මතෙව් 1; ලූක් 1

යේසුස්වහන්සේ තම ප්‍රේරිතයන්ගෙන් කෙනෙකු ලෙස හැඳින්වූ, මතෙව් යනු යුදෙව් අයබදුකරුවෙකි, නැතහොත් බදු එකතු කරන්නෙකි (මතෙව් 10:3 බලන්න; බයිබල් ශබ්දකෝෂය, “Publicans”). මතෙව් සිය ශුභාරංචිය ප්‍රධාන වශයෙන් සෙසු යුදෙව්වන්ට ලිවීය; එමනිසා, යේසුස්වහන්සේගේ ජීවිතය හා දේවසේවය තුළින් ඉටුවූ මෙසියස් පිළිබඳව පරණ ගිවිසුමේ අනාවැකි අවධාරණය කිරීමට ඔහු තෝරාගත්තේය.

ලූක් යනු අන්‍යජාතිකයෙකි (යුදෙව් නොවන) පාවුල් සමග ගමන් කළ වෛද්‍යවරයෙකි. ගැලවුම්කරුවාණන්ගේ මරණයෙන් පසු ඔහු සිය ශුභාරංචිය ලිව්වේ මූලික වශයෙන් යුදෙව් නොවන ප්‍රේක්ෂකයන්ටය. අන්‍යජාතීන්ගේ හා යුදෙව්වන්ගේ ගැලවුම්කරුවාණන් ලෙස යේසුස් ක්‍රිස්තුස්වහන්සේ ගැන ඔහු සාක්ෂි දුන්නේය. ගැළවුම්කරුවාණන්ගේ ජීවිතයේ සිදුවීම් පිළිබඳ ඇසින් දුටු සාක්ෂි ඔහු වාර්තා කළ අතර අනෙක් ශුභාරංචියන්ට සාපේක්ෂව කාන්තාවන් සම්බන්ධ තවත් කථා ඔහු ඇතුළත් කළේය.

බයිබල් ශබ්දකෝශයද බලන්න, “Gospels,” “Matthew,” “Luke.”

සභාපති රසල් එම්. නෙල්සන් පැහැදිලි කළේ යේසුස් ක්‍රිස්තුස්වහන්සේගේ වන්දිගෙවීම සඳහා “මරණයට පත් නොවන අමරණීය පුද්ගලයෙකුගේ පුද්ගලික පරිත්‍යාගයක් අවශ්‍ය බවයි. එහෙත් උන්වහන්සේ මියගොස් නැවත තම ශරීරය ගත යුතුය. මෙය කළ හැකි එකම තැනැත්තා ගැලවුම්කරුවාණන් පමණක් විය. උන්වහන්සේගේ මවගෙන් උන්වහන්සේට මරණයේ බලය උරුම විය. උන්වහන්සේ තම පියාණන්ගෙන් මරණය ජයගැනීමට බලය ලබාගත්තේය” (“Constancy amid Change,” Ensign, Nov. 1993, 34).

කුමන හේතුවක් නිසා හෝ දෙවියන්වහන්සේගේ වේලාවෙන් අදහස් වුණේ දරුවෙකු ලැබීමට එලිසබෙත් සහ සෙකරියස් බලාපොරොත්තු වූ ආශිර්වාදය ඔවුන් බලාපොරොත්තු වූවාට වඩා බොහෝකලකට පසුව ලැබීමය. ඔබට ආශිර්වාදයක් බලාපොරොත්තුවෙන් සිටීමට සිදුවුවහොත් හෝ දෙවියන්වහන්සේ ඔබගේ යාච්ඤා වලට සවන්නොදෙන බවක් පෙනේ නම්, එලිසබෙත් සහ සෙකරියස්ගේ කතාව උන්වහන්සේ ඔබව අමතක කර නැති බවට මතක්කිරීමක් විය හැකිය. උන්වහන්සේට ඔබ වෙනුවෙන් සැලැස්මක් ඇති අතර, උන්වහන්සේ සැමවිටම තම ධර්මිෂ්ට සාන්තුවරයන්ට දුන් පොරොන්දු ඉටුකරයි. වැඩිහිටි ජෙෆ්‍රි ආර්. හොලන්ඩ් පොරොන්දු වූ ආකාරයට, “සමහර ආශිර්වාද පැමිණේ, සමහරක් ප්‍රමාද වී; සමහරක් ස්වර්ගයට යන තෙක් නොපැමිණෙයි; නමුත් යේසුස් ක්‍රිස්තුස්වහන්සේගේ සුභාරංචිය වැලඳගන්නා අයට ඒවා පැමිණෙන්නේය” (“An High Priest of Good Things to Come,” Ensign, Nov. 1999, 38). සෙකරියස් සහ එලිසබෙත් විශ්වාසවන්තව සිටියේ කෙසේද? (ලූක් 1:5-25, 57-80 බලන්න). ඔබ ආශිර්වාදයක් බලාපොරොත්තුවෙන් සිටිනවාද? ඔබ බලාසිටින අතරතුර ස්වාමින්වහන්සේ ඔබෙන් බලාපොරොත්තු වන්නේ කුමක් කියා ඔබට හැඟෙනවාද?

මෙම කථාවේ ස්වාමින්වහන්සේ විසින් ඔබට ලබාදිය හැකි වෙනත් පණිවිඩ මොනවාද?

මරියා මෙන්, අපගේ ජීවිතය සඳහා දෙවියන්වහන්සේගේ සැලසුම් අප සැලසුම් කළ දෙයට වඩා බෙහෙවින් වෙනස් බව සමහර අවස්ථාවන් හිදී අපට පෙනීයයි. දෙවියන්වහන්සේගේ කැමැත්ත පිළිගැනීම ගැන ඔබ මරියාගෙන් ඉගෙනගන්නේ කුමක්ද? පහත වගු වල, ඔවුන්ගේ ප්‍රකාශ වලින් ඔබට ලැබෙන පණිවිඩ සමග, දේවදූතයාගේ සහ මරියාගේ ප්‍රකාශ ලියන්න (ලූක් 1: 26-38 බලන්න):

මතෙව් 1:18-25 හි ජෝසෆ්ගේ ධර්මිෂ්ට ආදර්ශය ගැන කියවන විට, දෙවියන්වහන්සේගේ කැමැත්ත පිළිගැනීම ගැන ඔබ ඉගෙනගන්නේ මොනවාද? සෙකරියස්ගේ සහ එලිසබෙත්ගේ අත්දැකීම් වලින් ඔබට ඉගෙනගත හැක්කේ මොනවාද? (ලූක් 1 බලන්න).

තවත් බලන්න මොසායා 3:19; ලූක් 22:42; හිලමන් 10:4–5; Bible Dictionary, “Gabriel.”

ලූක් 1:46–55 හි මරියාගේ වචන ගැලවුම්කරුවාණන්ගේ මෙහෙවරෙහි අංගයන් පුරෝකථනය කර ඇත. මරියාගේ ප්‍රකාශ වලින් ඔබ යේසුස් ක්‍රිස්තුස්වහන්සේ ගැන ඉගෙනගන්නේ මොනවාද? මෙම පද 1 සාමුවෙල් 2:1–10 හි හැනාගේ වචන හා මතෙව් 5:4–12 හි යේසුස්වහන්සේගේ ආකල්ප සමග සංසන්දනය කිරීමෙන් ගැළවුම්කරුවාණන් ලබාදෙන ආශිර්වාද පිළිබඳව ඔබ ලබාගන්නා අමතර අවබෝධයන් මොනවාද? ඔබ මෙම අදහස් ගැන මෙනෙහි කරන විට ආත්මයාණන් ඔබට උගන්වන්නේ මොනවාද?

ඔබේ පවුලේ අය යේසුස්වහන්සේගේ පෙළපත කියවන විට, එය යෝසෙප් හරහා දාවිත් රජු දක්වා උන්වහන්සේගේ රාජකීය පෙළපත කරා දිවයන බව ඔබට පැහැදිලි කළ හැකිය. මෙසියස්වහන්සේ දාවිත්ගේ පෙළපතට පැමිණෙනු ඇතැයි පුරෝකථනය කර තිබූ නිසා මෙම පරම්පරාව වැදගත් විය (යෙරෙමියා 23:5–6 බලන්න). මෙය ඔබගේ පවුලේ ඉතිහාසය සාකච්ඡා කිරීමට සහ ඔබේ මුතුන් මිත්තන් පිළිබඳ කථා කිහිපයක් බෙදාගැනීමට හොඳ අවස්ථාවක් විය හැකිය. ඔබගේ පවුල් ඉතිහාසය ගැන දැනගැනීම ඔබේ පවුලට ආශිර්වාද කරන්නේ කෙසේද?

මෙම පදවල සිටින මිනිසුන් බිය වූයේ ඇයි? අපට බියක් දැනීමට හේතුවන්නේ මොනවාද? “බිය නොවන්න” කියා දෙවියන්වහන්සේ අපෙන් ඉල්ලාසිටින්නේ කෙසේ විය හැකිද?

“දෙවියන්වහන්සේ සමග කිසිම දෙයක් කළ නොහැක්කක් නොමැත” යන විශ්වාසය ගොඩනගාගැනීමට ඔබේ පවුලට උපකාර කිරීම සඳහා, ඔබට ලූක් 1 එකට සෙවිය හැකි අතර දෙවියන්වහන්සේ කළ නොහැකි දේ කළ දේවල් සොයාගත හැකිය. දෙවියන්වහන්සේ කළ නොහැකි දේ කළ—ශුද්ධලියවිල්ලෙන් හෝ තමන්ගේ ජීවිතයෙන්—ඔවුන්ට බෙදාගත හැකි වෙනත් කතන්දර මොනවාද? ශුභාරංචි කලා පොත හරහා සෙවීම ඔවුන්ට අදහස් ගැන සිතීමට උපකාරී වේ.