“Jānwōde 3–9. Jenesis 1–2; Moses 2–3; Ebream 4–5: ‘Ilo Jinoin Anij Ear Kōm̧anm̧an Lan̄ im laļ,’” Itok, Ļoor Eō—N̄an Jabōt Jikuuļ: Kallim̧ur M̧okta 2022 (2021)

“Jānwōde 3–9. Jenesis 1–2; Moses 2–3; Ebream 4–5,” Itok, Ļoor Eō—N̄an Jabōt Jikuuļ: 2022

Jānwōde 3–9

Jenesis 1–2; Moses 2–3; Ebream 4–5

“Ilo Jinoin Anij Ear Kōm̧anm̧an Lan̄ im laļ”

N̄an maron̄ m̧aanjabpopo n̄an katakin, moktata riit im lin̄ūri Jenesis 1–2; Moses 2–3; im Ebream 4–5, im ļo̧o̧ke im̧we ko am̧ ilo jetōb. Itok, Ļoor Eō—N̄an Kajjojo Armej im Baam̧le ko im ļōmņak ko itu laļ remaron̄ jipan̄ eok meļeļe im katakin katak eo ilo jepta kein.

Je En̄jake ko Rej Im̧we Eok

Kajjitōk bwe ren Kwaļo̧k

Anij ekar āliji kean̄ eo bwe men ko E ekar kōm̧m̧ani ilo iien Kōm̧anm̧an eo raar “em̧m̧an” (lale Moses 2:4, 10, 12, 18, 21, 25, 31). Karuwaineneik ro uwaan kūlaaj eo n̄an kwaļo̧k men ko rem̧m̧an raar loe ilo aer kar riiti eoon ko ilo m̧weo wiik in. Ta em̧m̧an in men ko raar loi?

Katakin Katak eo

Jenesis 1; Moses 2; Ebream 4

“Anij ear kōm̧anm̧an lan̄ im laļ.”

Ro uwaan kūlaaj eo remaron̄ kar kile eier wōt juon ko im oktak ko ibwilijin bwebwenato ko kōn Kōmanm̧an eo ilo bok in Jenesis, Moses, im Ebream. Kōketak ro uwaan kūlaaj n̄an kwaļo̧k ta eo ukook eo an Josep Smith ilo Moses 2 ej kobatok ilo meļeļe eo an kōn bwebwenato eo an Kōm̧anm̧an eo ilo Genesis 1. Ta dam̧oļo̧k in ļōm̧ņak ko jej bōk jān Ebream 4? N̄an kōtļo̧k bwe elōn̄ļo̧k armij ren kwaļo̧k, komaron̄ kōketak kulaaj eo n̄an kōm̧m̧ane keidi in ruo iaan ruo ak kumi ko reddik. (Jet iaan eoon ke me elōn̄ oktak ko raorōk ie rej waļo̧k ilo “Kein Jipan̄ ko Jet.”) Ekōjkan ad jeram̧m̧an jān an lōn̄ ippād elōn̄ļo̧k jān juon bwebwenato ko? Ta ko eoon kein rej katakin kōj kōn ta eo Anij ekōņaan bwe jen jeļā kōn Kōm̧anm̧an eo?
Ke Anij eaar kōm̧anm̧an Adam im Iv, E eaar leļo̧k n̄an er kajoor ioon laļ im kōm̧anm̧an ko jet An ie (lale Jenesis 1:28; Moses 2:28; Ebream 4:28). Elmen an Katak im Bujen Ko 59:16–21 im 104:13–18 jipan̄ kōj em̧m̧anļo̧k ad meļeļe ta meļeļe in n̄an kōjerbal kajoor jim̧we ioon laļ?
Jejjo raan m̧okta jān kūlaaj, komaron̄ kajjitōk ippān ro uwaan kūlaaj n̄an boktok pija ko raar bōke ak ewōr lo m̧weo me rej kakeememej er kōn aiboojoj eo an menin kōm̧anm̧an ko an Anij. Elmen an ekkatak kōn jerbal in kōm̧anm̧an ko an Irooj jelōt en̄jake ko ad kōn E, kōn kōj make, im laļ in? Ro uwaan kūlaaj eo remaron̄ barāinwōt kwaļo̧k ta ennaan ko rej en̄jake ewōr ippān Anij n̄an kōj ilo bwebwenato kein kōn Kōm̧anm̧an eo ilo Jenesis 1; Moses 2; im Ebream 4. Al ak ron̄jake juon al kōn Kōm̧anm̧an eo, āinwōt “For the Beauty of the Earth” (Hymns, no. 92) emaron̄ jipan̄ ro uwaan kūlaaj eo en̄jake kam̧m̧oolol kōn menin kōm̧anm̧an ko an Anij.

Kōm̧anm̧an Eo, jān Joan Hibbert Durtschi

Jenesis 1:26–28; Moses 2:26–28; Ebream 4:26–28

Kar kōm̧anm̧an kōj ilo nememen in Anij.

Etke ej aorōk n̄an kōj n̄an meļeļe bwe kar kōm̧anm̧an kōj ilo nememe in wōt Anij? Elmen am̧ maron̄ jipan̄ ro uwaan kūlaaj eo lin̄ūri m̧ool in? Remaron̄ riiti Jenesis 1:26–28; Moses 2:26–28; Ebream 4:26–28; ak pārokurāāp eo kein karuo ilo “Baam̧le Eo: Juon Naan in Kean̄ n̄an Laļ in” (ChurchofJesusChrist.org). Ekōjkan an m̧ool in jelōt wāween ad kalimjōk kōj make, ro jet, im Anij? Ro uwaan kūlaaj remaron̄ loe elōn̄ļo̧k ļōmņak ko ilo al ko āinwōt “O Jema” ak “N̄a Nejin Anij” (Al Ko Al In Ajri, nos. 29, 44).
Ilo pija in alooj eo “God’s Greatest Creation” (ChurchofJesusChrist.org), Būreejtōn Russell M. Nelson ej kwaļo̧k naan in kam̧ool eo kōn kabwilōn̄lōn̄ an ānbwinin armej (lale barāinwōt “Thanks Be to God,” Liaona, Māe 2012, 77–80). Ļōmņak in kwaļo̧k pija in alooj in m̧okta jān riit Jenesis 1:26–28; Moses 2:26–28; ak Ebream, 4:26–28 āinwōt juon kūlaaj. Elmen an naan in kam̧ool eo an Būreejtōn Nelson kamwilaļļo̧k ad kam̧m̧oolol kōn m̧ool ko ilo eoon kein?

Jenesis 1:27–28; Moses 3:18, 21–25; Ebream 5:14–19

M̧are eo ikōtaan juon em̧m̧aan im juon kōrā ej ekkapit jān Anij.

Elōn̄ ro rej kalimjōk m̧are ilo laļ in rainin ejepel jān m̧ool eo indeeo. N̄an jipan̄ kūlaaj eo am̧ ekkatak kōn kōļmenļo̧kjeņ eo an Anij kōn m̧are, komaron̄ kajjitōk ippāer n̄an riiti Jenesis 1:27–28; Moses 3:18, 21–25; ak Ebream 5:14–19 im n̄an kōllaajraki ioon boot eo m̧ool ko rej loi. Remaron̄ kobaikļo̧k n̄an laajrak in m̧ool ko aer re loi ilo “Baam̧le Eo: Juon Kean̄ N̄an Laļ” (ChurchofJesusChrist.org). Etke m̧ool kein raorōk n̄an kōj?

Kein Jipan̄ Ko Jet

Keidi bwebwenato in Kōm̧anm̧an eo.

Jenesis	Moses	Ebream
Jenesis Jenesis 1:1	Moses Moses 2:1	Ebream Ebream 4:1
Jenesis Jenesis 1:16	Moses Moses 2:16	Ebream Ebream 4:16
Jenesis Jenesis 1:26–27	Moses Moses 2:26–27	Ebream Ebream 4:26–27
Jenesis Jenesis 1:30	Moses Moses 2:30	Ebream Ebream 4:30
Jenesis Jenesis 2:5	Moses Moses 3:5	Ebream Ebream 4:30
Jenesis Jenesis 2:5	Moses Moses 3:5	Ebream Ebream 5:5
Jenesis Jenesis 2:7	Moses Moses 3:7	Ebream Ebream 5:7
Jenesis Jenesis 2:9	Moses Moses 3:9	Ebream Ebream 5:9
Jenesis Jenesis 2:17–19	Moses Moses 3:17–19	Ebream Ebream 5:13–14

Kōkōm̧anm̧anļo̧k Ad Katakin

Jipan̄ rikkatak keidi jeje ko rekwojarjar n̄an er make. “Ejja m̧ool ko wōt an gospel eo me raar im̧we im rejtake Ebream, Esther, Liai,im Josep Smith remaron̄ jipan̄ ro kwoj katakin er jelm̧ae kapan̄pan̄ ko an an rainin” (Teaching in the Savior’s Way, 21). Kōketak rūkkatak ro n̄an kōjerbal pedped in katak ko rej loi ilo jeje ko rekwojarjar n̄an jekjek ko ar make.