Mika; Nahume; Habakuki; Zefaniya

UMika usimema ukuba sicabange ukuthi kungaba njani “ukuza phambi kukaJehova, sikhothame phambi kukaNkulunkulu ophakeme” (Mika 6:6). Ngabe amavesi 6–8 asho ukuthini kuwe mayelana nokuthi yini ebalulekile eNkosini njengoba ihlola impilo yakho na?

Bheka futhi isihloko sikaDale G. Renlund, “Do Justly, Love Mercy, and Walk Humbly with God,” kwiLiyahona, Nov. 2020, 109–12.

Umsebenzi kaNahume kwakuwukubikezela ngokubhubha kweNiniva—idolobha elikhulu laseSyria, elahlakaza abakwa-Israyeli futhi lalimaza amaJuda. UNahume waqala ngokuchaza ulaka lukaNkulunkulu namandla Akhe amakhulu, kepha waphinde wakhuluma ngomusa nokulunga kukaNkulukulu. Bheka amavesi kwisahluko 1 lokho kukusiza ukuba uqonde ngayinye yalezi zimfanelo—kanye nezinye izimfanelo zikaNkulunkulu ozibonayo. Kungani kubalulekile ukwazi lokhu ngakunye ngeNkosi na?

Ngisho abaprofethi babuye babe nemibuzo ngezindlela zikaNkulunkulu. UHabakuki, owayephila ngesikhathi senkohlakalo obabugcwele eJuda, waqala umbhalo wakhe ngemibuzo ayeyibhekise eNkosini (Bheka ku Habakuki 1:1–4). Ungazifingqa kanjani izinkathazo zikaHabakuki na? Yimiphi imibuzo efanayo abantu abayibuzayo ngoNkulunkulu namuhla? Ngabe wena wake waba nemizwa ecishe ifane na? Ungase futhi uqhathanise imibuzo yakhe neminye emibhalweni engcwele, njengaleyo etholakala encwadini NgokukaMarku 4:37–38 futhi IMfundiso neziVumelwano 121:1–6.

INkosi yaphendula imibuzo kaHabukuki ngokuthi yayizothumela amaKaledi (abaseBabiloni) ukuzojezisa amaJuda (bheka ku Habakuki 1:5–11). Kodwa uHabakuki wayesakhathazekile, ngoba kwakubonakala kungalungile ukuba iNkosi ime eduze “lapho omubi [iBhabhiloni] egwinya olungileyo [uJuda] kunaye” (bheka amavesi 12–17). Utholani ku Habakuki 2:1–4 okukukhuthaza ukuba uthembele eNkosini uma unemibuzo engaphenduleki? (bheka futhi NgokukaMarku 4:39–40; IMfundiso neziVumelwano 121:7–8; “God Will Lift Us Up” [ividiyo], Gospel Library).

4:59

Isahluko 3 umthandazo kaHabakuki wokudumisa nokholo. Lihluke kanjani izwi likaHabakuki kwisahluko 3 kunakwi sahluko 1? Nali icebo lokukusiza ukuthi ucabangisise amavesi 17–19: Yenza uhlu lwezibusiso zesikhashana nezikamoya uNkulunkulu akunike zona. Bese ucabanga ukuthi ulahlekelwe izibusiso zesikhashana. Lokho kungakwenza uzizwe kanjani ngezinye izibusiso? Kungani kungase kubenzima “ukuthokoza eNkosini” (ivesi 18) ngesikhathi sobunzima obufana nalobo obuchazwe kwi vesi 17? Cabanga ngokuthi ungalikhulisa kanjani ukholo lwakho kuNkulunkulu, noma impilo ibukeka ingalunganga.

Bheka futhi uGerrit W. Gong, “All Things for Our Good,” kwiLiyahona.

Njengoba ufunda iziprofetho zikaZefaniya, phawula izimo zengqondo nokuziphatha okwaholela ekubhujisweni—bhekaa ikakhulukazi Zefaniya 1:4–6, 12; 2:8, 10, 15; 3:1–4. Bese ubheka izimilo zabantu uNkulunkulu ayezobagcina—bheka ku Zefaniya 2:1–3; 3:12–13, 18–19. Ucabanga ukuthi iNkosi ikubekele muphi umlayezo kulamavesi na?

Ngemva kokufunda uZefaniya 3:14–20, bheka ukuthi zingaki izindlela ongaqedela ngazo lomusho: “Jabulani nithokoze ngenhliziyo yonke” ngoba … Kungani kubalulekile kuwe ukwazi ngalezi zizathu zokujabula? Ungase uqhathanise lamavesi nezigigaba ezichazwe ku 3 Nefi 17 futhi uzindle ngendlela uJesu Kristu azizwa ngayo ngabantu Bakhe—kuhlanganise nawe.

• Abantwana bakho bangase bangazi ukuthi kwakuyisiprofetho sikaMika esasiza Amadoda aHlakaniphile ukuba athole usana olunguJesu eBhetlehema. Besebenzisa uMika 5:2 kanye Mathewu 2:1–6, mhlawumbe abantwana bakho bangalingisa izehlakalo zabo. Ngemva kwalokho ungaxoxa ngokuthi kungani ukuzalwa kukaJesu kwakubaluleke kangangokuthi abaprofethi babekwazi eminyakeni eminingi ngaphambi kokuba azalwe.

• Ngemva kokufunda uNahume 1:7, abantwana bakho bangakha noma badwebe “indawo eqinile” noma inqaba (kunesithombe sayo esisodwa kuloluhlaka). Yiziphi ezinye zezizathu abantu abangase badinge ngayo inqaba? Yini eyenza usuku lwethu lube wusuku “lwezinkathazo” na? Ngabe uJesu Kristu ufana kanjani netshe legumbi leBandla na?

• Ukwethula uHabakuki 2:3, wena nabantwana bakho ningaxoxa ngezinto ezinhle kodwa ngemva kokuba sesilindile—njengesithelo esidinga ukuvuthwa noma inhlama edinga ukubhakwa. Kuzokwenzekani uma singazama ukudla isithelo noma inhlama ngaphambi kokuba ilunge? Ngemva kwalokho ungaxoxa ngomprofethi uHabakuki, owayefuna ukwazi ukuthi uJehova uyobuqeda nini ukukhohlakala obusemhlabeni. Funda impendulo yeNkosi ku Habakkuk 2:3. Ungase usize abantwana bakho bacabange ngezinto uNkulunkulu azithembisile. Isibonelo ngasinye, ningathi ndawonye, ​​“Lilindeni; ngoba lizakuza impela.”

• Ukufanekisa uHabakkuk 2:14, wena kanye nabantwana bakho ningagcwalisa imbiza noma esinye isitsha ngezithombe noma amazwi amelela izinto uJesu azenza noma azifundisa. Singasiza kanjani ukugcwalisa umhlaba ngolwazi lweNkosi?

• Ungakwazi futhi ukukhombisa abantwana bakho ibalazwe lomhlaba (see Church History Maps, no. 7, “Map of the World”). Basize bathole indawo abahlala kuyo nezindawo lapho izithunywa zevangeli ezizaziyo ezike zakhonza kuzo. -. Singabatshelani abanye ngoJesu Kristu?

• Ku Zefaniya 3:14–20, abantwana bakho bangabheka okuthile okuzenza bafune “ukucula, … bajabule futhi bajabule ngenhliziyo yonke.” Mhlawumbe ningacula amaculo enjabulo noma amaculo ndawonye futhi nikhulume ngenjabulo eniyithola evangelini likaJesu Kristu.