Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 115 – Doktrina e Besëlidhje 101:43–101: Shëmbëlltyra për Sionin

“Mësimi 115 – Doktrina e Besëlidhje 101:43–101: Shëmbëlltyra për Sionin”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 101:43–101”, Manuali i Mësuesit të Seminarit për Doktrinën e Besëlidhjet

Mësimi 115: Doktrina e Besëlidhje 98–101

Doktrina e Besëlidhje 101:43–101

Shëmbëlltyra për Sionin

Kur Profeti Jozef Smith dëgjoi për përndjekjen e rëndë të përjetuar nga shenjtorët në Misuri, ai iu përgjërua Zotit në emrin e tyre. Si pjesë e përgjigjes së Tij, Shpëtimtari përdori shëmbëlltyra për t’u dhënë shenjtorëve këshilla dhe ngushëllim. Ky mësim do t’u japë nxënësve mundësinë për të studiuar një shëmbëlltyrë dhe zbuluar kuptimin e saj shpirtëror.

Veprimtari të Mundshme të të Mësuarit

Jezu Krishti dha mësim shpesh duke përdorur shëmbëlltyra

Merreni parasysh të paraqitni sende të zakonshme si p.sh. mjete shkollore, artikuj veshmbathjeje ose elektronikë. Ose ftojini nxënësit të shohin sendet përreth klasës ose sendet që kanë me vete. Ftojini nxënësit të përzgjedhin një send dhe të mendojnë për një mënyrë krijuese për ta krahasuar atë me një aspekt të planit të Atit Qiellor ose Jezu Krishtit dhe ungjillit të Tij. Për shembull, ata mund ta krahasojnë një celular me lutjen, për shkak se lutja është mjeti që ne përdorim për të komunikuar me Atin Qiellor. Ftojini nxënësit t’ia tregojnë sendin e tyre dhe krahasimin shpirtëror një partneri ose të gjithë klasës.

Jezu Krishti shpesh dha mësim duke përdorur histori të thjeshta të njohura si shëmbëlltyra. Në këto shëmbëlltyra, Jezusi i krahasoi sendet ose situatat e njohura me të vërtetat shpirtërore (shih tek Udhëzuesi për Shkrimet e Shenjta, “Shëmbëlltyrë”, scriptures.ChurchofJesusChrist.org).

Cilët janë disa shembuj të shëmbëlltyrave që dha mësim Shpëtimtari?
Cilat janë disa të vërteta shpirtërore që mund t’i mësojmë nga mësimet e Shpëtimtarit në ato shëmbëlltyra?

Për shembull, nxënësit mund të tregojnë shëmbëlltyrën e Samaritanit të mirë (shihni te Lluka 10:25–37), që na jep mësim rreth dashurisë dhe shërbimit ndaj të tjerëve ashtu siç bën Shpëtimtari. Ose ata mund të tregojnë shëmbëlltyrën e dhjetë virgjëreshave (shihni te Mateu 25:1–13), që na mëson të përgatitemi për Ardhjen e Dytë të Shpëtimtarit.

Për t’i përgatitur nxënësit që të studiojnë një shëmbëlltyrë rreth shëlbimit të Sionit, merreni parasysh t’u kërkoni nxënësve ta tregojnë atë që mbajnë mend nga mësimet e kohëve të fundit rreth sprovave që po duronin shenjtorët në Misuri. Sipas nevojës, ju mund të tregoni përmbledhjen vijuese:

Gjatë një kohe përndjekjeje të rëndë, Shpëtimtari përdori shëmbëlltyra për t’iu dhënë mësim Jozef Smithit dhe shenjtorëve rreth shëlbimit të Sionit (shih te Doktrina e Besëlidhje 101:43). Nga fundi i vitit 1833, dhuna e turmës çoi në dëbimin e më shumë se 1000 shenjtorëve nga konteja Xhekson në Misuri dhe në djegien e më shumë se 200 prej shtëpive të tyre. Profeti Jozef Smith e pyeti Zotin se përse shenjtorët ishin dëbuar nga Sioni dhe çfarë duhej bërë që ata të mund të ktheheshin. Zoti u përgjigj me një shëmbëlltyrë.

Studimi i shëmbëlltyrave

Plaku Dejvid A. Bednar dha mësim sa vijon rreth të mësuarit nga shëmbëlltyrat e Shpëtimtarit:

13:56

“Kuptimi ose mesazhi i synuar i një shëmbëlltyre zakonisht nuk shprehet në mënyrë të qartë. Përkundrazi, historia ia përçon të vërtetën hyjnore një marrësi vetëm në përpjesëtim të drejtë me besimin te Perëndia, përgatitjen vetjake shpirtërore dhe gatishmërinë e tij ose të saj për të mësuar. Pra, një individ duhet të ushtrojë lirinë morale të zgjedhjes dhe në mënyrë aktive ‘të lypë, të kërkojë dhe të trokasë’ [shih te Mateu 7:7–8; Lluka 11:9–10] për të zbuluar të vërtetat e rrënjosura brenda një shëmbëlltyre.” (Dejvid A. Bednar, “Rivishu me Forcën Tënde, o Sion”, Liahona, nëntor 2022, f. 92)

Si ndikon besimi ynë në Jezu Krishtin në aftësinë tonë për t’i kuptuar mësimet e Tij?
Çfarë i tregon Shpëtimtarit përpjekja jonë për t’i studiuar fjalët e Tij në lidhje me ndjenjat tona për Të?

Si t’i Studiojmë Shëmbëlltyrat e Shpëtimtarit

Gjej hollësi të rëndësishme. Këto hollësi mund të përfshijnë njerëz, vende, sende, veprime ose ngjarje.
Bëj krahasime. Përcakto se çfarë mund të përfaqësojë ose simbolizojë secila prej hollësive në shëmbëlltyrë. Të dhënat kontekstuale, ndihmat e studimit të shkrimit të shenjtë dhe përsiatja mund të jenë të dobishme.
Zbulo mësime të vyera. Pasi të bësh krahasime, kërko ndihmë nga Fryma e Shenjtë për të zbuluar mësimet e vyera që Shpëtimtari po i jepte mësim në këtë shëmbëlltyrë.
Përcakto zbatimin në planin vetjak. Kërko ndihmë nga Ati Qiellor dhe Fryma e Shenjtë për të ditur se çfarë mund të bësh për t’i zbatuar vetë mësimet që zbulon.

Shëmbëlltyra e njeriut fisnik

Veprimtaria vijuese mund t’i ndihmojë nxënësit t’i ushtrojnë të katër hapat për studimin e shëmbëlltyrave. Merreni parasysh ta paraqitni grafikun vijues ose ta kopjoni atë në tabelë. Krijoni gjashtë grupe dhe caktojini secilit të plotësojë një katror të ndryshëm në grafik. Ose ftojini nxënësit ta kopjojnë grafikun në ditarët e tyre të studimit dhe ta plotësojnë atë individualisht.

Gjej hollësi të rëndësishme

Lexo te Doktrina e Besëlidhje 101:43–62. Për çdo grupim vargjesh, krijo një vizatim të thjeshtë ose shkruaj një përmbledhje për t’i ilustruar vargjet.

Doktrina e Besëlidhje 101:43–45. Udhëzimet e njeriut fisnik	Doktrina e Besëlidhje 101:46–50. Veprimet e shërbëtorëve
Doktrina e Besëlidhje 101:51. Pasoja e veprimeve të shërbëtorëve	Doktrina e Besëlidhje 101:52–54. Përgjigjja e njeriut fisnik
Doktrina e Besëlidhje 101:55–58. Udhëzimet e radhës të njeriut fisnik	Doktrina e Besëlidhje 101:59–62. Përgjigjja e shërbëtorit

Kur nxënësit të kenë mbaruar, ftojini ata ta tregojnë atë që zbuluan. Sigurohuni që ata t’i kuptojnë hollësitë e shëmbëlltyrës.

Merreni parasysh t’i plotësoni si klasë tre hapat e fundit të studimit të shëmbëlltyrave.

Bëj krahasime

Cilat të dhëna mund të na ndihmojnë të shohim se njeriu fisnik përfaqëson Jezu Krishtin?
Çfarë mund të përfaqësojnë vreshti ose kulla?
Si mund të jenë ndonjëherë veprimet tona si ato të shërbëtorëve?

Merreni parasysh t’i ftoni nxënësit ta shqyrtojnë fragmentin e zotërimit doktrinor tek Ezekiel 3:16–17 për të kërkuar një krahasim të mundshëm për rojat. Konteksti vijues mund t’i ndihmojë nxënësit të bëjnë krahasime shtesë:

Ashtu si shërbëtorët në shëmbëlltyrë që refuzuan të ndërtonin një kullë, shenjtorët në Misuri e kishin lënë pas dore ndërtimin e një tempulli siç i kishte udhëzuar Zoti (shih te Doktrina e Besëlidhje 57:3; 84:3–4; 97:10–12).

Për shenjtorët në kontenë Xhekson, shërbëtori i përmendur te vargu 55 përfaqësonte Jozef Smithin (shih te Doktrina e Besëlidhje 103:21). Jozef Smithi ndoqi urdhrin e Zotit dhe organizoi një grup të quajtur Kampi i Sionit për të shëlbuar tokën e Sionit. Kampi i Sionit do të diskutohet në mësimet Doktrina e Besëlidhje 103 dhe 105.

Zbulo mësime të vyera

Cilat janë disa mësime të vyera që mbase Zoti po i jep mësim nëpërmjet kësaj shëmbëlltyre?
Çfarë të mëson kjo shëmbëlltyrë rreth cilësive të Jezu Krishtit?

Nëse nxënësit e kanë të vështirë të përcaktojnë mësime të vyera, merreni parasysh t’u jepni njërin ose më shumë nga parimet vijuese. Ftojini nxënësit të tregojnë se si shëmbëlltyra i ilustron këto të vërteta. Kur ne u bindemi urdhërimeve të Zotit, Ai na forcon për t’u bërë ballë armiqve shpirtërorë dhe fizikë. Profetët shërbejnë si roja mbi kullë, që na japin paralajmërime nga Zoti për rreziqet e ardhshme. Nëpërmjet punës në tempull, Shpëtimtari na përgatit për t’i bërë ballë kundërshtarit.
Përse këto mësime mund të kenë qenë të dobishme për shenjtorët në vitin 1833?
Në ç’mënyrë ke parë prova për një ose më shumë prej këtyre të vërtetave në jetën tënde?

Përcaktoje zbatimin në planin vetjak

Cilat janë disa mënyra se si ti mund ta zbatosh këtë shëmbëlltyrë në kohën tonë?

Kërko ndihmë nga Fryma e Shenjtë për të përcaktuar një ose dy mënyra se si mund ta zbatosh një të vërtetë që e ndien se është e rëndësishme për ty, nga kjo shëmbëlltyrë. Shkruaji mbresat e tua në ditarin tënd të studimit.

Ftojini nxënësit ta tregojnë atë që mësuan rreth studimit të shëmbëlltyrave, që ata mund ta përdorin për të përmirësuar studimin e tyre vetjak të shkrimeve të shenjta. Nxitini nxënësit në përpjekjet e tyre që të ushtrojnë besim te Jezu Krishti ndërsa i studiojnë, i përsiatin dhe i zbatojnë vetë mësimet e Tij.

Burime Shtesë

Doktrina e Besëlidhje 101:77–79. Cili ishte qëllimi i Perëndisë për themelimin e Kushtetutës së Shteteve të Bashkuara?

Presidenti Dallin H. Ouks, i Presidencës së Parë, dha mësim:

15:50

“Cili ishte qëllimi i Perëndisë për themelimin e Kushtetutës së Shteteve të Bashkuara? E shohim atë në doktrinën e lirisë morale të zgjedhjes. Në dekadën e parë të Kishës së rivendosur, anëtarët e saj në kufirin perëndimor po vuanin nga përndjekjet e fshehta dhe publike. Pjesërisht kjo ishte për shkak të kundërshtimit të tyre ndaj skllavërisë njerëzore që ekzistonte në Shtetet e Bashkuara në atë kohë. Në këto rrethana fatkeqe, Perëndia dha me anë të zbulesës nëpërmjet Profetit Jozef Smith, të vërtetat e përjetshme rreth doktrinës së Tij.

Perëndia u ka dhënë fëmijëve të Tij lirinë morale të zgjedhjes – fuqinë për të vendosur dhe për të vepruar. Gjendja më e dëshirueshme për ushtrimin e asaj lirie të zgjedhjes është liria maksimale që burrat e gratë të veprojnë sipas zgjedhjeve të tyre individuale. Më pas zbulesa shpjegon që ‘çdo njeri të mund të jetë i përgjegjshëm për mëkatet e veta në ditën e gjykimit’ (Doktrina e Besëlidhje 101:78). ‘Si rrjedhim’, – zbuloi Zoti, – ‘nuk është e drejtë që ndonjë njeri të jetë nën skllavërinë e një tjetri’ (Doktrina e Besëlidhje 101:79).” (Dallin H. Ouks, “Mbrojtja e Kushtetutës Sonë të Frymëzuar në Mënyrë Hyjnore”, Liahona, maj 2021, f. 106)

Doktrina e Besëlidhje 101:76, 86–88. Çfarë ndodhi kur shenjtorët u kërkuan ndihmë udhëheqësve të qeverisë?

Shenjtorët në Misuri i zbatuan udhëzimet e Zotit dhe u bënë thirrje udhëheqësve të qeverisë “për dëmshpërblim” (Doktrina e Besëlidhje 101:76), ose kompensim për pronat e tyre të humbura. Këta udhëheqës përfshinin gjyqtarët vendorë, guvernatorin Daniel Danklin të Misurit dhe Endrju Xheksonin, që shërbente si president i Shteteve të Bashkuara. Pavarësisht përpjekjeve të përsëritura, shenjtorët në Misuri nuk arritën të merrnin mbrojtje dhe kompensim nga autoritetet e qeverisë për padrejtësitë që kishin pësuar.

Për më shumë informacion, shihni te “Kapitulli 39: Doktrina e Besëlidhje 101” te Doctrine and Covenants Student Manual [Manuali i Studentit për Doktrinën e Besëlidhjet] për institutin.

Doktrina e Besëlidhje 101:53. Si mund të më sigurojë mbrojtje tempulli?

Një nga nënkuptimet e shëmbëlltyrës së njeriut fisnik ishte që nëse shenjtorët do të kishin ndërtuar një tempull në Misuri siç i udhëzoi Zoti, ata do të kishin qenë të mbrojtur (shihni te Doktrina e Besëlidhje 101:53).

Udhëheqësit e Kishës kanë dhënë mësim se ne marrim mbrojtje duke i mbajtur besëlidhjet që bëjmë në tempull.

Motra Xhin B. Bingham, ish-Presidente e Përgjithshme e Shoqatës së Ndihmës, dha mësim:

“Kam marrë vazhdimisht sigurinë se mbajtja e besëlidhjeve që bëjmë me Perëndinë, na lejon të marrim prej fuqisë së Shpëtimtarit, e cila na forcon në sprovat tona të pashmangshme, na siguron mbrojtje nga ndikimi i kundërshtarit dhe na përgatit për lavdi të përjetshme.” (Xhin B. Bingham, “Besëlidhjet me Perëndinë na Forcojnë, na Mbrojnë dhe na Përgatitin për Lavdi të Përjetshme”, Liahona, maj 2022, f. 67)

Veprimtari Plotësuese të të Mësuarit

Shëmbëlltyra të tjera te Doktrina e Besëlidhje 101

Shëmbëlltyra e grurit dhe e egjrës

Merreni parasysh t’i ushtroni si klasë të katër hapat e studimit të shëmbëlltyrave duke përdorur vargjet te Doktrina e Besëlidhje 101:63–67.

Gjej hollësi të rëndësishme.

Ftojini nxënësit të lexojnë te Doktrina e Besëlidhje 101:63–67 dhe të kërkojnë për hollësi të rëndësishme.

Nxënësit mund të kenë vënë re se gruri mblidhej në mënyrë të sigurt në hambarë, ndërkohë që egjra lidhej në duaj dhe digjej. Vini re se hambarët janë vende për ta ruajtur grurin pas korrjes.

Bëj krahasime.

Cilat janë disa “vende të shenjta” (vargu 64) që mund të përfaqësojnë hambarët?
Çfarë idesh na jep kjo rreth asaj që mund të përfaqësojnë gruri dhe egjra?

Një simbol i mundshëm i hambarëve mund të jenë tempujt e shenjtë. (Shihni te Dejvid A. Bednar, “Me Nder do të Mbajë një Emër e Qëndrim”, Liahona, maj 2009, f. 97.)

Zbulo mësime të vyera.

Nëse e dimë se hambarët mund të përfaqësojnë vendet e shenjta si tempulli, çfarë mësimesh mund të dojë Shpëtimtari që të kuptojmë nga kjo shëmbëlltyrë?

Një mësim i mundshëm që nxënësit mund ta zbulojnë, është se Shpëtimtari na fton të mblidhemi në tempullin e Tij për të marrë mbrojtjen e Tij dhe për të përgatitur veten për jetën e përjetshme.

Përcakto zbatimin në planin vetjak.

Si mund ta zbatoni mësimin që zbuluat në jetën tuaj?

Shëmbëlltyra e gjykatësit të padrejtë

Nxënësit mund t’i ushtrojnë gjithashtu hapat duke e lexuar shëmbëlltyrën e gjykatësit të padrejtë te Doktrina e Besëlidhje 101:81–84. Pasi nxënësit ta tregojnë atë që zbuluan, shpjegoni se te Doktrina e Besëlidhje 101, Shpëtimtari e përdori shëmbëlltyrën e gjykatësit të padrejtë për t’i udhëzuar shenjtorët e përndjekur që të kërkonin ndihmë nga nëpunësit e qeverisë (shihni vargjet 85–92). Ai gjithashtu e dha mësim këtë shëmbëlltyrë gjatë shërbesës së Tij në vdekshmëri për t’u dhënë mësim dishepujve të Tij rreth lutjes (shihni te Lluka 18:1–8; Doktrina e Besëlidhje 101:81).

Doktrina e Besëlidhje 101:76–80. Kushtetuta e Shteteve të Bashkuara

Për t’i ndihmuar nxënësit të mësojnë më shumë rreth Kushtetutës së Shteteve të Bashkuara dhe se si parimet e saj mund të zbatohen në mbarë botën, merreni parasysh të studioni fjalimin “Mbrojtja e Kushtetutës Sonë të Frymëzuar në Mënyrë Hyjnore” dhënë nga Presidenti Dallin H. Ouks në konferencën e përgjithshme në prill të vitit 2021. Merreni parasysh ta përdorni njërën prej ideve në mësimin “Modeli: Mësime të Udhëheqësve të Kishës”.

Liria morale e zgjedhjes

Ftojini nxënësit të diskutojnë se si ata do t’i përgjigjeshin dikujt që nuk zgjedh t’i ndjekë mësimet e Shpëtimtarit dhe thotë: “Kam lirinë time të zgjedhjes. Mund të bëj çfarë të dua.”

Lexoni te Doktrina e Besëlidhje 101:78. Kërkoni ide në këtë varg që mund t’i përfshini në përgjigjen tuaj.

Si mund të ndikojë dijenia që ne jemi përgjegjës para Zotit në mënyrën se si e shohim dhe e përdorim lirinë tonë të zgjedhjes?

Merreni parasysh t’i ftoni nxënësit ta lexojnë fragmentin e zotërimit doktrinor te 2 Nefi 2:27, duke kërkuar ide shtesë rreth lirisë së zgjedhjes. Ata mund ta lidhin këtë varg me vargun te Doktrina e Besëlidhje 101:78.

Presidenti Ezra Taft Benson (1899–1994) tregoi sa vijon rreth përdorimit tonë të lirisë së zgjedhjes:

“Ne jemi të lirë të zgjedhim, por nuk jemi të lirë t’i ndryshojmë pasojat e atyre zgjedhjeve.” (Mësime të Presidentëve të Kishës: Ezra Taft Benson: Ezra Taft Benson [2014], f. 67)

Për ta ilustruar më tej doktrinën e lirisë morale të zgjedhjes, merreni parasysh të shihni “Agency” [“Liria e Zgjedhjes”] (6:20), në dispozicion në ChurchofJesusChrist.org.

6:21