Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 55 – Doktrina e Besëlidhje 41:1–12: Zoti Kënaqet të na Bekojë

“Mësimi 55 – Doktrina e Besëlidhje 41:1–12: Zoti Kënaqet të na Bekojë”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 41:1–12”, Manuali i Mësuesit të Seminarit për Doktrinën e Besëlidhjet

Mësimi 55: Doktrina e Besëlidhje 41–44

Doktrina e Besëlidhje 41

Zoti Kënaqet të na Bekojë

Jezu Krishti përshëndet një burrë të verbër

Ndërsa Profeti u bashkua me shenjtorët e munduar në Ohajo, Zoti dëshmoi se Ai kënaqet duke i bekuar ata që e dëgjojnë Atë. Ky mësim ka për qëllim t’i ndihmojë nxënësit të ndiejnë siguri se Zoti do t’i bekojë ata ndërsa e dëgjojnë dhe i binden Atij.

Veprimtari të Mundshme të të Mësuarit

Sa i sigurt je që …?

Vizatoni një grafik si ai që vijon në tabelë:

Tregoni me gisht nga ana e djathtë e shkallës. Ftojini nxënësit të tregojnë diçka për të cilën janë të sigurt dhe pse.

Shkruajeni thënien vijuese në tabelë: Zoti do të na bekojë nëse e dëgjojmë Atë dhe i bindemi Atij. Kërkojuni nxënësve ta përdorin shkallën për të vlerësuar sigurinë e tyre në këtë pohim në një shkallë nga 1 te 5 (1 = jo i sigurt dhe 5 = shumë i sigurt). Ftojini nxënësit të mendojnë rreth arsyes pse e vlerësuan sigurinë e tyre në atë mënyrë.

Çfarë ndryshimi mund të sjellë të ndierit shumë i/e sigurt që Zoti do të të bekojë?

Ftojini nxënësit të kërkojnë ndihmë nga Zoti për ta shtuar sigurinë e tyre se Ai do t’i bekojë ndërsa përpiqen fort ta dëgjojnë Atë dhe t’i binden Atij.

Qëndrimi i Zotit kundrejt dhënies së bekimeve për ne

Në dhjetor të vitit 1830, Zoti i urdhëroi shenjtorët të shpërnguleshin në Ohajo (shih te Doktrina e Besëlidhje 37:3). Pak kohë më vonë, në janar dhe shkurt të vitit 1831, Profeti Jozef Smith dhe bashkëshortja e tij, Ema, përshkuan qindra kilometra drejt Kirtlandit në Ohajo. Profeti më pas mori zbulesë ku i jepeshin disa udhëzime ndërkohë që shenjtorët nga zonat e tjera filluan të zinin vend në Kirtland.

Lexo te Doktrina e Besëlidhje 41:1, duke kërkuar qëndrimin e Zotit rreth bekimit të atyre që e dëgjojnë Atë.

Çfarë mendon se do të thotë të kënaqesh me diçka?
Cilat mendon se janë “më [të mëdhatë] nga të gjitha dhuratat e Perëndisë”? (Doktrina e Besëlidhje 14:7.)
Cilat janë disa mënyra se si mund ta dëgjojmë Atë?

Dëgjojini përgjigjet e nxënësve. Nëse do të ishte e dobishme, ftojini nxënësit të lexojnë thënien vijuese, duke kërkuar mënyra se si mund ta dëgjojmë Zotin.

Presidenti Rasëll M. Nelson dha mësim:

“Kërkon përpjekje të ndërgjegjshme dhe të vazhdueshme që ta mbushim jetën tonë të përditshme me fjalët e Tij, mësimet e Tij, të vërtetat e Tij. …

Ne mund të shkojmë te shkrimet e shenjta. Ato na japin mësim rreth Jezu Krishtit dhe ungjillit të Tij, madhështisë së Shlyerjes së Tij dhe planit të madhërishëm të Atit tonë për lumturi dhe shëlbim. … Teksa ushqehemi me bollëk përditë me fjalët e Krishtit, fjalët e Krishtit do të na thonë se si të reagojmë ndaj vështirësive me të cilat kurrë nuk menduam se do të përballeshim.

Ne gjithashtu mund ta dëgjojmë Atë në tempull. Shtëpia e Zotit është një shtëpi mësimi. Atje Zoti jep mësim në vetë mënyrën e Tij. …

… Dhe, së fundi, ne e dëgjojmë Atë kur u kushtojmë vëmendje fjalëve të profetëve, shikuesve dhe zbuluesve. Apostujt e shuguruar të Jezu Krishtit gjithmonë dëshmojnë për Të. Ata tregojnë udhën teksa ne çajmë udhën tonë nëpër labirintin zemërndrydhës të përvojave tona në vdekshmëri.” (Rasëll M. Nelson, “Dëgjojeni Atë”, Liahona, maj 2020, f. 89, 90)

Merreni parasysh t’u kërkoni nxënësve ta rishikojnë vargun 1 për të parë se çfarë u ndodh atyre që refuzojnë ta dëgjojnë Zotin. Mund të jetë e dobishme të vini në dukje se fjala “mallkime”, siç përdoret në këtë varg, u referohet gjykimeve ose pasojave.

Pse është e rëndësishme të dimë se refuzimi për ta dëgjuar Zotin mund të çojë në pasoja negative?

Shembuj të Zotit duke i bekuar ata që e dëgjojnë Atë

Inkurajoni disa nxënës të japin përgjigjet e tyre për pyetjet vijuese. Të treguarit për entuziazmin dhe dashurinë e tyre mund t’i ndihmojë ata ta bëjnë lidhjen me kënaqësinë e Zotit. Kjo mund të jetë gjithashtu një mundësi e mirë për t’i njohur më mirë nxënësit tuaj.

Çfarë të pëlqen shumë ose nga çfarë kënaqesh?

Shpjegoni se ka shumë shembuj kur Zoti vërtet kënaqet duke i bekuar ata që e dëgjojnë Atë.

Lexoji vargjet vijuese duke kërkuar mënyrën se si Zoti i bekon shenjtorët e Tij teksa ata e dëgjojnë Atë.

Merreni parasysh ta ndani klasën në grupe për të lexuar vargjet dhe për t’iu përgjigjur pyetjeve shoqëruese. Më pas nxënësit mund t’i tregojnë njëri‑tjetrit atë që mësuan.

Doktrina e Besëlidhje 41:2–5

Në ç’mënyrë mund të jetë një bekim marrja e ligjit ose drejtimit nga Zoti? (Shih vargun 3.)
Si mund të na ndihmojë bindja ndaj ligjit të Zotit dhe bërja dishepuj më të mirë të Krishtit? (Shih vargun 5.)

Për një shembull bashkëkohor, shih Presidentin Gordon B. Hinkli (1910–2008) të tregojë se si Zoti e bekoi dikë që e dëgjoi dhe iu bind Atij, në materialin filmik “We Walk by Faith” [“Ne Ecim me Anë të Besimit”], që gjendet në ChurchofJesusChrist.org, nga kodi kohor 7:30 deri në 12:39.

16:28

Shembuj të tjerë

Ftojini nxënësit të kërkojnë ose të mendojnë për të paktën dy shembuj të tjerë që krijojnë sigurinë e tyre se Zoti do t’i bekojë ata që e dëgjojnë Atë. Inkurajojini ata të kërkojnë udhërrëfimin e Zotit për të gjetur shembuj që do t’i bekojnë ata dhe klasën.

Gjej një shembull nga shkrimet e shenjta. Shembulli mund të jetë:
1. Një tregim për kohën kur Zoti i bekoi ata që e dëgjuan dhe iu bindën Atij. (Disa shembuj janë si këta në vijim: Noeu që ndërtoi arkën dhe u shpëtua nga përmbytja [shih te Zanafilla 6–8]; Debora që iu bind urdhrit të Zotit për ta çliruar Izraelin nga robëria [Gjyqtarët 4:1–8, 13–15]; Maria që e pranoi rolin për të qenë nëna e Shpëtimtarit dhe që ndjeu bekimet e Zotit [Lluka 1:38, 46–49]; Nefi që mori fletët prej tunxhi [shih te 1 Nefi 3–5]; Jozef Smithi që qe në gjendje t’i mbronte fletët [shih te Joseph Smith – Historia 1:46, 60]; Jozef Smithi dhe Oliver Kaudëri që pagëzuan njëri‑tjetrin pasi morën Priftërinë Aarone dhe më pas morën një shpërfaqje të Frymës së Shenjtë [shih te Joseph Smith – Historia 1:68–74].)
2. Një varg ose vargje që dëshmojnë se Zoti do të na bekojë ndërsa e dëgjojmë Atë dhe i bindemi Atij. (Disa shembuj janë Malakia 3:10; 1 Gjon 3:22; Jaromi 1:9; Mosia 2:41; Doktrina e Besëlidhje 19:38; 82:10; 89:1, 18–21; 130:21.)
Mendo për një shembull tjetër. Shembulli mund të jetë:
1. Një përvojë vetjake kur Zoti të ka bekuar.
2. Një përvojë nga një shok apo shoqe ose njeri i dashur.
3. Një bisedë nga konferenca e përgjithshme.
4. Një material filmik në ChurchofJesusChrist.org.

Ftojini nxënësit t’i shkruajnë shembujt e tyre në copa të ndara letre. Thuajuni nxënësve që ajo që ata shkruajnë, mund t’i tregohet pjesës tjetër të klasës. Mblidhini letrat, shkartisini ato dhe më pas zgjidhni disa ose ftoni një nxënës ta bëjë këtë. Nëse doni, mund të lexoni nga një shembull çdo herë dhe të pyesni nëse nxënësi që e shkroi, do të ishte i gatshëm të tregonte pse e zgjodhi atë shembull. Pyesni se si shembulli mund ta shtojë sigurinë e nxënësit se Zoti do ta bekojë atë ndërsa ai ose ajo e dëgjon Atë. Ndërsa nxënësit tregojnë, falënderojini ata për përpjekjen e tyre dhe përpiquni t’i ndihmoni që të ndiejnë rëndësinë e shprehjes së mendimeve dhe përvojave të tyre në klasë.

Për ta mbyllur këtë mësim, shënoji mendimet dhe ndjenjat e tua rreth faktit që Zoti na bekon ndërsa e dëgjojmë Atë. A ndihesh i/e sigurt që Ai do të të bekojë? Çfarë mund të bësh për ta shtuar sigurinë tënde?

Merreni parasysh t’i ftoni nxënësit të tregojnë atë që mësuan dhe ndien në klasë sot. Shprehni dëshminë dhe sigurinë tuaj se Zoti do të na bekojë ndërsa e dëgjojmë Atë.

Burime Shtesë

Si mund ta dëgjoj më mirë Zotin?

Plaku Riçard G. Skot (1928–2015), i Kuorumit të Dymbëdhjetë Apostujve, dha mësim:

16:6

“Ati ynë pret që ju ta mësoni si fitohet ajo ndihmë hyjnore duke ushtruar besim tek Ai dhe Biri i Tij i Shenjtë, Jezu Krishti. Nëse do ta merrnit udhëheqjen e frymëzuar thjesht me kërkesë, ju do të bëheshit të dobët dhe gjithnjë e më të varur tek Ata. Ata e dinë se rritja e nevojshme vetjake do të vijë kur ju mundoheni të mësoni se si të udhëhiqeni nga Shpirti.

Ajo që mund të duket fillimisht si një punë shkurajuese, me kohë do të jetë shumë më e lehtë për t’ia dalë mbanë kur përpiqeni me qëndrueshmëri për të dalluar e ndjekur ndjenjat që nxiten nga Shpirti. Bindja juaj e brendshme tek drejtimi që merrni nga Fryma e Shenjtë, do të bëhet gjithashtu më e fortë.” (Riçard G. Skot, “Të Fitosh Udhëheqje Shpirtërore”, Liahona, nëntor 2009, f. 7)

Po nëse bekimet e Perëndisë nuk duket se po vijnë?

Plaku Dejll G. Renland, i Kuorumit të Dymbëdhjetë Apostujve, tha:

“Kur merrni ndonjë bekim nga Perëndia, ju mund të arrini në përfundimin se i jeni bindur një ligji të përjetshëm që e drejton marrjen e atij bekimi. Por mbani mend se ligji ‘[i] shpallur në mënyrë të pakthyeshme’ nuk është i ndjeshëm ndaj kohës [sonë], që do të thotë se bekimet vijnë sipas kohës së Perëndisë. Madje edhe profetët e lashtë gjatë kërkimit për shtëpinë e tyre qiellore ‘vdiqën në besim, pa marrë premtimet e bëra, por i panë ato për se largu dhe u bindën dhe i përshëndetën ato [me gëzim]’ [Hebrenjve 11:13]. Nëse një bekim i dëshiruar nga Perëndia nuk është marrë ende – prapëseprapë – nuk keni përse të merakoseni së tepërmi, duke pyetur veten se çfarë nevojitet të bëni tjetër. Në vend të kësaj, vërjani veshin këshillës së Jozef Smithit për t’i ‘bë[rë] me gëzim të gjitha gjërat që janë në fuqinë [tuaj]; dhe atëherë qëndrofshim të patundur, me sigurinë më të madhe, për të parë … që krahu i [Perëndisë] të zbulohet’ [Doktrina e Besëlidhje 123:17]. Disa bekime ruhen për më vonë, edhe për fëmijët më të guximshëm të Perëndisë.” (Dejll G. Renland, “Të Mbushur me Bekime”, Liahona, maj 2019, f. 72)

A i fitojmë ne bekimet e Perëndisë?

Plaku Dejll G. Renland, i Kuorumit të Dymbëdhjetë Apostujve, tha:

“Vëllezërit dhe motrat e mia të dashura, Ati ynë Qiellor dhe Jezu Krishti dëshirojnë ta bekojnë secilin prej nesh. … Bekimet nga qielli as nuk merren duke i shtuar me furi ‘kuponët e veprave të mira’ as duke pritur si të pafuqi për të parë nëse do e fitojmë lotarinë e bekimeve. Jo, e vërteta është me më shumë ngjyrim, por më e përshtatshme për marrëdhënien midis një Ati të dashur Qiellor dhe trashëgimtarëve të Tij të mundshëm – neve. E vërteta e rivendosur zbulon se bekimet asnjëherë nuk fitohen, por veprimet e frymëzuara nga besimi nga ana jonë, si në fillim edhe në vazhdim, janë thelbësore.” (Dejll G. Renland, “Të Mbushur me Bekime”, Liahona, maj 2019, f. 70)

Veprimtari Plotësuese të të Mësuarit

Shembuj të tjerë të Zotit duke i bekuar ata që e dëgjojnë Atë

Një shembull i Zotit që kënaqet t’i bekojë ata që e dëgjojnë Atë, është një tregim për En dhe Njull K. Uitnin. Lexo te Saints: The Story of the Church of Jesus Christ in the Latter Days, vëll. 1, The Standard of Truth, 1815–1846 (2018), f. 111–113, ose dëgjoje nga kodi kohor 13:01 deri në 15:52.

Si kërkoi çifti Uitni ta dëgjonte zërin e Zotit?
Si e bekoi Zoti çiftin Uitni?

Krahas dërgimit të Profetit Jozef Smith që të jetonte në Kirtland, Zoti i bekoi shenjtorët në mënyra të tjera.

Një shembull tjetër është Eduard Partrixhi. Nxënësit mund të lexojnë te Doktrina e Besëlidhje 41:9–11, duke kërkuar atë që Zoti e thirri Eduardin të bënte.

Si u përshkrua Eduardi në këto vargje?
Si mendon se do t’i bekonte shenjtorët në Kirtland përmbushja e rolit të tij si peshkop?

Shpjegoni se Peshkopi Partrixh shërbeu me besnikëri në thirrjen e tij në Ohajo, më pas në Misuri dhe gjatë periudhës së Ilinoisit derisa vdiq në vitin 1840. Shërbimi i tij qe një bekim i madh për shenjtorët.

Në ç’mënyrë është pasja e një peshkopi një bekim në jetën tonë sot?

Zoti i shpjegoi disa nga bekimet që Eduard Partrixhi mori pas vdekjes së tij. Lexo te Doktrina e Besëlidhje 124:19 duke i kërkuar këto bekime.

Perlat para derrave

Pasi nxënësit të lexojnë te Doktrina e Besëlidhje 41:5–6, shfaqeni këtë fotografi dhe pyetini se çfarë mendojnë se është.

Ftojini nxënësit t’i shpjegojnë një partneri se çfarë mendojnë se do të thotë fraza “mos i hidhni margaritarët [perlat] tuaj[a] para derrave” (Mateu 7:6). Më pas ftojini nxënësit të lexojnë thënien vijuese nga Plaku D. Tod Kristoferson, i Kuorumit të Dymbëdhjetë Apostujve:

“Zoti tha: ‘Kujtoni se ajo që vjen nga lart, është e shenjtë dhe duhet të flitet me kujdes e me detyrimin e Shpirtit’ (DeB 63:64). Ai gjithashtu urdhëroi se ne nuk duhet t’i hedhim margaritarët [perlat] para derrave ose t’ua japim qenve ç’është e shenjtë (shihni tek 3 Nefi 14:6; DeB 41:6), që do të thotë se gjërat e shenjta nuk duhet të diskutohen me ata që nuk janë të përgatitur ta çmojnë vlerën e tyre.

Jini të mençur me atë që Zoti jua jep. Është çështje mirëbesimi. Ju, për shembull, nuk do t’ia tregonit çdokujt përmbajtjen e bekimit tuaj patriarkal.” (D. Todd Christofferson, “A Sense of the Sacred”, New Era, qershor 2006, f. 31)

Cilat janë disa gjëra të shenjta që duhet t’i trajtojmë me nderim dhe respekt?

Të mësuarit më shumë rreth mënyrës se si ta dëgjojmë Atë

Mund të merrni parasysh të shfaqni një ose më shumë nga këto materiale filmike gjatë orës mësimore. Ftojini nxënësit të tregojnë atë që mësuan rreth të dëgjuarit të zërit të Zotit në jetën e tyre.

1:0

2:32

2:13