“Doktrina e Besëlidhje 58–59: Vështrim i Përgjithshëm”, Manuali i Mësuesit të Seminarit për Doktrinën e Besëlidhjet (2025)
“Doktrina e Besëlidhje 58–59”, Manuali i Mësuesit të Seminarit për Doktrinën e Besëlidhjet
Doktrina e Besëlidhje 58–59
Doktrina e Besëlidhje 58–59
Vështrim i Përgjithshëm
Në gusht të vitit 1831, një grup shenjtorësh kishin arritur kohët e fundit në kontenë e Xheksonit në Misuri. Shumë vetë dëshironin ta ndihmonin Shpëtimtarin ta ndërtonte Sionin, por ishin të pasigurt se çfarë të bënin. Zoti u shpjegoi se Ai priste prej tyre që ta përdornin lirinë e tyre të zgjedhjes për të gjetur mënyra për të shërbyer. Ai i ftoi gjithashtu ata të pendoheshin për mëkatet e tyre dhe i udhëzoi ta mbanin të shenjtë ditën e Shabatit.
Zgjerimi i përvojës së të mësuarit: Kur i ftoni ata, të cilëve u jepni mësim, që të veprojnë sipas doktrinës së vërtetë, ju po i ftoni ata ta zgjerojnë përvojën e të mësuarit në shtëpitë dhe jetën e tyre të përditshme. Ndihmojini nxënësit tuaj ta shohin të mësuarit shpirtëror si një përvojë të përditshme dhe jo si diçka që ndodh vetëm në orën mësimore. Kjo mund t’i ndihmojë nxënësit të kenë më tepër shtysë për t’i mësuar dhe zbatuar mësimet e ungjillit. Për më tepër mbi mënyrën se si Shpëtimtari e bëri këtë, shihni pjesën “Shpëtimtari i Ftoi të Tjerët ta Jetonin Atë që Ai Dha Mësim” te Mësimdhënia sipas Mënyrës së Shpëtimtarit. Mund edhe të shihni një shembull se si ta bëni këtë në mësimin e kësaj jave të titulluar “Doktrina e Besëlidhje 58:26–29”.
Përgatituni të jepni mësim
Informacioni i mëposhtëm ju siguron ide mbi ato që mund të nevojitet të përgatitni paraprakisht për çdo mësim.
Doktrina e Besëlidhje 58:26–29
Qëllimi i mësimit: T’i ndihmojë nxënësit të kuptojnë si ta ndjekin shembullin e Shpëtimtarit për ta përshkuar vendin duke bërë mirë.
-
Përgatitja e nxënësve: Ftojini nxënësit të mendojnë për dikë që e njohin, që gjen mënyra për të shërbyer në mënyra të ngjashme me të Krishtit. Vërini ata ta përsiatin atë që mund të mësojnë rreth karakterit të Shpëtimtarit nga shembulli i këtij personi.
-
Përmbajtje për t’u paraqitur: Tabelë për t’i ndihmuar nxënësit t’i studiojnë vargjet te Doktrina e Besëlidhje 58:26–29
-
Materiale filmike: “Jezu Krishti dhe Engjëjt Japin Shërbesë me Dhembshuri” (11:59); “Widow of Nain” [“E Veja e Nainit”] (2:22)
Doktrina e Besëlidhje 58:38–60
Qëllimi i mësimit: T’i ndihmojë nxënësit ta ndiejnë shpresën se Shpëtimtari i fal ata që pendohen për mëkatet e tyre.
-
Përgatitja e nxënësve: Ftojini nxënësit të mendojnë për pyetje ose shqetësime që i shkurajojnë disa adoleshentë që të mos pendohen pasi bëjnë një gabim. Ftojini ata të përsiatin për atë që dinë rreth Jezu Krishtit, që mund të ndihmojë të zgjidhen ato pyetje ose shqetësime.
-
Figurë për t’u paraqitur: Figura e një adoleshenti
-
Material: Për Forcën e Rinisë: Një Udhëzues për Bërjen e Zgjedhjeve (2022)
-
Materiale filmike: “Jezu Krishti Është Forca e Rinisë” (14:12; shikojeni nga kodi kohor 0:34 deri në 2:12); “The Savior Wants to Forgive” [“Shpëtimtari Dëshiron të Falë”] (5:50)
Doktrina e Besëlidhje 59
Qëllimi i mësimit: T’i ndihmojë nxënësit ta nderojnë Zotin duke zgjedhur ta mbajnë të shenjtë ditën e Shabatit.
-
Përgatitja e nxënësve: Ftojini nxënësit të përsiatin se si ndihen rreth Shabatit. Ftojini ata të mendojnë rreth arsyes përse Shpëtimtari do të na urdhëronte ta veçojmë një ditë çdo javë për t’u përqendruar tek Ai dhe ungjilli i Tij.
-
Material: Për Forcën e Rinisë: Një Udhëzues për Bërjen e Zgjedhjeve
-
Materiale filmike: “Only upon the Principles of Righteousness” [“Vetëm mbi Parimet e Drejtësisë”] (10:11; shikojeni në kodet kohore nga 4:59 deri në 5:24 dhe nga 5:24 deri në 6:26); “Upon My Holy Day – Honoring the Sabbath” [“Në Ditën Time të Shenjtë – Nderimi i Shabatit”] (1:30)