Bōnbōn 11–14; 20–24

• Riit Bōnbōn 12 emaron̄ jipan̄ ro uwaan kūlaaj eo meļeļe lukkuun aorōk in kōnono ņae rikanana ro an Irooj. Kwomaron̄ kajjitōk ippān ro uwaan kūlaaj eo n̄an riiti jebta in im kōnono kōn ewi wāween an Irooj en̄jake kōn rijerbal ro an. Ekkar n̄an eoon 1–2, ta eo kwoj ļōmņak ej meļeļein n̄an kōnono ņae rikanan ro an Irooj? Ta menin kauwōtata ko ilo kōm̧m̧ane menin? Ta eo jemaron̄ ekkatak jān m̧akūtkūt eo an Moses im Riisrael ro ilo eoon 13 im 15?

• Jet armej remaron̄ ilbōk ilo aer riiti ke juon ritōl ej ettā āinwōt Moses, eo ekar jutak m̧aan Pharaoh im kōm̧m̧an menin bwilōn̄ ko kōn kajoor eo an Irooj, ebar āinwōt “kanooj ineem̧m̧an.” Komaron̄ kōjerbal Bōnbōn 12:3 n̄an jinoe juon kōmeļeļe kōn ta m̧ool in ineem̧m̧an. Komaron̄ ukōtļo̧k n̄an meļeļe eo ilo “Meek, Meekness” ilo Guide to the Scriptures (scriptures.ChurchofJesusChrist.org). Ainwōt juōn kūlaaj, komaron̄ bar pukōt kōmeļeļe ko an ineem̧m̧an an Moses ilo Bōnbōn 12.

• Bar ta kam̧ool ko jet ineem̧m̧an eo an Moses jemaron̄ ekkatak jene? (lale, n̄an waanjon̄ak, Exodus 18:13–25; Bōnbōn 11:26–29; Hibru 11:24–27; Moses 1:10–11). Komaron̄ bar riiti im kōmeļeļeik ewi wāween an Rilo̧mo̧o̧r eo kwaļo̧k ineem̧m̧aan (lale Matu 11:29; 27:11–14; Luk 22:41–42; Jon 13:4–5). Ta waanjon̄ak ko an Moses im Rilo̧mo̧o̧r eo—ak armej ro jejļā—rej katakin kōj kōn ineem̧man? Etke Anij ej kōņaan bwe jen ineem̧m̧an?

• Ilo am̧ kōmeļeļeik bwebwenato kōn 12 Rissrael ro rej ialaleļo̧k āne in kallim̧ur im leļo̧k ripoot, ļōmņak n̄an kajjitōk ippān ro uwaan kūlaaj eo ewi wāween aer en̄jake an bwebwenato in jerbal n̄an er ilo aer jelm̧ae jōkjōk rot in. N̄an jipan̄, komaron̄ karuwaineneik ro uwaak kūlaaj eo n̄an laajrak men ko jān Bōnbōn 13:23–33 ko im remaron̄ kaidi n̄an jet iaan men ko ilo mour ko ad. N̄an waanjon̄an, āne in kallim̧ur emaron̄ jutak kōn jet men Irooj ekōņaan bwe jen būki, bukōn ko an grape ko remaron̄ menin kōjeram̧m̧an ko, men eo eļap emaron̄ kabwerer ko jej iooni, im ko jet. Kōketak ro uwaan kūlaaj n̄an kwaļo̧k ta eo rej en̄jake ke Irooj ej kōņaan bwe ren ekkatak jen bwebwenato in.

  

• N̄an jipan̄ ro uwaan kūlaaj eo kōmeļeļe ennaan ko ilo Bōnbōn 21:4–9 im kalōk tōmak ko aer ilo Rilo̧mo̧o̧r eo, komaron̄ jei kajjitōk ko āinwōt ko ilo board eo: Ta eo brass serpent eo ej bōk jikin? Ta eo emaron̄ ikkūk ko an jineik eo rej bōk jikin? Etke armej ro rekar m̧akoko in reilo̧k n̄an brass serpent eo? Ewi wāween ad maron̄ “Reilōn̄ļo̧k n̄an” e rainin? Ro uwaan kūlaaj eo remaron̄ kwaļo̧k uwaak ko rej loi ilo aer riit Bōnbōn 21:4–9; 1 Nipai 17:40–41; Alma 33:18–22; im Hilamōn 8:13–15. Ta jet iaan men ko repidodo Rilo̧mo̧o̧r eo ekar kūr kōj n̄an kōm̧m̧ane n̄an bōk An kōmour? Etke jet iien ej pen n̄an kōm̧m̧ane men ro repidodo? (lale “Kein Jipan̄ Ko Jet” kōn jet ļōmņak ko kōn menin). Bōlen ro uwaan kūlaaj eo remaron̄ kwaļo̧k ewi wāween aer kōm̧m̧ani men kein ekar maron̄ bōktok kajoor eo an Rilo̧mo̧o̧r eo n̄an mour ko aer.

Elder L. Whitney Clayton ekar ba kōn juon bisop eo ekar rōjan̄ ro uwaan ward eo rej jelm̧ae men ko reppen ilo mour ko aer:

“Naan in kapilōk eo an n̄an ro uwaan ward eo ekkā an pedped wōt ioon imminene kein reļam̧ waan āinwōt tōmak, āinwōt ekkatak jān Bok in Mormon eo[,] … kōļļā juōn m̧ōttan jon̄oul, im leļo̧k am̧ n̄an jerbal ilo Kabun̄ in. Jet iien, ijoke, uwaak ko aer n̄an e rekar ilo jab lōke: ‘… Ta eo n̄an kōm̧m̧ane men kein rej kōm̧m̧ane n̄an jorrāān kein N̄aij jelm̧ae?’

“… Ro im rej lukkuun tōmak ilo kōm̧m̧ane ‘reddik im reļam waan’ [Alma 37:6]—pokake ilo men ko reddik—rej jeraam̧m̧an kōn tōmak im kajoor eo im itulōn̄inļo̧k lukkuun jerbal ilo pokake n̄an er make, ilo m̧ool, emaron̄ loe ilo juon wāween oktakļo̧k jān er” (“Whatsoever He Saith unto You, Do It,” Liaona, Māe 2017, 98).