හිලමන් 7–12

මෝර්මොන්ගේ පොත පුරා බොහෝ අනාගතවක්තෘවරුන් විස්තර කර ඇති නමුත් හිලමන් 7–11 යනු අනාගතවක්තෘවරයෙකු යනු කව්ද, ඔහු කුමක් කරන්නේද සහ ඔහුගේ වචන අප ලබාගන්නේ කෙසේද යන දේවල් ඉගෙනගැනීමට විශේෂයෙන් හොඳ ස්ථානයකි. ඔබ මෙම පරිච්ඡේද කියවන විට, නෙපිගේ ක්‍රියා, සිතුවිලි සහ ස්වාමින්වහන්සේ සමග අන්තර්ක්‍රියා කෙරෙහි අවධානය යොමුකරන්න. අපේ කාලයේ අනාගතවක්තෘවරයාගේ කාර්යභාරය වඩා හොඳින් තේරුම්ගැනීමට නෙපිගේ දේවසේවය ඔබට උපකාර කරන්නේ කෙසේද? මෙන්න උදාහරණ කිහිපයක්. ඔබ සොයාගන්නා වෙනත් දේවල් මොනවාද?

හිලමන් 7:17–22.අනාගතවක්තෘවරු පසුතැවිලි වීමට අයදින අතර පාපයේ ප්‍රතිවිපාක ගැන අනතුරු අඟවයි.

හිලමන් 7:29; 9:21–36.මිනිසුන්ට ඇසිය යුතු දේ දෙවියන්වහන්සේගෙන් එළිදරව් කිරීමෙන් අනාගතවක්තෘවරු දනිති.

හිලමන් 10:7.අනාගතවක්තෘවරුන්ට පොළොවෙහි හා ස්වර්ගයේ මුද්‍රා තැබීමේ බලය ලබාදී ඇත (මතෙව් 16:19; දහම සහ ගිවිසුම 132:46 ද බලන්න).

හිලමන් 10:4–7, 11–12.

සටහනක් නිර්මාණය කරන්න

අපගේ ජීවමාන අනාගතවක්තෘවරයා ගැන ඔබට හැඟෙන ආකාරයට මෙම පද බලපාන්නේ කෙසේද? ඔහු මෑතකදී ඉගැන්වූයේ මොනවාද? ඔහුගේ මගපෙන්වීමට සවන්දීමට සහ අනුගමනය කිරීමට ඔබ කරන්නේ මොනවාද?

පුද්ගලයෙකුගේ හදවත වෙනස් කිරීමට සංඥා හෝ ප්‍රාතිහාර්යයන් ප්‍රමාණවත් වූයේ නම්, සියලු නෙපිවරු හිලමන් 9 හි නෙපි දුන් කැපී පෙනෙන සලකුණු මගින් පරිවර්තනය වීමට ඉඩ තිබුණි. ඒ වෙනුවට, “ජනතාව අතර බෙදීමක්” (හිලමන් 10:1) ඇති වූයේ ඔවුන්ගෙන් බොහෝ දෙනෙක් “තවමත් ඔවුන්ගේ හදවත් දැඩි කරගෙන ඇති” නිසාය (හිලමන් 10:15). දුෂ්ටයන් බොහෝවිට සංඥා හා හාස්කම් වලට ප්‍රතිචාර දක්වන්නේ කෙසේද? (බලන්න හිලමන් 10:12–15; තවත් බලන්න 3 නෙපි 2:1–2). සංඥා සාක්ෂියක පදනම බවට පත්වීමේ අන්තරාය කුමක්ද? (බලන්න “Signs,” Gospel Topics, topics.ChurchofJesusChrist.org).

ඔබට කවදා හෝ පසුබෑමක්, කනස්සල්ලක් හෝ ව්‍යාකූලත්වයක් දැනී ඇත්නම්, හිලමන් 10:2-4 හි නෙපිගේ උදාහරණයෙන් ඔබට වැදගත් පාඩමක් ඉගෙනගත හැකිය. “අධෛර්යයට පත්වුණා” යැයි හැඟෙන විට ඔහු කළේ කුමක්ද? (3 වන පදය).

සභාපති හෙන්රි බී. අයිරින් මෙසේ ඉගැන්වූයේය, “අප මෙනෙහි කරන විට, අපි ආත්මයාණන්වහන්සේ විසින් පැමිණෙන එළිදරව් සඳහා ආරාධනා කරන්නෙමු. මෙනෙහි කිරීම, ශුද්ධලියවිලි හොඳින් කියවා අධ්‍යයනය කිරීමෙන් පසු මා ඕනෑකමින් කරන චින්තනය හා යාච්ඤාවයි” (“Serve with the Spirit,” Ensign or Liahona, Nov. 2010, 60). මෙනෙහි කිරීමේ පුරුද්දක් ඔබ ඇතිකරගන්නේ කෙසේද? දෙවියන්වහන්සේගේ වචනය නිතිපතා මෙනෙහි කිරීමට එක් ක්‍රමයක් ගැන කියවීමට, සහෝදර ඩෙවින් ජී. ඩුරන්ට්ගේ පණිවිඩය බලන්න “My Heart Pondereth Them Continually” (Ensign or Liahona, Nov. 2015, 112–15).

තවත් බලන්න හිතෝපදේශ 4:26; ලූක් 2:19; 1 නෙපි 11:1; 2 නෙපි 4:15–16; 3 නෙපි 17:3; මොරෝනි 10:3; දහම සහ ගිවිසුම 88:62.

හිලමන් 12 හි, වාර්තාව සංක්ෂිප්ත කරමින් සිටි මෝර්මොන්, පෙර පරිච්ඡේදවල නෙපිගේ වාර්තාවෙන් අපට උගත හැකි පාඩම් කිහිපයක් සාරාංශ කරයි. ඔහුගේ සාරාංශය ඔබේ හදවත පරීක්ෂා කරබැලීමේ අවස්ථාවක් ලෙස සලකා බලන්න. මිනිසුන්ට ස්වාමින්වහන්සේව අමතක කිරීමට හේතුවන මෝර්මොන් පවසන දේවල් ලැයිස්තුවක් පවා ඔබට සෑදිය හැකිය. උන්වහන්සේව මතක තබාගැනීමට ඔබට උපකාරවත් වන්නේ මොනවාද? ඔබ ඉගෙනගත් දේ මත පදනම්ව ඔබ කුමන වෙනස්කම් කිරීමට පෙළඹී ඇත්ද?

නෙපි කළ දේ සහ අද අනාගතවක්තෘවරුන් කරන දේ අතර අප දකින සමානකම් මොනවාද? අද අපේ අනාගතවක්තෘවරයා උගන්වන්නේ මොනවාද? සමහරවිට අනාගතවක්තෘවරයා විසින් ලබාදී ඇති මෑතකාලීන උපදෙස් කිහිපයක් තෝරාගෙන එය වඩාත් හොඳින් අනුගමනය කළ හැකි පවුල් ක්‍රමයන් සාකච්ඡා කළ හැකිය.

නෙපි තමාගේ කැමැත්තට වඩා ස්වාමින්වහන්සේගේ කැමැත්ත පැතූ බව පෙන්නුම් කළේ කෙසේද? ඔහුගේ ආදර්ශය අපට අනුගමනය කළ හැක්කේ කෙසේද? අපගේ පවුලට ස්වාමින්වහන්සේගේ කැමැත්ත සෙවීමට වඩා හොඳ ක්‍රම මොනවාද?

නෙපිගේ කැමත්ත වූයේ කුමක්ද සහ ඔහු ඒ ගැන කළේ කුමක්ද? යාච්ඤාව පිළිබඳව නෙපිගේ උදාහරණයෙන් අප ඉගෙනගන්නේ මොනවාද?

හිලමන් 11: 17-23 හි නෙපිගේ සහෝදරයා වන ලෙහි ගැන අප ඉගෙනගන්නේ මොනවාද? විශාල පිළිගැනීමක් ලබානොගෙන ධර්මිෂ්ට ජීවිතයක් ගතකරන කෙනෙක් අපි දන්නවාද?

“අස්ථිරභාවය” යන්නෙහි තේරුම ඔබේ පවුලේ අයට තේරුම්ගැනීමට උපකාර කිරීමට ඔබට භාවිතා කළ හැකි වස්තු පාඩමක් ගැන ඔබට සිතිය හැකිද? නිදසුනක් වශයෙන්, පවුලේ සාමාජිකයෙකුට ඔහුගේ හෝ ඇයගේ හිස මත යමක් සමබර කරගැනීමට උත්සාහ කරන ලෙස ඔබට ආරාධනා කළ හැකිය. ස්වාමින්වහන්සේව අනුගමනය කිරීමෙහිලා මිනිසුන් නොසැලී සිටිය හැකි හේතූන් සෙවීම සඳහා හිලමන් 12:1–6 බලන්නැයි ඔබට පවුලේ සාමාජිකයින්ට ආරාධනා කළ හැකිය. අපට අධ්‍යාත්මිකව ස්ථාවරව සිටිය හැක්කේ කෙසේද?