۱–۳ یُوحنّا؛ یہُوداہ

اگر آپ کو کہا جائے کہ خُدا کو بیان کرنے کے لیے ایک یا دو اِلفاظ کا انتخاب کریں تو، وہ کیا ہوں گے؟ اپنے خطوط میں، یُوحنّا نے ”نُور“ اور ”محبّت“ جیسے اِلفاظ کا استعمال کیا ہے (۱ یُوحنّا ۱: ۵؛ ۴: ۸، ۱۶)۔ جب آپ ۱ یُوحنّا کو پڑھتے ہیں تو، یُوحنّا کی اِنجیل میں درج یُوحنّا کے تجربات پر غوروفکر کریں، اور غور کریں کہ اِن تجربات نے یُوحنّا کو خُدا کے نُور اور اُس کی محبّت کے بارے میں کیا تعلیم دی ہوگی۔ آپ کو کون سے ذاتی تجربات نے یہ سِکھایا ہے کہ خُدا نُور اور محبّت ہے؟

مزید دیکھیں یُوحنّا ۳: ۱۶–۲۱؛ ۱۵: ۹–۱۷؛ ۲ نیفی ۲۶: ۲۴؛ عقائد اور عہود ۵۰: ۲۴؛ ۸۸: ۶، ۱۲–۱۳؛ ۹۳: ۳۶–۳۷۔

کیا مسِیح کی مانند بننے کا ہدف آپ کو کبھی زیادہ ارفع محسوس ہوا ہے؟ یُوحنّا کی حوصلہ افزا مشورت پر غور کریں: ”غرض اَے بچّو! اُس میں قائِم رہو تاکہ جب وہ ظاہِر ہو تو ہمیں دِلیری ہو … [اور] ہم بھی اُس کی مانِند ہوں گے“ (۱ یُوحنّا ۲: ۲۸؛ ۳: ۲)۔ آپ کو ۱ یُوحنّا ۲: ۲۴–۳:۳ میں ایسا کیا ملتا ہے جو آپ کو یِسُوع مسِیح کے شاگِرد کی حیثیت سے دِلیری اور سکون بخشتا ہے؟ جب آپ یُوحنّا کے خطوط کا مُطالعہ کرتے ہیں تو، دُوسرے ایسے اُصولوں یا مشورت کی تلاش کریں جو مسِیح کی مانند بننے کی کوشش میں آپ کی مدد کرسکتے ہیں۔

مزید دیکھیں مرونی ۷: ۴۸؛ عقائد اور عہود ۸۸: ۶۷–۶۸۔

Joseph Smith Translation, 1 John 4:12 واضح کرتا ہے کہ ”خُدا کو کبھی کِسی نے نہِیں دیکھا، سوائے اُن کے جو اِیمان رکھتے ہیں“ (مزید دیکھیں یُوحنّا ۶: ۴۶؛ ۳ یُوحنّا ۱: ۱۱)۔ صحائف میں متعدد ایسے واقعات درج ہیں جب خُدا باپ نے خود کو دیندار افراد کے سامنے ظاہر کیا، بمشول یُوحنّا کے (دیکھیں مُکاشفہ ۴؛ مزید دیکھیں اعمال ۷: ۵۵–۵۶؛ ۱ نیفی ۱: ۸؛ عقائد اور عہود ۷۶: ۲۳؛ جوزف سمتھ—تاریخ ۱: ۱۶–۱۷)۔

دُنیا پر غالب آنے کا خیال یُوحنّا کی تحریروں میں متعدد بار ظاہر ہوا ہے۔ یُوحنّا نے یِسُوع کے اِس کلام کو قلمبند کیا، ”دُنیا میں مُصیبت اُٹھاتے ہو: لیکِن خاطِر جمع رکھّو؛ مَیں دُنیا پر غالِب آیا ہوں“ (یُوحنّا ۱۶: ۳۳)۔ اور مُکاشفہ ۲–۳ میں، یُوحنّا نے دُنیا پر غالب آنے والوں کے ساتھ خُداوند کے وعدوں کو درج کیا ہے۔ ۱ یُوحنّا ۵: ۳–۵ میں یُوحنّا نے دُنیا پر غالب آنے سے متعلق کیا کہا ہے؟ جب آپ ۱ یُوحنّا ۵ پڑھیں، تو تلاش کریں کہ دُنیا پر غالب آنے اور ابدی زِندگی پانے کے لیے ہمیں کیا کرنا چاہیے۔ آپ اپنی زِندگی میں دُنیا پر کیسے غالب آسکتے ہیں؟ آپ کو بزرگ نیل ایل اینڈرسن کے پیغام میں سے بھی جوابات اور بصیرت مِل سکتی ہے (”Overcoming the World“ انزائن یا لیحونا، مئی ۲۰۱۷، ۵۸–۶۲)۔

اپنے خاندان کی یُوحنّا کی تعلیمات پر غور کرنے میں مدد کرنے کے لیے، ایک تارِیک کمرے میں جمع ہوں اور خاندانی اَرکان کو ”تارِیکی میں“ چلنے اور ”نُور میں“ چلنے کے درمیان فرق کا تجربہ کرنے دیں۔ عَداوَت تارِیکی میں چلنے اور ٹھوکروں کا سبب کیسے بنتی ہے؟ ایک دُوسرے سے محبّت رکھنے سے ہماری زِندگیاں کیسے منور ہوتی ہیں؟

اِن آیات میں خُدا کے سامنے اور ہماری دُعاؤں کے جوابات حاصل کرنے کی ہماری صلاحیت کی ”دِلیری“ میں کیسے اضافہ ہوتا ہے؟

کیا کوئی ایسے احکام ہیں کہ جن کو ہم ”سخت“ سمجھتے ہیں یا اِن پر عمل پیرا ہونا مشکل لگتا ہے؟ خُدا کے لیے ہماری محبّت کے باعِث اُس کے حُکموں کے بارے میں ہمارے احساسات کیسے تبدیل ہو جاتے ہیں؟

کیا ایَسے کوئی رُوحانی خطرات ہیں جو ہماری زِندگیوں اور خاندان میں ”چُپکے سے“ آ مِلے ہیں؟ (یہُوداہ ۱: ۴)۔ ہم کِس طرح یہُوداہ کی مشورت پر عمل پیرا ہوسکتے ہیں کہ ”اِیمان کے واسطے جانفِشانی“ کریں اور اِن خطرات کا مقابلہ کریں۔؟ (یہُوداہ ۱: ۳)۔ ہم یہ یقینی بنانے کے لیے کیا کرسکتے ہیں کہ ہمارے خاندان میں ”رحم اور اِطمینان اور محبّت زِیادہ حاصِل ہوتی رہے“؟ (یہُوداہ ۱: ۲)۔