2 නෙපි 31–33

සදාකාලික ජීවිතයට යන මාවත වචන කිහිපයකින් සාරාංශ කිරීමට ඔබට සිදුවුවහොත්, ඔබ කියන්නේ කුමක්ද? නෙපි, ඔහුගේ ලාක්ෂණික සරල බව හා චාම් බවින් යුතුව, එය කළේ මේ ආකාරයටයි: ක්‍රිස්තුස්වහන්සේ තුල ඇදහිල්ල, පසුතැවීම, බෞතීස්මය, ශුද්ධාත්මයාණන්ගේ දීමනාව ලැබීම සහ අවසානය දක්වා විඳදරාගැනීම. ඔබ නෙපිගේ ඉගැන්වීම් 2 නෙපි 31-32 දක්වා අධ්‍යයනය කිරීමෙන් පසුව, ඔබේ වචන වලින් යමෙකුට ඒවා පැහැදිලි කරන්නේ කෙසේදැයි සලකා බලන්න. මෙම ඉගැන්වීම් තුල ජීවත්වීම ඔබට ආශීර්වාද කර ඇති ආකාරය ගැන සිතාබලන්න. ඔබට 2 නෙපි 31: 18-20 දක්වා නෙපිගේ ඉගැන්වීම් සලකා බැලිය හැකි අතර සුභාරංචි මාවතේ “ඉදිරියටම යාමට” ඔබ ගන්නා උත්සාහයන් ඇගයීමට ලක් කළ හැකිය.

තවත් බලන්න 3 නෙපි 11:32–39; 27:13–22; D. Todd Christofferson, “The Doctrine of Christ,” Ensign or Liahona, May 2012, 86–90; Brian K. Ashton, “The Doctrine of Christ,” Ensign or Liahona, Nov. 2016, 106–9.

ඔබේ බෞතීස්මය ඊයේ හෝ අවුරුදු 80 කට පෙර සිදු වූවක් වුවද, එය ඉතා වැදගත් අවස්ථාවකි - ඔබ යේසුස් ක්‍රිස්තුස්වහන්සේව අනුගමනය කිරීම සඳහා ජීවිත කාලය පුරාම ගිවිසුමක් සඳහා ඇතුලත් විය. 2 නෙපි 31: 4-13 දක්වා ගැලවුම්කරුවාණන්ගේ බෞතීස්මය ගැන ඔබ කියවන විට ඔබේ බෞතීස්මය ගැන සිතන්න. ගැලවුම්කරුවාණන් බෞතීස්ම වූයේ ඇයි? උන්වහන්සේ බෞතීස්ම වූ හේතු ඔබ බෞතීස්ම වූ හේතු වලට සමාන වන්නේ කෙසේද? ගැලවුම්කරුවාණන්ගේ කීකරුකම පිළිබඳ ආදර්ශය අනුගමනය කිරීම දිගටම කරගෙන යාමට ඔබ අද කරන්නේ කුමක්ද?

සක්‍රමේන්තු වත්පිළිවෙත ඔබට සතිපතා යේසුස් ක්‍රිස්තුස්වහන්සේව අනුගමනය කිරීමට නැවත කැපවීම සඳහා අවස්ථාවකි. ඊළඟ වතාවේ ඔබ සක්‍රමේන්තුවට සහභාගි වන විට, 2 නෙපි 31:13 කියවා “පුත්‍රයාණන්ව, සම්පූර්ණ හදවතින්ම අනුගමනය කිරීමට” ඔබගේ අධිෂ්ඨානය ගැනත් “ක්‍රිස්තුස්වහන්සේගේ නාමය ඔබ වෙතට ගැනීමට” ඇති කැමැත්ත ගැනත් මෙනෙහි කරන්න.

බෞතීස්මය සහ තහවුරු කිරීම පටු සහ අවහිර මාර්ගයට “[අපි] පිවිසෙන දොරටුව” නම්, (2 නෙපි 31:17), අප එම මාවතේ සිටින විට අප කුමක් කළ යුතුද? නෙපිගේ ජනතාව පුදුම වූයේ ඒ ගැනයි (බලන්න 2 නෙපි 32:1). 2 නෙපි 31: 19-20 සහ 32 වන පරිච්ඡේදයේ නෙපි දුන් පිළිතුරු මොනවාද? ඔබ ඔබ විසින්ම සොයාගත් පිළිතුරු මොනවාද?

තවත් බලන්න David A. Bednar, “Receive the Holy Ghost,” Ensign or Liahona, Nov. 2010, 94–97; “Holy Ghost,” Gospel Topics, topics.ChurchofJesusChrist.org.

2 නෙපි 33 හි, නෙපි සිය ලේඛන අවසන් කරන විට, ඔහු මුලින්ම ලිවීමට පටන්ගැනීමට හේතු පැහැදිලි කළේය. මෙම පරිච්ඡේදයේ ඔබට සොයාගත හැකි හේතු මොනවාද? 1 නෙපි සහ 2 නෙපි වලින් ඔබ මෙතෙක් කියවා ඇති දේ සහ ඔබ තබා ඇති සටහන් ගැන මෙනෙහි කරන්න. එම කතන්දර සහ ඉගැන්වීම් ඔබ වෙනුවෙන් නෙපිගේ අරමුණු ඉටුකර ඇත්තේ කෙසේද? නිදසුනක් වශයෙන්, “[ක්‍රිස්තුස්වහන්සේව] විශ්වාස කර අවසානය දක්වා විඳදරාගැනීමට” ඒවා ඔබව පොළඹවා ඇත්තේ කෙසේද? (4 වන පදය). මෙම අත්දැකීම් සටහන් කිරීම හෝ පවුලේ සාමාජිකයෙකු හෝ මිතුරෙකු සමග බෙදාගැනීම සලකා බලන්න.

පවුලේ සාමාජිකයන් කිසිවෙක් බෞතීස්ම වීමට සූදානම් වනවාද, නැතහොත් මෑතකදී බෞතීස්ම වී තිබේද? යම්විට බෞතීස්ම වීමට තීරණය කළේ ඇයි කියා ඔවුන්ට බෙදාගත හැකියි. නෙපිගේ ඉගැන්වීම් වලට අනුව, අප බෞතීස්ම විය යුතු හේතු සමහරක් මොනවාද? බෞතීස්ම වන විට අපට ලැබෙන ආශිර්වාද සමහරක් මොනවාද?

“පටු සහ අවහිර මාර්ගය” පිළිබඳ නෙපිගේ සැසඳීම තේරුම්ගැනීමට ඔබ ඔබේ පවුලට උදව් කරන්නේ කෙසේද? (2 නෙපි 31:18). නිදසුනක් වශයෙන්, 2 නෙපි 31: 17–21 හි විස්තර කර ඇති මාවතේ පින්තූරයක් ඇඳීමට ඔබට එකට වැඩ කළ හැකි අතර, එම මාර්ගයට ඇතුළුවී ඉදිරියට යාමට අප විසින් කළ යුතු දේ සමග එය ලේබල් කළ හැකිය. ගැලවුම්කරුවාණන් අපට එම මාවත දිගේ ඉදිරියට යාමට උපකාර කරන්නේ කෙසේද?

අපි අවසානය දක්වා විඳදරාගන්නා ආකාරය වඩා හොඳින් තේරුම්ගැනීමට ඔබේ පවුලට උදව් කිරීමට ඔබට අවශ්‍ය නම්, Preach My Gospel හි 6 වෙනි පිටුවේ ප්‍රයෝජනවත් අර්ථ දැක්වීමක් ඇත; වැඩිහිටි ඩාලේ ජී. රෙන්ලන්ඩ්ගේ පණිවිඩයද එසේමය “Latter-day Saints Keep on Trying” (Ensign or Liahona, May 2015, 56–58).

අපට “සැමවිටම යාච්ඤා කළ හැකි” බව පවුලේ සාමාජිකයින්ට තේරුම්ගැනීමට උපකාර කිරීම සඳහා, අපට යාච්ඤා කළ හැකි අවස්ථා ලැයිස්තුවක් ඔබට සාදාගත හැකිය (නැතහොත් ඒවා නියෝජනය කිරීම සඳහා පින්තූර ඇඳිය හැකිය). ඉන්පසු “Did You Think to Pray?” වැනි, යාච්ඤාව ගැන උගන්වන ගීතයක් ඔබේ පවුලේ අයට ගායනා කළ හැකිය (Hymns, no. 140), එම ගීතයේ සමහර වචන එම ලැයිස්තුවේ ඇති වචන සමඟ ආදේශ කරන්නටද හැකිය. අප නිතරම යාච්ඤා කරන විට ස්වාමින්වහන්සේ අපට ආශිර්වාද කරන්නේ කෙසේද?

“ශුද්ධාත්මයාණන්වහන්සේට විරුද්ධව ඔවුන්ගේ හදවත් දැඩි කිරීමට” මිනිසුන්ව පොලඹවන්නේ කුමක්ද? ශුද්ධාත්මයාණන්ට “[අප] තුළ” ස්ථානයක් ඇති බවට අපට සහතික විය හැක්කේ කෙසේද?