Doktrina e Besëlidhje 126

Fillojeni duke bërë pyetje si ato vijueset:

• Si ndiheni rreth të folurit në publik? Përse?

Lexojeni ose përmblidheni sa vijon:

Një nga sfidat më të mëdha të Brigam Jangut ishte të folurit në publik. Ai tha: “Isha po aq i varfër nga të folurit sa mund të ishte çdo njeri” (në Journal of Discourses, 5:97). Ai kujtoi një kohë kur, një javë pas pagëzimit të tij, priste që katër folës me përvojë, të cilët ishin anëtarë të Kishës, të predikonin, por ata nuk e bënë. Ai tha:

“Isha veçse një fëmijë, për sa i përket të folurit në publik dhe një njohurie për botën; por Shpirti i Zotit erdhi mbi mua dhe ndjeva sikur kockat do të më bluheshin po të mos u flisja njerëzve dhe t’u thosha atë që kisha parë, dëgjuar dhe mësuar – atë që kisha përjetuar dhe prej së cilës isha gëzuar dhe ligjërata e parë që mbajta zgjati mbi një orë. E hapa gojën dhe Zoti e mbushi atë me fjalë.” (Brigham Young, në Journal of Discourses, 13:211)

• Çfarë kishte të vështirë tek ajo që bëri Brigam Jangu?

Ftojini nxënësit të lexojnë te Doktrina e Besëlidhje 100:5–6 (shihni edhe tek Eksodi 4:12; Fjalët e Urta 16:1). Më pas pyetni:

• Si lidhej përvoja e Brigam Jangut me këto vargje?

• Çfarë mësoni rreth Zotit që mund t’ju ndihmojë?

Tregoni se si ndiheni për mirëbesimin te Zoti dhe të qenit të gatshëm të tregoni atë që dini.

Fillojeni duke bërë një pyetje si ajo në vijim:

• Çfarë sakrificash duhen për të shërbyer në një mision?

Lexojeni ose përmblidheni sa vijon:

Po atë vit kur Brigam Jangu u pagëzua, bashkëshortja e tij ndërroi jetë. Me sakrificë të madhe, ai gjeti dikë që të kujdesej për dy fëmijët e tij dhe shërbeu në misionet në Nju‑Jork dhe Kanada, ku pagëzoi disa njerëz.

Pasi shërbeu në mision për thuajse një vit, Brigami përshkroi mbërritjen e tij në Kirtland, Ohajo:

“Nëse ndonjë njeri që u grumbullua me shenjtorët qe më i varfër nga sa isha unë – qe sepse ai nuk kishte asgjë. … Unë kisha dy fëmijë për të cilët të kujdesesha. … Isha i ve. … [Nuk kisha] asnjë këpucë në këmbët e mia, përveç një palë çizmeve të huajtura. Nuk kisha veshje dimri, përveç një palltoje të bërë vetë që e kisha prej tre apo katër vitesh. … Unë kisha udhëtuar dhe predikuar, dhe kisha dhënë çdo dollar që zotëroja.” (Teachings of Presidents of the Church: Brigham Young [1997], f. 243)

Ftojeni një nxënës të lexojë te Lluka 18:18–23, duke kërkuar se si përgjigjja e Brigam Jangut ndaj ftesave për të shërbyer qe ndryshe nga njeriu që ndërveproi me Shpëtimtarin në këtë tregim.

• Çfarë dini rreth Zotit që mund të na ndihmojë të jemi të gatshëm të bëjmë sakrifica ashtu siç bëri Brigam Jangu?

• Krahas shërbimit në misione, cilat janë disa mënyra të tjera se si Zoti mund të dëshirojë që ne të sakrifikojmë për t’i shërbyer Atij?

Tregoni se si ndiheni rreth të qenit të gatshëm të sakrifikojmë për t’i shërbyer Zotit.

Fillojeni duke bërë një pyetje si ajo në vijim:

• Cilat janë disa arsye pse një misionar/e ka nevojë për ndihmën e Zotit?

Lexojeni ose përmblidheni sa vijon:

Pasi u rimartua dhe shërbeu në pesë misione të tjera, Brigami u thirr, me Apostujt e tjerë, të shërbente në një mision në Angli.

Brigami e përshkroi misionin e tij:

“Ne zbarkuam … si të huaj në një tokë të panjohur dhe pas asnjë kacidhe, por nëpërmjet mëshirës së Perëndisë bëmë shumë miq, themeluam Kisha në pothuajse çdo qytezë dhe qytet me nam në mbretërinë e Britanisë së Madhe, pagëzuam mes shtatë deri tetë mijë njerëz, shtypëm 5000 kopje të Librit të Mormoni … dhe i lamë të mbjella në zemrat e shumë mijëra njerëzve farat e së vërtetës së përjetshme … : në të gjitha këto gjëra unë dalloj dorën e Perëndisë.” (Teachings of Presidents of the Church: Brigham Young [1997], f. 6)

Ftojeni një nxënës t’i lexojë fjalët e Amonit tek Alma 26:12–13. Më pas pyetni:

• Si krahasohet deklarata e Brigam Jangut me atë të Amonit?

• Pse mendon se mbështetja te Zoti është thelbësore kur përpiqemi t’i shërbejmë Atij?

• Si je përpjekur të mbështetesh te Zoti ndërsa i shërben Atij?

Shprehi mendimet ose ndjenjat e tua rreth mbështetjes te Zoti ndërsa i shërben Atij.