“Krishti i Gjallë: Vështrim i Përgjithshëm”, Manuali i Mësuesit të Seminarit për Doktrinën e Besëlidhjet (2025)
“Krishti i Gjallë”, Manuali i Mësuesit të Seminarit për Doktrinën e Besëlidhjet
Krishti i Gjallë
Krishti i Gjallë
Vështrim i Përgjithshëm
Në vitin 2000, Presidenca e Parë dhe Kuorumi i Dymbëdhjetë Apostujve nxorën deklaratën “Krishti i Gjallë: Dëshmia e Apostujve” për të përkujtuar përvjetorin e 2000-të të lindjes së Shpëtimtarit. Në të shpallen të vërteta të rëndësishme rreth Shpëtimtarit që mund të na ndihmojnë dhe bekojnë.
Ndihmojini nxënësit të arrijnë ta njohin Jezu Krishtin: Ndërsa nxënësit arrijnë ta njohin vetë Shpëtimtarin, ata do të mësojnë nga Ai dhe të përpiqen fort qëllimisht që të bëhen si Ai. Ata do të kenë më shumë të ngjarë të drejtohen tek Ai për ndihmë, shpresë dhe shërim gjatë gjithë jetës së tyre. Ata do të jenë në gjendje ta ndiejnë dashurinë e Perëndisë. Për më shumë mbi mënyrën se si t’i ndihmoni nxënësit ta thellojnë kuptueshmërinë e tyre për Krishtin, shihni pjesën “Jepni mësim për titujt, rolet dhe cilësitë e Jezu Krishtit” te Mësimdhënia sipas Mënyrës së Shpëtimtarit. Mund të shihni edhe një shembull mbi mënyrën se si ta bëni këtë në mësimin e kësaj jave të titulluar “Krishti i Gjallë, Pjesa 1”.
Përgatituni të Jepni Mësim
Informacioni i mëposhtëm ju siguron ide mbi ato që mund të nevojitet të përgatitni paraprakisht për çdo mësim.
Krishti i Gjallë, Pjesa 1
Qëllimi i mësimit: T’i ndihmojë nxënësit ta thellojnë kuptueshmërinë e tyre për Jezu Krishtin.
-
Përgatitja e nxënësve: Ftojini nxënësit të lexojnë “Krishti i Gjallë: Dëshmia e Apostujve” si pjesë e studimit të tyre vetjak të shkrimeve të shenjta, duke kërkuar të vërteta të rëndësishme rreth Shpëtimtarit.
-
Figura: Jezu Krishti; bota
-
Materiale: Kopje të materialit “Krishti i Gjallë: Dëshmia e Apostujve” (Përndryshe, ftojini nxënësit ta gjejnë atë në ditarët e tyre të studimit.)
-
Materiale filmike: “Konferenca e Përgjithshme: Forcimi i Besimit dhe i Dëshmisë” (15:49; shikoje nga kodi kohor 6:13 deri në 6:56); “Excerpts from ‘The Living Christ: The Testimony of the Apostles’” [“Pjesë të Shkëputura nga ‘Krishti i Gjallë: Dëshmia e Apostujve’”] (2:45)
Krishti i Gjallë, Pjesa 2
Qëllimi i mësimit: T’i ndihmojë nxënësit t’ua tregojnë mendimet dhe ndjenjat e tyre rreth Jezu Krishtit të tjerëve.
-
Përgatitja e nxënësve: Ftojini nxënësit të shqyrtojnë “Krishti i Gjallë: Dëshmia e Apostujve” dhe të përcaktojnë frazat që do të donin t’ua tregonin të tjerëve. Inkurajojini ata të ndjekin çdo nxitje që marrin rreth asaj që duan të tregojnë dhe kujt t’ia tregojnë.
-
Send për t’u paraqitur: Diçka që ju e pëlqeni dhe dëshironi t’ia tregoni klasës suaj, si për shembull një figurë, një përvojë ose një ushqim i parapëlqyer
-
Materiale: Letër dhe mjete për të shkruar; revista të vjetra të Kishës, nëse janë në dispozicion, që nxënësit të presin figura ose fjalë për të krijuar një kolazh
-
Material filmik: “Memorize ‘The Living Christ’: Goal Setting Ideas” [“Mësojeni Përmendsh Dokumentin ‘Krishti i Gjallë’: Ide për Vendosjen e Synimeve”] (2:05)