Jona; Maika

Kakeememej kūlaaj eo am̧ kōn tūriam̧okake eo an Irooj emaron̄ jipan̄ er en̄jake An iakwe n̄an er im im̧we er n̄an ukweļo̧k. Kwomaron̄ kajjitōk ippān kūlaaj eo n̄an riiti Maika 7:18–19 im kōllaajrake jet m̧akūtkūt ko jān Jona 1–4 me ej kwaļo̧k an Irooj m̧ōņōņō ilo tūriam̧okake. Ta en̄jake ko jet kōn tūriam̧okake eo an Anij jemaron̄ kwaļo̧ke—jān jeje ko rekwojarjar ak jān mour ko ad make?

En̄jake tūriam̧okake eo an Iooj emaron̄ im̧we kōj n̄an an ļapļo̧k ad tūriam̧okake. En̄in ej juon ļōmņak me emaron̄ jipan̄ ro uwaan kūlaaj eo am̧ ekkatak kōn tūriam̧okake jān bok in Jona. Kwomaron̄ je juon kajjitōk āinwōt in ioon boot eo: Ta eo tūriam̧okake eo an Anij, āinwōt kar kwaļo̧ke ilo Jona 1–4, ej katakin kōj kōn kōļapļo̧k ad tūriam̧okake? Kajjojo ro uwaan kūlaaj eo remaron̄ kāālet juon jebta n̄an etale im kappukōt uwaak ko n̄an kajjitōk eo. Leļo̧k n̄an kajjojo ro uwaan kūlaaj eo iien n̄an kejekļo̧kjeņ kōn iien ko rem̧m̧an ekar wōr ippāer n̄an bōk jikin m̧wil in ekajet ko kōn m̧wil ko an tūriam̧okake n̄an er make im ro jet.

Jona1; 3–4

Aolep ajri ro nejin Anij rej aikuj in ron̄jake gospel eo.

• Juon wāween n̄an bōk katak ko jān bwebwenato eo an Jona ej n̄an keidi ippān bwebwenato eo kōn mijenede ro ilo Bok in Mormon. Ļōmņak in ejake ruo kaļōm ko ioon boot eo kōn taitōļ ko Jona im Alma im Ļōm̧aro Nejin Mosaia. Kajjitōk ippān kūlaaj eo n̄an keidi m̧wilin Jona kōn katakin armej in Nineveh (lale Jona1; 3–4) ippān m̧wilin ļōm̧aro nejin Mosaia kōn katakin Rilamen ro (lale Mosaia 28:1–5; Alma 17:23–25). Ta eo jej ekkatak jān keidi in kōn kwaļo̧k gospel eo ippān aolep ajri ro nejin Anij?

• Āinwōt Jona, elōn̄ iaad emaron̄ en̄jake āliklik n̄an kajjitōk ippān ro jet n̄an oktakļo̧k n̄an Irooj. Ta jet iaan un ko Jona ekar ko jān kūr eo an n̄an kakkōl armej in Nineveh? Etke jemaron̄ in jet iien āliklik n̄an kwaļo̧k gospel eo? Ro uwaan kūlaaj eo remaron̄ kwaļo̧k wāween ko Irooj ekar jipan̄ er anjo̧ ioon āliklik eo aer. Kapilōk eo jān Būreejtōn Henry B. Eyring ilo “Kein Jipan̄ ko Jet” maron̄ jipan̄ ro uwaan kūlaaj eo kile pedped in katak ko me remaron̄ kōkajoor kijejeto ko ad n̄an kwaļo̧k gospel eo.

• Maika 6:6–7 ej kwaļo̧k jejjo men ko an kilen kabun̄ an Riju ro etto. Bōtaab jet men eļapļo̧k aer aorōk n̄an Anij jān tulikin jekjek in kabun̄. Kajjitōk ippān ro uwaan kūlaaj eo n̄an pukōt men ko aorōk ilo eoon8. Bōlen ro uwaan kūlaaj eo remaron̄ kwaļo̧k naan ko aorōk ilo eoon in im ekōnono kōn ta meļeļe in kajjojo naan. Innām remaron̄ bōk naan ko rem̧m̧an ippāer, pukōt eoon ko reiookļo̧k ilo Unin Tōl n̄an Jeje Ko Rekwōjarjar ak juon al in jar ilo hymnbook eo, im kwaļo̧k ta eo rej ekkatak. Etke pedped in katakin kein raorōk n̄an Irooj?

Ālkin ekōnono kōn kakkōl eo an Jona n̄an armej in Nineveh, Būreejtōn HenryB. Eyring ekar kwaļo̧k juon en̄jake me jinen ekar leļo̧k n̄an e juon kakkōl:

“Imaron̄ keememej wōt an jinō mera an ekōnono n̄an eō juon raelepān juon Jādede ke, āinwōt juon ļaddik jidikdik, ikar kajjitōk ippān kōn mālim n̄an kōm̧m̧ane juon men ikar ļōmņak ekar juon men em̧m̧an im ekar jeļā ekar kauwōtata. Ij kab de bwilōn̄ ilo kajoor eo ekar letok, ij tōmak jān Irooj, n̄an ukōtļo̧k eō kōn jejjo wōt naan ko. Ilo aō keememej er, raar: ‘O, ij ļōmņak kwoj maron̄ kōm̧m̧ane. Bōtaab kāālet eo ej am̧.’ Kakkōļ eo wōt ekar ilo aorōk eo ekar likūt ilo naan ko emaron̄ im kāālet. Aaet bwe ekar bwe n̄an n̄a.

“Kajoor eo an n̄an kakkōl kōn jejjo wōt naan raar itok jān jilu men ko ikar jeļā kōn e. M̧oktata, ikar jeļā liin ekar iakwe eō. Karuo, ikar jeļā liin ekar kōm̧m̧ane kadede ta eo ekar kōņaan bwe in kōm̧m̧ane im kar jeraam̧m̧an jān e. Im jilu, liin ekar letok n̄an eō ekar naan in kam̧ool eo an em̧ool bwe kāālet eo ikar aikuj kōm̧m̧ane ekar kanooj aorōk bwe Irooj enaaj jiron̄ eō ta eo n̄an kōm̧m̧ane eļan̄n̄e ikar kajjitōk Ippān. Iakwe, waanjon̄ak, im naan in kam̧ool: raar kii ko an raan eo” (“A Voice of Warning,” Ensign, Nob. 1998,32).