Malachi

Non fansoun Malachi we, ekkewe Chon Israel ra fen aueta ewe tempel non Jerusalem, nge usun eu aramas mi chok chiwen namot ar repwe forata nefiner ngeni ewe Samon. Nupwen ka kaeo Malachi, kutta kapaseis ewe Samon a eisini ekkewe Chon Israel ika ra eisini I. Ekieki om kopwe eisinuk pwisin kapaseis mi nonno ngeni (ekkoch awewe ir mi makketiw fan) ar repwe anisuk ne apungu nefinom we ngeni ewe Samon me arap ngeni I.

• Ifa usun ua fen mefi an ewe Samon tong fan itei? (nengeni Malachi 1:2).

• Met ai kewe fangeno ngeni ewe Samon ir mi ennetin asufonu I? (nengeni Malachi 1:6–11)

• Non met napanap mi namot ai upwe “niwin” ngeni ewe Samon? (Nengeni Malachi 3:7).

• Ngang ua fen sona seni Kot non och napanap? (nengeni Malachi 3:8–11).

• Ifa usun nikiniki atun fansoun weires a pwarano ai memmef ngeni ewe Samon? (nengeni Malachi 3:13–15; nengeni pwan 2:17).

Nupwen ka anneani usun ekkewe asor mi awewetiw non Malachi 1, met ka esinna usun ekkewe asor ekkewe prist ra fangeta? Met ekkei asor ra pwarano usun an ekkewe prist memmef ngeni ewe Samon? (Nengeni Malachi 1:13). Ekieki om kopwe fori eu etettenin fangeno, ika asor, ka fori ngeni ewe Samon. Ren eu me eu mettoch won ewe tetten, ekipwichi met ita a fori epwe eu “nimengawen” asor ika eu”nimochun” asor (Malachi1:7, 11).

Angchangei pwe mi wor emon chienom ewe a keran chok sinei pwe ka moni eu-ne-engon. “Pwata ka fori ena?” chienom we a eis. Ekieki ei nupwen ka anneani Malachi 3:8–12. Met ka kuna ikewe ewe mi tongeni anisi ne ponuweni an chienom we kapaseis? Pwan met kopwe mochen chienom we epwe weweiti usun eu-ne-engon? Ren pwan ekkoch aninis, ka tongeni kutta an Elter Neil L. Anderson porous “Eu Ne Engon: Sukano ekkewe Asamwachon Nang” (Liahona, Nov. 2023, 32–35), kutta ekkewe ponuwen kapaseis usun ekkei:

• Pwata ewe Samon a mochen sipwe moni eu-ne-engon?

• Ita met epwe amwochu emon seni an epwe moni eu-ne-engon, me ifa usun si atongeni okkufu ekkei eppet?

• Ifa usun ach moni eu-ne-engon a apochokunano ach nuku non Samach won Nang me Jises Kraist?

Ka pwan tongeni aporousa ngeni chienom we ifa usun ewe Samon a fen efeiochuk nupwen ka moni eu-ne-engon. Ka tongeni kuna ekkoch ekiek me non ewe kinikin itenapan “Nesen Nampa 1—Aucheanap nge Monomonono Feioch” non an Elter David A. Bednar porous “Ekkewe Asamwachon Nang” (Liahona, Nov. 2013, 17–18). Met sokkun aramas sia winiti ren ach moni eu-ne-engon?

Met ka ekieki ewe kapas “suk ngonuk ekkewe asamwachon nang” (uwokisin 10) pwe epwe wewen? Menin ka tongeni neneu non eu asamwacho me ekieki usun ekkewe popun asamwacho. Pwata “asamwachon nang” a eu ochun anen awewen ifa usun ewe Samon a efeiochu kich nupwen sia moni eu-ne-engon?

Nupwen Moronai a apasa sefani Malachi 4:5–6 ngeni Joseph Smith, a fori “ren ekis sokkonon seni nikinikin ah anneani” me non ewe Paipen (nengeni Joseph Smith—History 1:36–39). Met an Moronai we mi sokkono a apacha ngeni ami weweiti usun ei osini? Akkaewin, ekipwichi kapaseis usun ekkei:

• Ion “ekkewe sam”? (Nengeni Deuteronomy 29:13). Met pwon a fen fori ngenir? (nengeni Abraham 2:9–11). Ifa usun ka aninis ne apwonueta ekkei pwon?

• Met mettoch ra fen anisuk ne akunnu netipom ngeni om kewe neuo? Pwata ena a fokkun auchea ngeni an Samach won Nang kokkot?

Om kopwe kaeo pwan ekkoch usun ewe wareton Elijah me ifa usun ei osini a pwonuta ikenai, nengeni Doctrine and Covenants 110:13–16 me D. Todd Christofferson, “Ewe Manamanen Riri Fengen” (Liahona, Nov. 2023, 19–22). Pwata ka fokkun kinisou pwe Elijah a fen wareto?

Nengeni pwan Gerrit W. Gong, “We Each Have a Story,” Liahona, May 2022, 43–46; “Turn Your Hearts,” Hymns, nampa. 291; “The Sealing Power” (fitio), ChurchofJesusChrist.org.

3:38

• Ifa usun en me noum kewe semirit oua ponuweni ewe kapaseis non Malachi 1:2—”Ifa usun an [ewe Samon] pwarano an tongei kich?” Aporousa fengeni ekkoch popun en mi sinei pwe I mi tongeok. Menin noun kewe semirit ra tongeni chungani ekkoch sasing mi achema ngenir usun An tong.

• Ifa usun kopwe anisi noum kewe semirit repwe kaeo usun eu-ne-engon? Ka tongeni eisinir repwe anneani 10 kukkun mettoch, usun ren ekkewe foun moni won peichen urumotun ei wik. Mwirin ra tongeni eimufeseni eu me nein ekkewe mettoch seni meinisin—iei ukukun met sia ngeni ewe Samon pwe eu-ne-engon. Anongonong won Malachi 3:8–12, pwata ewe Samon a mochen kich sipwe moni eu-ne-engon? (nengeni pwan “Malachi ewe Soufos” non Porousen Testamen Noom, 171–72; “First Things First!” [fitio], Gospel Library).

  

  0:58

  

  1:18

• Nupwen ka anneani Malachi 3:10 fengen, ka tongeni tingorei noum kewe semirit repwe uta ren eu asamwacho nupwen ka anneani ewe kapas “asamwachon nang.” Ika en mi tongeni ninanong konik non eu kap tori an a saseu om kopwe anapanapa ewe kapas “esap naf nenian epwe epwe angei.” Ureni ekkewe semirit usun ekkewe feioch Kot a fen ngeni kemi nupwen oua moni eu-ne-engon. Noum kewe semiritra tongeni chungani ekkoch sasing repwe tupuni ekkei efeioch me eitiwata won ika unukun eu asamwacho non imwom we.

• Non Malachi 4:5–6, noum kewe semirit ir mi tongeni kutta ponuwen ekkei kapaseis usun an Malachi we osini: Ion ewe Samon a pwonei epwe tinato? Inet I a apasa pwe ei aramas epwe wareto? Met ewe Samon a apasa pwe ei aramas epwe fori? Pwata a namot ei aramas epwe wareto? Ian ei osini a pwonuta me ia? (nengeni Doctrine and Covenants 110:13–16).

• Om kopwe kutta ifa usun ewe pwon non Malachi 4:5 a pwonuta, ka pwan tongeni atona sefani “Joseph me Oliver ra Angei Kiien Pristut” non Doctrine and Covenants Stories, 26–30. Eu kon usun “The Hearts of the Children” (Children’s Songbook, 92) a tongeni anisi noum kewe semirit repwe kaeo pwata mi fokkun auchea pwe Elijah a fen wareto. Ka pwan tongeni no ngeni FamilySearch.org/discovery, ewe FamilySearch Tree app, ika ewe My Family booklet ren urumot mi tongeni anisuk me noum kewe semirit oupwe okunnu netipemi ngeni ami kewe neuo.