Themelimi i Navusë

Ftojini nxënësit të përsiatin se sa shpesh ata mësojnë të vërteta në librin Doktrina e Besëlidhje dhe në historinë e Kishës që kanë lidhje me ta.

Në njërën anë të dhomës, merreni parasysh të paraqitni një kopje të librit Doktrina e Besëlidhje ose një figurë të Profetit Jozef Smith për të përfaqësuar kohën e shenjtorëve të hershëm. Ftojeni një nxënës që të qëndrojë në anën tjetër të dhomës për të përfaqësuar kohën tonë. Tregoni hapësirën ndërmjet kohës së Jozef Smithit dhe kohës së tashme dhe bëni pyetjet vijuese.

Shkruajini përgjigjet e nxënësve për pyetjen e fundit në tabelë. Nëse nxënësit nuk i përmendin këto katër parime, merreni parasysh t’i shkruani edhe ato në tabelë. Nxënësit do t’i përdorin ato gjatë gjithë mësimit.

1. Gjej hollësi të rëndësishme.

2. Bëj krahasime me jetën tënde.

3. Zbulo mësime të vyera.

4. Përcakto zbatimin në planin vetjak.

Ftojini nxënësit të përsiatin se për çfarë u nevojitet më shumë ndihma e Zotit tani në jetën e tyre.

Nxitini ata të kërkojnë drejtim dhe ndihmë nga Perëndia për këtë çështje ndërsa studiojnë rreth shenjtorëve në Navu. Dëshmoni se Perëndia mund t’u përgjigjet atyre nëpërmjet Frymës së Shenjtë.

Materiali vijues ka për qëllim t’i udhërrëfejë nxënësit në zotësinë e krahasimit dhe t’i përgatitë ata për ta bërë këtë në mënyrë të pavarur.

Për ta ushtruar këtë hap, ftojini nxënësit të mbajnë vesh për hollësi të rëndësishme ndërsa lexoni ose një nxënës e lexon informacionin vijues me zë të lartë:

Ftojini nxënësit ta ushtrojnë hapin e dytë duke u përgjigjur për pyetjen vijuese, duke mbajtur në mendje hollësi të rëndësishme nga hapi 1.

Ftojini nxënësit të kërkojnë mësime të vyera ndërsa bëjnë sa vijon: Shikojeni“Joseph Smith: Prophet of the Restoration (2002 version)” [“Jozef Smithi: Profeti i Rivendosjes (versioni i vitit 2002)”] nga kodi kohor 47:39 deri në 50:54, ose shpjegoni se më 22 korrik 1839, Jozef Smithi dhe të tjerë shkuan nga një shtëpi në tjetrën dhe nga një çadër në tjetrën, duke i shëruar të sëmurët. Më pas shpjegoni se një person që ata e vizituan, ishte Elija Fordhem. Ai ishte kaq i sëmurë, saqë bashkëshortja e tij, Ana, po vajtonte dhe po përgatiste rrobat për varrosjen e tij. Ftojeni një nxënës të lexojë sa vijon:

69:35

Renditini përgjigjet e nxënësve në tabelë. Një shembull është që, nëpërmjet besimit tonë te Jezu Krishti dhe fuqia e priftërisë së Tij, Perëndia mund të na bekojë dhe forcojë.

Për t’i ndihmuar nxënësit ta kuptojnë këtë parim, merreni parasysh të bëni pyetje për ndjekjen e ecurisë si: “Çfarë na mëson kjo e vërtetë rreth Zotit?”, “Çfarë përvojash ke pasur që e konfirmojnë këtë parim në jetën tënde?” dhe “Përveç se na shëron, cilat janë disa mënyra të tjera se si Zoti mund të na forcojë dhe bekojë?” Merreni parasysh të pyesni a kanë pyetje nxënësit rreth këtij parimi. Nëse po, diskutojini ato si klasë.

Shpjegojeni sa vijon:

Për këtë hap, ftojini nxënësit të tregojnë disa mënyra se si ata mund t’i zbatojnë të vërtetat që mësuan. Përgjigjet e tyre mund të përfshijnë mënyrat se si mund ta ushtrojnë besimin te Zoti, duke përfshirë lutjen për bekimet e priftërisë.

Pasi nxënësit ta kenë përfunduar studimin e tyre, ftojini ata të tregojnë se si e krahasuan atë që mësuan, me jetën e tyre.

Disa shembuj të të vërtetave që ata mund t’i përcaktojnë, përfshijnë sa vijon: Zoti përgatit një mënyrë që ne ta përmbushim atë që urdhëron Ai. Puna e Perëndisë nuk mund të pengohet. Perëndia i shpërblen ata që kërkojnë në mënyrë aktive që të realizojnë drejtësinë.