Jenesis 28–33

• Ekōjkan am̧ maron̄ jipan̄ ro uwaan kūlaaj eo loe meļeļe eo an en̄jake eo an Jekab ilo Bethel, āinwōt kar kōmeļeļeik ilo Jenesis 28:10–22? Remaron̄ jino ilo aer etale Jenesis 27:41–45; 28:1–5 im ļōmņak kōn mour eo an Jekab ilo iien eo. Ewi wāween an Jekab maron̄ kar en̄jake? Ro uwaan kūlaaj remaron̄ kio etale Jenesis 28:10–22. Ekōjkan an kar en̄jake in kōjeraam̧m̧an Jekab? Ekōjkan kar maron̄ kaenōm̧m̧an e? Ekōjkan en̄jake eo an Jekab maron̄ im̧we kōj ilo ad kabun̄jar ilo tampeļ? Kūlaaj eo remaron̄ bar ron̄jake, riiti, ak al kōn “Nearer, My God, to Thee,” eo ej pedped ioon eoon kein (Hymns, no. 100). Remaron̄ kwaļo̧k eoon ko jān al in ak jān Jenesis 28:10–22 me ej kakeememej er kōn en̄jake ko rekar en̄jaki ilo kajjieon̄ kepaakļo̧k Rilo̧mo̧o̧r eo.

• Jikin uwe eo Jekab eaar loe ilo etōņak eo an emakijkij kōn keidi n̄an bujen ko an tampeļ. Bōlen komaron̄ kwaļo̧k ak jin̄aik juon pija in juon jikin uwe im juon tampeļ. Ro uwaan kūlaaj remaron̄ etale Jenesis 28:10–22 im kōnono kōn ta jikin uwe eo ilo etōņak eo an Jekab ej katakin kōj kōn tampeļ. Ta ko jet jej loe ilo eoon kein me rej kakeememej kōj kōn kōjeraam̧m̧an ko jej bōki kōnke kōn bujen ko ad an tampeļ? (Lale “About the Temple Endowment” im “About a Temple Sealing” [temples.ChurchofJesusChrist.org].)

• N̄an jipan̄ ro uwaan kūlaaj eo lin̄ūri kallim̧ur ko an bujen eo an Ebream, eo me Irooj ekar kōkāāle ippān Jekab, komaron̄ kajjitōk ippāer n̄an riiti Jenesis 28:10–15 im kōnono kōn elmen ad maron̄ bōk kōjeraam̧m̧an kein rainin (barāinwōt lale Jenesis 12:2–3). Remaron̄ bar riiti ennaan eo an Būreejtōn Russell M. Nelson ilo “Kein Jipan̄ Ko Jet,” im kappukōt kōjeram̧m̧an ko me rej itok jān kōm̧m̧an im kōjparok bujen ko. Ekōjkan an kar Jekab jeraam̧m̧an jān an bōk kallim̧ur kein loi ilo Jenesis 28:10–15? Ta ekkejel ko jej loi ikōtaan iien ko ilo eoon kein im iien ko ilo Genesis 29 im 30 (An Jekab kar m̧are im iien lo̧tak ko an ajri ro nejin)? Ewi wāween an Irooj kōjeraam̧m̧an kōj ilo ad kōm̧m̧ani im kōjparok bujen ko rekwojarjarj?

Jenesis 32–33

Rilo̧mo̧o̧r eo emaron̄ jipan̄ kōj anjo̧ ioon jab errā ko ilo baamle ko ad.

• Jenesis 32–33 emaron̄ in im̧we ro uwaan kūlaaj eo me rej kōņaan lo kemour ilo jemjerā ko ilo baam̧le eo aer. Emaron̄ bar jipan̄ n̄an kajjitōk ippān juon uwaan kūlaaj n̄an kwaļo̧k ilo tukadu in iien ko kar ļo̧o̧ki ilo Genesis 27. Unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko ekitbbuj kajjitōk ko n̄an lin̄ūri ilo ad ekkatak Jenesis 32–33. Bōlen ro uwaan kūlaaj remaron̄ kālet juon iaan kajjitōk kein im kappukōt uwaak ko ilo jebta ko. Remaron̄ barāinwōt m̧ōņōņō n̄an kwaļo̧k en̄jake ko rekar ewōr ippāer ilo kōkajoor jemjerā ko an baam̧le rekar rup. Kajjitōk ippāer n̄an kōnono kōn ewi wāween an kar Jemedwōj Ilan̄ jipan̄ er.

Būreejtōn Russell M. Nelson eaar katakin:

“Ilo peptaij jej bujen n̄an jerbal n̄an Irooj im kōjparok kien ko An. N̄e jej bōk kwojkwoj eo, jej kōkāāl bujen eņ im kwaļo̧k ad kōņaan n̄an bōk iood etan Jisōs Kraist. Lo kar kōkaajiririk kōj āinwōt ļaddik im leddik ro Nejin im jeļā kake āinwōt jemjān jemjati. E ej jemān mour eo ad ekāāl. Āliktata, ilo tampeļ eo ekwojarjar, jemaron̄ erom rijolet ippān doon ro n̄an kōjeraam̧m̧an ko an baam̧le indeeo, āinwōt kar juon iien kallim̧ur n̄an Ebream, Aisek, Jekab, im ro bwijjier. Aaet, m̧are selestial ej bujen eo an mour āinwōt Anij.

“N̄e jej kile bwe jej ajri in bujen, jejeļā wōn kōj im ta eo Anij ej kōtmene jān kōj. An kien kar je ilo būruwōd. E ej ad Anij im jej armej ro An. Ajri ro raar kallim̧ur kōn bujen eo rej pen wōt, jekdo̧o̧n ilo ioļapļap in kapo. N̄e katak eo katōke ilo būruōd, jekdo̧o̧ņ kein ire an mej ej pidodoļo̧k im kajoor in dibuk ilo jetōb eo ad ej kajoorļo̧k” (“Bujen ko,” Kweilo̧k eo Eļap, Nob. 2011, 88).