යොහාන් 1

යොහාන් යනු, යොහාන් බව්තීස්තගේ ගෝලයෙකු වූ අතර පසුව යේසුස් ක්‍රිස්තුස්වහන්සේගේ පළමු අනුගාමිකයෙකු හා උන්වහන්සේගේ ප්‍රේරිතයන් දොළොස්දෙනාගෙන් කෙනෙකු බවට පත්විය. ඔහු යොහාන්ගේ ශුභාරංචිය, ලිපි කිහිපයක් සහ එළිදරව් පොත ලිවීය. ඔහුගේ ශුභාරංචියේ ඔහු තමාව හැඳින්වූයේ “යේසුස්වහන්සේ ප්‍රේම කළ ගෝලයා” සහ “අනෙක් ගෝලයා” ලෙසයි (යොහාන් 13:23; 20:3). ශුභාරංචිය දේශනා කිරීම සඳහා යොහාන්ගේ උද්යෝගය කොතරම්දයත්, ප්‍රාණයන් ක්‍රිස්තුස්වහන්සේ වෙතට ගෙන ඒමට ඔහුට හැකි වන පිණිස, ගැළවුම්කරුවාණන්ගේ දෙවන පැමිණීම තෙක් පොළොවේ රැඳීසිටීමට ඉඩදෙන ලෙස ඔහු ඉල්ලාසිටියේය (දහම සහ ගිවිසුම 7:1–6 බලන්න).

තවත් බලන්න Bible Dictionary, “John” and “John, Gospel of.”

යොහාන් සිය ශුභාරංචිය ආරම්භ කළේ ක්‍රිස්තුස්වහන්සේ උපත ලැබීමට පෙර කළ සේවය විස්තර කරමිනි: “ආරම්භයේදීම … [යේසුස් ක්‍රිස්තුස්වහන්සේ] වාක්‍යාණෝ දෙවියන්වහන්සේ සමග සිටියේය.” ගැළවුම්කරුවාණන් සහ උන්වහන්සේගේ කාර්යය ගැන මෙම 1–5 පද වලින් ඔබ ඉගෙනගන්නේ කුමක්ද? Joseph Smith Translation, John 1:1–5 (in the Bible appendix) හි ඔබට ප්‍රයෝජනවත් පැහැදිලි කිරීම් සොයාගත හැකිය. ඔබ ගැලවුම්කරුවාණන්ගේ ජීවිතය පිළිබඳ අධ්‍යයනය ආරම්භ කරන විට, උන්වහන්සේගේ පෙර ලෝකයේ කාර්යයන් ගැන දැනගැනීම වැදගත් වන්නේ ඇයි?

තවත් බලන්න “Jesus Christ Chosen as Savior,” Gospel Topics, topics.ChurchofJesusChrist.org.

ගැලවුම්කරුවාණන් සෙවීමට යොහාන්ව පෙලඹවූයේ, ඔහු “සැබෑ ආලෝකයට සාක්ෂි දැරීමට එවන ලද” බව ප්‍රකාශ කළ යොහාන් බව්තීස්තගේ සාක්ෂිය නිසාය (යොහාන් 1:8–9, 15-18). ගැලවුම්කරුවාණන්ගේ ජීවිතය හා මෙහෙවර පිළිබඳව යොහාන් විසින්ම ප්‍රබල සාක්ෂියක්ද ලබාදුන්නේය.

ක්‍රිස්තුස්වහන්සේගේ ආරම්භක සාක්ෂියට යොහාන් ඇතුළත් කළ සත්‍යයන් ලැයිස්තුවක් සැකසීම සිත්ගන්නාසුළු වියහැකිය (1–18 පද; තවත් බලන්න Joseph Smith Translation, John 1:1–19 [in the Bible appendix]). යොහාන් සිය ශුභාරංචිය මෙම සත්‍යතාවන්ගෙන් ආරම්භ කළේ ඇයි කියා ඔබ සිතන්නේද? යේසුස් ක්‍රිස්තුස්වහන්සේ ගැන ඔබේ සාක්ෂිය ලිවීම ගැන සලකා බලන්න—ඔබට බෙදාගැනීමට අවශ්‍ය මොනවාද? ගැලවුම්කරුවාණන්ව දැනහඳුනාගැනීමට හා අනුගමනය කිරීමට ඔබට උපකාරවත් වූ අත්දැකීම් මොනවාද? ඔබේ සාක්ෂිය ඇසීමෙන් ආශිර්වාද ලැබිය හැක්කේ කාටද?

අප සියල්ලන්ම දෙවියන්වහන්සේගේ දූ පුතුන් වුවද, අප පව් කරන විට අපිව උන්වහන්සේගෙන් වෙන්කර භේද කරයි. යේසුස් ක්‍රිස්තුස්වහන්සේ අපට ආපසු යා හැකි මාර්ගයක් ඉදිරිපත් කරයි. උන්වහන්සේගේ වන්දිගෙවීමේ පරිත්‍යාගය හා ශුභාරංචි ගිවිසුම් වලට අප කීකරුවීම තුළින් උන්වහන්සේ නැවත වරක් “දෙවියන්වහන්සේගේ පුත්‍රයන් හා දූවරුන් බවට පත්වීමට අපට බලය ලබාදෙයි.” අප නැවත ඉපදී, උන්වහන්සේගේ සදාකාලික උරුමය හා උන්වහන්සේ සතු සියල්ලේ උරුමක්කාරයෝ වෙමින්, අපගේ පියාණන්වහන්සේ සමග සමගිවී සිටින්නෙමු (රෝම 8:14–18; යාකොබ් 4:11 බලන්න).

දෙවියන්වහන්සේව දුටු මිනිසුන්ගේ උදාහරණ පරණ ගිවිසුමේ සඳහන් වේ (උත්පත්ති 32:30; නික්මයාම 33:11; යෙසායා 6:5 බලන්න). එසේනම් යොහාන් බව්තීස්ත “කිසිවෙකු කිසිකලෙක දෙවියන්වහන්සේව දැක නැත” කියා පවසන්නේ ඇයි? මෙම පදයෙහි ජෝසෆ් ස්මිත්ගේ පරිවර්තනය (යොහන් 1:18, පාදසටහන c බලන්න) පියාණන් වන දෙවියන්වහන්සේ මනුෂ්‍යයන්ට දර්ශනය වී, එසේ වූ විට, උන්වහන්සේ තම පුත්‍රයාණන් පිළිබඳ වාර්තාවක් දරන බව එයින් පැහැදිලි කරයි. නිදසුනක් වශයෙන්, ඔහු පූජනීය වනයෙහි ජෝසෆ් ස්මිත්ට දර්ශනය වූ විට, ඔහු ජෝසෆ්ට මෙසේ කීවේය: “මේ මාගේ ආදරණීය පුත්‍රයාය. ඔහුට සවන්දෙන්න!” (Joseph Smith—History 1:17; තවත් බලන්න දහම සහ ගිවිසුම 76:23). මනුෂ්‍යයන් පියාණන් වන දෙවියන්වහන්සේ දර්ශනයෙන් දුටු තවත් වාර්තාගත අවස්ථා කිහිපයක් ඇත (ක්‍රියා 7:55-56; එළිදරව් 4:2; 1 නෙපි 1:8; දහම සහ ගිවිසුම 137:1–3 බලන්න) නැතහොත් පුත්‍රයාණන් පිළිබඳ උන්වහන්සේගේ හඬ ඇසුණු අවස්ථා තිබේ (මතෙව් 3:17; 17:5; 3 නෙපි 11:6-7 බලන්න).

යුදෙව් නායකයන් කල්පනා කළේ යොහාන් බව්තීස්ත කවදා හෝ දවසක ජනතාව අතරට පැමිණෙන අනාගතවක්තෘවරුන් පිළිබඳ පුරාණ අනාවැකි ඉටුකරන්නේද යන්නයි. ඔවුන් ඔහුගෙන් ඇසුවේ ඔහු එලියාද, සියල්ල යථාතත්වයට පත්කරන බවට අනාවැකි පැවසූ අනාගතවක්තෘවරයාගේ නම වන ග්‍රීක ස්වරූපයක් වන (එලයිජා) එලියාද යන්නයි (මලාකි 4:5–6 බලන්න). ද්විතීය කථාව 18:15 හි සඳහන් “අනාගතවක්තෘ” ලෙස සඳහන් කර ඇති ඔහු “එම අනාගතවක්තෘවරයාද” කියාද ඔවුහු විමසූහ. තමා මේ දෙකෙන් එකක් නොවන බවත් තමන් ස්වාමින්වහන්සේගේ පැමිණීමට මාර්ගය සූදානම් කරන ලෙස යෙසායා පැවසූ අනාගතවක්තෘවරයා බවත් යොහාන් පැහැදිලි කළේය (යෙසායා 40:3 බලන්න).

තවත් බලන්න බයිබල් ශබ්දකෝෂය, “Elias.”

මෙම පදවල ආලෝකය ගැන කියවන දේ දෘශ්‍යමාන කිරීමට ඔබ ඔබේ පවුලට උදව් කරන්නේ කෙසේද? අඳුරු කාමරයක ආලෝකයක් බබළවා ගැලවුම්කරුවාණන් ඔවුන්ගේ ජීවිතයේ ආලෝකය වන්නේ කෙසේද යන්න බෙදාගැනීමට පවුලේ සාමාජිකයන්ට ඔබට ඉඩදිය හැකිය. ඉන්පසු, ඔබ යොහාන් 1:4–10 කියවන විට, ලෝකයේ ආලෝකය වන යේසුස් ක්‍රිස්තුස්වහන්සේ පිළිබඳ යොහාන්ගේ සාක්ෂිය පිළිබඳව පවුලේ සාමාජිකයින්ට අමතර අවබෝධයක් ලැබිය හැකිය.

36 වන පදයෙහි යොහාන් බව්තීස්තගේ සාක්ෂිය සැලකිල්ලට ගන්න. ඔහුගේ සාක්ෂියේ ප්‍රතිඵල මොනවාද? (35–46 පද බලන්න). ශුභාරංචිය බෙදාගන්නේ කෙසේද යන්න පිළිබඳව මෙම පදවල විස්තර කර ඇති අයගෙන් ඔබේ පවුල ඉගෙනගන්නේ මොනවාද?

ගැලවුම්කරුවාණන් පිළිබඳ සාක්ෂියක් ලබාගැනීමට නතානියෙල් කළේ කුමක්ද? අපි අපේ සාක්ෂි ලබාගත්තේ කෙසේද?