Doktrina e Besëlidhje 93:1–22

Merreni parasysh ta filloni mësimin duke paraqitur një fotogragi të një personi të mirënjohur që nxënësit tuaj do ta dallojnë, dhe t’i pyesni a e dinë emrin e personit. Ftojini nxënësit ta diskutojnë arsyen përse ai person është kaq i mirënjohur dhe përse mund të jetë e rëndësishme për dikë që të dijë se kush është ky person.

Më pas paraqitni një figurë të Jezu Krishtit dhe ftojini nxënësit t’i diskutojnë pyetjet vijuese:

Merreni parasysh t’i ftoni nxënësit të mendojnë në heshtje rreth mënyrës se si ata janë ndikuar vetë për shkak të asaj që dinë rreth Jezu Krishtit. Ndërsa studiojnë, nxitini ata të kërkojnë të vërteta që mund t’i ndihmojnë ta kuptojnë më mirë se kush është Jezu Krishti dhe çfarë mund të bëjë Ai për ta.

Për t’i ndihmuar nxënësit t’i shënojnë ftesat e Shpëtimtarit në këtë varg, merreni parasysh t’i ftoni ata ta numërtojnë secilën në shkrimet e tyre të shenjta. Nxënësit gjithashtu mund të ftohen t’i renditin këto ftesa në ditarët e tyre të studimit ose t’i shkruajnë ato në tabelë.

Nxënësit mund të kenë pyetje rreth premtimit të Shpëtimtarit se ata që i ndjekin ftesat e Tij te vargu 1, do ta shohin fytyrën e Tij. Nëse dëshironi, mund të theksoni se ky bekim do të vijë në ‘vetë kohën e [Zotit] dhe në vetë mënyrën e [Zotit], dhe sipas vetë vullnetit të [Zotit]’ (Doktrina e Besëlidhje 88:68).

Ftojini nxënësit ta tregojnë atë që mësuan rreth Jezu Krishtit nga vargjet që studiuan. Nëse e paraqitët tabelën në dërrasë, nxënës të ndryshëm mund ta plotësojnë atë duke i shkruar të vërtetat që mësuan pranë vargjeve që studiuan.

Disa të vërteta që nxënësit mund t’i diskutojnë ose thonë, janë: Jezu Krishti është Drita e botës (shihni vargjet 2, 9); Jezu Krishti është lajmëtari i shpëtimit (shihni vargun 8); Jezu Krishti u rrit nga hiri në hir derisa mori plotësinë e Atit (shihni vargjet 12–14); dhe Jezu Krishti është i parëlinduri i të gjithë fëmijëve shpirtërorë të Atit Qiellor (shihni vargun 21).

Për t’i ndihmuar nxënësit t’i diskutojnë gjetjet dhe idetë e tyre rreth Shpëtimtarit, merreni parasysh të bëni pyetje si ato në vijim:

Nxitini nxënësit të kërkojnë ta njohin Jezu Krishtin në mënyrë më të plotë ndërsa përpiqen fort ta vazhdojnë studimin e tyre vetjak të shkrimeve të shenjta. Nëse koha e lejon, merreni parasysh ta përdorni thënien nga Plaku Dejvid A. Bednar te “Burime Shtesë” për t’i ndihmuar nxënësit t’i kuptojnë mënyrat shtesë se si ata mund të arrijnë ta njohin Shpëtimtarin më mirë. Ky mund të jetë një rast i mirë për t’i ftuar ata t’i shprehin ndjenjat rreth Shpëtimtarit dhe të dëshmojnë për bekimet që vijnë nga rritja në njohurinë tonë për Të.

Nëse dëshironi, mund ta përmbyllni duke lexuar vargun te Gjoni 17:3 dhe duke i ftuar pjesëtarët e klasës të kërkojnë bekimin më të rëndësishëm që mund të marrim duke u afruar më pranë Atit Qiellor dhe Jezu Krishtit.