Haggai 1–2; Zechariah 1–4; 7–14

Mi chommong auchean mettoch repwe fori ne forsefanieta Jerusalem. Nge mwirin arapakan 15 ier a no seni ewe fansoun ekkewe chon Israel ra niwin, ewe Samon a tipengaw pwe ewe forsefanin ewe tempel esap ewe akkaewin mettoch ra ekieki (nengeni Haggai 1:2–5; nengeni pwan Ezra 4:24). Nupwen ka anneani Haggai 1; 2:1–9, ekieki ekkoch kapaseis usun ekkei:

• Met pungunon mettoch ekkewe Chon Israel ra mesengeni pokiten rese awesi ewe tempel?

• Met feioch ewe Samon a pwonei ngenir ra repwe awesi kautan Imwan we?

• Met an ewe Samon porous ngonuk me non Haggai 1:5–7? Ifa usun ka tongeni awena met mi auchea ngonuk an epwe wenengeni an ewe Samon? Inet ka fen feioch ren om onnomu Kot akkom non manauom?

Ekkewe Aramas mi pin non Fansoun soponon akkom ra mesengeni eu nonno fengenin nikinik ngeni ekkewe Chon Israel non fansoun Haggai we (nengeni Doctrine and Covenant 95). Met ka kaeo seni ekkei ru minen awewe usun mefien ewe Samon usun tempel?

Nengeni pwan Dale G. Renlund, “Jises Kraist I ewe Esisin,” Liahona, Nov. 2023, 96–99; Terence M. Vinson, “Ennetin Chon Kuno noun ewe Chon Amanau,” Liahona, Nov. 2019, 9–11; “We Love Thy House, O God,” Kon mi fen, nampa. 247; “Provo City Center Tempel a wesino” (fitio), ChurchofJesusChrist.org.

7:17

Non om ekiek, met auchean ach makkei “pinino ngeni ewe Samon” won mettoch meinisin usun ekkew sia fen kapas usun non Zechariah 14:20? (Nengeni pwan Exodus 28:36–38). Met ewe auchean ach makkei won tempel ikenai? Met wewen ei kapas ngonuk? Ifa usun ka tongeni fori pwe pinino epwe kinikinin manauom iteiten ran? Ekipwichi ekkei kapaseis nupwen ka anneani an ewe Samon tingor ngeni Noun kewe aramas ar repwe kon pinino non Zechariah 1:1–6; 3:1–7; 7:8–10; 8:16–17.

Ka pwan tongeni anneani Zechariah 2:10–11; 8:1–8; 14:9–11, 20–21 om kopwe kaeo epwe ifa usun nikinikin manau non eu ranin mwach nupwen meinisin ra nonnom ren ewe Samon non eu nikinikin pinino. Met a amwasangok usun an Zechariah nemasepwi usun Jerusalem me fansoun mwan? Met ka kuna ikei ewe ka mochen kopwe kuna non neniom we? Ifa usun ka tongeni monneta ne nonnom non ekkewe napanap Zechariah a anapanapatiw?

Ekkoch me nein an Zechariah kewe mak ra iti ngeni ir me ru an we angangen afanafan won fonufan me ngeni An ewe Oruwan Wareto. Me fan mi wor ekkoch an Zechariah kew osini, fiti fengen me uwokisin usun pwonutar. Nupwen ka kaeo ekkei uwokisin, eisinuk pwisin: Met ei a aitiei usun ewe Chon Amanau?

• Zechariah 9:9–11 (see Matthew 21:1–11; 1 Peter 3:18–19)

• Zechariah 11:12–13 (see Matthew 26:14–16; 27:1–7)

• Zechariah 12:10 (see John 19:37; Pwarata 1:7)

• Zechariah 13:6–7; 14:1–9 (see Matthew 26:31; Doctrine and Covenants 45:47–53)

Met ka ekieki ita nikinikin me nein ekkewe aramas ra etiwanong Jises non Jerusalem usun mi anapanapetiw non Zechariah 9:9–11? Ifa usun ka tongeni etiwanong I non manauom, imwom, me om mwicheich?

Nengeni Pwan Emwen ngeni ekkewe Pukefel, “Messiah,” Gospel Library; “The Lord’s Triumphal Entry into Jerusalem” (fitio), Gospel Library; Ronald A. Rasband, “Hosanna to the Most High God,” Liahona, May 2023, 108–12.

1:22

• Nupwen ka anneani kinikinin Haggai 1:2–5 ren noum kewe semirit, anisir repwe kuna pwata ewe Samon ese pwapwa ren noun kewe aramas. Menin noum kewe semirit ra tongeni fini eu kapas seni uwokisin 6 me chungani echo sasing won. Ra tongeni pwar ngeni emon me emon me esisina ika met kapas ewe chunga a tupuni. Nupwen sia awora ach fansoun won mettoch nap seni met ewe Samon a mochen, a ifa usun nikikinik mwongo nge sise mwot? Ka tongeni kapas fengen ren ifa usun ka tongeni awora fansoun ren ekkewe mettoch mi auchea ngeni ewe Samon.

• Ka pwan tongeni anneani uwokisin 8 ngeni noum kewe semirit me tingorer repwe etittipen ita “feita won ewe chuuk,” “uwou ira,” me “aueta imwen [ewe Samon].” Noum kewe semirit ra tongeni fori eu tettenin mettoch ra fori non eu chok ran, mi pachenong mettoch ewe Samon a eisinir repwe fori. Eisini noum kewe semirit repwe “ekieki [ar] napanap” ren ar okukumosu met ewe Samon epwe apasa pwe ir mettoch auchea won ar we tetten.

• Non eu nemasepwi, Zachariah a kuna emon prist mi nap ewe a “ufouf uf m nimengaw” (Zechariah 3:3). Emon chon nang a ngeni i uf mi nimoch. Ka tongeni anisi noum kewe semirit repwe kutta auchean ennet ren ar annea fengeni Zechariah 3:1–7 me kapas fengeni usun ita met ewe uf mi nimengaw a tupuni. Ifa usun sia nimoch seni ach tipis, pwan mwo mwirin sia papatais? Ifa usun ach pwonen papatais a anisi kich ne “fetan non [an ewe Samon] aan”?

• En me noum kewe semirit oua tongeni nenengeni echo sasingin eu papatais, usun ei echo non ei etetten mi makketiw. Pwata sia ufouf mi pwech atun ach papatais? Ka pwan tongeni konu echo kon usun papatais, usun ren “When I Am Baptized” (Noun Semirit Puken Kon, 103); met ewe kon a aiti kich usun pwata ewe Samon a mochen sipwe papatais?

• Noum kewe semirit ra tongeni anchangei ewe mettoch mi osini non Zechariah 9:9, nupwen Jises a feito non Jerusalem fansoun omuchunon Manauan won fonufan. Om kopwe anisi ei, pwar ngenir echo sasigin ewe mettoch a fis, usun ewe eu non ei etetten mi makketiw. Ka pwan tongeni aporousa ngenir “Ewe Chon Amanau a feino Jerusalem” (non Porousen Testamen Sofo, 110–12). Noum kewe semirit ra tongeni itini ekkewe aramas non ewe sasing ekkewe ra “pupuchor ren pwapwa.” Ion ewe King non Zechariah 9:9? Pwata sia kinisou ngen I?

  

  1:35

• Ekieki om kopwe anisi noum kewe semirit repwe anonno fengeni ekkewe osini seni Zechariah ngeni ekkewe uwokisin Testamen Sofo mi awewetiw pwonutar kewe. Ikkei ekkoch awewe: Zechariah 9:9 and Matthew 21:5–9; Zechariah 9:11 and 1 Peter 3:18–19; Zechariah 11:12 and Matthew 26:14–16; Zechariah 13:7 and Matthew 26:31. Met sia kaeo usun ewe Chon Amanau seni ekkei uwokisin?