Aiseia 1–12

• Ekōnono kōn Aiseia, Rilo̧mo̧o̧r eo ekar katakin bwe “men otemjej eaar kōnono raar im renaaj kūrm̧ool, em̧ool ekkar n̄an naan ko eaar kōnono” (3Nipai 23:3). Kwomaron̄ jino juon iien ekōnono kōn Aiseia jān kwaļo̧k eoon in im ennaan eo ilo “Kein Jipan̄ ko Jet.” Innām kwomaron̄ je ioon boot eo tōre eo an Aiseia, Jerbal in karejar eo an Rilo̧m̧o̧o̧r ilo mour in, im Raan ko āliktata. Ro uwaan kūlaaj eo remaron̄ pukōt eoon ko ilo Aiseia 1–12 me emaron̄ jerbal n̄an juon ak elōn̄ļo̧k iaan eoon ko ioon boot eo (n̄an waanjon̄ak, Aiseia 2:1–5; 7:1–7; 7:10–14; 9:2–7; 10:20; 11:10; 12:1). Etke ej juon kōjeraam̧m̧an n̄an ad bōk naan in kanaan kein ilo tōre in ad?

• Kwomaron̄ kajjitōk ippān ro uwaan kūlaaj eo n̄an kwaļo̧k ta eo rekar ekkatak jān ekkatak eo aer make im an baam̧le kōn Aiseia 1, 3,5 kōn jekjek eo ilo jetōb an Aelōn̄ in kiin̄ eo an Juda ilo raan ko an Aiseia. Bōlen remaron̄ etale jebta kein im ejake juon laajrak in eoon ko im jekjek ko rej kōmeļeļeik. Ta ennaan ko an kōjatdikdik jej loe ilo jebta kein? (Eļan̄n̄e emenin aikuj, kwomaron̄ ba n̄an kwaļo̧k n̄an ro uwaan kūlaaj eo Aiseia 1:16–20, 25–27; 3:10.) Eļan̄n̄e Juda in etto ekar wōr juon an ennaan n̄an kōj, ta eo emaron̄ in kar?

• Ro uwaan kūlaaj eo remaron̄ etan ke raar mour ilo Jerusalem ke Aiseia ekar kanaan. Kwomaron̄ etale jejjo iaer, kajjitōk ippāer kōn ta eo Aiseia ekar ba im ekōjkan aer kar en̄jake kake. N̄an waanjon̄ak, kwomaron̄ kajjitōk ippān ro uwaan kūlaaj eo n̄an kōnono kōn naan ko an Aiseia loi ilo Aiseia 1:16–20; 3:16–26; 5:20–23. Ta eo Aiseia ekar ba me ej im̧we kōj n̄an ukweļo̧k?

• N̄an jipan̄ ro uwaan kūlaaj eo kejekļo̧kjeņ kōn ekōjkan an kanaan ko an Aiseia kōn raan ko āliktata em̧ōj aer kūrm̧ool Aiseia 2; 4; 11–12 (eo āinwōt Aiseia 2:2–3; 4:5–6). Innām kajjitōk ippān ro uwaan kūlaaj eo lo verb ko an ilju jekļaj ilo eoon kein (ko āinwōt “enaaj” ak “naaj etal”). Kajjitōk ippāer n̄an bōk jikin jet iaan verb kein an kiiō (āinwōt “ej” ak “rej etal” Ekōjkan an kanaan kein kar kūrm̧ool ilo mour ko ad? Etke ej aorōk n̄an jeļā kōn kanaan kein?

• Kwomaron̄ kalikkare bwe ke Moronai ekar loļo̧k Josep Smith ilo 1823, ekar kouti Aiseia11 im kar ba bwe ekar itok kūrm̧ool (lale Josep Smith—Bwebwenato 1:40; lale barāinwōt Katak im Bujen Ko 113:1–6). Ro uwaan kūlaaj eo remaron̄ riiti jejjo eoon jān Aiseia11 (eo āinwōt eoon 6–12) am ba ilo tukadu in ilo naan ko aer make ta eo Aiseia ekar loe. Ta eddo eo ad ilo kakūrm̧ool kanaan kein?

• Kwomaron̄ kajjitōk ippān ro uwaan kūlaaj eo ta eo rej ekkatak kōn Jisōs Kraist jān eoon ko āinwōt Aiseia 7:14; 8:13–14; 9:2, 6–7. N̄an waanjon̄ak, Etke Immanuel ej juon taitōļ em̧m̧an n̄an Rilo̧mo̧o̧r eo? (lale Matu 1:23). Ekōjkan an Jisōs Kraist kar juon “Rikapilōk” ak “Irooj in Aenōm̧m̧an” n̄an kōj? Ro uwaan kūlaaj eo remaron̄ barāinwōt kwaļo̧k eoon ko jet raar loi ilo Aiseia 1–12 me ekakeememej er kōn Jisōs Kraist. Ta eo eoon kein rej katakin kōj kōn E?

• M̧okta jān kūlaaj, kwomaron̄ kajjitōk ippān ro uwaan kūlaaj eo n̄an bōktok juon pija in Kraist me rej en̄jake ej jutak kōn juon iaan kōmeļeļe ko an Rilo̧mo̧o̧r eo leo ilo Aiseia 7–9. Ilo iien kūlaaj, leļo̧k n̄an er iien n̄an kwaļo̧k pija eo raar bōktok im kōmeļeļeik ekōjkan an iookļok nana ko an Aiseia.

Būreejtōn Dallin H. Oaks ekar katakin: “Bok in Aiseia epād ie elōn̄ kanaan ko me rej āinwōt elōn̄ kūrm̧ool ko aer. Juon ej āinwōt ekobaik tōre eo an Aiseia ak jekjek ko an epepen eo tok juon. Bar juon meļeļel, emakijkij kōn kakōļļe, āinwōt ej kōnono kōn m̧akūtkūt ko ilo tōre eo an meridian, ke Jerusalem kar kakkure im armej ro an raar ejepelōklōk ālkin debwāl eo an Nejin Anij. Bar juon meļeļe ak kakūrm̧ool kōn ejja kanaan eo wōt ej āinwōt eiookļo̧k m̧akūtkūt ko rej ilo Itok eo Kein Karuo an Rilo̧mo̧o̧r eo. Ilo m̧ool elōn̄ iaan kanaan kein elōn̄ļo̧k meļeļeier rej kalikkar aorōk eo kōn ad kappukōt revelesōn jān Jetōb Kwojarjar n̄an jipan̄ ukōti” (“Scripture Reading and Revelation,” Ensign, Jān. 1995,8).