මතෙව් 6–7

ලෝකයේ දේවල් වලට වඩා දෙවියන්වහන්සේගේ දේවලට ප්‍රමුඛතාවය දීම සැමවිටම පහසු නැත. ස්වර්ගීය දේවල් කෙරෙහි අවධානය යොමුකිරීමට ඔබට උපකාර වන මතෙව් 6–7 හි ගැලවුම්කරුවාණන්ගේ ඉගැන්වීම් මොනවාද? ඔබ උන්වහන්සේගේ වචන අධ්‍යයනය කරන විට ඔබට ඇතිවන සිතුවිලි හෝ හැඟීම් මොනවාද? ඔබ කුමක් කිරීමට පෙලඹී ඇත්ද? ඔබේ හැඟීම් සටහන් කිරීම සලකා බලන්න. උදාහරණයක් ලෙස:

කන්ද උඩ දේශනාවේ බොහෝ තේමාවන් අඩංගු වන අතර, ඔබ දකින තේමාවන් ඔබගේ ජීවිතයේ වර්තමාන තත්වයන් සහ ස්වාමින්වහන්සේ ඔබට සන්නිවේදනය කිරීමට කැමති දේ මත රඳාපවතී.

මතෙව් 6–7 හි එක් තේමාවක් වන්නේ යාච්ඤාවයි. ඔබේ යාච්ඤා ඇගයීමට මොහොතක් ගතකරන්න. යාච්ඤාව තුළින් දෙවියන්වහන්සේ වෙතට ළංවීමට ඔබ දරන උත්සාහයේ ඔබ කොතැන සිටිනවා ‍යැයි ඔබට හැඟෙන්නේ කෙසේද? ඔබ යාච්ඤා කරන ආකාරය වැඩිදියුණු කිරීමට ඔබව පොළඹවන මතෙව් 6–7 හි ඇති ඉගැන්වීම් මොනවාද? ආත්මයාණන් කරණකොටගෙන ඔබට ලැබෙන හැඟීම් සටහන් කරන්න. උදාහරණයක් ලෙස:

මේ වතාවේ ඔබට විශේෂයෙන් අදාළවන තවත් පුනරාවර්තන තේමාවක් හෝ පණිවිඩයක් සොයමින්, කන්ද උඩ දේශනාව නැවත වරක් කියවීම ගැන ඔබට සලකාබැලිය හැකිය. ඔබේ සිතුවිලි සහ හැඟීම් සමග අධ්‍යයන සඟරාවක ඔබ සොයාගත් දේ සටහන් කරන්න.

බොහෝවිට “නිෂ්ඵල පුනරාවර්තන” යන්නෙන් අදහස් වන්නේ එකම වචන නැවත නැවතත් පුනරුච්චාරණය කිරීම බව මිනිසුන් තේරුම්ගනී. කෙසේවෙතත්, නිෂ්ඵල යන වචනය විස්තර කරන්නේ කිසිදු වටිනාකමක් නැති දෙයක් යන්නයි. යාච්ඤාවේදී “නිෂ්ඵල පුනරාවර්තන” භාවිතා කිරීම යන්නෙන් අදහස් කරන්නේ අවංක, හෘදයාංගම හැඟීමකින් තොරව යාච්ඤා කිරීමයි (ඇල්මා 31: 12–23 බලන්න).

සභාපති රසල් එම්. නෙල්සන් මෙසේ ඉගැන්වීය: “ස්වාමින්වහන්සේ සිය යාච්ඤාවට මුලින්ම අවතීර්ණ වූයේ ‘නිෂ්ඵල පුනරාවර්තනයන්’ වළක්වා ගැනීමට තම අනුගාමිකයින්ට කියමින් [මතෙව් 6:7] සහ ‘මේ ආකාරයට’ යාච්ඤා කරන්න කියමිනි [මතෙව් 6:9]. මේ අනුව, ස්වාමින්වහන්සේගේ යාච්ඤාව අනුගමනය කළ යුතු රටාවක් ලෙස මිස නැවත නැවත කටපාඩම් කර කීමට අවශ්‍ය කොටසක් නොවේ. ස්වාමියාට අවශ්‍ය වන්නේ අප නපුරට එරෙහිවී ධර්මිෂ්ටව ජීවත්වීමට නිරන්තරයෙන් උත්සාහ කරන විට දෙවියන්වහන්සේගේ උපකාරය ඉල්ලා යාච්ඤා කිරීමයි” (“Lessons from the Lord’s Prayers,” Ensign or Liahona, May 2009, 46–47).

මතෙව් 7:1 හි ගැලවුම්කරුවාණන් අප විනිශ්චය නොකළ යුතු යැයි පවසන බවක් පෙනෙන්නට තිබුණත්, වෙනත් ශුද්ධලියවිලි පදවල (මෙම පරිච්ඡේදයේ වෙනත් පද ඇතුළුව), විනිශ්චය කරන්නේ කෙසේද යන්න පිළිබඳව උන්වහන්සේ අපට උපදෙස් දෙයි. එය ප්‍රහේලිකාවක් ලෙස පෙනේ නම්, ජෝසෆ් ස්මිත් මෙම පදය පරිවර්තනය කිරීම ප්‍රයෝජනවත් විය හැකිය: “ඔබව විනිශ්චය නොකිරීමට නම් අධර්මිෂ්ට ලෙස විනිශ්චය නොකරන්න; නමුත් ධර්මිෂ්ටව විනිශ්චය විනිශ්චය කරන්න” (මතෙව් 7:1 හි, පාදසටහන අ). මතෙව් 7:1–5 දක්වා සහ පරිච්ඡේදයේ ඉතිරි කොටසේ “ධර්මිෂ්ට විනිශ්චය විනිශ්චය කරන්නේ” කෙසේදැයි දැනගැනීමට ඔබට උපකාරවත් වන කුමක් ඔබ සොයාගන්නේද?

තවත් බලන්න “Judging Others,” True to the Faith, 90–91; Lynn G. Robbins, “The Righteous Judge,” Ensign or Liahona, Nov. 2016, 96–98.

මතෙව් 7:23 හි “මම ඔබව දැන නොසිටියෙමි” යන වාක්‍ය ඛණ්ඩය ජෝසෆ් ස්මිත් පරිවර්තනයේ “ඔබ මාව කවදාවත් දැනසිටියේ නැත” ලෙස වෙනස්කර ඇත (මතෙව් 7:23, පාද සටහන අ). ස්වාමින්වහන්සේ තම කැමැත්ත කිරීම පිළිබඳව 21–22 පදවල ඉගැන්වූ දේ වඩාත් හොඳින් තේරුම්ගැනීමට මෙම වෙනස ඔබට උපකාර කරන්නේ කෙසේද? ඔබ කෙතරම් දුරට ස්වාමින්වහන්සේව හඳුනන බව ඔබට දැනෙන්නේද? උන්වහන්සේව වඩා හොඳින් දැනහඳුනාගැනීමට ඔබට කුමක් කළ හැකිද?

තවත් බලන්න David A. Bednar, “If Ye Had Known Me,” Ensign or Liahona, Nov. 2016, 102–5.

පවුලක් ලෙස මතෙව් 6–7 දක්වා ඉගෙනගත හැකි එක් ක්‍රමයක් නම් “Sermon on the Mount: The Lord’s Prayer” සහ “Sermon on the Mount: Treasures in Heaven” (ChurchofJesusChrist.org) යන වීඩියෝ නැරඹීමයි. පවුලේ සාමාජිකයින්ට ඔවුන්ගේ ශුද්ධලියවිලි අනුගමනය කර සාකච්ඡා කිරීමට අවශ්‍ය යමක් ඇසෙන සෑමවිටම වීඩියෝව මදකට නැවැත්විය හැකිය. අවශ්‍ය නම් මෙම ක්‍රියාකාරකම දින කිහිපයක් පුරා පැවත්විය හැකිය.

ගැලවුම්කරුවාණන් යාච්ඤා කළ ආකාරයෙන් අපට යාච්ඤාව ගැන ඉගෙනගත හැක්කේ කුමක්ද? අපගේ පෞද්ගලික හා පවුලේ යාච්ඤාවන් වැඩිදියුණු කිරීම සඳහා උන්වහන්සේගේ යාච්ඤාව ආදර්ශයක් ලෙස භාවිතා කරන්නේ කෙසේද? (ලූක් 11:1–13 ද බලන්න.) ඔබට කුඩා දරුවන් සිටීනම්, ඔබට එකට යාච්ඤා කිරීමට පුරුදුවිය හැකිය.

“පළමුව දෙවියන්වහන්සේගේ රාජ්‍යය සෙවීම” යන්නෙහි තේරුම කුමක්ද? අපි පවුලක් ලෙස මෙය කරන්නේ කෙසේද?

අන්‍යයන් විනිශ්චය කිරීම පිළිබඳව ගැළවුම්කරුවාණන්ගේ ඉගැන්වීම් සාකච්ඡා කරන විට ඔබට කුඩා ලී කැබැල්ලක් හා විශාල ලී කැබැල්ලක් මගින් රොඩ්ඩක් සහ කැබැල්ලක් නිරූපණය කළ හැකිය. මෙම සාකච්ඡාවේ කොටසක් ලෙස True to the Faith හි, 90–91 දක්වා “Judging Others” යන ලිපිය කියවීම සලකා බලන්න.

ගැලවුම්කරුවාණන්ගේ ඥාණවන්ත මිනිසාගේ හා මෝඩ මිනිසාගේ උපමාව වඩා හොඳින් තේරුම්ගැනීමට ඔබේ පවුලට උදව් කිරීම සඳහා, ඔබට ඔවුන්ට වැලි සහ පසුව පර්වතයක් මත ජලය වත්කිරීමට ඉඩදිය හැකිය. අපි පර්වතයක් මත අපගේ අධ්‍යාත්මික පදනම් ගොඩනගන්නේ කෙසේද?