“Doktrina e Besëlidhje 124: Vështrim i Përgjithshëm”, Manuali i Mësuesit të Seminarit për Doktrinën e Besëlidhjet (2025)
“Doktrina e Besëlidhje 124”, Manuali i Mësuesit të Seminarit për Doktrinën e Besëlidhjet
Doktrina e Besëlidhje 124
Doktrina e Besëlidhje 124
Vështrim i Përgjithshëm
Pasi shenjtorët u dëbuan nga Misuri, Zoti i udhërrëfeu që të vendoseshin në qytetin e Navusë në Ilinois. Ata punuan fort që ta përmirësonin tokën moçalore, të mposhtnin sëmundjet dhe të ndërtonin një tempull të ri. Pikërisht gjatë kësaj kohe Zoti zbuloi disa ordinanca tempulli që i praktikojmë sot, të tilla si dhurimi [indaumenti].
Ndihmojini nxënësit t’i diskutojnë bindjet e ungjillit me të tjerët: Kuptueshmëria rritet kur nxënësit ia shpjegojnë ungjillin njëri‑tjetrit. Krijoni një mjedis ku nxënësit të ndihen të lirshëm që t’ua tregojnë të tjerëve atë që kuptojnë për të vërtetat e ungjillit. Për më tepër mbi mënyrën se si e bëri Shpëtimtari këtë, shihni pjesën “Shpëtimtari i Nxiti të Tjerët t’i Tregonin të Vërtetat që po Mësonin” te Mësimdhënia sipas Mënyrës së Shpëtimtarit. Mund të shihni edhe një shembull se si ta bëni këtë në mësimin e kësaj jave me titull “Doktrina e Besëlidhje 124”.
Përgatituni të jepni mësim
Informacioni i mëposhtëm ju siguron ide mbi ato që mund të nevojitet të përgatitni paraprakisht për çdo mësim.
Themelimi i Navusë
Qëllimi i mësimit: T’i ndihmojë nxënësit t’i përshtatin shkrimet e shenjta dhe tregimet nga historia e Kishës me veten.
-
Përgatitja e nxënësve: Ftojini nxënësit të përsiatin se si i përshtatin shkrimet e shenjta me jetën e tyre gjatë studimit të tyre të përditshëm të shkrimeve të shenjta.
-
Sende për t’u paraqitur: Një kopje e librit Doktrina e Besëlidhje ose një figurë e Jozef Smithit
-
Material filmik: “Joseph Smith: Prophet of the Restoration” [“Jozef Smithi, Profeti i Rivendosjes”] (varianti i vitit 2002)” (1:09:35; shikojeni nga kodi kohor 47:39 deri në 50:54)
-
Fletushkë: “Përshtatja e Historisë së Kishës me Veten Tonë”
Doktrina e Besëlidhje 124
Qëllimi i mësimit: T’i ndihmojë nxënësit të kuptojnë rëndësinë e tempullit të Zotit dhe ordinancave të kryera atje, përfshirë dhurimin [indaumentin].
-
Përgatitja e nxënësve: Ftojini nxënësit të vizitojnë faqen temples.ChurchofJesusChrist.org dhe të kërkojnë diçka interesante ose kuptimplotë për ta.
-
Send për t’u paraqitur: Figura e një semafori
-
Fletushkë: “Dhurimi” [“Indaumenti”]