Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 191 – Rëndësia e Arsimimit: Arsimimi Është Jetik për Përparimin Tonë

“Mësimi 191 – Rëndësia e Arsimimit: Arsimimi Është Jetik për Përparimin Tonë”, Manuali i Mësuesit të Seminarit për Doktrinën e Besëlidhjet (2025)

“Rëndësia e Arsimimit”, Manuali i Mësuesit të Seminarit për Doktrinën e Besëlidhjet

Mësimi 191: Përgatitja për Arsimimin dhe Punësimin e Ardhshëm

Rëndësia e Arsimimit

Arsimimi Është Jetik për Përparimin Tonë

Ati Qiellor dhe Jezu Krishti duan që ne të mësojmë dhe marrim arsimim gjatë gjithë jetës. Bërja e kësaj është jetike për përparimin tonë në tokë dhe gjatë gjithë përjetësisë. Ky mësim mund t’i ndihmojë nxënësit të kuptojnë rëndësinë e arsimimit.

Veprimtari të Mundshme të të Mësuarit

Përse është i rëndësishëm arsimimi?

Për t’i ndihmuar nxënësit të fillojnë të mendojnë rreth rëndësisë së arsimimit, merreni parasysh të tregoni skenarin vijues:

Imagjinoni sikur është një nxënëse e quajtur Sara së cilës nuk i pëlqen shkolla. Ajo mendon se shkolla ia çon dëm kohën dhe i shkakton shumë stres. Krahas këtyre, ajo nuk ka shumë shtysë për të mësuar sepse nuk ka dalë kurrë mirë në shkollë. Ajo do të preferonte të kalonte kohë me shokë e shoqe, të çlodhej në shtëpi ose të shkonte në punë.

Ftojini nxënësit të mendojnë a kanë pasur ndonjëherë shqetësime si ato të Sarës. Shpjegoni se ky mësim do t’i ndihmojë ata të mësojnë pse Ati Qiellor dhe Jezu Krishti duan që ne të marrim një arsimim.

Mund të jetë e dobishme t’u kujtoni nxënësve se arsimimi mund të përfshijë të mësuarit që ndodh në mjedise formale, si shkolla. Arsimimi mund të përfshijë edhe të mësuarit që ndodh në mjedise joformale, si në shtëpi ose në veprimtari të tjera të përditshme.

Në krye të një faqeje në ditarin tënd të studimit, vendos një titull: “Përse është i rëndësishëm arsimimi?” Teksa studion sot, kërko zbulesë nga Ati Qiellor nëpërmjet Frymës së Shenjtë për të parë vlerën e arsimimit në jetën tënde. Shtoji pikëpamjet dhe mbresat e tua shpirtërore në listën e ditarit tënd.

Studioje rëndësinë e arsimimit

Rëndësia e Arsimimit

Shkrimet e shenjta dhe thëniet vijuese nga udhëheqësit e Kishës mund të të ndihmojnë të kuptosh më shumë rreth pritshmërive dhe dëshirave të Zotit që ti të marrësh arsimim. Ndërsa studion, kërko të vërteta rreth rëndësisë së arsimimit.

Shkrimet e shenjta që duhen studiuar:

Doktrina e Besëlidhje 88:77–80, 118; 130:18–19

Mësime nga udhëheqësit e Kishës:

Presidenti Rasëll M. Nelson dha mësim:

“Arsimimi është i juaji për t’u fituar. Askush tjetër nuk mund ta fitojë atë për ju. Kudo që të jeni, zhvilloni një dëshirë të thellë për të mësuar. Për ne si shenjtorë të ditëve të mëvonshme, marrja e një arsimimi nuk është thjesht një privilegj, ajo është një përgjegjësi fetare. ‘Lavdia e Perëndisë është inteligjencë’ (shih te Doktrina e Besëlidhje 93:36). Vërtet, edukimi ynë është për përjetësitë. …

Një këndvështrim i tillë afatgjatë do t’ju ndihmojë të bëni zgjedhje të mira lidhur me të mësuarin.

Mos kini frikë t’i ndiqni synimet tuaja – madje ëndrrat tuaja! Por dijeni që nuk ka mënyrë të shpejtë drejt epërsisë dhe aftësisë. Arsimimi është ndryshimi midis dëshirës që të mund t’i ndihmoni të tjerët dhe të qenit i aftë për t’i ndihmuar ata.” (Russell M. Nelson, “What Will You Choose?” Ensign, janar 2015, f. 32)

Plaku Dejvid A. Bednar, i Kuorumit të Dymbëdhjetë Apostujve, tha:

“Ju dhe unë jemi këtu në tokë për t’u përgatitur për përjetësinë, për të mësuar se si të mësojmë, për të mësuar gjërat që janë të rëndësishme nga ana materiale dhe thelbësore nga ana e përjetësisë dhe për t’u ardhur në ndihmë të tjerëve që të mësojnë urtësinë dhe të vërtetën (shih Doktrina e Besëlidhje 97:1). Të kuptuarit se kush jemi, nga erdhëm dhe pse jemi në tokë vë mbi secilin prej nesh një përgjegjësi të madhe për të mësuar tani si të mësojmë dhe të mësojmë ta duam të mësuarit.” (David A. Bednar, “Learning to Love Learning”, Ensign, shkurt 2010, f. 27)

Presidentja Kamill N. Xhonson, Presidente e Përgjithshme e Shoqatës së Ndihmës, tregoi:

“Ne të gjithë duhet të marrim arsimimin dhe trajnimin që mundemi në mënyrë që të mund të jemi të përgatitur. Të përgatitur për të shërbyer në botë dhe në Kishë. Të përgatitur për të qenë këshilltarë dhe shoqërues të mençur për bashkëshortët dhe bashkëshortet tona. Të përgatitur për të qenë mësues të efektshëm për fëmijët tanë dhe për të rinjtë tek të cilët kemi ndikim. Sa më shumë të mësojmë, aq ndikim më të madh mund të ushtrojmë për mirë.” (Camille N. Johnson, “Seek Learning by Study and by Faith” [takim shpirtëror për UBJ-Pathway Mbarëbotëror, tetor 19, 2021], byupathway.org).

Nga materiali Për Forcën e Rinisë: Një Udhëzues për Bërjen e Zgjedhjeve.

“Ati Qiellor dëshiron që bijat dhe bijtë e Tij të jenë gjithmonë duke mësuar. Ju keni arsye materiale dhe shpirtërore për të kërkuar dhe për ta dashur të mësuarit. Arsimimi nuk ka të bëjë vetëm me fitimin e parave. Është pjesë e synimit tuaj të përjetshëm që të bëheni më shumë si Ati Qiellor. …

Kërkoni mundësi për të zgjeruar mendjen dhe zotësitë tuaja. Këto mundësi mund të përfshijnë arsimin formal në shkollë ose trajnimin profesional, si dhe të mësuarit joformal nga burime që ju i mirëbesoni. Përfshijeni Zotin në përpjekjet tuaja dhe Ai do t’ju udhërrëfejë. Ndërsa mësoni për botën përreth jush, mësoni edhe për Shpëtimtarin, i cili e krijoi botën. Studiojini jetën dhe mësimet e Tij. Bëjeni seminarin, institutin dhe studimin vetjak të ungjillit pjesë të të mësuarit tuaj gjatë gjithë jetës. (Për Forcën e Rinisë: Një Udhëzues për Bërjen e Zgjedhjeve [2022], f. 31)

Nëse i ndatë nxënësit në grupe, ftojini ata t’ia tregojnë gjetjet e tyre anëtarëve të grupit. Përpara se të tregojnë, shpjegoni se një zotësi e rëndësishme që do t’i ndihmojë ata gjatë gjithë jetës është të qenit në gjendje të mendojnë në mënyrë kritike. Mendimi kritik është aftësia për të bërë lidhje mes ideve dhe për t’i vlerësuar ato. Paraqitini udhëzimet vijuese për t’i ndihmuar nxënësit të ushtrojnë mendimin kritik gjatë diskutimit të tyre në grup.

Përmblidhe atë që mësove nga shkrimi i shenjtë dhe thënia që studiove.
Pasi nxënësit t’i kenë thënë të gjitha përmbledhjet, diskutojini pyetjet vijuese:
Çfarë ngjashmërish gjeni te thëniet dhe shkrimet e shenjta për të cilat mësove?
Në ç’mënyrë janë shkrimet e shenjta ose thëniet që studiuat të veçanta nga njëra-tjetra?
A ka ndonjë gjë në një citim ose shkrim të shenjtë që ju jep pikëpamje rreth diçkaje në një citim ose shkrim të shenjtë tjetër?

Të vërtetat rreth rëndësisë së arsimimit

Jepuni nxënësve një mundësi për të treguar të vërtetat që gjetën nga studimi dhe diskutimi i tyre. Mund të shkruani në tabelë pyetjen nga pjesa më herët e mësimit: “Përse është i rëndësishëm arsimimi?” dhe vërini nxënësit të shkruajnë të vërtetat që mësuan rreth pyetjes. Nxënësit mund të tregojnë të vërteta të ngjashme me ato në vijim:

Arsimimi na ndihmon të përgatitemi për shërbim në mbretërinë e Perëndisë (shih te Doktrina e Besëlidhje 88:77–80).
Zoti na urdhëron të kërkojmë të mësojmë (shih te Doktrina e Besëlidhje 88:118).
Njohuria dhe inteligjenca që fitojmë në këtë jetë, ngrihet me ne në Ringjallje (shih te Doktrina e Besëlidhje 130:18–19).
Arsimimi mund të na përgatitë që të bëhemi ndikime më të mëdha për mirë në botë (shih te Camille N. Johnson, “Seek Learning by Study and by Faith”, [takim shpirtëror për UBJ-Pathway Mbarëbotëror, 19 tetor 2021], byupathway.org).

Merreni parasysh të diskutoni pikëpamjet e nxënësve rreth të vërtetave që përcaktuan duke bërë pyetje si këto në vijim:

Cila nga të vërtetat që përcaktove ishte më kuptimplote për ty? Përse?
Si mendon se mund të ndikojë arsimimi në marrëdhënien tënde me Atin Qiellor dhe Jezu Krishtin?
Si i ke parë bekimet e marrjes së arsimimit në jetën tënde ose jetën e të tjerëve?

Shpjegoje me fjalët e tua

Kujtojuani nxënësve skenarin për Sarën nga fillimi i mësimit. Pasi t’ua tregoni udhëzimet vijuese, jepuni nxënësve kohë për të shënuar një përgjigje në ditarët e tyre të studimit.

Duke përdorur atë që mësove dhe ndjeve sot, krijo një përgjigje që mund t’ia tregosh Sarës e cila mund ta ndihmojë atë ta kuptojë më mirë rëndësinë e arsimimit. Në përgjigjen tënde, përfshi të paktën një referencë shkrimi të shenjtë ose thënie nga një udhëheqës i Kishës. Mund të përfshish edhe dëshminë tënde ose të përshkruash përvojat që ke pasur.

Merreni parasysh t’u jepni nxënësve një mundësi për t’ia treguar përgjigjet e tyre një partneri. Disa nxënës të gatshëm mund t’ia tregojnë gjithashtu përgjigjet e tyre klasës.

Mbylleni mësimin duke i ftuar nxënësit të tregojnë atë që kanë mësuar dhe ndier që duan ta mbajnë mend. Ata mund t’i shënojnë mendimet ose ndjenjat tyre në ditarët e tyre të studimit. Merreni parasysh të jepni dëshminë tuaj për rëndësinë e arsimimit.

Burime Shtesë

Si mund të më ndihmojë arsimimi?

Plaku Dejvid A. Bednar, i Kuorumit të Dymbëdhjetë Apostujve, dha mësim:

“Unë mendoj se çelësi i të mësuarit është të mësuarit se si të mësojmë. Çështja nuk është të mësuarit e një formule në matematikë ose të mësuarit përmendsh të një sërë konceptesh nga një libër ekonomie ose diçka tjetër. Për mua, vlera e arsimimit është të kuptosh se çfarë të bësh kur nuk e di se çfarë të bësh. Kjo është ajo që të jep arsimimi. Mund të shkosh te librat, mund të futesh në Google, mund të shkosh në gjithfarëlloj materialesh për referencë. Por çfarë bën kur nuk ka përgjigje te librat? Të gjithë mendojnë se platforma Google di gjithçka – ja që jo. Çfarë bën kur nuk di gjë? Këtë bën të mësuarit. Të pajis. Kjo është argëtuese. Është përfshirëse. Kjo është në zemër të ungjillit – të mësuarit, rritja, përparimi. Prandaj, do t’i ftoja të gjithë këta të rinj e të reja të kërkojnë ndihmën e Frymës së Shenjtë që të mund të mësojnë si të mësojnë dhe të mësojnë ta duan të mësuarit.” (David A. Bednar, “I Have Learned for Myself” [takim shpirtëror për UBJ-Pathway Mbarëbotëror 23 tetor 2018], byupathway.org)

Plaku Robert D. Hejls (1932–2017), i Kuorumit të Dymbëdhjetë Apostujve, dha mësim:

14:33

“Arsimimi ju përgatit për mundësi më të mira punësimi. Ai ju vendos në një pozicion më të mirë për të shërbyer e për t’i bekuar njerëzit rreth jush. Ai do t’ju vendosë në një udhë të të mësuarit të përjetshëm. Ai do t’ju forcojë për të luftuar kundër mosdijes dhe gabimit. Siç dha mësim Jozef Smithi: ‘Dituria i heq errësirën, pasigurinë dhe dyshimin; sepse këto nuk mund të ekzistojnë aty ku është dituria. … Në diturinë ka fuqi’ [Mësimet e Presidentëve të Kishës: Jozef Smith (2009), f. 281]. … Arsimimi do t’ju përgatitë për atë që është përpara, duke përfshirë martesën.” (Robert D. Hejls, “Përballja me Sfidat e Botës së Sotme”, Liahona, nëntor 2015, f. 45)

Veprimtari Plotësuese të të Mësuarit

Të mësojmë ta duam të mësuarit

Thëniet nga Plaku Dejvid A. Bednar në fletushkën brenda mësimit dhe në pjesën “Burimet Shtesë” përmendin të mësuarit se si ta duam të mësuarit. Nëse nxënësit do të kishin dobi nga udhëzimi shtesë rreth mënyrës se si ta duan të mësuarit, merreni parasysh të diskutoni pyetjet vijuese:

Çfarë ka për t’u pëlqyer tek të mësuarit? Përse ndonjëherë na ikën nga mendja kjo?
Kë e njihni që duket se do të mësuarit? Çfarë bën ai ose ajo që e demonstron dashurinë e vet për të mësuarit?
Çfarë mund t’ju ndihmojë që t’ju shtohet dashuria për të mësuarit?

Ftojini nxënësit të tregojnë mënyrat se si kanë zhvilluar një vlerësim ose madje dashuri për të mësuarit dhe mundësitë për arsimim. Merreni parasysh t’i renditni këto në tabelë. Ndihmojini nxënësit të shohin se sa më shumë arrijmë ta vlerësojmë të mësuarit dhe arsimimin, aq më shumë do të punojmë fort për të mësuar, për t’u rritur dhe përmirësuar.

Si mund të bëhem një nxënës më i mirë tani?

Nxënësit mund të shkurajohen kur ndiejnë se nuk janë të zotët për të mësuar. Disa mund të kenë vështirësi në mjedise formale ose joformale por Zoti do t’i ndihmojë. Sugjerimet vijuese mund t’i udhërrëfejnë nxënësit ndërsa ndjekin të mësuarit emocional, intelektual dhe shpirtëror.

Ushtroni besim. Nëse beson se Perëndia mund të të ndihmojë të arrish ekzaltimin, mund të të duket më e lehtë të besosh se Ai mund të të ndihmojë të mësosh matematikën ose cilëndo lëndë me të cilën ke vështirësi. Mbaj një këndvështrim të përjetshëm. Ushtrimi i besimit të ndihmon të jesh mirënjohës/e për përshtypjet edhe kur kjo do të thotë që humbe pikë në provim ose që duhet ta bësh diçka nga e para përsëri.
Ji i/e qëllimshëm/me në shtysën tënde për të mësuar. Nxënësit që përpiqen të përmbushin kërkesat dhe afatet e kursit me ngutje, me shpërfillje, ose sa për t’i hequr nga lista, mund të humbasin mundësi për të mësuar. Në dallim, nxënësit që kërkojnë lidhje, mundësi dhe një ndjesi qëllimi mund të shndërrohen nga përvoja e arsimimit. Ata mësojnë në mënyrë që të mund të ndryshojnë, përmirësohen dhe të rriten.
Ji i gatshëm të ndryshosh. Të qenit i gatshëm për të ndryshuar dhe për të përcaktuar mënyrën tënde të tanishme të të menduarit dhe vepruarit mund të jetë duke e kufizuar aftësinë tënde për të mësuar. Kërko mënyra për t’u përmirësuar kur rezultati yt në një provim ose detyrë është më i dobët nga sa e prisje. Ndryshimi mund të sjellë rezultate të reja.
Kërko mundësi për të mësuar dhe për t’u rritur. Për shkak se arsimimi është i rëndësishëm për Zotin, ndërsa kërkon mundësi për të mësuar e për t’u rritur, do të afrohesh më shumë me Jezu Krishtin dhe do të gjesh forcë emocionale, intelektuale dhe shpirtërore.