“Okwōj 29–Jeptōm̧ba4. Jabōn Kōnnaan Ko 1–4; 15–16; 22; 31; Ekklisiastis 1–3; 11–12: ‘Mijak Jeova Jinoin Jeḷāḷọkjeṇ,’” Itok, Ļoor Eō—N̄an Jabōt Jikuuļ: Kallim̧ur M̧okta 2022 (2021)
“Okwōj 29–Jeptōm̧ba4. Jabōn Kōnnaan Ko 1–4; 15–16; 22; 31; Ekklisiastis 1–3; 11–12,” Itok, Ļoor Eō—N̄an Jabōt Jikuuļ: 2022
Okwōj 29–Jeptōm̧ba 4
Jabōn Kōnnaan Ko 1–4; 15–16; 22; 31; Ekklisiastis 1–3; 11–12
“Mijak Jeova Jinoin Jeḷāḷọkjeṇ”
Ekōjkan an ennaan ko ilo Jabōn Kōnnaan Ko im Ekklisiastis kōjeraam̧m̧an mour eo an ro me kwoj katakin? Ļoor im̧weo ko im en̄jake ko kwoj būki ilo am̧ ekkatak im m̧aanjabpopo n̄an katakin.
Je En̄jake ko Rej Im̧we Eok
Kajjitōk bwe ren Kwaļo̧k
Elōn̄ ennaan ko raiboojoj im kajoor ilo Jabōn Kōnnaa Ko im Ekklisiastis. M̧okta jān ekōnono kōn juon eoon emakeļo̧k, ko āinwōt kein ilaļ, kajjitōk ippān ro uwaan kūlaaj eo n̄an kwaļo̧k jet iaan men ko rem̧m̧an tata ippāer jān ekkatak eo aer make ak an baam̧le ilo wiik in.
Katakin Katak eo
Jabōn Kōnnaan Ko 1–4; 15–16; Ekklisiastis 1–3; 11–12
“kwōn kajeorḷọk lọjiln̄ūṃ n̄an mālōtlōt.”
-
Kajjitōk eo n̄an kappukōt mālōtlōt im meļeļe eo ej āliji ilo aolepān Jabōn Kōnnaan Ko. Ekōjkan am̧ maron̄ jipan̄ ro uwaan kūlaaj eo kwaļo̧k ta eo raar ekkatak kōn mālōtlōt ilo iien aer ekkatak? Juon kwomaron̄ in je mālōtlōt ioon boot eo im kajjitōk ippān ro uwaan kūlaajeo n̄an kobaiktok nōm̧ba in eoon ko ak naan ko jān Jabōn Kōnnaan Ko im Ekklisiastis me rej en̄jake ej letok kōļmenļo̧kjeņ ko kōn mālōtlōt. (Eļan̄n̄e enaaj jipan̄, kwomaron̄ elmakote bwe ro uwaan kūlaaj ren etale Jabōn Kōnnaan Ko 1–4; 15–16; Ekklisiastis1–3; 11–12.) Ta eo jej ekkatak kōn mālōtlōt jān eoon kein? Ekōjkan ad kar jeraam̧m̧an n̄e jej kappukōt mālōtlōt jān Anij?
Jabōn Kōnnaan Ko 1:7; 2:5; 3:7; 8:13; 15:33; 16:6; 31:30; Ekklisiastis 12:13
“ Kwōn jab mālōtlōt wōt ilo mejaṃ; kwōn mijak Jeova.”
-
Bar juon unin unin tōl eo loe ilo aolepān Jabōn Kōnnaan Ko im Ekklisiastis “kwōn mijak Jeova” (Jabōn Kōnnaan Ko 1:7; lale barāinwōt Jabōn Kōnnaan Ko 2:5; 3:7; 8:13; 15:33; 16:6; 31:30; Ekklisiastis 12:13). Bōlen ro uwaan kūlaaj eo remaron̄ riiti jet iaan eoon kein im kwaļo̧k ta eo rej en̄jake ej meļeļe in n̄an mijak Irooj. Ekōjkan an mijak Irooj oktak jān kain mijak ko jet? Kwomaron̄ kwaļo̧k kōļmenļo̧kjeņ ko jān kōmeļeļe eo an Elder DavidA. Bednar loe ilo “Kein Jipan̄ ko Jet.”
Ekkatak n̄an Lōke Irooj, jān Kathleen Peterson
Jabōn Kōnnaan Ko 3:5–7
“Lōke Jeova kōn aolepen būruoṃ.”
-
Ro uwaan kūlaaj eo remaron̄ lem̧ōņōņō kōn jabdewōt kein katak eo me ejipan̄ er meļeļe ta meļeļe in n̄an “lōke ilo Jeova” im “jab atartar ioon jeḷāḷọkjeṇ eo [aer]” (Jabōn Kōnnaan Ko 3:5). N̄an waanjon̄ak, kwomaron̄ kajjitōk ippān ro uwaan kūlaaj eo n̄an atartar ņae juon men edipen im ejjab m̧akūtkūt, āinwōt dipin m̧weo. Innām armej eo emaron̄ in kajjieon̄ atartar ņae juon men eo ejjab dipen, āinwōt juon būruum̧. Ekōjkan an waanjon̄ak in jipan̄ kōj meļeļe kōn Jabōn Kōnnaan Ko 3:5? Ta eo Jabōn Kōnnaan Ko 3:5–7 katakin kōn ta meļeļe in n̄an lōke Irooj? Etke ejjab juon men emelōtlōt n̄an atartar ioon meļeļe eo ad make? Ekōjkan ad kar en̄jake an Irooj tōl iaļ ko ad ilo ad kar lōke E?
Jabōn Kōnnaan Ko 15:1–2, 4, 18,28; 16:24–32
“Naan in uwaak e jouj, ej kajeorḷọk illu.”
-
N̄an jipan̄ ro uwaan kūlaaj eo ekōnono kōn ekōjkan aer maron̄ bōk eļapļo̧k aenōm̧m̧an im dikļo̧k iakwelel ilo mour ko aer, kwomaron̄ kajjitōk ippāer n̄an riiti Jabōk Kōnnaan Ko 15:1–2,18; 16:32. Innām remaron̄ kwaļo̧k en̄jake ko raar būki me ej kwaļo̧k m̧ool ko ilo eoon kein. N̄an waanojon̄ak, n̄e kōjerbal “naan in uwaak e jouj” ekar ke jipan̄ “[ukōt] ļo̧k illu”? (Jabōn Kōnnaan Ko 15:1). Ak remaron̄ ļōmņak kōn iien ko ke Rilo̧mo̧o̧r eo ekar waanjon̄ak kōn ta eo kar katakin ilo eoon kein (lale Jon 8:1–11; 18:1–11). Ewi wāween ad maron̄ ļoore waanjon̄ak eo An ilo ad ikitōltōl ippān ro jet?
-
Ilo an rijeje ro an Jabōn Kōnnaan Ko jab jeļā kōn elōn̄ jikin leto letak meļeļe ko me rej waļo̧k ilo tōre in ad, kapilōk eo ilo Jabōn Kōnnaan Ko15 im16 maron̄ jerbal n̄an aolep wāween leto letak meļeļe ko. N̄an jipan̄ ro uwaan kūlaaj eo meļeļe menin, kwomaron̄ kajjitōk ippān kajjojo n̄an kāālet juon iaan eoon kein n̄an riiti: Jabōn Kōnnaan Ko 15:1–2, 4, 18,28; 16:24, 27–30. Innām ro uwaan kūlaaj eo remaron̄ bar kōnono jabōn kōnnaan eo aer ilo jekjek in kapilōk kōn ikitōltōl ippān ro jet ilo social media ko, kōn jeje ilo talboon, ak online. Remaron̄ lo elōn̄ļo̧k kapilōk ko rejipan̄ ilo “Kajin” ilo N̄an Kōkajoor Jodikdik Ro (2011), 20–21.
Kein Jipan̄ Ko Jet
“Mijak ilo Anij ej iakwe im lōke ilo E.”
Elder DavidA. Bednar ekar kōmeļeļeik:
“Mijak anij ej jebar jen melele eo ejim̧we an lukkuun paaktokin im mijen eo an Irooj Jisōs Kraist, juon kōņaan n̄an ajeļo̧k kōtōpar ko ad n̄an kōtōpar eo An, im juon jeļā ke aolep em̧m̧an im kōrā renaaj eddoik bōd ko an make ilo Raan in Ekajet eo.…
“Mijak ilo Anij ej iakwe im lōke ilo E. Ilo ad ļapļo̧k ad mijak Anij, eļapļo̧k ad weppen ad iakwe E. Im ‘iakwe eweppān ej joļo̧k mijak otemjeļo̧k’ (Moronai 8:16). Ij kallim̧ur ke kōjatdikdik eo an mijak Anij enaaj ubakeļo̧k men ko renana rej waļo̧k jen mijak ko ad ilo mour in (lale Katak im Bujen Ko 50:25) ilo ad reilo̧k n̄an Rilomoor eo, ekkal ioon āinwōt pedped eo ad, im bun̄ m̧aanļo̧k ilo iaļ in bujen eo An kōn kallim̧ur eo ekwojarjar” (“Kōn Menin Raar Kaenōm̧m̧an Mijak ko Aer,” Kweilo̧k eo Eļap Māe 2015, 48–49).
Kōkm̧anm̧anļo̧k Ad Katakin
Pedped ioon Jisōs Kraist. Ejjeļo̧k wāween em̧m̧anļo̧k n̄an kōļapļo̧k tōmak eo an ro kwoj katakin jān pedped e katak eo am̧ ioon Rilo̧mo̧o̧r eo. Jān katakin eo am̧, kajjitōk ippān ro uwaan kūlaaj eo n̄an ekkal “ioon ejm̧aan in ad Ripinmuur, eo ej Kraist, eo Nejin Anij” (Hilamōn 5:12).