შობა

შობა ცნობილია, როგორც მხიარული სეზონი იმ სიხარულის გამო, რომელიც იესო ქრისტეს მოაქვს ჩვენი სამყაროსთვის. მხსნელის დაბადებამდე საუკუნეებით ადრე, ძველი აღთქმის წინასწარმეტყველებმაც იგრძნეს სიხარული, როცა მომავალ მესიაზე საუბრობდნენ. წაიკითხეთ შემდეგი რამდენიმე მონაკვეთი და დაფიქრდით, რატომ იქნებოდნენ ისინი ძვირფასი ადამიანებისთვის, რომლებიც მოუთმენლად ელოდნენ მხსნელის მისიას: ფსალმუნი 34:9; ესაია 25:8–9; 44:21–24; 51:11; სოფონია 3:14–20; მოსე 5:5–11. რატომ არის ეს მონაკვეთები თქვენთვის ძვირფასი? რა მიზეზებს გვაძლევს წმინდა წერილის ეს მონაკვეთები სიხარულისთვის?

იხ. დალინ ჰ. ოუქსი, “Good Tidings of Great Joy” (First Presidency Christmas devotional, Dec. 4, 2022), Gospel Library; “Joy to the World,” Hymns, no 201.

შობასთან დაკავშირებულ ბევრ ტრადიციას შეიძლება ჰქონდეს სიმბოლური მნიშვნელობა, რაც ქრისტეზე მიგვანიშნებს. ამ წელს ძველი აღთქმის შესწავლისას, შესაძლოა შენიშნოთ მხსნელის მრავალი სიმბოლო. რამდენიმე ჩამოთვლილია ქვემოთ. შეისწავლეთ და ჩაიწერეთ, რასაც ისინი გასწავლიან უფლის შესახებ.

• ვარსკვლავი (რიცხვნი 24:17; მათე 2:2; გამოცხადება 22:16).

• მწყემსი (ფსალმუნი 22; ლუკა 15:4–7; იოანე 10:11)

• კრავი (დაბადება 22:8; გამოსვლა 12:5; 1 პეტრე 1:18–20).

• წყალი (გამოსვლა 17:1–6; იერემია 2:13; ეზეკიელი 47:1–12; იოანე 4:7–14).

• კლდე (1 მეფეთა 2:2; 2 მეფეთა 22:2–3; ფსალმუნი 117:22–23; ესაია 28:16; ეფესელთა 2:20).

• ყლორტი (ესაია 11:1–2; იერემია 23:5; 33:15).

• ნათელი (ფსალმუნი 26:1; ესაია 9:2; 60:19; მიქა 7:8; იოანე 8:12).

რა სხვა სიმბოლოები, მონაკვეთები და ცნობები იპოვეთ წმინდა წერილებში, რომლებიც მოწმობენ იესო ქრისტეს შესახებ?

აგრეთვე იხილეთ 2 ნეფი 11:4; მოსია 3:14–15; მოსე 6:63.

იესო ქრისტეს მრავალი განსხვავებული სახელითა და ეპითეტით მოიხსენიებენ. ეპითეტები მოიძიეთ შემდეგ მუხლებში: ფსალმუნები 22:1; 82:19; ესაია 7:14; 9:6; 12:2; 63:16; ამოსი 4:13; ზაქარია 14:16; მოსე 7:53. სხვა რა ეპითეტები შეიძლება გაიხსენოთ? თქვენ შეიძლება ისიამოვნოთ იესო ქრისტეს ეპითეტების ჩამოთვლით, რომლებსაც საშობაო საგალობლებში ნახულობთ. რა ზეგავლენას ახდენს თითოეული ეპითეტი თქვენს დამოკიდებულებაზე მისდამი?

შეგიძლიათ აირჩიოთ მხსნელის ეპითეტი ან როლი, რომელიც დაგეხმარებათ გახსოვდეთ იგი მომავალი წლის განმავლობაში.

იხილეთ აგრეთვე ქუენტინ ლ. კუკი, „პირადი სიმშვიდე გამოწვევებით სავსე დროში“, გენერალური კონფერენცია, ოქტომბერი, 2021. The Herald Angels Sing,” Hymns, no. 209.

• თქვენ და თქვენს შვილებს შეიძლება გქონდეთ საშობაო დეკორაციები, რომლებიც შეგიძლიათ, იესო ქრისტეზე საუბრის დასაწყებად გამოიყენოთ. იქნებ ისაუბროთ იმაზე, თუ როგორ გვახსენებს საშობაო ვარსკვლავი, განათება ან საჩუქარი მხსნელს. შემდეგ შეგიძლიათ მოძებნოთ ერთ ან რამდენიმე მომდევნო წმინდა წერილში ის, რაც შეიძლება განასახიერებდეს იესო ქრისტეს: დაბადება 22:8; რიცხვნი 24:17; ფსალმუნები 22:1; 26:1. ბავშვებს შეუძლიათ ასწიონ სურათი ან დეკორაცია, რომელიც შეესაბამება თითოეულ მუხლს მათი წაკითხვისას. როგორ ჰგავს იესო კრავს, ვარსკვლავს, მწყემსს ან ნათელს? შეგიძლიათ, ერთად იმღეროთ საშობაო სიმღერა.

• თქვენს შვილებს ასევე შეუძლიათ დაათვალიერონ სურათი ამ მონახაზის ბოლოს, როცა მათ ესაია 9:6-ს უკითხავთ. სთხოვეთ თქვენს შვილებს, მიუთითონ ყრმა იესოზე, როდესაც გაიგონებენ ფრაზას „ვაჟი შეგვეძინა ჩვენ“. გაუზიარეთ თქვენი მოწმობა, რომ წინასწარმეტყველებმა ძველ აღთქმაში იცოდნენ, რომ იესო დაიბადებოდა.

• როდესაც ემზადებით მომავალ წელს იესო ქრისტეს ცხოვრების შესასწავლად ახალ აღთქმაში, ბავშვებთან ერთად განიხილეთ, თუ რა ისწავლეს მათ იესოს შესახებ წელს ძველ აღთქმაში. შეგიძლიათ გადახედოთ ამ რესურსის მონახაზებს და ინდივიდუალური შესწავლის ჩანაწერებს, რათა დაგეხმაროთ გახსოვდეთ ის, რაც ისწავლეთ. მცირეწლოვან ბავშვებს შეუძლიათ ისარგებლონ სურათების გადახედვით სერიაში მოდი და გამომყევი. რა წინასწარმეტყველებები ან ისტორიები იყო განსაკუთრებული? რა ვისწავლეთ მხსნელის შესახებ?

• ისრაელიელების ოჯახებს ჰქონდათ ტრადიციები, როგორებიცაა პასექი და სხვა დღესასწაულები, რომლებიც მიზნად ისახავდნენ მათი გულებისა და გონების უფლისკენ მიბრუნებას (იხილეთ გამოსვლა 12). რა ტრადიციები გაქვთ თქვენ და თქვენს შვილებს შობის დროს, რაც დაგეხმარებათ იესო ქრისტეზე ყურადღების გამახვილებაში? რომელი ტრადიციები იცით თქვენი ოჯახის ისტორიიდან? თქვენ შეგიძლიათ, შვილებთან ერთად, განიხილოთ ტრადიციები, რომელთა დაწყებაც გსურთ. ზოგიერთი იდეა შეიძლება მოიცავდეს გაჭირვებაში მყოფი ადამიანის მსახურებას, რამეს არჩევას, რასაც მხსნელს „ძღვენის“ სახით მიართმევთ, თქვენი საკუთარი საშობაო სიმღერის დაწერას ან ქრისტეს შობის გზავნილის გასაზიარებლად შემოქმედებითი გზის პოვნას.

• როგორ შეგიძლიათ დაეხმაროთ თქვენს შვილებს, იგრძნონ ქრისტეს შობის პატივისცემა და სიხარული? შეგიძლიათ, უყუროთ ვიდეოს „The Christ Child [ყრმა იესო]“ (სახარების ბიბლიოთეკა) ან ერთად წაიკითხოთ მათე 1:18–25; 2:1–12; ლუკა 1:26–38; 2:1–20. თითოეულ ბავშვს შეუძლია აირჩიოს ადამიანი ვიდეოდან ან წმინდა წერილიდან და გაუზიაროს ის, თუ რას გრძნობს ეს ადამიანი მხსნელის მიმართ. მაშინ თქვენ შეგიძლიათ ერთმანეთს გაუზიაროთ საკუთარი გრძნობები მის მიმართ.

  

  17:57

• თქვენ და თქვენს შვილებს შეგიძლიათ ისაუბროთ წლების განმავლობაში გაცემული ან მიღებული საჩუქრების შესახებ, რამაც სიხარული მოგიტანათ. შემდეგ თქვენ შეგიძლიათ ერთად წაიკითხოთ ესაია 25:9 და ისაუბროთ იმაზე, თუ რატომ გიხარიათ, რომ ზეციერმა მამამ მხსნელი გამოგვიგზავნა. იმისათვის, რომ დაეხმაროთ თქვენს შვილებს, უკეთ გაიგონ იესო ქრისტეს, როგორც ჩვენი მხსნელის როლი, სთხოვეთ მათ, წაიკითხონ ესაია 25:8–9; 53:3–5; და ოსია 13:14. რას გვასწავლის ეს წმინდა წერილები იმის შესახებ, თუ როგორ გვიხსნის უფალი?

• თქვენ ასევე შეგიძლიათ ერთად იმღეროთ საშობაო სიმღერა, მაგალითად, „შორს, იუდეას მინდვრებზე“ (საგალობლები, გვერდი 52) ან „ჩუმი ღამე“ (საგალობლები, გვერდი 53). დაეხმარეთ თქვენს შვილებს, იპოვონ ფრაზები სიმღერაში, რომელიც ეხმარება მათ გაიგონ, რომ ზეციერ მამას და იესო ქრისტეს უყვართ ისინი.