მალაქია

მალაქიას ეპოქაში ისრაელიელებს უკვე აღდგენილი ჰქონდათ იერუსალიმის ტაძარი, მაგრამ როგორც ხალხს, მათ კვლავ სჭირდებოდათ უფალთან ურთიერთობის აღდგენა. მალაქიას შესწავლისას მოძებნეთ კითხვები, რომლებიც უფალმა დაუსვა ისრაელიელებს ან რომლებიც მათ დაუსვეს უფალს. დაუსვით საკუთარ თავს მსგავსი კითხვები (ზოგიერთი მაგალითი მოცემულია ქვემოთ), რათა დაგეხმაროთ, შეაფასოთ თქვენი ურთიერთობა უფალთან და დაუახლოვდეთ მას.

• როგორ ვიგრძენი უფლის სიყვარული ჩემ მიმართ? (იხილეთ მალაქია 1:2).

• ნამდვილად პატივს მივაგებ უფალს ჩემი შესაწირავით? (იხილეთ მალაქია 1:6–11)

• რა გზებით უნდა „მოვიქცეთ“ უფლისკენ? (იხილეთ მალაქია 3:7).

• ღმერთს ვძარცვავ რამენაირად? (იხილეთ მალაქია 3:8–11).

• როგორ ასახავს ჩემი განწყობა რთულ დროს ჩემს გრძნობებს უფლის მიმართ? (იხილეთ მალაქია 3:13–15; იხილეთ აგრეთვე 2:17).

როცა კითხულობთ მალაქია 1-ში აღწერილი შესაწირავის შესახებ, რას ამჩნევთ იმ მსხვერპლის შესახებ, რომელსაც მღვდლები სწირავდნენ? რას გვეუბნება ეს მსხვერპლი მღვდლების გრძნობებზე უფლის მიმართ? (იხილეთ მალაქია 1:13). იფიქრეთ იმ ძღვენის ან მსხვერპლის სიის შედგენის შესახებ, რომელსაც უფალს სწირავთ. სიის თითოეული ნივთისთვის დაფიქრდით, რამ შეიძლება გახადოს ის „წაბილწულ“ ან „წმინდა“ შესაწირად (მალაქია 1:7, 11).

წარმოიდგინეთ, რომ გყავთ მეგობარი, რომელმაც ახლახან გაიგო, რომ მეათედს იხდით. „რატომ აკეთებ ამას?“– კითხულობს თქვენი მეგობარი. დაფიქრდით ამაზე, როცა კითხულობთ მალაქიას 3:8–12-ს. რას ნახულობთ იქ, რაც დაგეხმარებათ თქვენი მეგობრის კითხვაზე პასუხის გაცემაში? კიდევ რისი გაგება სურს თქვენს მეგობარს მეათედის შესახებ? დამატებითი დახმარებისთვის შეგიძლიათ მოძებნოთ უხუცეს ნილ ლ. ანდერსენის შეტყობინება „[მეათედი]: ცის საქანელის გახსნაა“ (გენერალური კონფერენცია, ოქტომბერი, 2023), შემდეგ კითხვებზე პასუხის გასაცემად:

• რატომ სურს უფალს, რომ მეათედი გადავიხადოთ?

• რამ შეიძლება ხელი შეუშალოს ვინმეს მეათედის გადახდაში და როგორ შეგვიძლია გადავლახოთ ეს დაბრკოლებები?

• როგორ აძლიერებს მეათედის გადახდა ჩვენს რწმენას ზეციერი მამისა და იესო ქრისტეს მიმართ?

თქვენ ასევე შეგიძლიათ გაუზიაროთ თქვენს მეგობარს, როგორ გაკურთხათ უფალმა მეათედის გადახდისას. მეტი იდეა ინგლისურ ენაზე შეგიძლიათ იხილოთ აქ: “Lesson Number 1—Significant but Subtle Blessings” in Elder David A. Bednar’s message “The Windows of Heaven” (Liahona, Nov. 2013, 17–18). როგორი ადამიანები ვხდებით მეათედის გადახდით?

როგორ ფიქრობთ, რას შეიძლება ნიშნავდეს ფრაზა „გაგიხსნათ ცის საქანელნი“ (მუხლი 10)? იქნებ, გაიხედოთ ფანჯრიდან და ფანჯრების დანიშნულებაზე იფიქროთ. რატომ არის ფრაზა „ცის საქანელნი“ კარგი საშუალება იმის აღსაწერად, თუ როგორ გვაკურთხებს უფალი მეათედის გადახდისას?

როდესაც მორონიმ წარმოთქვა მალაქია 3:23-24 ჯოზეფ სმითთან, მან ეს გააკეთა „მცირეოდენ განსხვავებულად იმასთან შედარებით, როგორც ეს იკითხება“ ბიბლიაში (იხილეთ ჯოზეფ სმითი — ისტორია 1:36–39). რას მატებს მორონის ვარიაცია ამ წინასწარმეტყველების თქვენეულ გაგებას? კერძოდ, დაფიქრდით ასეთ კითხვებზე:

• ვინ არიან „მამები“? (იხილეთ მეორე რჯული 29:13). რა დაპირებები აღუთქვეს მათ? (იხილეთ აბრაამი 2:9–11). როგორ მონაწილეობთ ამ დაპირებების შესრულებაში?

• რა გამოცდილება დაგეხმარათ, თქვენი გული თქვენი წინაპრებისკენ მიგემართათ? რატომ არის ეს ასე მნიშვნელოვანი ზეციერი მამის გეგმისთვის?

ელიას მოსვლის შესახებ და იმის შესახებ, თუ როგორ სრულდება ეს წინასწარმეტყველება დღეს, იხილეთ მოძღვრება და აღთქმები 110:13–16 და დ. ტოდ კრისტოფერსონი, „ჩაბეჭდვის ძალა“ (გენერალური კონფერენცია, ოქტომბერი, 2023). რატომ ხართ მადლიერი, რომ ელია მოვიდა?

იხ. აგრეთვე გერიტ ვ. გონგი, “We Each Have a Story,” Liahona, May 2022, 43–46; “Turn Your Hearts,” Hymns, no. 291; “The Sealing Power” (video), ChurchofJesusChrist.org.

3:38

• როგორ უპასუხებდით თქვენ და თქვენი შვილები მალაქია 1:2-ში მოცემულ კითხვას — „როგორ [შეგვიყვარა უფალმა]? გაუზიარეთ ერთმანეთს მიზეზები, რომელთა გამოც თქვენ იცით, რომ მას უყვარხართ. შესაძლოა, თქვენმა შვილებმა დახატონ ნახატები, რომლებიც შეახსენებენ მათ მის სიყვარულს.

• როგორ დაეხმარებით თქვენს შვილებს, ისწავლონ მეათედის შესახებ? შეგიძლიათ სთხოვოთ, დათვალონ 10 პატარა ობიექტი, მაგალითად, მონეტები ამ კვირის აქტივობის გვერდზე. შემდეგ მათ შეუძლიათ გამოყონ ერთი ნივთი დანარჩენისგან — აი, რამდენს ვაძლევთ უფალს მეათედად. მალაქია 3:8–12-ის მიხედვით, რატომ სურს უფალს, რომ მეათედი გადავიხადოთ? იხ. აგრეთვე “Malachi the Prophet” in Old Testament Stories, 171–72; “First Things First!” [video], Gospel Library).

  

  0:58

  

  1:18

• როდესაც ერთად კითხულობთ მალაქია 3:10 -ს, შეგიძლიათ სთხოვოთ ბავშვებს, დადგნენ ფანჯარასთან, როცა წაიკითხავთ ფრაზას „ცის საქანელნი“. ან შეგიძლიათ დაასხათ წყალი თასში, სანამ ის არ გადმოიღვრება, რათა აჩვენოთ ფრაზა „არ გადმოგიცალოთ კურთხევა აურწყველად“. უთხარით ბავშვებს იმ კურთხევების შესახებ, რომლებიც ღმერთმა მოგცათ მეათედის გადახდისას. თქვენს შვილებს შეუძლიათ დახატონ ამ კურთხევების ამსახველი ნახატები და დაკიდონ ისინი თქვენი სახლის ფანჯარასთან ან მის მახლობლად.

• მალაქია 3:23-24-ში თქვენს შვილებს შეუძლიათ ეძიონ პასუხები მალაქიას წინასწარმეტყველების შესახებ შემდეგ კითხვებზე: ვის გამოგზავნას დაჰპირდა უფალი? მისი თქმით, როდის მოვა ეს ადამიანი? რა თქვა უფალმა, რას გააკეთებს ეს ადამიანი? რატომ უნდა მოვიდეს ეს ადამიანი? სად შესრულდა ეს წინასწარმეტყველება? (იხილეთ მოძღვრება და აღთქმები 110:13–16).

• იმის გასაგებად, თუ როგორ შესრულდა დაპირება Malachi 3:23 -ში შეგიძლიათ განიხილოთ “Joseph and Oliver Receive Priesthood Keys” in Doctrine and Covenants Stories, 26–30. სიმღერა, მაგ. “The Hearts of the Children” (Children’s Songbook, 92) დაეხმარება თქვენს შვილებს ისწავლონ, რატომ იყო ასე მნიშვნელოვანი ელიას მოსვლა. თქვენ ასევე შეგიძლიათ ეწვიოთ FamilySearch.org-ს, FamilySearch Tree-ს აპლიკაციას ან My Family booklet -ს იმ ღონისძიებებისთვის, რომლებიც დაგეხმარებათ თქვენ და თქვენს შვილებს, თქვენი წინაპრებისკენ მიმართოთ გული.