Doktrina e Besëlidhje 89:1–17

Merreni parasysh t’i ftoni nxënësit t’i diskutojnë karremat që përdor Satani për t’i zënë në kurth fëmijët e Perëndisë. Ju mund të sillni ose shfaqni një figurë të karremave të peshkimit. Gjithashtu, mund t’u kërkoni nxënësve që kanë përvojë peshkimi, të përshkruajnë karremat më të mirë për t’u përdorur në zonën tuaj. Një mundësi tjetër është të shfaqni pjesën e parë të materialit filmik “You Will Be Freed” [“Ju do të Çliroheni”], në dispozicion në ChurchofJesusChrist.org, nga kodi kohor 0:00 deri në 1:29.

Merreni parasysh ta paraqitni figurën vijuese të një dhome të vogël mbi dyqanin e Njull K. Uitnit në Kirtland të Ohajos. Ftojini nxënësit tuaj ta imagjinojnë dhomën të mbushur me burra, shumë prej të cilëve pinin duhan dhe e përtypnin atë, ndërsa ua shpjegoni informacionin në paragrafin vijues.

Ndërsa nxënësit i përgjigjen pyetjes së mëparshme, ju mund t’i ndihmoni ata të dallojnë se si hartohen ose llogariten disa nga ligësitë për të na mashtruar.

Mund të jetë e dobishme që nxënësit të mendojnë ose tregojnë pyetjet që kanë rreth Fjalës së Urtësisë. Pjesa vijuese mund t’i ndihmojë ata t’i gjejnë përgjigjet.

Për ta paraqitur veprimtarinë vijuese, nëse dëshironi, mund të sillni ose të flisni rreth manualit të përdoruesit për një produkt të cilin nxënësit e njohin. Vëreni në dukje shkurtimisht vlerën e njohurisë se si të mirëmbahet produkti dhe disa paralajmërime rreth përdorimit të papërshtatshëm të tij. Ndihmojini nxënësit të kuptojnë se Perëndia, si Krijues (shihni te Zanafilla 1:27), i kupton në mënyrë të përsosur trupat tanë dhe ka dhënë udhëzime dhe paralajmërime rreth përdorimit dhe kujdesit ndaj tyre.

Nëse nxënësit kanë pyetje rreth hollësive të Fjalës së Urtësisë që nuk janë dhënë mësim me qartësi nga Kisha, nxitini ata të këshillohen me prindërit e tyre, peshkopin ose presidentin e degës.

Jepuni nxënësve një mundësi për ta treguar ose paraqitur atë që krijuan.

Shënim: Në pjesën “Veprimtari Plotësuese të të Mësuarit” të mësimit të radhës, gjendet një sugjerim që nxënësit të shtojnë një faqe të fundit në fletushkat e tyre. Faqja e fundit do të përvijojë bekimet që ofron Perëndia te Doktrina e Besëlidhje 18–21 për mbajtjen e Fjalës së Urtësisë. Nëse kjo do të ishte një përvojë e mirë për nxënësit tuaj, ju mund t’i nxitni ata t’i dorëzojnë fletushkat e tyre sot ose të sigurohen që t’i sjellin ato sërish në klasë për mësimin e radhës.

Për t’i ndihmuar nxënësit të shohin mënyrën se si Shpëtimtari ishte i duruar me shenjtorët e Tij pasi e zbuloi këtë urdhërim, nëse dëshironi, mund t’u tregoni nxënësve një pjesë të përmbajtjes vijuese me fjalët tuaja:

Jezusi e zbuloi Fjalën e Urtësisë në vitin 1833, por ajo nuk u dha si urdhërim në atë kohë (shihni te vargu 2). Pasi ajo u mor, shumë shenjtorë filluan të përpiqeshin fort për t’i kapërcyer traditat e pranuara nga ana kulturore dhe për disa, varësitë që kishin zhvilluar. Me kalimin e kohës, Zoti i drejtoi udhëheqësit e Kishës, duke përfshirë Brigam Jangun dhe Xhon Tejlorin, që të prisnin më tepër nga shenjtorët për sa i përket zbatimit prej tyre të parimeve që jepen mësim te Doktrina e Besëlidhje 89. Pas fillimit të shekullit të njëzetë, Presidenti Hibër J. Grant “i sfidoi ata ta mbanin Fjalën e Urtësisë me saktësi, duke mos përdorur pije alkoolike, kafe, çaj, duhan dhe substanca të tjera të dëmshme që breza më të hershëm të shenjtorëve i kishin përdorur ndonjëherë”, duke e bërë “Fjalën e Urtësisë të detyrueshme për frekuentimin e tempullit dhe shërbimin misionar” (Saints, 3:291–292). “Në vitin 1921, Zoti e frymëzoi Presidentin Hibër J. Grant t’u kërkonte të gjithë shenjtorëve të mos përdornin pije alkoolike, duhan, kafe dhe çaj me qëllim që të fitonin një rekomandim të tempullit” (Church History Topics, “Word of Wisdom [DeB 89]”, Gospel Library [Biblioteka e Ungjillit]).

Përfundimi i materialit filmik të sugjeruar në fillim të mësimit mund të japë shpresë nëpërmjet Krishtit për ata që luftojnë me varësinë. Ju mund të merrni parasysh ta shfaqni materialin filmik “You Will Be Freed” [“Ju do të Çliroheni”] nga kodi kohor 1:29 deri në 2:55.

Nxënësit që do të donin më shumë burime për ndihmë për varësinë, mund të drejtohen te udhëheqësit e lagjes së tyre dhe te faqja “Ndihmë për Jetën” në ChurchofJesusChrist.org.

Para se të bëni pyetjen vijuese, merreni parasysh t’i ndihmoni nxënësit ta dallojnë mirësinë që tregoi Jezu Krishti duke na e dhënë Fjalën e Urtësisë. Mund të jetë e dobishme t’i ftoni ata të imagjinojnë se si bota do të ishte ndryshe nëse nuk do të kishte abuzim me substancat. Gjithashtu, mund t’u jepni atyre kohë për të shkruar se si Fjala e Urtësisë i ka bekuar dhe mbrojtur ata dhe njerëzit e tyre të dashur.

Merreni parasysh ta përmbyllni mësimin duke treguar se si Fjala e Urtësisë e ka bekuar jetën tuaj dhe duke shprehur mirënjohje për Shpëtimtarin që na e dha këtë zbulesë.