāna tauturu i roto i te tahi atu mau tuha’a o tōna orara’a. Tē fa’a’ohipa nei ’oia i teienei i te mau parau tumu nō te ha’api’ira’a nō te ha’amaita’i i tāna tuatāpapara’a i te ’evanelia.
’Ā’amu 2—Koffi
E ’ere ’o Koffi i te mea itoito i roto i te ’Ēkālesia e tae roa i te taime ’a tītau manihini ai te hō’ē melo iāna i roto i te hō’ē pupu EnglishConnect. ’Ua tauturu tōna mau ’itera’a e te tahi atu mau pīahi ’ia fa’atupu fa’ahou i tōna hina’aro ’ia ha’afātata i te Mesia. Tē haere tāmau nei ’oia i teienei i te purera’a, tē tāvini nei ’oia ma te ha’apa’o maita’i i roto i te hō’ē pi’ira’a, ’e tē tāvini nei ’oia i te tahi atu mau ta’ata.
Hi’ora’a fa’ata’ahia 2
’Ā’amu 1—Excellent
’Ua fa’aoti o Excellent nō te Repubilita Demotaratia nō Congo i te EnglishConnect 2 ’e ’ua fa’arahi ’oia i tāna ’ohipa tapiho’ora’a nō te tāvini i te mau rātere nā te ao nei, ’e ’ua tāta’ipiti tāna moni ’ohipa. E tauturu ato’a ’o Excellent nō te aupuru ia vetahi ’ē ’ei ’orometua ha’api’i nō te EnglishConnect.
’Ā’amu 2—Zheng Min
’Ua ha’amaita’i Zheng Min i tōna ’aravihi i te reo Peretāne nā roto i te EnglishConnect ’e ’ua tāpa’o ’oia iāna i roto i te BYU-Pathway Worldwide. Nō tōna ’ite i te reo Peretāne, ’ua roa’a tāna ’ohipa ’aufau-maita’i-hia ’a ha’api’i ai ’oia i BYU-Pathway Worldwide.
Hiʼoraʼa fa’ata’ahia 3
’Ā’amu 1—Lucas
’Ua ani manihini Lucas i tōna mau hoa i ni’a i te rēni tūreiara’a tōtiare ’ia ’āmui i roto i te hō’ē pupu EnglishConnect ē ’ōna. ’Ua ’ite Maria i tāna rata ’e ’ua fa’aoti e haere nā muri iāna. ’Ua fa’auruhia Maria e te fa’aro’o ’e te auhoara’a tāna i fa’ari’i ’e ’ua fa’aoti ’oia e ha’api’i rahi atu ā nō ni’a i te ’Ēkālesia nā roto mai i te mau misiōnare. ’Ua fa’aoti ’oia ’ia bāpetizohia ’e e ’orometua ha’api’i ’oi nō EnglishConnect 1 i teienei.