Come, Follow Me
Ɔpɛnima 21–27. “Yɛatwɛn No, na Ɔbɛgye Yɛn”: Buronya

Ɔpɛnima 21–27 ‘Yɛatwɛn No, na Ɔbɛgye Yɛn‘: Buronya: Bra, Di M’akyi—De ma Efie ne Asɔre: Apam Dada 2026 (2026)

Ɔpɛnima 21–27 ‘Yɛatwɛn No, na Ɔbɛgye Yɛn,’” Bra, Di M’akyi: De ma Efie ne Asɔre: Apam Dada 2026

akokoa Yesu reda

For unto Us a Child Is Born, ɛfiri Simon Dewey hɔ

Ɔpɛnima 21–27: “Yɛatwɛn No, na Ɔbɛgye Yɛn”

Buronya

Apam Dada no kura anigyeɛ a wɔde hwɛ kwan honhom. Wɔ saa kwan no so no, ɛte sɛ Buronya berɛ kakra. Firi Adam ne Hawa so no, Apam Dada mu agyanom mpanimfoɔ, nkɔnhyɛfoɔ, anwonsɛm atwerɛfoɔ, ne nnipa hwɛɛ nna pa a anidasoɔ ahyɛ mu ma wɔ Mesia no foforɔyɛ ne ne gyeɛ ho kwan. Na na Israelfoɔ no taa hia saa anidasoɔ no—sɛ na wɔwɔ nnommumfa mu wɔ Misraim anaasɛ Babilon anaasɛ wɔn ankasa bɔne anaasɛ atuateɛ. Ne nyinaa mu, nkɔnhyɛfoɔ kaee wɔn sɛ Mesiaa bi, Ɔgyefoɔ bi, bɛba “abɛka hofadie nsɛm akyerɛ nnomumfoɔ no” (Yesaia 61:1).

Saa anidasoɔ no hyɛɛ aseɛ baa mu berɛ a wɔwoo Yesu Kristo wɔ Betlehem. Wɔwoo Israel Gyefoɔ kɛseɛ no wɔ mmoa dan mu na wɔde no too mmoa adididaka mu (hwɛ Luka 2:7). Nanso na ɔnyɛ tete Israelfɔo no Gyefɔo kɛkɛ. Ɔbaa sɛ ɔrebɛgye wo—sɛ ɔbɛfa wo yea, sɛ ɔbɛsoa w’awerɛhoɔ, sɛ wɔbɛpira no wɔ w’amumuyɛ nti, sɛdeɛ N’apirakuro nti wobɛtumi anya ayaresa (hwɛ Yesaia 53:4–5). Yei nti na Buronya ayɛ anigyedeɛ a yɛhwɛ kwan wɔ ɛnnɛ mpo. Mesaia no baa bɛboro mfeɛ 2,000 a atwam, na Ɔkɔ so ba yɛn abrabɔ mu berɛ biara a yɛhwehwɛ No.

adesua ahyɛnspdeɛ

Nsusuiɛ de ma Adesua wɔ Efie ne Asɔre

seminary ahyɛnsodeɛ
Medi ahurisie wɔ me Dimafoɔ mu.

Wɔnim Buronya sɛ anigyeɛ berɛ esiane anigyeɛ a Yesu Kristo de ba wiase mu nti. Mfeɛhaha pii ansa na wɔrewo Agyenkwa no, Apam Dada mu nkɔnhyɛfoɔ nso nyaa anigyeɛ berɛ a wɔkaa Mesia a ɔreba no ho asɛm no. Kenkan ayɛsɛm ahoroɔ a ɛdidi soɔ yi, na dwene deɛ nti a anka wɔbɛsom bo ama nkorɔfoɔ a wɔhwɛɛ Agyenkwa no adwuma anim: Nnwom 35:9; Yesaia 25:8–9; 44:21–24; 51:11; Sefania 3:14–20; Moses 5:5–11. Adɛn nti na saa ayɛsɛm ahoroɔ yi som bo ma wo? Deɛn botaeɛ na saa twerɛnsɛm ayɛsɛm ahoroɔ yi de ma ma ɛyɛ anigyeɛ?

San hwɛ Dallin H. Oaks, “Good Tidings of Great Joy” (First Presidency Christmas devotional, Ɔpɛnima 4, 2022), Asɛmpa Akoraeɛ “Joy to the World,” Nnwom, no 201.

nsoromma a ɛhyerɛn wɔ ewiem anadwo

Nsɛnkyerɛnneɛ bɛtumi aboa me ma makae Yesu Kristo.

Amammerɛ bebree a ɛfa Buronya ho no bɛtumi anya sɛnkyerɛnneɛ kwan so nteaseɛ a ɛkyerɛ yɛn Kristo. Wosuaa Apam Dada no afe yi no, ebia woahyɛ Agyenkwa no ho sɛnkyerɛnneɛ bebree nso. Wɔatwerɛ kakra bi wɔ aseɛ hɔ. Dwene ho sɛ wobɛsua yeinom na woatwerɛ deɛ wɔkyerɛkyerɛ wo fa Ne ho.

  • Nsoromma (Numeri 24:17; Mateo 2:2; Adiyisɛm 22:16).

  • Odwanhwɛfoɔ (Nnwom 23; Luka 15:4–7; Yohane 10:11)

  • Odwammaa (Gyenesis 22:8; Eksodɔs 12:5; 1 Petro 1:18–20).

  • Nsuo (Eksodɔs 17:1–6; Yeremia 2:13; Hesekiel 47:1–12; Yohane 4:7–14).

  • Ɔbotan (1 Samuel 2:2; 2 Samuel 22:2–3; Nnwom 118:22–23; Yesaia 28:16; Efeso 2:20).

  • Mman (Yesaia 11:1–2; Yeremia 23:5; 33:15).

  • Kanea (Nnwom 27:1; Yesaia 9:2; 60:19; Mika 7:8; Yohane 8:12).

Nsɛnkyerɛnneɛ, ayɛsɛm, ne twerɛtohɔ afoforɔ bɛn na woahunu wɔ twerɛnsɛm mu a ɛdi Yesu Kristo ho adanseɛ?

San hwɛ 2 Nephi 11:4; Mosiah 3:14–15; Moses 6:63; “Types or Symbols of Christ” ne “YesunKristo,” ne nyinaa wɔ Guide to the Scriptures (Asɛmpa Akoraeɛ).

“Wɔbɛfrɛ Ne din sɛ Ɔnwanwani.”

Wɔde din ne abodin ahoroɔ bebree frɛ Yesu Kristo. Hwehwɛ abodin wɔ nkyekyɛmu a ɛdidi soɔ yi mu: Nnwom 23:1; 83:18; Yesaia 7:14; 9:6; 12:2; 63:16; Amos 4:13; Sakaria 14:16; Moses 7:53. Abodin afoforɔ bɛn na wobɛtumi adwene ho? W’ani bɛtumi agye ho mpo sɛ wobɛtwerɛ Yesu Kristo abodin ahoroɔ a wohunu wɔ Buronya nnwom mu. Sɛn na saa abodin biara nya nkɛntɛnsoɔ wɔ sɛdeɛ wodwene fa Ne ho?

Dwene ho sɛ wobɛyi Agyenkwa no abodin anaasɛ dwumadie bi a ɛbɛboa wo ma woakae No wɔ afe a ɛreba no mu nyinaa.

San hwɛ Quentin L. Cook, “Personal Peace in Challenging Times,” Liahona, Obubuo 2021, 89–92; “Hark! The Herald Angels Sing,” Nnwom, no. 209.

Sɛ wopɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

nkwadaa fa ahyɛnsodeɛ

Nkwadaa Adekyerɛ ho Adwenekyerɛ

Apam Dada no kyerɛkyerɛ me fa Yesu Kristo ho.

  • Wo ne wo nkwadaa bɛtumi anya Buronya ahhehyɛdeɛ bi a mobɛtumi de ahyɛ nkɔmmɔdie ase fa Yesu Kristo ho. Ebia mobɛtumi aka sɛdeɛ Buronya nsoromma, nkanea, anaasɛ akyɛdeɛ bi kae yɛn Agyenkwa no. Afei wobɛtumi ahwɛ twerɛnsɛm a ɛdidi soɔ yi mu baako anaasɛ deɛ ɛboro saa mu ahwehwɛ biribi a ɛbɛtumi ayɛ Yesu Kristo ho sɛnkyerɛnneɛ: Gyenesis 22:8; Numeri 24:17; Nnwom 23:1; 27:1. Ebia wo nkwadaa bɛtumi akura mfonin anaasɛ ahyehyɛdeɛ a ɛne nkyekyɛmu biaara kɔ berɛ a wɔkenkan no. Sɛn na Yesu te sɛ odwammaa, nsoromma, odwanhwɛfoɔ, anaasɛ kanea? Dwene ho sɛ mobɛbom ato Buronya nnwom, te sɛ “Stars Were Gleaming” (Nkwadaa Nnwomnwoma, 37).

  • Wo nkwadaa nso bɛtumi ahwɛ mfonin a ɛwɔ nhyehyɛeɛ yi awieeɛ berɛ a wokenkan Yesaia 9:6 kyerɛ wɔn. Ma wo nkwadaa no mfa wɔn nsa nkyerɛ akokoa Yesu so berɛ a wɔte kasasin “wɔawo abɔfra.” Kyɛ wadansedie sɛ na nkɔnhyɛfoɔ a wɔwɔ Apam Dada mu no nim sɛ wɔbɛwo Yesu.

  • Berɛ a woresiesie wo ho sɛ wobɛsua Yesu Kristo abrabɔ wɔ Apam Foforɔ no mu afe a ɛreba no, dwene ho sɛ wo ne wo nkwadaa bɛsan ahwɛ deɛ wɔasua afa Ne ho afe yi mu wɔ Apam Dada mu no. Wobɛtumi asan ahwɛ nsɛm a wɔahyehyɛ wɔ nwoma yi mu ne w’ankasa adesua ho nsɛm biara mu de aboa ma woakae deɛ woasua no. Nkwadaa nkumaa bɛtumi anya mfasoɔ berɛ a wɔhwɛ Apam Dada Abasɛm mu anaasɛ mfonin a ɛwɔ Bra, Di M’akyi. Nkɔnhyɛ anaasɛ ayɛsɛm bɛn na ɛyɛ sononko? Deɛn na yɛasua afa Agyenkwa no ho?

Buronya amammerɛ bɛtumi atwe adwene asi Yesu Kristo so.

  • Na Israelfoɔ mmusua wɔ amammerɛ ahoroɔ te sɛ Twam afahyɛ ne afahyɛ afoforɔ a na ɛtwe wɔn akoma ne wɔn adwene si Awurade so (hwɛ Eksodos 12). Amammerɛ bɛn na wo ne wo nkwadaa wɔ wɔ Buronya berɛ mu a ɛboa ma wode w’adwene si Yesu Kristo so? Amammerɛ bɛn na wonim firi w’abusua abakɔsɛm mu? Wobɛtumi adwene ho na wo ne wo nkwadaa abɔ amammerɛ bi a wopɛ sɛ wohyɛ aseɛ ho nkɔmmɔ. Ebia nsusuiɛ bi a ɛbɛka ho bi ne sɛ woresom obi a ɔhia mmoa, biribi a wode bɛma sɛ “akyɛdeɛ” ama Agyenkwa no, worefrɛ w’adamfo ne no ahwɛ Titenafoɔ a Wɔdi Kan Buronya som (broadcasts.ChurchofJesusChrist.org), woretwerɛ w’ankasa Buronya nnwom, anaasɛ worehwehwɛ kwan a wode bɛkyɛ Kristo awoɔ ho nkrasɛm no.

Wɔ fie, adesua ne abrabɔ yɛ adekorɔ. “Asɛmpa no yɛ adwuma ntɛmpaa ara wɔ fie. Ɛhɔ, nnipa a wo ne wɔn sua asɛmpa no ara na wo ne wɔn debɛyɛ adwuma—dabiara da. Nokorɛ, mpɛn pii no, asɛmpa no so die yɛ sɛdeɛ yɛsua asɛmpa no. Enti berɛ a wosua na wokyerɛkyerɛ asɛmpa no wɔ fie no, hwehwɛ akwan a wode bɛma deɛ woresua no ne deɛ woreyɛ akɔ. Wɔ wo fie no, ma asɛmpa no nyɛ biribi a wobɔ mmɔden sɛ wode bɛbɔ bra, na ɛnyɛ biribi a woka ho asɛm kɛkɛ” (Teaching in the Savior’s Way, 31).

Awoɔ ho mfonin

Awoɔ ho mfonin nkyerɛkyerɛmu, ɛfiri Ethan Brown hɔ

Ɔsoro Agya maa me Ne Ba no akyɛdeɛ sɛ ɔnyɛ m’Agyenkwa.

  • Sɛn na wobɛtumi aboa wo nkwadaa ma wɔanya nnidie ne anigyeɛ ama Kristo awoɔ? Mobɛtumi ahwɛ sini “The Christ Child” (Asɛmpa Akoraeɛ) anaasɛ bom kenkan Mateo 1:18–25; 2:1–12; Luka 1:26–38; 2:1–20. Akwadaa biara bɛtumi ayi obi afiri sini no anaasɛ twerɛsɛm twerɛtohɔ mu na waka atenka a saa onipa no nyaa wɔ Agyenkwa no ho. Afei mobɛtumi ne mo ho mo ho akyɛ deɛ mo atenka fa Ne ho.

    17:57

    The Christ Child

  • Ebia wo ne wo nkwadaa bɛtumi aka akyɛdeɛ ahoroɔ a mode ama anaasɛ moanya wɔ mfeɛ bi akyi a ɛde anigyeɛ aba. Afei mobɛtumi abom akenkan Yesaia 25:9 na moaka deɛ nti a modi ahurisie sɛ Ɔsoro Agya abrɛ yɛn Agyenkwa. Sɛdeɛ wo nkwadaa bɛte Yesu Kristo dwumadie sɛ yɛn Agyenkwa no ase yie no, ma wɔnkan Yesaia 25:8–9; 53:3–5; ne Hosea 13:14. Deɛn na saa twerɛnsɛm yi kyerɛ yɛn fa sɛdeɛ Awurade agye yɛn ho?

  • Mobɛtumi nso abom ato Buronya nnwom, te sɛ “Away in a Manger” (Nkwadaa Nnwomnwoma, 42–43) anaasɛ “O Little Town of Bethlehem” (Nnwom, no. 208). Boa wo nkwadaa ma wɔnhunu kasasin ahoroɔ wɔ nnwom no mu a ɛboa ma wɔhunu sɛ Ɔsoro Agya ne Yesu Kristo dɔ wɔn .

Sɛ wopɛ bebree a, hwɛ bosome yi Adamfoɔ nsɛmma nwoma mu.

Awoɔ ho mfonin

Awoɔ no, ɛfiri N. C. Wyeth hɔ

Primary dwumadie krataafa: Apam Dada no kyerɛkyerɛ me fa Yesu ho