UHagayi 1–2; UZakhariya 1–4; 7–14

Kwakunezinto eziningi ezibalulekile okwakufanele zenziwe ukwakha kabusha iJerusalema. Kepha ngemuva kweminyaka ecishe ibe yi-15 bebuyile abakwa-Israyeli, iNkosi ayithokozanga ngokuthi ukwakhiwa kabusha kwethempeli akuzange kubekwe eqhulwini (bheka uHagayi 1:2–5; bheka futhi uEzra 4:24). Njengoba ufunda UHagayi 1; 2:1–9, cabanga ngemibuzo efana nalena:

• Yimiphi imiphumela ama-Israyeli abhekana nayo ngenxa yokuthi ayengakaqedi ukulakha ithempeli?

• Yiziphi izibusiso iNkosi eyabathembisa zona uma babeqeda ukwakha indlu Yayo na?

• Uyini umyalezo weNkosi kuwe ku Hagayi1:5–7? Ungaziqondanisa kanjani izinto ezibalulekile kuwe nezibaluleke eNkosini? Ubusiswe nini ngokubeka uNkulunkulu kuqala empilweni yakho?

AbaNgcwele beziNsuku zokuGcina bokuqala babhekana nesimo esifanayo nesama-Israyeli ngosuku lukaHagayi (bheka kwiMfundiso neziVumelwano 95). Yikuphi okufundayo kulezi zibonelo ezimbili mayelana nemizwa yeNkosi ngamathempeli?

-ChurchofJesusChrist.org

7:17

Ngokubona kwakho kuyini ukubaluleka kokuba “Kwehlukaniselwe uJehova” kulotshwe ezintweni zansuku zonke njengalezo ezishiwo ku Zakhariya 14:20? (bheka futhi I-Eksodusi 28:36–38). Kubaluleke ngani ukuba kuqoshwe emathempelini namuhla? Isho ukuthini lenkulumo kuwena? Ungabenza kanjani ubungcwele kube yingxenye yempilo yakho yansuku zonke? Zindla ngalemibuzo njengoba ufunda izimemo zeNkosi kubantu Bayo ukuba babengcwele ngokwengeziwe ku Zakhariya 1:1–6; 3:1–7; 7:8–10; 8:16–17.

Ungase futhi ufunde UZakariya 2:10–11; 8:1–8; 14:9–11, 20–21 ukuze ufunde ukuthi impilo izoba njani osukwini oluzayo lapho sonke sihlala neNkosi esimweni sobungcwele. Yini ekuhlaba umxhwele ngombono kaZakariya ngekusasa leJerusalema na? Yini oyithola lapho ongathanda ukuyibona emphakathini wakho? Ungazilungiselela kanjani ukuphila ngaphansi kwezimo ezachazwa uZakhariya?

Imibhalo eminingi kaZakariya ikhomba kokubili ebufundisini basemhlabeni bukaJesu Kristu kanye nokuZa Kwakhe kwesiBili. Ngezansi kunezinye zeziprofetho zikaZakhariya, kanye nemibhalo ephathelene nokugcwaliseka kwazo. Ngesikhathi ufunda lemibhalo, zibuze uthi: Ngabe lokhu kungifundisani ngoMsindisi?

• UZakhariya 9:9–11 (bheka NgokukaMathewu 21:1–11; 1KaPetru 3:18–19)

• UZakhariya 11:12–13 (bheka NgokukaMathewu 26:14–16; 27:1–7)

• UZakhariya 12:10 (bheka NgokukaJohane 19:37; ISambulo 1:7)

• UZakhariya 13:6–7; 14:1–9 (bheka NgokukaMathewu 26:31; IMfundiso neziVumelwano 45:47–53)

Ucabanga ukuthi kwakuyoba njani ukuba phakathi kwabantu abemukela uJesu eJerusalema njengoba kuchazwe ku Zakhariya 9:9–11? Ningamamukela kanjani ezimpilweni zenu, emakhaya enu, kanye nasemphakathini wangakini?

Bheka futhi IziHloko zemiBhalo eNgcwele, “Mesiya,” Umtapo woLwazi weVangeli; “The Lord’s Triumpha Entry into Jerusalem” (ividiyo), Umtapo woLwazi weVangeli; uRonald A. Rasband. “Hosanna to the Most High God,” ILiyahona,, ngoMeyi 2023, 108–12.

1:22

• Ngesikhathi ufunda ingxenye ka Hagayi 1:2–5 nabantwana bakho, basize bathole ukuthi kungani iNkosi yayingathokozile ngabantu. Mhlawumbe abantwana bakho bangakhetha umushwana evesini 6 bese bedweba isithombe sawo. Bangakhombisa omunye nomunye futhi baqagele ukuthi umdwebo ngamunye umele muphi umusho. Uma sichitha isikhathi ezintweni ezingekona lokho okufunwa yiNkosi, lokho kufana kanjani nokudla kodwa singasuthi? Ningakhuluma omunye nomunye ngokuthi ningasenza kanjani isikhathi sezinto ezibalulekile eNkosini.

• Ungase futhi ufunde uvesi 8 ebantwaneni bakho futhi ubameme ukuba benze sengathi “bakhuphukela entabeni,” “balethe izinkuni,” futhi “bakha indlu [yeNkosi].” Abantwana bakho bangenza uhlu lwezinto abazenzayo ngosuku, okuhlanganisa nezinto iNkosi ebacele ukuba bazenze. Cela abantwana bakho ukuthi “bacabangele izindlela [zabo]” ngokudweba indingiliza kulokho iNkosi engathi kuyizinto ezibaluleke kakhulu ohlwini lwazo.

• Embonweni, uZakhariya wabona umpristi omkhulu “embethe izingubo ezingcolileyo” (UZakariya 3:3). Ingelosi yamunika izingubo ezihlanzekile. Ungasiza abantwana bakho bathole amaqiniso abalulekile ngokufunda ndawonye uZakariya 3:1–7 futhi nikhulume ngokuthi izingubo ezingcolile kanye nezingubo ezihlanzekile zingamelani. Sihlanzeka kanjani ezonweni zethu, ngisho nangemva kokubhabhadiswa? Ngabe isivumelwano sethu sombhabhadiso sisisiza kanjani ukuba “sihambe ezindleleni [zeNkosi]”?

• Wena nabantwana bakho ningabuka isithombe somuntu ebhabhadiswa, njengalesi esikuloluhlaka. Kungani sigqoka ezimhlophe uma sibhabhadiswa? -

• Abantwana bakho bangathanda ukubona ngeso lengqondo isehlakalo esabikezelwa ku Zakariya 9:9, lapho uJesu engena eJerusalema phakathi nesonto lokugcina lokuphila Kwakhe kwasemhlabeni. Ukusiza ngalokhu, babonise isithombe salesi sehlakalo, njengalesi esikuloluhlaka. Ungakwazi futhi ukwabelana nabo indaba ethi “The Savior Goes to Jerusalem” (encwadini ethi New Testament Stories, 110–12). Abantwana bakho bangakhomba abantu esithombeni “abathokoza kakhulu.” Ngubani leNkosi ku Zakariya 9:9? Kungani simbonga Ngaye?

  

  1:35

• Cabanga ngokusiza abantwana bakho baqhathanise iziprofetho ezikuZakhariya namavesi eTestamente iLisha achaza ukugcwaliseka kwazo. Nazi ezinye izibonelo: UZakariya 9:9 no NgokukaMathewu 21:5–9; UZakariya 9:11 no 1 kaPetru 3:18–19; UZakariya 11:12 no NgokuMathewu 26:14–16; UZakariya13:7 no NgokukaMathewu 26:31. Ngabe yikuphi esikufundayo ngoMsindisi kulamavesi na?