Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 36: Doktrina e Besëlidhje 20:37, 68–79: Ordinancat e Shenjta të Pagëzimit dhe Sakramentit

“Doktrina e Besëlidhje 20:37, 68–79: Organizimi i Kishës së Jezu Krishtit”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 20:37, 68–79”, Manuali i Mësuesit të Seminarit për Doktrinën e Besëlidhjet

Mësimi 36: Doktrina e Besëlidhje 20–22

Doktrina e Besëlidhje 20:37, 68–79

Ordinancat e Shenjta të Pagëzimit dhe Sakramentit

Në një zbulesë ndaj Profetit Jozef Smith të shënuar te Doktrina e Besëlidhje 20, Zoti shpjegoi ordinancat e pagëzimit, konfirmimit dhe sakramentit. Ky mësim mund t’i ndihmojë nxënësit ta vlerësojnë se si po i përmbushin pritshmëritë e Zotit për anëtarët e Kishës së Tij.

Përgatitja e nxënësve: Nxënësit mund të lexojnë te Doktrina e Besëlidhje 20:37, 68–79. Ftojini ata të kërkojnë udhëzimet që dha Zoti për ata që dëshirojnë t’i bashkohen Kishës së Tij dhe për ata që i përkasin Kishës së Tij.

Veprimtari të Mundshme të të Mësuarit

Si ndryshon jeta pas pagëzimit

Para se t’i ftoni nxënësit ta diskutojnë pyetjen vijuese, merreni parasysh të tregoni një fotografi të dikujt në ditën e tij/saj të pagëzimit, si ajo në fillim të mësimit.

Në ç’mënyra mund të ndryshojë jeta e dikujt pasi të vendosë të pagëzohet?

Si pjesë e këtij diskutimi, mund t’u tregoni nxënësve rreth dikujt që njihni, që është pagëzuar. Mund të përshkruani ndryshimet që vutë re tek ai person nga koha përpara se të pagëzohej me kohën pas pagëzimit të tij. Mund t’i ftoni gjithashtu nxënësit të mendojnë dhe tregojnë se si vendimi për t’u pagëzuar ka ndikuar në jetën e tyre.
Si mendon, përse ordinanca e pagëzimit është e rëndësishme për Atin Qiellor dhe Jezu Krishtin?

Tregojuani paragrafin vijues për t’i ndihmuar nxënësit të njihen me atë që do të studiojnë sot:

Doktrina e Besëlidhje 20 përmban udhëzimet rreth organizimit të Kishës së Shpëtimtarit. Si pjesë e këtyre udhëzimeve, Zoti tregoi mësime të rëndësishme që na ndihmojnë ta kuptojmë rëndësinë e ordinancës së pagëzimit. Ai dha mësim edhe të vërteta të rëndësishme rreth sakramentit, që jemi urdhëruar ta marrim çdo javë pasi pagëzohemi. Ndërsa i studion fjalët e Shpëtimtarit, kushtoju vëmendje nxitjeve të Shpirtit që mund të të ndihmojnë ta dallosh rëndësinë e këtyre ordinancave në jetën tënde.

Mësimet e Shpëtimtarit rreth pagëzimit dhe sakramentit

Mësime rreth Pagëzimit dhe Sakramentit te Doktrina e Besëlidhje 20

Manuali i Mësuesit të Seminarit për Doktrinën e Besëlidhjet – Doktrina e Besëlidhje 20:37, 68–79

Segmenti 1: Kualifikimet për pagëzimin

Lexo te Doktrina e Besëlidhje 20:37, duke kërkuar çfarë duhet të bëjë një person për t’u kualifikuar për pagëzim.

Nëse është e nevojshme, kërkoji përkufizimet për fjalët që nuk i kupton. Më pas renditi kualifikimet për pagëzimin në hapësirën më poshtë. Mund t’i riformulosh disa prej tyre me fjalët e tua.

Çfarë të mësojnë këto kërkesa rreth Zotit dhe dëshirave të Tij për ne?
Si mund të jetë e dobishme t’i mbajmë mend këto kërkesa edhe pasi jemi pagëzuar?

Zgjidh dy ose tre nga kërkesat e renditura te vargu 37. Diskutoje se si përpjekja e vazhdueshme për t’i plotësuar ato mund të të ndihmojë të bëhesh më shumë si Ati Qiellor dhe Jezu Krishti.

Segmenti 2: Kërkesat pas pagëzimit

Lexo te Doktrina e Besëlidhje 20:68–69, duke kërkuar pritshmëritë e Zotit për ne pasi pagëzohemi.

Çfarë mëson nga vargu 69 rreth mënyrës se si ne ia tregojmë Zotit denjësinë tonë pasi pagëzohemi?

Merre parasysh ta shenjosh frazën “një të ecur dhe të folur të perëndishëm” te vargu 69. Një person mund të tregojë “një të ecur dhe të folur të perëndishëm” nëpërmjet veprimeve, qëndrimeve dhe fjalëve që janë në harmoni me Perëndinë.

Cilat mendon se janë disa nga arsyet përse Zoti dëshiron që anëtarët e Kishës së Tij të tregojnë “një të ecur dhe të folur të perëndishëm” pasi pagëzohen?

Diskuto të paktën tre shembuj të veçantë të mënyrave se si mund të tregojmë “një të ecur dhe të folur të perëndishëm” në jetën tonë. Mund të diskutosh gjithashtu shembuj të mënyrave se si je përpjekur t’i tregosh këto në jetën tënde.

Segmenti 3: Marrja e sakramentit

Lexo te Doktrina e Besëlidhje 20:75, duke kërkuar udhëzimet e Zotit rreth ordinancës së sakramentit.

Si mendon, përse Zoti dëshiron që ne të mblidhemi së bashku çdo javë për të marrë sakramentin?

Vargjet 77 dhe 79 përmbajnë lutjet që Zoti i ka udhëzuar mbajtësit e priftërisë t’i bëjnë kur administrohet sakramenti. Nëpërmjet ordinancës së sakramentit, ne i ripërtërijmë besëlidhjet që bëmë kur u pagëzuam dhe konfirmuam. Ndërsa përpiqemi fort t’i mbajmë besëlidhjet tona dhe pendohemi çdo ditë, ne mund të përjetojmë të njëjtin pastrim dhe bekime që përjetuam nëpërmjet pagëzimit.

Lexo te Doktrina e Besëlidhje 20:77 dhe 79, duke kërkuar çfarë premtojmë ne dhe çfarë premton Zoti kur e marrim sakramentin. Merre parasysh t’i shenjosh këto premtime në shkrimet e tua të shenjta.

Si mund ta tregojmë gatishmërinë tonë për të marrë mbi vete emrin e Jezu Krishtit?
Cilat janë disa mënyra se si mund t’ia tregojmë Shpëtimtarit se e kujtojmë Atë?

Si e tregon ordinanca e sakramentit dashurinë dhe mëshirën e Shpëtimtarit për ne?

Zbatimi i asaj që ke mësuar

Jepuni nxënësve një mundësi për ta treguar atë që mësuan ose ndien nga veprimtaria e mëparshme e studimit. Mund të bëni një ose më shumë nga pyetjet vijuese si pjesë e këtij diskutimi.

Çfarë idesh ose mbresash pate ndërsa i studiove këto vargje?
Çfarë mësove rreth Shpëtimtarit ndërsa i studiove mësimet e Tij në këtë seksion?
Çfarë ke mësuar ose ndier sot rreth rëndësisë së ordinancave të pagëzimit dhe sakramentit?

Ftojini nxënësit ta vlerësojnë në heshtje se sa mirë e ndiejnë se po i jetojnë kërkesat rreth të cilave mësuan sot. Një mënyrë se si mund ta bëni këtë është duke i paraqitur udhëzimet vijuese dhe duke i ftuar nxënësit t’i mbajnë shënim përgjigjet e tyre në ditarët e tyre të studimit.
Gjeje një frazë të renditur te vargjet që ke studiuar sot (Doktrina e Besëlidhje 20:37, 68–69, 75–79) që përshkruan diçka që ti po e bën mirë. Rendite këtë frazë në ditarin tënd të studimit dhe përshkruaje përse ndihesh mirë në këtë fushë.
Gjeje një frazë nga këto vargje që përshkruan diçka që ti dëshiron ta përmirësosh. Rendite këtë frazë në ditarin tënd të studimit dhe përshkruaje përse e zgjodhe atë.
Vendos një synim të veçantë për t’u përmirësuar në fushën që zgjodhe.

Nxitini nxënësit ta ndjekin synimin që i kanë vendosur vetes. Dëshmoni për dashurinë e Shpëtimtarit për ta dhe ndihmën që Ai mund të sigurojë ndërsa ata përpiqen t’i mbajnë besëlidhjet që kanë bërë me Të.

Burime Shtesë

Doktrina e Besëlidhje 20:37. Çfarë do të thotë të kesh një zemër të thyer dhe një shpirt të penduar?

Plaku D. Tod Kristoferson, i Kuorumit të Dymbëdhjetë Apostujve, shpjegoi:

11:21

“Kur kërkoni bekimin e kthimit në besim, ju mund t’i ofroni Zotit dhuratën e zemrës suaj të thyer apo të penduar dhe shpirtit tuaj të penduar apo të bindur. Në të vërtetë, ajo është dhurata e vetvetes – ajo që jeni dhe ajo që po bëheni.” (D. Todd Christofferson, “When Thou Art Converted”, Liahona, maj 2004, f. 12)

Plaku Brus D. Porter (1952–2016), i Të Shtatëdhjetëve, dha mësim:

8:43

“Ata që kanë një zemër të thyer dhe një shpirt të penduar janë të gatshëm të bëjnë çfarëdo dhe gjithçka që u kërkon Perëndia, pa qëndresë ose keqardhje. Ne ndalojmë së bëri gjërat sipas mënyrës sonë dhe, në vend të kësaj, mësojmë që t’i bëjmë sipas mënyrës së Perëndisë. Në kushte të tilla nënshtrimi, Shlyerja mund të funksionojë dhe mund të ndodhë pendimi i vërtetë.” (Brus D. Porter, “Një Zemër të Thyer dhe një Shpirt të Penduar”, Liahona, nëntor 2007, f. 32)

Doktrina e Besëlidhje 20:75. Përse është e rëndësishme “të takohe[ni] së bashku shpesh për të marrë [sakramentin]”?

Plaku Melvin J. Ballard (1873–1939) i Kuorumit të Dymbëdhjetë Apostujve, dha mësim:

“Një gjë që do të jepte siguri për çdo burrë dhe grua do të ishte që të shfaqej te tryeza e sakramentit çdo ditë Shabati. Nuk do të arrinim të largoheshim aq shumë për një javë – jo aq shumë sa që, nëpërmjet procesit të vetëkërkimit, të mos i korrigjonim gabimet që mund të kemi bërë. … Udha për te tryeza e sakramentit është shtegu i sigurisë për një shenjtor të ditëve të mëvonshme.” (Melvin J. Ballard, “The Sacramental Covenant”, te Bryant S. Hinckley, Sermons and Missionary Services of Melvin Joseph Ballard [1949], f. 151)

Doktrina e Besëlidhje 20:77. Çfarë do të thotë të jem i gatshëm të marr mbi vete emrin e Jezu Krishtit?

Presidenti Dallin H. Ouks, i Presidencës së Parë, dha mësim:

“Të marrim mbi vete emrin e Jezu Krishtit [ka] të paktën tre kuptime. … Së pari, ne e tregojmë gatishmërinë tonë për t’u përcaktuar si një besimtar në Jezu Krishtin dhe si një anëtar i Kishës që mban emrin e Tij dhe e shpall ungjillin e Tij në mbarë botën. Së dyti ne tregojmë gatishmërinë tonë për të marrë mbi vete… punën e Shpëtimtarit për të bërë që të ndodhë jeta e përjetshme e fëmijëve të Perëndisë. … Së treti, ne e dëshmojmë zotimin tonë për t’u përpjekur fort të kualifikohemi për ekzaltimin në mbretërinë çelestiale.” (Dallin H. Oaks, His Holy Name [1998], f. 66–67)

Doktrina e Besëlidhje 20:77. Si mund ta ndjek urdhërimin e Shpëtimtarit për ta “kujtuar gjithmonë atë”?

Plaku Dejvid A. Bednar, i Kuorumit të Dymbëdhjetë Apostujve, dha mësim:

“Merrni parasysh arsyet pse lutemi dhe studiojmë shkrimet e shenjta. … Këto zakone të shenjta kryesisht janë mënyra përmes të cilave ne kujtojmë gjithmonë Atin Qiellor e Birin e Tij të Dashur dhe janë kushte paraprake për shoqërimin e vazhdueshëm të Frymës së Shenjtë.” (Dejvid A. Bednar, “Merrni Frymën e Shenjtë”, Liahona, nëntor 2010, f. 96)

Veprimtari Plotësuese të të Mësuarit

Shkruani një bisedë

Mund t’i ftoni nxënësit të imagjinojnë sikur u është kërkuar të mbajnë një bisedë rreth pagëzimit në mbledhjen e sakramentit ose për shërbimin e pagëzimit të një njeriu të dashur. Ftojini ata të studiojnë te Doktrina e Besëlidhje 20:37, 68–79 dhe të përgatisin një bisedë tre deri në pesëminutëshe. Mund t’i paraqitni pyetjet vijuese për të ndihmuar të udhërrëfehen nxënësit në përgatitjen e tyre:

Çfarë duhet të bëjë një person për t’u kualifikuar për pagëzim?
Si duhet të kryhen pagëzimet?
Çfarë pret Zoti nga një person pas pagëzimit?
Si lidhet ordinanca e sakramentit me pagëzimin?
Si kanë ndikuar ordinancat e pagëzimit dhe sakramentit në jetën tuaj?

Mund t’u jepni nxënësve të gatshëm një mundësi për t’ia treguar bisedat e tyre klasës ose në grupe të vogla.

Doktrina e Besëlidhje 20:37, 77. Marrja mbi vete e emrit të Jezu Krishtit

Merreni parasysh t’i ftoni nxënësit të gjejnë një frazë që përsëritet te Doktrina e Besëlidhje 20:37 dhe 77. Kërkojuni nxënësve ta tregojnë se çfarë mendojnë se do të thotë të marrim emrin e Jezu Krishtit mbi vete. Për të ndihmuar të thellohet kuptueshmëria e tyre për këtë koncept, merreni parasysh të tregoni një send që ka një emër mbi të, të tillë si një emër marke ose emrin e pronarit të sendit. Ftojini nxënësit të mendojnë se çfarë na tregon emri rreth sendit. Si lidhet kjo me konceptin e marrjes mbi vete të emrit të Jezu Krishtit?

Mund t’i referoni gjithashtu nxënësit te thënia nga Presidenti Dallin H. Ouks te “Burime Shtesë”.

Doktrina e Besëlidhje 20:77, 79. Fjalët e lutjeve të sakramentit

Ndërsa nxënësit i studiojnë fjalët e lutjeve të sakramentit, mund t’i ftoni ata të tregojnë fjalë ose fraza të veçanta që u bënë përshtypje atyre. Mund t’u kërkoni gjithashtu të tregojnë se çfarë u mësojnë fjalët në këto lutje rreth Jezu Krishtit.

Merreni parasysh t’i paraqitni përkufizimet vijuese të disa prej fjalëve kyç nga lutjet e sakramentit:

Bekoj: jap pëlqimin ose bëj të shenjtë
Shenjtëroj: përlëvdoj ose përkushtoj
Shpirt: fryma dhe trupi
Dëshmoj: pohoj ose jap dëshmi
I gatshëm: të dëshirosh ose të jesh i vendosur
Gjithmonë: në të gjitha kohët
Kujtoj: sjell në mendje ose e mendoj sërish
Zbatoj: iu bindem

Merreni parasysh t’i ftoni nxënësit t’i rilexojnë vargjet 77 dhe 79, duke i zëvendësuar fjalët kyç të renditura më lart me përkufizimet e tyre. Pyetini ata se çfarë kuptueshmërie shtesë marrin duke i lexuar lutjet në këtë mënyrë.