Jeremaia 1–3; 7; 16–18; 20

• Kwomaron̄ jino juon iien ekōnono kōn kūr eo an Jeremaia āinwōt juon rikanaan kōn kwaļo̧k juon pija in rikanaan eo emour im kajjitōk ippān ro uwaan kūlaaj eo n̄an kwaļo̧k ekōjkan aer kar itok n̄an jeļā bwe e ekar kūr jān Anij. Kwomaron̄ barāinwōt kajjitōk ippāer n̄an kwaļo̧k ekōjkan aer kar jipan̄ ro jet itok n̄an jeļā m̧ool in aorōk. Ekōjkan an jeļā in kōjeraam̧m̧an mour ko ad? Innām ro uwaan kūlaaj eo remaron̄ kōllaajrak ioon boot eo men ko rej ekkatak kōn rikanaan ro jān Jeremaia 1:4–19. Ta eo rikanaan ro rej kōm̧m̧ane ilo tōre in ad rej “ tūṃwi” ak “ joḷọk”? Ta eo jej kōm̧m̧ane n̄an “kalōk” im “ekkat”? (eoon 10).

• Kajjitōk ippān ro uwaan kūlaaj eo n̄an kwaļo̧k ta eo Jeremaia ekar ekkatak kōn e make ilo Jeremaia 1:5. Ekōjkan an jeļā in maron̄ wōr kar kilaan ilo jerbal in karejar eo an? Ro uwaan kūlaaj eo remaron̄ riiti ennaan eo ilo “Kein Jipan̄ ko Jet” im ļoor jeje ko rekwojarjar me rej rie m̧ool in: Alma 13:1–4; Katak im Bujen Ko 138:53–56; Ebream 3:22–23. Ekōjkan an m̧ool kein kōn mour eo ad m̧okta jelet wāween ad mouri mour wabanban in ad?

• N̄an jino juion iien ekōnono kōn Jeremaia 2:13, kwomaron̄ jin̄aik ioon boot eo juon aibōj jimeeņ (juon jikin kakkoņkoņ dān ekilep ium̧win bwidej) im juon kein idaak (āinwōt juon nautral spring). Innām ro uwaan kūlaaj eo remaron̄ riiti Jeremaia 2:13 im kōnono kōn etke em̧m̧anļo̧k n̄an bōk dān jān juon kein idaak ijello̧kin jān kūbwij juon aibōj jimeeņ. Ta eo emaron̄ in āinwōt ilo jetōb kōn kōm̧m̧ani aibōj jimeeņ ko rerup? Kajjitōk ippān ro uwaan kūlaaj eo n̄an riiti eoon ko jān Jeremaia 2 im7 im kwaļo̧k jet iaan wāween ko armej in Israel ro raar eļļo̧k jān “unin dān ko re mour” (lale, n̄an waanjon̄ak, Jeremaia 2:26–28; 7:2–11). Etke “dān ko re mour” juon kakōļļe em̧m̧an kōn ta eo Rilo̧mo̧o̧r eo ej letok n̄an kōj?

• Kōnke Jeremaia ekar keidi aintok eo an Israel ilo raan-ko āliktata n̄an diwōjļo̧k eo an Israel jān Egypt kōn Moses, kwomaron̄ kwaļo̧k juon pija in Diwōjļok eo (lale laajrak eo n̄an Eprōļ 4–10 ilo Itok, Ļoor Eō—N̄an Kajjojo Armej im Baam̧le ko). Kajjitōk ippān ro uwaan kūlaaj eo n̄an ekōnono kōn ewi jon̄an an ļap meļeļe in Diwōjļo̧k eo ekar n̄an armej in Israel ro n̄an epepen ko. Innām ro uwaan kūlaaj eo remaron̄ riiti Jeremaia 16:14–15 im kōnono kōn ekōjkan an aintok eo an Israel ilo raan-ko āliktata naaj em̧ool ļapļo̧k an aorōk n̄an armej ro an Anij (lale barāinwōt Jerermia 3:14–18). Ro uwaan kūlaaj eo me raar etale “Hope of Israel” ejja m̧ōttan wōt ekkatak eo aer make emaron̄ kwaļo̧k ta eo raar ekkatak kōn aorōk eo an aintok eo an Israel (lale Russell M. Nelson im Wendy W. Nelson, “Hope of Israel” [worldwide youth devotional, June3, 2018], keij jipan̄ n̄an New Era im Ensign, Aug. 2018, 2–17, ChurchofJesusChrist.org). Ak kom̧ maron̄ etale m̧ōttan ko an ennaan jab eo āinwōt juon kūlaaj. Ekōjkan an Israel koba ilo eria eo ad?

Būreejtōn Russell M. Nelson ekar katakin:

“Jetōb eo am̧ ej n̄an indeeo. Irooj ar ba n̄an rikanaan eo An Ebream: ‘bwe eaar kālet e m̧okta jen an kar lo̧tak’ [Ebream 3:23]. Irooj ekar ba juon men ainļo̧k wōt kōn Jeremaia [lale Jeremaia 1:5] im elōn̄ ro jet [lale Alma 13:2–3]. Em̧ool Ekar ba kōn kwe [lale Katak im Bujen Ko 138:55–56].

“Jemedwōj Ilan̄ eaar jeļā kōn kom̧ ilo juon tōre eaetok. Kom̧ij, ļaddik im leddik ro Nejin, kar kālet jen E n̄an itok n̄an laļ in ilo tōre in, n̄an erom̧ ritōl ro An ilo jerbal in eļap ioon laļ in. Kom̧ ar kālet ejjab n̄an paoktok ko an ānbwinūm̧ ak n̄an m̧wil ko ilo jetōb āinwōt kajoor, peran, m̧ool ilo bōro, juon maro kōn m̧ool eo, juon kwole kōn jeļāļo̧kjeņ, im juon kōņaan jerbal n̄an ro jet.

“Kwar kōm̧m̧ani jet iaan jerbal kein ilo mour eo m̧okta. Men ko jet komaron̄ kōm̧m̧ani ilo laļ in kōnke kwoj kajieon̄ pukoti.” (“Jokālet ko n̄an Indeeo,” Kweilo̧k eo Eļap, Nob. 2013,107).