Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 133 – Doktrina e Besëlidhje 122: “Gjithë Këto Gjëra … do të Jenë për të Mirën Tënde”

“Mësimi 133 – Doktrina e Besëlidhje 122: ‘Gjithë Këto Gjëra … do të Jenë për të Mirën Tënde’”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 122”, Manuali i Mësuesit të Seminarit për Doktrinën e Besëlidhjet

Mësimi 133: Doktrina e Besëlidhje 121–123

Doktrina e Besëlidhje 122

“Gjithë Këto Gjëra … do të Jenë për të Mirën Tënde”

Ndërkohë që Profeti Jozef Smith vuante në Burgun e Libertisë, Perëndia i dha mësimin se megjithëse vuajtja e tij ishte e thellë dhe e dhembshme, ajo do ta ndihmonte të bëhej më shumë si Krishti. Ky mësim mund t’i ndihmojë nxënësit të kuptojnë se për shkak të Jezu Krishtit, edhe përvojat e vështira mund të na ndihmojnë të përparojmë dhe të bëhemi më shumë si Ai.

Veprimtari të Mundshme të të Mësuarit

Të lëmuar nëpërmjet mundimit

Merreni parasysh t’i paraqitni fotografitë vijuese të gurëve të ashpër dhe të lëmuar. Përndryshe, ju mund të sillni gurë të ashpër dhe të lëmuar ose gurë të butë që nxënësit t’i shohin dhe t’i përdorin.

gurë të ashpër kundrejt gurëve të lëmuar

Çfarë duhet që gurët e ashpër të bëhen të butë ose të lëmuar?

Ju mund të shpjegoni se gurët mund të bëhen të lëmuar duke i fërkuar dhe duke i përplasur me gurë të tjerë ose rërë përgjatë një periudhe të zgjatur. Ky proces i lëmon cepat e tyre dhe zbulon ngjyrat e tyre më të thella, natyrale.

Profeti Jozef Smith tregoi sa vijon rreth vetes:

“Unë jam si një gur gjigant, i palëmuar, që rrokulliset poshtë nga një mal i lartë; dhe e vetmja gdhendje që marr është kur ndonjë cep lëmohet duke ardhur në kontakt me diçka tjetër me forcë të përshpejtuar … ; … duke hequr një cep këtu e një cep atje; kështu, do të bëhem një shigjetë e butë dhe e lëmuar në kukurën e të Plotfuqishmit.” (Joseph Smith, në History, 1838–1856 [Dorëshkrimi i Historisë së Kishës], vëllimi D‑1, 1556, josephsmithpapers.org)

Çfarë mundimesh të vijnë ndër mend nga jeta e Jozef Smithit që mund ta kenë ndihmuar atë të bëhej një mjet në duart e Zotit?

Ndërsa studion sot, mendo rreth arsyes përse Ati ynë i dashur në Qiell do të të lejonte të përjetoje sprova të dhembshme. Përsiat se si Shpëtimtari mund të të ndihmojë të bëhesh më shumë si Ai nëpërmjet mundimeve dhe vuajtjes që mund të përjetosh në jetë.

Mundimet mund të jenë për të mirën tonë

Gjatë dimrit të viteve 1838–1839, Jozef Smithi dhe udhëheqës të tjerë të Kishës u burgosën pa të drejtë në Burgun e Libertisë dhe vuajtën mundime të forta. Si pjesë të një letre të frymëzuar për shenjtorët e përvuajtur, Jozefi përfshiu të vërtetat që Perëndia ia zbuloi atij rreth vuajtjes që ai po përjetonte.

Merreni parasysh t’i ftoni nxënësit të lexojnë dhe ta diskutojnë në grupe të vogla atë që mësojnë nga vargjet më poshtë. Nëse është e nevojshme, ju mund t’i nxitni diskutimet në grup me pyetje si këto:

Cilat të vërteta e shihni Perëndinë t’ia japë mësim Jozefit në këto vargje?
Përse këto të vërteta mund të jenë të vështira për t’u dëgjuar kur kaloni një sprovë?
Përse mund të jenë të vërteta të tilla një bekim për t’u dëgjuar gjatë një mundimi?

Lexo te Doktrina e Besëlidhje 122:5–7, duke kërkuar atë që Perëndia donte që Jozefi të kuptonte rreth sprovave që i ishin dashur t’i duronte në jetën e tij.

Pasi grupet të kenë pasur një mundësi për të diskutuar, ju mund të ftoni një përfaqësues nga secili grup që të tregojë një të vërtetë që e mësoi. Nëse është e nevojshme, ndihmojini nxënësit të përcaktojnë një të vërtetë të ngjashme me atë në vijim: Perëndia na lejon të kalojmë mundime për shkak se Ai e di që ato mund të na japin përvojë dhe mund të jenë për të mirën tonë.

Si mendon, çfarë do të thotë se mundimet mund të na japin “përvojë” dhe mund të jenë “për të mirën [tonë]”? (Vargu 7.)
Si mund të lidhet kjo e vërtetë me gurët e ashpër dhe të lëmuar nga fillimi i këtij mësimi?

Merreni parasysh ta shkruani frazën “Nëse duhet të durosh …” në tabelë. Më pas renditini përgjigjet e nxënësve për pyetjet vijuese:
Me çfarë mundimesh përballen shumë adoleshentë sot?
Përse është e rëndësishme në këto situata që ta kuptosh atë që Perëndia i dha mësim Profetit Jozef Smith?

Pyetja e radhës mund të jetë një mundësi e pashoqe që nxënësit të mendojnë, tregojnë dhe dëgjojnë përvojat e të tjerëve. Merreni parasysh të ndaleni që vullnetarë të shumtë të përgjigjen.
Kur ke përjetuar ti ose një njeriu yt i dashur mundim që përfundimisht u bë një bekim?
Çfarë mund të nevojitet që të bëjë një person për të lejuar që mundimi i tij t’i japë atij përvojë dhe të jetë për të mirën e tij?

Të kujtuarit e Jezu Krishtit në mundimet tona

Të Kujtuarit e Jezu Krishtit në Mundimet Tona

Lexo te Doktrina e Besëlidhje 122:8–9 dhe përpiqu të imagjinosh sikur Perëndia po të flet drejtpërdrejt rreth situatave me të cilat po përballeni ti dhe familja jote. Shenjoji frazat që Ai dha mësim, që janë të rëndësishme që ti t’i dëgjosh. Ti mund të duash t’i shënosh mendimet dhe ndjenjat që ke, në ditarin tënd të studimit ose në shkrimet e shenjta.

Lexo te Alma 7:11–12 dhe thënien vijuese nga Presidenti Henri B. Ajring, i Presidencës së Parë. Shënoje atë që japin mësim ata rreth Shpëtimtarit që të ndihmon t’i kuptosh më mirë vargjet te Doktrina e Besëlidhje 122:8–9.

“Kur e pyesni veten se sa shumë dhembje mund të duroni ashtu siç duhet, kujtojeni Atë. Ai e vuajti atë që po vuani, në mënyrë që Ai të mund të dinte se si t’ju lartësonte moralisht. Ai mund të mos e heqë barrën, por Ai do t’ju japë forcë, ngushëllim e shpresë. Ai e di udhën. Ai e piu kupën e hidhur. Ai e duroi vuajtjen e të gjithëve.

Ju po ushqeheni shpirtërisht dhe po ngushëlloheni nga një Shpëtimtar i dashur, i cili e di se si t’ju ndihmojë në çfarëdo provash që hasni.” (Henri B. Ajring, “Të Vënë në Provë, të Provuar dhe të Lëmuar”, Liahona, nëntor 2020, f. 97)

Si mund të jetë e dobishme që ti gjatë sprovave ta dish se Jezu Krishti “ka zbritur nën këto të gjitha”? (Doktrina e Besëlidhje 122:8.) Përse mendon se Ai do ta bënte atë?
Cilat shkrime të tjera të shenjta kanë qenë kuptimplota për ty ndërsa ke përjetuar mundime?

Jepuni kohë nxënësve që t’ia tregojnë një pjesë të asaj që mësuan, një partneri ose klasës. Nxitini ata të tregojnë çdo shkrim të shenjtë që ka qenë kuptimplotë për ta ndërsa kanë përjetuar mundime.

Merreni parasysh t’i ftoni nxënësit të reflektojnë përsëri mbi mënyrën se si sfidat e tyre po u japin trajtë atyre. Ftojini ata ta përsiatin pyetjen vijuese:

Çfarë ke mësuar ose ndier sot rreth Jezu Krishtit që mund të të ndihmojë ndërsa kalon nëpër mundimet e tua?

Merreni parasysh ta përmbyllni me dëshminë tuaj se nëpërmjet Jezu Krishtit, të gjitha mundimet tona mund të na japin përvojë dhe mund të jenë për të mirën tonë.

Burime Shtesë

Si mund të përfitojmë nga të gjitha vuajtjet tona?

Plaku Nil L. Andersen, i Kuorumit të Dymbëdhjetë Apostujve, dha mësim:

15:37

“Vëllezërit e motrat e mia, është premtimi im për ju se rritja e besimit tuaj te Zoti Jezu Krisht do t’ju sjellë forcë të shtuar dhe shpresë më të madhe. Juve, të drejtëve, Shëruesi i shpirtrave tanë, në kohën e Tij dhe sipas mënyrës së Tij, do t’jua shërojë të gjitha plagët. Asnjë padrejtësi, asnjë përndjekje, asnjë sprovë, asnjë trishtim, asnjë brengë, asnjë vuajtje, asnjë plagë – sado e thellë, sado e gjerë, sado e dhembshme – nuk do të përjashtohet nga ngushëllimi, paqja dhe shpresa e përhershme e Atij, krahët e hapur dhe duart e plagosura të së Cilit do të na mirëpresin përsëri në praninë e Tij. Atë ditë, dëshmon Apostulli Gjon, të drejtët ‘që [vijnë] nga shtrëngimi i madh’ [Zbulesa 7:14] do të qëndrojnë të ‘veshur me rroba të bardha … përpara fronit të Perëndisë’. Qengji ‘do të banojë … mes [nesh] … dhe Perëndia do të thajë çdo lot nga sytë [tuaj]’ [shih te Zbulesa 7:13, 15, 17]. Kjo ditë do të vijë. Unë dëshmoj kështu, në emrin e Jezu Krishtit, amen.” (Nil L. Andersen, “Të Plagosur”, Liahona, nëntor 2018, f. 86)

Plaku Geri E. Stivenson, i Kuorumit të Dymbëdhjetë Apostujve, tha:

14:7

“Vëllezër e motra, unë besoj se një ditë, secili prej jush do ta kthejë kujtesën pas te ngjarjet e anuluara, trishtimi, zhgënjimet dhe vetmia që i shoqëruan kohët sfiduese që po kalojmë, për ta kuptuar se ato u mbështollën nga bekime të zgjedhura dhe me besim e dëshmi të shtuara. Unë besoj se në këtë jetë dhe në jetën që vjen, vuajtjet tuaja, … burgu juaj i Libertisë, do të shenjtërohen për të mirën tuaj. Lutem që, së bashku me Nefin, ne mund t’i dallojmë vuajtjet gjatë ditëve tona ndërkohë që në të njëjtën kohë të kuptojmë se jemi jashtëzakonisht të favorizuar nga Zoti.

… Jezu Krishti … Vetë nuk ishte i panjohur me vuajtjen dhe si pjesë e Shlyerjes së Tij të pafundme zbriti nën të gjitha gjërat. Ai e kupton pikëllimin, dhembjen dhe dëshpërimin tonë. Ai është Shpëtimtari ynë, Shëlbuesi ynë, shpresa jonë, ngushëllimi ynë dhe Çliruesi ynë.” (Geri E. Stivenson, “Jashtëzakonisht të Favorizuar nga Zoti”, Liahona, nëntor 2020, f. 105)

Përse është vuajtja një pjesë e domosdoshme e vdekshmërisë?

Presidenti Henri B. Ajring, i Presidencës së Parë, tregoi:

15:59

“Me arsye mund të pyesni veten përse një Perëndi i dashur dhe i gjithëfuqishëm lejon që provat tona në vdekshmëri të jenë kaq të vështira. Është ngaqë Ai e di se ne duhet të rritemi në pastërtinë dhe shtatin shpirtëror që të jemi të aftë të jetojmë në praninë e Tij në familje përgjithmonë. Për ta bërë të mundur atë, Ati Qiellor na dha një Shpëtimtar dhe fuqinë për të zgjedhur për veten tonë me anë të besimit që t’i zbatojmë urdhërimet e Tij, të pendohemi dhe kështu të vijmë tek Ai.

Plani i Atit për lumturinë ka në qendër të tij bërjen tonë gjithnjë e më shumë si Biri i Tij i Dashur, Jezu Krishti. Në të gjitha gjërat, shembulli i Shpëtimtarit është udhërrëfyesi ynë më i mirë. Ai nuk u përjashtua nga nevoja për ta provuar veten e Tij. Ai duroi për të gjithë fëmijët e Atit Qiellor, duke paguar çmimin për të gjitha mëkatet tona. Ai e ndjeu vuajtjen e të gjithë atyre që kanë ardhur dhe do të vijnë në vdekshmëri.” (Henri B. Ajring, “Të Vënë në Provë, të Provuar dhe të Lëmuar”, Liahona, nëntor 2020, f. 97)

Si mund të nxitë të kujtuarit e vuajtjes së Shpëtimtarit besnikërinë tonë?

Plaku Alen D. Hejni, i Të Shtatëdhjetëve, dha mësim:

10:25

“Ajo që ka vërtet rëndësi, është se Jezu Krishti, Biri i Perëndisë, vuajti ‘dhimbje dhe hidhërime dhe tundime të çdo lloji’ që ‘ai të mund të dijë, sipas mishit, se si të ndihmojë popullin e tij sipas dobësive të tyre’ [Alma 7:11, 12]. Ajo që ka vërtet rëndësi, është se Ai ishte i gatshëm të denjonte, të vinte në këtë tokë dhe të zbriste ‘nën gjithçka’ [Doktrina e Besëlidhje 88:6] dhe të vuante ‘mospajtime nga më të fuqishmet që ndonjë njeri’ do të mund të vuante ndonjëherë [Lectures on Faith, f. 59]. Ajo që ka vërtet rëndësi, është që Krishti po lutet për çështjen tonë përpara Atit, ‘duke thënë: Atë, vër re vuajtjet dhe vdekjen e atij që nuk bëri asnjë mëkat, në të cilin ti ishe kënaqur; … si rrjedhim, Atë, kurseji këta vëllezërit e mi që besojnë në emrin tim, që ata të mund të vijnë tek unë dhe të kenë jetë të përhershme’ [Doktrina e Besëlidhje 45:4–5]. Kjo është ajo çfarë me të vërtetë ka rëndësi dhe çfarë duhet të na japë të gjithëve ne shpresë të përtërirë dhe një vendosmëri që të përpiqemi edhe një herë, sepse Ai nuk na ka harruar.” (Alen D. Hejni, “Të Kujtojmë në Cilin Kemi Besuar”, Liahona, nëntor 2015, f. 122–123)

Veprimtari Plotësuese të të Mësuarit

Parimet e marrjes së njohurisë shpirtërore

Për t’i ndihmuar nxënësit të mendojnë më tej rreth mënyrës se si ata mund të drejtohen te Shpëtimtari në mënyrë që mundimet e tyre të mund t’u japin atyre përvojë dhe të jenë për të mirën e tyre, merreni parasysh t’i ftoni ata t’i lexojnë paragrafët 5–6, 8 e pjesës “Marrja e Njohurisë Shpirtërore” të materialit Dokumenti Bazë i Zotërimit Doktrinor (2023). Ju mund t’u kërkoni nxënësve të kërkojnë pikëpamje që do ta ndihmonin një person që përballet me mundim.

Profecia e përmbushur

Një mënyrë se si mund t’i jepni mësim vargjet te Doktrina e Besëlidhje 122:1–4, do të ishte t’u kërkoni nxënësve shembuj të profecive të shkrimeve të shenjta që janë përmbushur. Shembujt mund të përfshijnë gurin që shkëputet nga mali pa duar dhe mbush tokën (shih te Daniel 2:44–45), luftërat dhe zhurmat e luftërave (shih te Mateu 24:6), Luftën Civile Amerikane (Doktrina e Besëlidhje 87), e kështu me radhë.

Ju mund t’u kërkoni më pas nxënësve të lexojnë te Doktrina e Besëlidhje 122:1–4, duke kërkuar profecitë që i kanë parë të përmbushen në kohën tonë. Pyetjet vijuese mund të jenë të dobishme:

Si kërkojmë këshillë, autoritet ose bekime nga Jozef Smithi ende sot? (vargu 2.)
Si e keni vënë re përmbushjen e vargut 3 në jetën tuaj?

Mundim që punon për të mirën tonë

Plaku D. Tod Kristoferson, i Kuorumit të Dymbëdhjetë Apostujve, tregoi një histori rreth mënyrës se si mundimi mund të na ndihmojë të bëhemi ajo që Zoti dëshiron të bëhemi:

3:2