Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 129 – Doktrina e Besëlidhje 119–120: Ligji i Zotit për Të Dhjetën

“Mësimi 129 – Doktrina e Besëlidhje 119–120: Ligji i Zotit për Të Dhjetën”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 119–120”, Manuali i Mësuesit të Seminarit për Doktrinën e Besëlidhjet

Mësimi 129: Doktrina e Besëlidhje 115–120

Doktrina e Besëlidhje 119–120

Ligji i Zotit për të Dhjetën

i ri duke përgatitur mandatin e së dhjetës

Në verën e vitit 1838, shenjtorët po përjetonin barrë financiare ndërsa përpiqeshin të shlyenin borxhin dhe të ngrinin Kishën në Misurin verior. Profeti Jozef Smith kërkoi këshillën e Zotit dhe mori zbulesën e shënuar te Doktrina e Besëlidhje 119. Në këshillën e Tij për shenjtorët, Shpëtimtari zbuloi të vërteta që lidhen me ligjin e Tij për të dhjetën. Ky mësim mund t’i ndihmojë nxënësit që të ndiejnë një dëshirë më të madhe për ta jetuar ligjin e Shpëtimtarit për të dhjetën.

Veprimtari të Mundshme të të Mësuarit

Një ftesë

Ftojini nxënësit të marrin parasysh skenarin vijues ose diçka të ngjashme që u përshtatet më mirë nevojave të klasës suaj.

Imagjino sikur misionarët në zonën tënde po i japin mësim njërës prej shoqeve të tua dhe të ftojnë të marrësh pjesë. Në mësimin atë ditë, misionarët e njohin shoqen tënde me ligjin e së dhjetës. Pas mësimit, shoqja jote të përmend se ajo ka shqetësime rreth pagimit të së dhjetës.

Cilët janë shembujt e shqetësimeve që mund të ketë dikush rreth bindjes ndaj ligjit të së dhjetës?

Merreni parasysh t’i shkruani në tabelë përgjigjet e nxënësve për pyetjen e mëparshme. Më pas ftojini nxënësit të mendojnë rreth vetë ndjenjave të tyre për ligjin e Zotit për të dhjetën, duke përfshirë se sa e rëndësishme është aktualisht që ata ta jetojnë këtë ligj. Kërkojuni atyre të mendojnë për ndonjë pyetje ose shqetësim që mund të kenë në lidhje me ligjin e së dhjetës.

Nxitini nxënësit ndërsa studiojnë që të kërkojnë mësimet që mund t’i ndihmojnë ata të ndiejnë një dëshirë më të madhe për t’iu bindur ligjit të Zotit për të dhjetën.

Shpëtimtari ua zbuloi shenjtorëve ligjin e Tij për të dhjetën

Paragrafi vijues mund të lexohet ose përmblidhet për të dhënë kontekst historik për seksionin te Doktrina e Besëlidhje 119. Përndryshe, ju mund t’i kërkoni një nxënësi që të lexojë hyrjen e seksionit 119.

Deri në korrik të vitit 1838, Kisha ishte nën sforcim financiar të pamasë. Gjithsesi, anëtarët e Kishës ishin udhëzuar të zhvendoseshin në Misurin verior dhe të ngrinin një tempull në Far‑Uest (shih te Doktrina e Besëlidhje 115:8–12). Profeti Jozef Smith u takua me udhëheqësit e tjerë të Kishës për të shqyrtuar se si të ishin të bindur ndaj urdhrave të Zotit. Në përgjigje ndaj kërkesës së tyre plot lutje, Shpëtimtari dha këshillë rreth ligjit të së dhjetës.

Lexo te Doktrina e Besëlidhje 119:1–4, duke kërkuar atë që dha mësim Shpëtimtari.

Çfarë u dha mësim Zoti shenjtorëve rreth pritshmërive të Tij për të jetuarit e ligjit të së dhjetës?

Ndihmojini nxënësit të kuptojnë se pritshmëria e Zotit për pagimin e së dhjetës është qartësuar në kohën tonë: “E dhjeta është dhurimi i një të dhjetës së të ardhurave Kishës së Perëndisë (shih te Doktrina e Besëlidhje 119:3–4; interes kuptohet se do të thotë e ardhura). Të gjithë anëtarët që kanë të ardhura, duhet ta paguajnë të dhjetën” (Manuali i Përgjithshëm, 34.3.1).

Pasi ta jepni këtë shpjegim, merreni parasysh ta shkruani të vërtetën vijuese në tabelë: Shpëtimtari na urdhëron të paguajmë një të dhjetën e të ardhurave tona si të dhjetë për Kishën e Jezu Krishtit të Shenjtorëve të Ditëve të Mëvonshme.
Si mendon, cilat janë disa prej arsyeve përse Zoti na kërkon që të paguajmë të dhjetën?

Thello kuptueshmërinë

Mësime rreth Ligjit të Shpëtimtarit për Të Dhjetën

Studioji burimet vijuese, duke kërkuar atë që mund të të japë shtysë ty ose të tjerëve t’i bindeni ligjit të së dhjetës.

Shkrime të Shenjta:

Malakia 3:8–10; Gjoni 7:17; Doktrina e Besëlidhje 119:5–7

Thënie nga burime të tjera:

Presidenti Stiven J. Land, President i Përgjithshëm i Të Rinjve, dha mësim:

“Kur të rinjtë e të rejat paguajnë të dhjetë të plotë, ata formojnë një hallkë lidhëse me Atin Qiellor që vazhdon të ekzistojë. Sa herë që i binden atij urdhërimi dhe e bëjnë atë pagesë, krijohet një lidhje e re sakrifice dhe bashkimi”. (Stiven J. Land, “Seminari, Instituti dhe Gjëra të Tjera që Funksionojnë” [fjalim i mbajtur në transmetimin e trajnimit vjetor për Seminarin dhe Institutin, 27 janar 2023], broadcasts.ChurchofJesusChrist.org)

Për Forcën e Rinisë: Një Udhëzues për Bërjen e Zgjedhjeve na këshillon:

“Tregojeni dashurinë për Perëndinë duke i zbatuar urdhërimet e Tij. …

… Kur agjëroni dhe paguani të dhjetat dhe ofertat, ju i tregoni Perëndisë se vepra e Tij është më e rëndësishme për ju sesa gjërat materiale.” (Për Forcën e Rinisë: Një Udhëzues për Bërjen e Zgjedhjeve [2022], f. 11–12)

Ndërsa shërbente si një anëtar i Të Shtatëdhjetëve, Plaku Stenli G. Elis pyeti:

“A e kemi besimin që t’u mirëbesojmë premtimeve të Tij lidhur me të dhjetën, që me 90 për qind të rritjes sonë plus ndihmën e Zotit, ne jemi më mirë sesa me 100 për qind më vete?” (Stenli G. Ellis, “A i Mirëbesojmë Atij? Vështirësia Është e Mirë”, Liahona, nëntor 2017, f. 114)

Plaku Dejvid A. Bednar, i Kuorumit të Dymbëdhjetë Apostujve, dha mësim:

“Shpesh, kur japim mësim dhe dëshmojmë rreth ligjit të së dhjetës, ne theksojmë bekimet materiale të menjëhershme, mbresëlënëse dhe të lehta për t’u dalluar, që ne marrim. Dhe sigurisht bekime të tilla vërtet ndodhin. Sidoqoftë disa nga bekimet e shumëllojshme që fitojmë, kur i bindemi këtij urdhërimi, janë domethënëse, por të padukshme. …

Për shembull, një bekim i padukshëm, por domethënës që marrim, është dhurata shpirtërore e mirënjohjes, e cila e bën të mundur vlerësimin tonë për atë që kemi, që t’i përmbajmë dëshirat për atë që duam. …

Nganjëherë ne mund t’i kërkojmë Perëndisë sukses dhe ai na jep qëndrueshmëri fizike dhe mendore. Ne mund të lutemi për begati dhe marrim këndvështrim më të zgjeruar dhe durim më të shtuar, ose ne bëjmë kërkesë për rritje dhe bekohemi me dhuratën e hirit.” (Dejvid A. Bednar, “Pragjet e Qiellit”, Liahona, nëntor 2013, f. 17–18)

Meri Filding Smith ishte e veja e Hajrëm Smithit dhe e ëma e Presidentit Jozef F. Smith. Kur dikush sugjeroi se ajo ishte tepër e varfër për ta zbatuar ligjin e së dhjetës, ajo u përgjigj:

“A do të më ndalonit nga marrja e një bekimi? … Unë e paguaj të dhjetën time, jo sepse është ligj i Perëndisë, por sepse unë pres një bekim duke e bërë këtë.” (Mary Fielding Smith, cituar nga Jozef F. Smith, në raportin e konferencës, prill 1900, f. 48)

Ftojini nxënësit ta tregojnë atë që zbuluan, e cila mund të jetë e dobishme për dikë që ka pyetje ose shqetësime rreth së dhjetës. Pyetjet vijuese mund ta udhërrëfejnë diskutimin.

Çfarë ke mësuar rreth Atit Qiellor dhe Jezu Krishtit ndërsa e ke studiuar ligjin e së dhjetës?
Çfarë këshille do t’i jepje dikujt që ka shqetësime rreth pagimit të së dhjetës?
Në ç’mënyra e ke parë Zotin të të bekojë ty ose të tjerët për bindjen ndaj ligjit të Tij për të dhjetën?

Mendo për jetën tënde

Për ta përmbyllur mësimin, merreni parasysh t’i ftoni nxënësit t’i shënojnë përgjigjet e tyre për njërën ose të dyja pyetjet vijuese në ditarët e tyre të studimit.

Çfarë ke mësuar ose ndier sot që dëshiron ta mbash mend?
Çfarë je ndier i/e nxitur të bësh ndërsa ke studiuar sot?

Merreni parasysh t’i ftoni disa nxënës të gatshëm t’i tregojnë mendimet e tyre. Dëshmoni për të vërtetat që i keni diskutuar dhe nxitini nxënësit të përpiqen fort për ta jetuar ligjin e së dhjetës gjatë gjithë jetës.

Burime Shtesë

Po sikur të parapëlqej të dhuroj 10 për qind të të ardhurave të mia për qëllime bamirësie?

Plaku Robert D. Hejls (1932–2017), i Kuorumit të Dymbëdhjetë Apostujve, tregoi historinë vijuese:

“Kur një shok i Presidentit Xhorxh Albert Smith e pyeti atë se çfarë mendonte për planin vetjak të shokut të tij për të marrë atë që do të kishte qenë e dhjeta dhe për ta dhuruar të dhjetën e tij në dhurime bamirësie të zgjedhura prej tij, këshilla e Presidentit Smith ishte:

‘Unë mendoj se ti je një njeri shumë bujar me pronën e dikujt tjetër. …

… Ti më ke treguar se çfarë ke bërë me paratë e Zotit, por nuk më ke treguar se i ke dhënë dikujt ndonjë qindarkë nga të tuat. Ai është bashkëpunuesi më i mirë që ke në këtë botë. Ai të jep gjithçka që ti ke, edhe ajrin që ti e thith. Ai ka thënë se ti duhet ta marrësh një të dhjetën e të ardhurave dhe t’ia japësh atë Kishës nën drejtimin e Zotit. Ti nuk e ke bërë atë; ti i ke marrë paratë e partnerit tënd më të mirë dhe i ke dhuruar ato.’” (Robert D. Hales, “Tithing: A Test of Faith with Eternal Blessings”, Liahona, nëntor 2002, f. 28)

Përse është e rëndësishme që ta paguaj të dhjetën edhe nëse nuk fitoj shumë para?

Plaku Lin G. Robins, i Të Shtatëdhjetëve, e bëri të qartë:

“Asnjë peshkop, asnjë misionar nuk duhet të ngurrojë asnjëherë ose t’i mungojë besimi për t’ua dhënë mësim ligjin e së dhjetës të varfërve. Ndjenja ‘Ata nuk janë në gjendje’ nevojitet të zëvendësohet me ‘Ata nuk mund të mos jenë në gjendje’.

Një nga gjërat e para që një peshkop duhet të bëjë për t’i ndihmuar nevojtarët, është t’u kërkojë atyre të paguajnë të dhjetën e tyre. Ashtu si e veja [e Sareptës], nëse një familje e varfër përballet me vendimin për të paguar të dhjetën ose për t’u ushqyer, ajo duhet të paguajë të dhjetën e saj. Peshkopi mund t’i ndihmojë ata për ushqimin e tyre dhe nevojat e tjera bazë derisa të bëhen të pavarur. …

Kur shërben një vakt, është shumë më e lehtë të vendosësh një pjatë më shumë në fillim të vaktit sesa është të gjesh ushqim për një person që vjen me vonesë pasi të ketë mbaruar vakti dhe të jetë shërbyer ushqimi. Po ashtu, a nuk është në fakt më e lehtë t’i japësh Zotit të parëlindurit e kopesë ose frytet e para sesa është të shpresosh se do të ketë ‘mbetje’ të mjaftueshme për Të? Si themelues i gostisë sonë, a nuk duhet të jetë Ai mysafiri i nderit, i pari që do t’i shërbejnë?” (Lynn G. Robbins, “Tithing – a Commandment Even for the Destitute”, Liahona, maj 2005, f. 35–36)

Veprimtari Plotësuese të të Mësuarit

Si ta paguani të dhjetën tuaj

Mund të jetë e dobishme t’u demonstroni nxënësve se si ta paguajnë të dhjetën. Merreni parasysh të sillni në klasë një zarf të së dhjetës dhe mandat të pagesës për t’u treguar nxënësve se si ta plotësojnë atë. Gjithashtu, mund t’u tregoni atyre se si ta plotësojnë një mandat elektronik të së dhjetës te donations.ChurchofJesusChrist.org.

Doktrina e Besëlidhje 120. Këshilli mbi Planifikimin e Të Dhjetave

Për t’i ndihmuar nxënësit të kuptojnë se Shpëtimtari e përcaktoi se si duhet të administroheshin fondet e së dhjetës në Kishën e Tij, ju mund t’i ftoni ata t’i renditin disa prej gjërave për të cilat përdoren fondet e së dhjetës në mbarë botën. Nëse nxënësve u nevojitet ndihmë, referojuni thënies nga Plaku Robert D. Hejls në fund të kësaj veprimtarie.

Si merren vendimet lidhur me mënyrën se si të shpenzohen fondet e së dhjetës?

Ndihmojini nxënësit të kuptojnë se Presidenca e Parë, Kuorumi i Dymbëdhjetë Apostujve dhe Peshkopata Kryesuese përbëjnë Këshillin mbi Planifikimin e Të Dhjetave. Më pas, kërkojuni nxënësve të lexojnë te Doktrina e Besëlidhje 120:1, duke kërkuar anëtarin shtesë të këtij këshilli. Ju mund t’i ftoni nxënësit ta shënojnë frazën “me anë të zërit tim për ta” dhe t’u bëni pyetjen vijuese:

Çfarë mësojmë nga njohuria se Shpëtimtari përcakton se si shpenzohen fondet e së dhjetës?

Ju mund të jepni thënien vijuese nga Plaku Robert D. Hejls, i Kuorumit të Dymbëdhjetë Apostujve. Ftojini nxënësit të tregojnë çdo pyetje që mund të kenë.

“Është e mrekullueshme ta dëshmoni këtë këshill t’ia vërë veshin zërit të Zotit. Çdo anëtar është i vetëdijshëm për të gjitha vendimet e këshillit dhe merr pjesë në të gjitha ato. Asnjë vendim nuk merret derisa këshilli të jetë i njëzëshëm. Të gjitha fondet e së dhjetës shpenzohen për qëllimet e Kishës, duke përfshirë mirëqenien – përkujdesjen për të varfrit dhe nevojtarët – tempujt, godinat dhe mirëmbajtjen e shtëpive të mbledhjeve, arsimimin, programin mësimor – shkurtimisht, veprën e Zotit. …

`… Pa asnjë përjashtim, fondet e së dhjetës së kësaj Kishe përdoren për qëllimet e Tij.” (Robert D. Hales, “Tithing: A Test of Faith with Eternal Blessings”, Liahona, nëntor 2002, f. 28)