Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 113 – Doktrina e Besëlidhje 98: Të Gjitha Gjërat do të Veprojnë së Bashku për të Mirën Tonë

“Mësimi 113 – Doktrina e Besëlidhje 98: Të Gjitha Gjërat do të Veprojnë së Bashku për të Mirën Tonë”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 98”, Manuali i Mësuesit të Seminarit për Doktrinën e Besëlidhjet

Mësimi 113: Doktrina e Besëlidhje 98–101

Doktrina e Besëlidhje 98

Të Gjitha Gjërat do të Veprojnë së Bashku për të Mirën Tonë

Në verën e vitit 1833, tensionet ndërmjet banorëve të Misurit dhe shenjtorëve në kontenë Xhekson përfunduan me turma të dhunshme që sulmuan shtëpi, shkatërruan sipërmarrje dhe kërkuan largimin e të gjithë anëtarëve të Kishës nga ajo zonë. Te Doktrina e Besëlidhje 98, Shpëtimtari u dha ngushëllim dhe këshilla shenjtorëve të vuajtur dhe i udhëzoi udhëheqësit e Kishës se si ta përballonin trajtimin e tyre të padrejtë. Ky mësim mund t’i ndihmojë nxënësit të presin me durim për Zotin në kohët e mundimeve.

Veprimtari të Mundshme të të Mësuarit

Durimi

Merreni parasysh ta nisni mësimin duke i ndihmuar nxënësit të mendojnë rreth durimit. Kjo mund t’i përgatitë ata të mësojnë rreth pritjes me durim për Zotin në kohët e mundimeve. Ju mund ta shkruani fjalën “i/e duruar” në tabelë dhe të bëni disa nga pyetjet e mëposhtme.

Kur është e vështirë të jesh i duruar?
Cilat janë disa situata ku duhet të jesh i duruar?
Në një shkallë nga 1–10, ku 10 është të qenit shumë i duruar, sa i duruar mendon se je?
Në çfarë situatash mund të dëshirojë Zoti që ti të jesh i duruar? Përse?

Dëbimi i shenjtorëve nga konteja Xhekson në Misuri

Paragrafi i mëposhtëm mund të lexohet ose përmblidhet me vetë fjalët tuaja për t’i ndihmuar nxënësit ta kuptojnë kontekstin historik të seksionit 98.

Kur shenjtorët arritën në Misuri për të ndërtuar Sionin, tensionet me banorët e kontesë Xhekson u rritën. Konfliktet politike, mosmarrëveshjet fetare dhe vendimet e pamatura (duke përfshirë mungesën e ndërtimit të tempullit siç urdhëroi Shpëtimtari) i shtuan problemet. Gjatë verës së vitit 1833, grupet e vetëgjyqtarëve u mblodhën për t’i dëbuar shenjtorët me forcë nga konteja Xhekson. Peshkopin Eduard Partrixh dhe Çarls Alenin i rrahën, i lyen me zift dhe me pupla. Shtypshkronja e W. W. Felpsit u shkatërrua dhe faqet e Librit të Urdhërimeve u shpërndanë. Viena Zhak, së bashku me motrat Meri dhe Karolina Rollins, kapën me guxim sa më shumë faqe të zbulesave që mundën përpara se të shkatërroheshin. Ato ia mbathën dhe u fshehën për vete dhe fshehën zbulesat nga turma. Gjatë sulmit, shumë shenjtorë u detyruan të largoheshin nga shtëpitë e tyre nën tytat e armëve (shih te Saints: The Story of the Church of Jesus Christ in the Latter Days, vëll. 1, The Standard of Truth, 1815–1846 [2018], f. 172–181).

Ftojini nxënësit të mendojnë rreth sprovave ose mundimeve që ata mund të jenë duke përjetuar. Nxitini ata të kërkojnë zbulesë vetjake ndërsa studiojnë te Doktrina e Besëlidhje 98 dhe të dëgjojnë atë që do të donte Zoti që ata të bënin.

Lexo te Doktrina e Besëlidhjet 98:1–3 duke kërkuar se si iu përgjigj Shpëtimtari lutjeve të shenjtorëve në kontenë Xhekson.

Si mund t’i ketë ndihmuar kjo këshillë shenjtorët në Misuri?
Si mund të të ndihmojë ty ose dikë që ti njeh, të përballesh me diçka të vështirë?
Cilat janë disa parime që mund të përcaktosh nga këto vargje?

Nxënësit mund të tregojnë një larmi parimesh. Një mënyrë për t’i ndihmuar nxënësit t’i përcaktojnë parimet, mund të jetë ta shkruani thënien e paplotë të mëposhtme në tabelë dhe t’i ftoni nxënësit ta plotësojnë atë.

Ndërsa presim me durim për Zotin, Ai besëlidh se

Nxënësit mund ta përfundojnë thënien me parime si ato në vijim:

lutjet tona do të marrin përgjigje.
vullneti i mirë vjen nga mundimet tona.

Duke pritur me durim për Zotin

Kërkoni frymëzim për të ditur se në cilat parime të përqendroheni. Merrini parasysh nevojat e nxënësve tuaj dhe përzgjidhni materialin që e ndieni se do të ishte më i dobishmi. Vendosni se cilin prej materialeve të mëposhtme t’ua tregoni nxënësve tuaj. Nuk është e nevojshme t’i diskutoni të gjitha.

Një mundësi tjetër është t’i ndani nxënësit në grupe dhe t’i caktoni secilit grup të studiojë njërën nga thëniet ose fragmentin e Librit të Mormonit. Më pas ftojini nxënësit t’ia tregojnë klasës atë që mësuan.

Presidenti M. Rasëll Ballard, i Kuorumit të Dymbëdhjetë Apostujve, dha mësim rreth pritjes për Zotin. Lexoje thënien ose shikoje materialin filmik “Shpresë te Krishti” nga kodi kohor 9:13 deri në 10:06, në ChurchofJesusChrist.org.

15:45

“Pritja për Zotin nënkupton bindje të vazhdueshme dhe përparim shpirtëror drejt Tij. Pritja për Zotin nuk nënkupton që të presim duke mos bërë gjë. Kurrë nuk duhet të ndiheni se jeni në radhë në një dhomë pritjeje.

Pritja për Zotin nënkupton veprim. Kam mësuar përgjatë viteve se shpresa jonë te Krishti rritet kur u shërbejmë të tjerëve. Duke shërbyer siç shërbeu Krishti, ne e rritim natyrshëm shpresën tonë tek Ai.

Rritja vetjake që dikush mund ta arrijë tani, ndërkohë që pret për Zotin dhe premtimet e Tij, është një pjesë përbërëse e paçmuar, e shenjtë e planit të Tij për secilin prej nesh.” (M. Rasëll Ballard, “Shpresë te Krishti”, Liahona, maj 2021, f. 55)

Cilat janë disa mënyra se si ne mund të presim me durim Zotin në kohët e mundimeve?

Presidenti Rasëll M. Nelson përdori vargjet te Doktrina e Besëlidhje 98:1–3 për të dhënë mësim rreth përgjigjeve për lutjet tona.

14:30

“Nëse lutemi duke mbajtur parasysh përjetësinë, ne nuk duhet të pyesim veten nëse po dëgjohen apo jo lutjet tona më të përlotura dhe të çiltra. …

Zoti zgjodhi fjalët e Tij më të fuqishme për të na dhënë siguri! Vulë! Dëshmi! Betuar! Shpallur! Besëlidhje të patundshme! Vëllezër dhe motra, besojeni Atë! Perëndia do t’ia vërë veshin lutjeve tuaja të sinqerta e të çiltra; dhe besimi juaj do të forcohet.” (Rasëll M. Nelson, “Të Përballosh të Ardhmen me Besim”, Liahona, maj 2011, f. 35)

Çfarë të mëson kjo thënie rreth Zotit?
Si mund ta ndihmojë kuptueshmëria e këtyre mësimeve dikë që të presë me durim për Atë?

Lexo te 2 Nefi 2:1–2, duke kërkuar atë që profeti Lehi i mësoi të birit Jakobit rreth mundimeve të tij.

Cilat janë disa mënyra se si Zoti mund t’i “shenjtërojë hidhërimet [tona] për të mirë[n tonë]”?

Këshilla e Shpëtimtarit

Për të studiuar vargjet te Doktrina e Besëlidhje 98:11–22, nxënësit mund të punojnë me një partner ose grup më të vogël. Nxënësit mund të zgjedhin një parim ku të përqendrohen dhe më pas të kërkojnë këshillën e Shpëtimtarit që do ta ndihmonte dikë ta zbatojë atë parim.

Për shembull, fraza “ai do t’u japë besnikëve rresht pas rreshti” (vargu 12) mund ta ndihmojë dikë të presë me durim për Zotin ndërsa Ai u përgjigjet lutjeve të tij pak e nga pak. Fraza “braktisni gjithë ligësinë dhe të kapeni pas gjithë mirësisë” (vargu 11) mund ta ndihmojë dikë të jetojë në një mënyrë që Perëndia të mund të bëjë që mundimet e tij të “veprojnë së bashku për të mirën [e tij]” (vargu 3).

Lexo te Doktrina e Besëlidhje 98:11–22, duke kërkuar këshillën e Shpëtimtarit që mund të të ndihmojë ty ose dikë tjetër të presësh me durim për Zotin.

Çfarë gjete në këto vargje që mund ta ndihmojnë dikë të presë me durim për Zotin?
Çfarë fjalësh ose frazash do t’i thoshe dikujt që po kalon një sprovë? Përse?

Zbatoji mësimet e Shpëtimtarit

Në ditarin tënd të studimit, përgjigju plot lutje për pyetjet e mëposhtme, nga ajo që ke mësuar sot:

Çfarë ke mësuar që mund të ta rritë aftësinë për të pritur me durim për Zotin?
Çfarë je ndier i nxitur të bësh që mund të të ndihmojë të presësh me durim për Shpëtimtarin kur përballesh me sfida të vështira?

Për ta përmbyllur orën mësimore, ju mund të tregoni një përvojë kur keni pritur me durim për Zotin ose kur Ai ka bërë që një sprovë të bashkëveprojë për të mirën tuaj dhe lavdinë e Tij. Ju mund të jepni dëshminë tuaj për gatishmërinë e Atit Qiellor për të na bekuar në vështirësi ndërsa presim për Të.

Burime Shtesë

Po sikur të ndiej se lutjet e mia nuk po marrin përgjigje?

Plaku Xhefri R. Holland, i Kuorumit të Dymbëdhjetë Apostujve, dëshmoi:

14:18

“Do të ketë raste në jetën tonë kur edhe përpjekja jonë më e mirë shpirtërore dhe lutjet e zjarrta përgjëruese nuk do të japin fitoret për të cilat na pikon në zemër, qoftë në lidhje me çështjet e mëdha globale apo çështjet e vogla vetjake. Pra, ndërsa punojmë dhe presim së bashku për përgjigjet e disa prej lutjeve tona, unë ju ofroj premtimin tim apostolik se ato dëgjohen dhe marrin përgjigje, megjithëse ndoshta jo në kohën apo në mënyrën që i dëshironim. Por ato gjithmonë marrin përgjigje në kohën dhe në mënyrën që një prind i gjithëdijshëm dhe përjetësisht i dhembshur duhet t’u përgjigjet atyre. Vëllezërit dhe motrat e mia të dashura, ju lutem kuptojeni se Ai që as nuk fle as nuk dremit kurrë, kujdeset për lumturinë dhe ekzaltimin përfundimtar të fëmijëve të Tij mbi gjithçka tjetër që një qenie hyjnore duhet të bëjë. Ai është dashuria e pastër, e mishëruar plot lavdi dhe Atë i Mëshirshëm është emri i Tij.” (Xhefri R. Holland, “Duke Pritur për Zotin”, Liahona, nëntor 2020, f. 115–116)

Çfarë mund të bëj kur përballem me kohë sfiduese?

Motra Mishel D. Krejg, e Presidencës së Përgjithshme të Të Rejave, shpjegoi:

11:16

“Kur vijnë kohë të vështira, përpiqem të mbaj mend se unë zgjodha ta ndiqja Krishtin përpara se të vija në tokë dhe se sfidat ndaj besimit tim, shëndetit tim dhe qëndrueshmërisë sime janë të gjitha pjesë të arsyes përse jam këtu. Dhe sigurisht unë nuk duhet të mendoj kurrë që sprova e të sotmes vë në pikëpyetje dashurinë e Perëndisë për mua ose ta lejoj që ta kthejë në dyshim besimin tim tek Ai. Sprovat nuk janë tregues se plani po dështon; ato janë pjesë e planit dhe kanë për qëllim të më ndihmojnë për ta kërkuar Perëndinë. Unë bëhem më shumë si Ai kur duroj me qëndrueshmëri dhe, me shpresë, ashtu si Ai, kur jam në agoni, unë lutem më me zell.” (Mishel D. Krejg, “Me Gjithë Zemër”, Liahona, nëntor 2022, f. 61–62)

Ku mund të mësoj më shumë rreth dëbimit të shenjtorëve nga konteja Xhekson?

Saints, 1:172–193
David W. Grua, “Waiting for the Word of the Lord” [Duke Pritur për Zotin”], te Revelations in Context [Zbulesat në Kontekst] [2016]
Church History Topics [Tema të Historisë së Kishës], “Jackson County Violence” [“Dhuna në Kontenë Xhekson”] ChurchofJesusChrist.org/study/history/topics

Veprimtari Plotësuese të të Mësuarit

Butësia e Peshkopit Eduard Partrixh

Rishikojeni historinë e lyerjes me zift dhe me pupla të Peshkopit Partrixh te Saints, 1:179–180. Ftojini nxënësit t’i studiojnë mendimet e Peshkopit Partrixh rreth këtij incidenti (që gjenden më poshtë), duke kërkuar se si ai i demonstroi mësimet e Shpëtimtarit te Doktrina e Besëlidhje 98:1–3. Ftojini nxënësit të marrin parasysh se si ata mund të përgjigjen në mënyra të ngjashme.

Peshkopi Eduard Partrixh tregoi:

“Mua më lejuan të flisja përpara se të më lyenin me zift dhe me pupla. U thashë atyre se shenjtorët kanë vuajtur përndjekje në të gjitha epokat në botë; se nuk kisha bërë asgjë që mund të fyente ndokënd; që nëse do të më keqtrajtonin, ata do të keqtrajtonin një person të pafajshëm; se qeshë i gatshëm të vuaja për hir të Krishtit; por, që të lija vendin, nuk isha i gatshëm atëherë ta pranoja atë. …

… E durova keqtrajtimin tim me kaq shumë nënshtrim dhe butësi, saqë u duk se e çuditi grumbullin e njerëzve, që më lejuan të largohesha në heshtje, shumë prej tyre dukeshin shumë solemnë, zemra e tyre ishte prekur siç mendova; dhe sa për vete, isha kaq shumë i mbushur me Shpirtin dhe dashurinë e Perëndisë, saqë nuk kisha urrejtje ndaj përndjekësve të mi apo ndaj ndokujt tjetër.” (Edward Partridge, te History, 1838–1856 [Manuscript History of the Church], vëllimi A-1, f. 327–328, josephsmithpapers.org; drejtshkrimi, shenjat e pikësimit dhe shkronjat kapitale të standardizuara)

Ruajtja e Librit të Urdhërimeve

Për t’i ndihmuar nxënësit të shohin një shembull të të rejave duke demonstruar forcë dhe kurajë gjatë kohëve të sprovës, ju mund të tregoni historinë e Meri dhe Karolina Rollinsit nga materiali Saints, 1:178–179. Ju mund të diskutoni se si shembujt e këtyre motrave mund t’i frymëzojnë të rinjtë sot.

Doktrina e Besëlidhje 98:23–48. Ligjet e Zotit për shpagimin, luftën dhe faljen

Nëse nxënësit do të kishin dobi nga të mësuarit më shumë rreth mënyrës së Shpëtimtarit për t’iu përgjigjur përndjekjes, ftojini ata të përshkruajnë disa mënyra se si njerëzit mund të reagojnë kur dikush i fyen ose i lëndon ata. Shpjegoni se në zbulesën e shënuar te Doktrina e Besëlidhje 98:23–48, Zoti jep mësim parime që mund të na ndihmojnë të dimë se si të përgjigjemi kur lëndohemi nga fjalët ose veprimet e njerëzve të tjerë. Ju mund ta organizoni klasën në dyshe ose në grupe të vogla. Secili grup mund të përzgjedhë njërën nga temat vijuese për ta studiuar dhe mund të përgatitet për t’ia treguar klasës atë që mëson.

Doktrina e Besëlidhje 98:23–32 – Ligji i Shpëtimtarit për përgjigjen ndaj përndjekjes
Doktrina e Besëlidhje 98:33–38 – Ligji i Shpëtimtarit për luftën
Doktrina e Besëlidhje 98:39–48 – Ligji i Shpëtimtarit për faljen

Ju mund t’i ftoni nxënësit t’i diskutojnë pyetjet vijuese duke përdorur skenarët e mëposhtëm, ose nxënësit mund të krijojnë situata të ngjashme që lidhen me ta.

Çfarë do të donit të bënit nëse do të ndodhte kjo?
Si na kërkon Shpëtimtari që të reagojmë sipas seksionit te Doktrina e Besëlidhje 98?
Vëllezërit e Nefit e lidhin atë dhe e lënë në shkretëtirë, pothuajse shkaktojnë vdekjen e tij në anijen drejt tokës së premtuar dhe bëjnë komplot për ta vrarë atë pas vdekjes së Lehit.
Kur publikoni figura të Shpëtimtarit dhe tempullit në internet, dikush nga shkolla juaj lë komente të pakëndshme në publikimet në mediat sociale.
Një misionar që shërben nga lagjja ose dega juaj, ju shkruan një letër, duke kërkuar falje që ju ka keqtrajtuar gjatë shkollës së mesme.

Ju mund të shfaqni edhe materialin filmik “That We Might Be One: The Story of the Dutch Potato Project” [“Që Ne të Jemi Një: Historia e Projektit Holandez të Patateve”] (11:57) nga ChurchofJesusChrist.org. Ky material filmik tregon historinë e shenjtorëve në Holandë që i sakrifikuan me vullnet të lirë racionet e tyre të ushqimit, për armiqtë e tyre të mëparshëm pas Luftës II Botërore. Ju mund t’i ftoni nxënësit të kërkojnë se si Shpëtimtari i bekoi shenjtorët holandezë për përpjekjet e tyre të ngjashme me të Krishtit.

11:57