Kirisimas

Kirisimas mi fatteno pwe eu fansoun apwapwa pokiten ewe pwapwa Jises Kraist a wato ngeni ewe fonufan. Fite ngerou ier me mwen ewe Chon Amanau a uputiw, soufosun Testamen Noom ra pwan mefi ewe pwapwa nupwen ra kapas usun ewe wareton Messiah. Anneani ekkoch me nein ekkewe uwokisin mi tettenitiw, me ekieki usun pwata ra auchea ngeni ekkewe aramas kewe ir mi esukusuku an ewe Chon Amanau angang: Konupin 35:9; Isaiah 25:8–9; 44:21–24; 51:11; Zephaniah 3:14–20; Moses 5:5–11. Pwata ekkei uwokisin ra auchea ngonuk? Met kewe popun ekkei uwokisin ra ngonuk om kopwe pwapwa?

Nengeni also Dallin H. Oaks, “Porousochun Watten Pwapwa” (An Aewin Presetensi mwichen Kirisimas, Dec. 4, 2022), Gospel Library; “Joy to the World,” Kon mi fel, no 201.

Chommong me nein ekkewe oreni mi wewe ngeni Kirisimas ra tongeni wor esisinen wewer mi iti kich ngeni Kraist. Nupwen ka kaeo ewe Testamen Noom non ei ier, meni en mi apareni chommong esisinen ewe Chon Amanau. Ekkoch ir mi tettenitiw fan. Ekieki om kopwe kaeo ekkei me rekotuni met ra aituk usun I.

• Fuu (Numbers 24:17; Matthew 2:2; Pwarata 22:16).

• Chon masen siip (Konupin 23; Luke 15:4–7; John 10:11)

• Nam (Genesis 22:8; Exodus 12:5; 1 Peter 1:18–20).

• Konik (Exodus 17:1–6; Jeremiah 2:13; Ezekiel 47:1–12; John 4:7–14).

• Fau (1 Samuel 2:2; 2 Samuel 22:2–3; Konupin 118:22–23; Isaiah 28:16; Ephesians 2:20).

• Panen Ira (Isaiah 11:1–2; Jeremiah 23:5; 33:15).

• Saram (Konupin 27:1; Isaiah 9:2; 60:19; Micah 7:8; John 8:12).

Met pwan ekkoch esisin, uwokisin, me uruo ka fen kuna me non ekkewe pukefel ir mi pwarata usun Jises Kraist?

Nengeni pwan 2 Nifai 11:4; Mosaia 3:14–15; Moses 6:63; “Sokkun Esisinen Kraist” me “Jises Kraist,” ir me ru non Emwen ngeni ekkewe Pukefel (Gospel Library).

Jises Kraist mi wewe ngeni chommong sokopaten it me itenap. Kutta ekkewe itenap non ekkei uwokisin: Konupin 23:1; 83:18; Isaiah 7:14; 9:6; 12:2; 63:16; Amos 4:13; Zechariah 14:16; Moses 7:53. Met ekkoch pwan itenap ka ekieki usun? Ka fen pwan tongeni pwapwaiti ne etettenatiw itenapen Jises Kraist kewe ka kuna me non konun Kirisimas. Ifa usun eu me eu itenap a asokano om ekiek usun I?

Ekieki ne fini eu itenap ika wisen ewe Chon Amanau ewe epwe anisuk ne chechemeni I non ewe ier epwe feito.

Nengeni pwan Quentin L. Cook, “Kinamwen Emon me Emon non Fansoun Sossot,” Liahona, Nov. 2021, 89–92; “Hark! The Herald Angels Sing,” Kon mi fen, no. 209.

• Menin mei wor om me noum kewe semirit enningen Kirisimas ka tongeni aea ne poputan eu aporous usun Jises Kraist. Menin ka tongeni kapas ren ifa usun efou fuun Kirisimas, saram, ika eu niffang a achema kich usun ewe Chon Amanau. Mwirin ka tongeni nenengeni eu ika ekkoch me nein ekkei uwokisin ren och mettoch mi tongeni esisinata Jises Kraist: Genesis 22:8; Numbers 24:17; Konupin 23:1; 27:1. Menin noum kewe semirit ra tongeni amwochata echo sasing ika enning mi fichi ngeni eu me eu uwokisin ra anneani. Ifa usun Jises a usun emon naam, fuu, chon masen siip, ika saram? Ekieki ne konu echo konun Kirisimas, usun ren “Stars Were Gleaming” (Noun Semirit Puken Kon, 37).

• Noum kewe semirit ra pwan tongeni nenengeni ewe sasing nesoponon ei kinikin nupwen ka anneani Isaiah 9:6 ngenir. Eisini noum kewe semirit ne itini ewe monukon Jises nupwen ra rong ewe kapas “emon semirit a uputiw.” Apasa om kapasen pwarata pwe soufos non ewe Testamen Noom ir mi sinei pwe Jises epwe uputiw.

• Nupwen ka amonneta ne kaeo ewe manauen jises Kraist non ewe Testamen Sofo non enan ier, ekieki ne atona sefani me noum kewe semirit met ra fen kaeo usun I non ei ier me non ewe Testamen Noom. Ka tongeni atona sefani ekkewe kokkoten nesen non ei puk me och pwisin om esinesinen kaeo an epwe anisuk ne chechemeni met ka fen kaeo. Kukkun semirit menin epwe tufich ngenir ar repwe katon Porousen Testamen Noom ika ekkewe sasing non Feito, Tapweto Mwiri. Met osini ika porous mi kon fatoch ngonuk? Met sia fen kaeo usun ewe Chon Amanau?

• Faminien Chon Israel a wor orenier, usun ren ewe Passover me ekkewe kametip, ra fis pwe repwe awena netiper me ar ekiek ngeni ewe Samon (nengeni Exodus 12). Met om oreni me noum kewe semirit atun fansoun Kirisimas mi anisuk ne ekiek won Jises Kraist? Met oreni en mi sinei usun seni orenien om famini? En mi tongeni ekieki ne aporous me noum kewe semirit ekkoch oreni ka mochen poputani. Ekkoch ekiek mi tongeni epwe pachenong emon mi nom non osupwang, fini och mettoch kopwe fang pwe eu “niffang” ngei ewe Chon Amanau, etiwa emon chienom epwe fituk ne katon ewe mwichen Kirisimas an ewe Aewin Presetensi(broadcasts.ChurchofJesusChrist.org), makkei pwisin noum konuk Kirisimas, ika kutta eu anochun om kopwe aporousa porousen uputiwen Kraist.

• Ifa usun ka tongeni anisi noum kewe semirit repwe mefi ewe sufon me pwapwan uputiwen Kraist we? Menin ka tongeni katon ewe fitio “The Christ Child” (Gospel Library) or read together Matthew 1:18–25; 2:1–12; Luke 1:26–38; 2:1–20. Emon me emon semirit a tongeni fini emon aramas seni ewe fitio ika uruon pukefel me aporousa ifa usun ena aramas a mefi usun ewe Chon Amanau. Mwirin ka tongeni aporousa fengeni pwisin ami memmef usun I.

  

  17:53

• Menin en me noum kewe semirit oua tongeni kapas usun ekkewe niffang ka fen fangeno ika angei non ekkewe ier ra fen wato pwapwa. Mwirin ka tongeni annea fengeni Isaiah 25:9 me kapas usun pwata ka pwapwa pwe Samach won Nang a tinato rech emon Chon Amanau. Om kopwe anisi noum semirit repwe weweochuti wisen Jises Kraist usun ach Chon Amanau, tingorer repwe anneani Isaiah 25:8–9; 53:3–5; and Hosea 13:14. Met ekkei uwokisin ra aiti kich ren ifa usun ewe Samon a angasa kich?

• Ka pwan tongeni konu eu konun Kirisimas, usun ren “Away in a Manger” (Noun Semirit Puken Kon, 42–43) or “O Little Town of Bethlehem” (Kon mi fen, nampa. 208). Anisi noum kewe semirit repwe kutta ekkoch kapas non ewe kon ewe mi anisir ar repwe sinei pwe Samach won Nang me Jises Kraist ra tonger.