Jenesis 42–50

• M̧okta jān am̧ ijjino juon ekkōnono kōn ta en̄jake eo an Josep me ej katakin kōn jeorļo̧k bōd, emaron̄ jipan̄ n̄an kōm̧m̧an bwe juon armej en kwaļo̧k ilo tukadu in an āinļo̧k wōt bwebwenato eo ilo Jenesis 37; 39–45. Etke emaron̄ kar pen n̄an Josep n̄an an jeorļo̧k an likao ro jein bōd? Ta en̄jake ko ak m̧wil ko maron̄ kar leļo̧k n̄an Josep kajoor eo n̄an jeorļo̧k bōd? (lale, n̄an waanjon̄o̧k, Jenesis 45:1–15 ak 50:15–21). Ewi wāween an waanjon̄ak eo an Josep jipan̄ kōj kōļapļo̧k ad jeorļo̧k bōd?

  Pija eo “Forgiveness: My Burden Was Made Light” (ChurchofJesusChrist.org) ej letok juon waanjon̄ak eo eim̧we kōn jeorļo̧k bōd. Ekōjkan an Rilo̧mo̧o̧r jipan̄ kōj jeorļo̧k an ro jet bōd?

• Ta kōjeraam̧m̧an ko rekar itok jān an Josep jeorļo̧k an likao ro jein bōd? Emaron̄ kaitoktoklimo n̄an keidi jem̧jerā ko ilo baam̧le eo an Jekab ilo jinoin bwebwenato eo (lale, n̄an waanjon̄ak, Jenesis 37:3–11) n̄an jekjek eo rej pād ie āliktata (lale Jenesis 45:9–15; 50:15–21). Ta jerbal eo an jeorļo̧k bōd ej kōm̧man ilo oktak eo an baam̧le eo an Josep? Ekōjkan an men ko maron̄ kar oktak eļan̄n̄e Josep ekar jab kōņaan jeorļo̧k bōd? Kwomaron̄ kūr ro uwaan kūlaaj eo n̄an elmakote wāween ko me bwebwenato in emaron̄ jipan̄ baam̧le ko rainin anjo̧ ioon iakweleel im ebanban.

• Kōn kakkobaba in meram eo an gospel eo em̧ōj an jepļaaktok, jejeļā bwe Josep, eo kar kaanjo̧ik baam̧le eo an jān n̄ūta, kar barāinwōt kanaan kōn kōjeram̧m̧an ko reļļap me renaaj itok juon raan kōn Moses im Josep Smith. Im aolepān rikanaan rein rej tōl kōj n̄an ad Rilo̧mo̧o̧r Eļap, Jisōs Kraist. N̄an jipan̄ ro uwaan kūlaaj eo loe naan in kwaļo̧k ko an Rilo̧mo̧o̧r kōn rikanaan rein jilu, kwomaron̄ jin̄n̄aik juon jaat ioon bo̧o̧t eo āinļo̧k wōt eo juon loe ilo “Kein Jipan̄ ko jet.” Ro uwaan kūlaaj eo remaron̄ jerbal ippān doon n̄an kanne kobban. Remaron̄ kobaik kaļōm ko me rej kōmeļeļeik jerbal eo an Josep eo ilo Ijipt, Moses, im Josep Smith, kōjerbale ta eo rekar ekkatak jān Jenesis 45:5–11 im Ukook eo an Josep Smith, Jenesis 50:24–38 (ilo Bible appendix eo). Ekōjkan an jerbal in kwaļo̧k naan ko an rikanaan ro kam̧ool kōn im kōkaļļeik mijen eo an Rilo̧mo̧o̧r? (N̄an jet waanjon̄ak ko me reitin juon wōt ikōtaa mour eo an Josep eo ilo Ijipt im mour eo an Rilo̧mo̧o̧r, lale Jenesis 37:3 im Matu 3:17; Jenesis 37:26–28 im Matu 26:14–16; Jenesis 45:5–7 im Luk 4:18; im Jenesis 47:12 im Jon 6:35; lale barāinwōt Moses 6:63.)

  

• Men̄e emaron̄ kar jab alikkar ilo an kar pād ilo apan̄ ko reļļap, Josep ekar āliktata maron̄ reilikļo̧k n̄an apan̄ ko an ilo Ijipt im lo bwe “ Anij ear pepe bwe en eṃṃan” (Jenesis 50:20). Eļan̄n̄e jenaaj kar maron̄ loļo̧k Josep ke ekar pād ilo ro̧n̄ eo ak ilo kalbuuj, ekōjkan ad naaj kar kaenōm̧m̧an e? Ewi wāween an ļōmņak ko me rej waļo̧k ilo Jenesis 50:19–21 maron̄ jipan̄ kōj ilo iien ko reppen? Bōlet ro uwaan kūlaaj eo remaron̄ kwaļo̧k aer kōņaan kōnono kōn wāween ko Anij ekar kōjeraam̧m̧an er, men̄e ilo iien ko reppen rekar iooni. N̄an juon waanjon̄ak, lale pija eo “Unto All the World: The Sam Family” (ChurchofJesusChrist.org). Ta eo Katak im Bujen Ko 122 ej kobaiktok n̄an jeļā eo ad kōn kain̄i in?

Mour ko an Josep eo ilo Ijipt, Moses, im Josep Smith maron̄ kakemeemej kōj kōn Jisōs Kraist. Ro uwaan kūlaaj eo remaron̄ kanne jaat eo im tokālik kobaik kaļōm ko n̄an Josep eo ilo Ijipt (lale Jenesis 45:5–11), Moses (lale Ukook eo an Josep Smith, Jenesis 50:24, 29, 34–36 [ilo Bible appendix eo]), im Josep Smith (lale Ukook eo an Josep Smith, Jenesis 50:26–28, 30–33 [ilo Bible appendix eo]).