Amos; Obedaia

• Kajjitōk ippān ro uwaan kūlaaj eo n̄an kwaļo̧k m̧ool ko kōn rikanaan ro me raar loi ilo ekkatak eo aer make im an baam̧le kōn Amos3 im Amos7. Kwomaron̄ kōm̧m̧ane juon laajrak in uwaak ko aer ioon boot eo. Ta m̧ool ko jet kōn rikanaan ro jejeļā kaki? (Kōn jet aitia ko, lale Gospel Topics “Prophets” [topics.ChurchofJesusChrist.org].) Kōketak jejjo ro uwaan kūlaaj eo n̄an kwaļo̧k ekōjkan aer kar bōk naan in kam̧ool ko aer kōn aorōk eo an jerbal eo an rikanaan ro rej kōm̧m̧ane ilo karōk eo an Anij.

• Ekōjkan ad maron̄ in kwaļo̧ke ippān juon m̧ōttad etke ej aorōk n̄an an wōr juon rikanaan ilo tōre in ad? Kwomaron̄ kōllaajrake ioon boot eo kajjitōk ko me juon eo ejjab uwaan Kabun̄ in emaron̄ in kajjitōk kōn rikanaan ro. Ekōjkan ad maron̄ uwaake jet iaan kajjitōk kein kōjerbal Amos 3:7–8 im 7:10–15?

• Āinwōt ejja m̧ōttan wōt ekōnono eo ami kōn rikanaan ro, kwomaron̄ kwaļo̧k juon iaan pija in alooj kein: “We Need Living Prophets” ak “Words of the Prophets” (ChurchofJesusChrist.org). Ekōjkan an rikanaan ro ilo raan-ko āliktata kar jipan̄ kōj epaakeļo̧k Jisōs Kraist?

  

  2:45

  

  6:9

• N̄an jino iien ekōnono eo kōn n̄ūta eo Amos ekar kōmeļeļeik ilo Amos 8:11–12, kwomaron̄ loe ejipan̄ n̄an etale jidik jekjek eo ilo jetōb an armej ro ekar kwaļo̧k naan n̄an er. Ekōjkan an kar armej in Israel ro oktakļo̧k jān Irooj? (lale, n̄an waanjon̄ak, Amos 2:6–8; 5:11–12). Etke ejipan̄ n̄an jeļā kōn wōtlo̧k eo aer? Innām ro uwaan kūlaaj eo remaron̄ riiti Amos 8:11–12 im kōnono kōn etke “n̄ūta” im “maro” rej naan ko rem̧m̧an n̄an kōmeļeļeik jekjek eo an ro me raar oktakļo̧k jān Irooj. Ro uwaan kūlaaj eo remaron̄ etale Amos5 kōn eoon ko me remaron̄ jipan̄ kōj joļo̧k maroklep eo ilo mour ko ad (lale, n̄an waanjon̄ak, eoon ko 4, 11–12, 14–15, 25–26).

• Meļeļe kōn koļe ilo jetōb eo me ej itok ippān maroklep eo ejipan̄ kōj meļeļe kōn kwojkwoj ilo jetōb eo jej lem̧ōņōņō kake kōnke kōn Jepļaaktok eo. Kwomaron̄ je jejjo kajjitōk ko kōn Maroklep eo im Jepļaaktok eo ioon boot eo, ko āinwōt Etke ekar wōr juon Maroklep? Ta ļaanotot eo Maroklep eo ekar wōr an ioon ajri ro nejin Anij? Ta ļaanotot eo an Jepļaaktok eo? Kōketa ro uwaan kūlaaj eo n̄an kappukōt uwaak ko n̄an kajjitōk kein ak kajjitōk ko jet kōjerbale menin jipan̄ ko āinwōt kein: “The Message of the Restoration of the Gospel of Jesus Christ” ilo jebta 3 in Preach My Gospel ([2019], 36–39); the Gospel Topics article “Apostasy” (topics.ChurchofJesusChrist.org); pija in alooj eo “The Great Apostasy” (ChurchofJesusChrist.org); im kout eo ilo “Kein Jipan̄ ko Jet.” Kajjitōk ippān ro uwaan kūlaaj eo n̄an kōnono kōn m̧ool ko kar kōjepļaaktok ilo tōre in ad me eļap meļeļeier n̄an kōj.

  

  16:36

Obedaia 1:21

“Rilo̧mo̧o̧r renaaj wanlōñḷọk ilo Toḷ Zaion.”

• Etke naan eo “rilo̧mo̧o̧r … ilo tol Zaion” (Obedaia 1:21) juon kōmeļeļe n̄an kōj n̄e jej kōm̧m̧an jerbal in tampeļ im menmenbwij an baam̧le? Ekōjkan an jerbal eo jej kōm̧m̧ane n̄an ro jibūd im jim̧aad ilo tampeļ ej jipan̄ kōj en̄jake ad epaakeļo̧k Rilo̧mo̧o̧r Jisōs Kraist? Ro uwaan kūlaaj eo remaron̄ kwaļo̧k en̄jake ko ewōr ippāer kiiō epaak kōn kōm̧m̧an jerbal in tampeļ im menmenbwij an baam̧le.

Būreejtōn M. Russell Ballard ekar katakin:

“Ilo juon iien eo ekadu an iiō ko kar je jān Kallim̧ur Ekāāl, … armej ro raar oktak ņae Kraist im Rijilōk ro An. Wōtlo̧k eo ekar kanooj in ļap jekar itok n̄an jeļā kake āinwōt Marok Lep eo Eļap, eo ekar pād n̄an buki iiō in ejjeļo̧k wōnm̧aanļo̧k im kowaan kar ņan etan Tōre ko an Marok.

“…Jemedwōj Ilan̄ ej iakwe aolep ajri ro Nejin, im E ekōņaan bwe aolepāer en bōk kōjeraam̧m̧an ko an gospel eo ilo mour ko aer. Meram ilo jetōb ekar jab jako kōnke Anij ej oktakļo̧k jān ajri ro Nejin. Ijello̧kin, marok jilōn̄lōn̄ ilo jetōb ej tōprak eo ke ajri ro Nejin rej oktakļo̧k kajjojo jān E. Ej juon kaje ej make waļo̧k jān kāālet ko rebōd kar kōm̧m̧an jān kajjojo armej, jukjukin pād ko, laļ ko, im aolepān men ko. Menin ekar kam̧oole im bar kam̧oole ilo aolepān iien ko. Juon iaan katak ko reļļap an jon̄ak in epād ilo bwebwenato ej bwe kāāle ko ad, jim̧or kajjojo armej im aolep, ej waļo̧k tōprak in ilo kaje ko ilo jetōb n̄an kōj make im ro ineed” (“Learning the Lessons of the Past,” Liahona, May 2009,32).