Amos; Obadiya; Jona

Ku Amose 3:3–6, umprofethi u-Amose wanikeza izibonelo zeziphetho esingafinyelela kuzo ngezimpawu esizizwayo noma esizibonayo: lapho ibhubesi libhodla, kumelwe ukuba libambe inyamazane; uma inyoni ibanjwe ogibeni, kufanele kube khona isiyelo lapho. Ku mavesi 7–8, u-Amose wasebenzisa lomqondo kubaprofethi. Yiziphi iziphetho esingafinyelela kuzo lapho umprofethi eprofetha? Yini enye oyifundayo ngabaprofethi ku Amose 7:10–15?

Yini iNkosi ekwambulele yona ngabaprofethi Bayo?

IGosa u-Ulisses Soares, lathi “ukuba nabaprofethi kuwuphawu lothando lukaNkulunkulu” (“Prophets Speak by the Power of the Holy Spirit,” eLiyahona, Meyi 2018, 99). Cabanga ukuthi ungawuqedela kanjani lomusho: “Ngiyazi ukuthi uNkulunkulu uyangithanda, ngoba uthumela abaprofethi …” Nansi eminye imibhalo engasiza: Duteronomi 18:18; Hezekile 3:16–17; kwabaseEfesu 4:11–14; 1 Nefi 22:2; Imfundiso Nezivumelwano 21:4–6; 84:36–38; 107:91–92.

Ungathini kumuntu onomuzwa wokuthi abaprofethi abadingeki namuhla?

Bheka futhi Topics and Questions, “Prophets,” Gospel Library.

Ngokusho kukaa Amose 4:6–13, yini iNkosi eyayinethemba lokuthi kwakuzokwenzeka ngemva kokuba ama-Israyeli ehlangabezane nezilingo? (bheka futhi uHelamani 12:3). Nakuba kungenzeka ukuthi izilingo zakho azizange zithunyelwe uNkulunkulu, zikunikeze kanjani amathuba okuphendukela Kuye?

Njengoba ufunda u-Amose 5:4, 14–15, zindla ukuthi iNkosi ikwenzele kanjani umusa. Ukumfuna kukulethele kanjani ukuphila?

Njengoba ufunda u-Amose 8:11–12, cabanga ngokuthi kungani indlala iyisiqhathaniso esihle sokuphila ngaphandle kwezwi likaNkulunkulu (bheka futhi NgokukaJohane 6:26–35; 2 Nefi 9:50–51; 32:3; Enosi 1:4–8). Wazi kanjani uma ulambile ngokomoya?

Lamavesi angasebenza nakuKuhlubuka Okukhulu (bheka Topics and Questions, “Apostasy,” Umtapo woLwazii weVangeli Leyo “ndlala” engokomoya iye yabathinta kanjani abantwana bakaNkulunkulu? Ukubuyiselwa kwanelise kanjani ukulamba kwakho okungokomoya?

Bheka nesihloko esithi “Ukuhlubuka Okukhulu” (ividiyo), Umtapo woLwazi weVangeli.

16:36

Ebhekise ku Obadiya 1:21, Mongameli uGordon B. Hinckley wachaza ukuthi siba abasindisi Entabeni iSiyoni uma sithola izimiso zabafileyo ethempelini (bheka “Closing Remarks,” eLiyahona, Nov. 2004, 105). Ngabe ukwenza lowomsebenzi kufana kanjani—noma nje ngendlela encane—nalokho uMsindisi asenzela kona? Ukwenza lomsebenzi kukusize kanjani ukuthi uzizwe usondelene noMsindisi?

-

INineva yayiyisitha sika-Israyeli esaziwa ngobudlova nonya. KuJona, kwakubonakala kungenangqondo ukuthi base bekulungele ukuphenduka. Kungasiza ukuqhathanisa isimo sengqondo sikaJona (bheka Jona 1; 3–4) emizweni ka-Alima kanye namadodana kaMosiya (bheka Mosiya 28:1–5; Alima 17:23–25). Ufundani ku Jona 3 okukukhuthaza ukuba wabelane ngevangeli ngisho nalabo abangabonakala bengakulungele ukushintsha na?

Njengoba ufunda uJona, bheka izibonelo zomusa weNkosi. Kungani unomuzwa wokuthi uJona “wayengathokozile” futhi “ethukuthele kakhulu” (Jona 4:1) lapho uJehova edlulisela umusa kubantu baseNineva? Yini ocabanga ukuthi iNkosi ibizama ukumfundisa yona kwisahluko 4? Zindla ukuthi uwubone kanjani umusa Wakhe empilweni yakho. Yini oyifunda kuJona engakusiza ukuba ube nesihe ngokwengeziwe?

• Ukuze usize abantwana bakho baqonde Amose 3:7, ungase uhlebele omunye wabo umyalezo olula futhi umcele ukuba ahlanganyele umlayezo nabanye abantwana. Isithunywa esikulomsebenzi sifana kanjani nomprofethi? Kungani iNkosi isinika abaprofethi?

• Ukufunda kabanzi ngalokho abaprofethi abakwenzayo, wena kanye nabantwana bakho recent messages from the current President of the Church. - Abelanani omunye nomunye ukuthi kungani nikhetha ukulandela umprofethi k Nkulunkulu.

• Mema abantwana bakho ukuthi benze sengathi balambile njengoba ufunda Amose 8:11–12. Sizizwa kanjani lapho silambele izwi likaNkulunkulu? Mhlawumbe abantwana bakho bangenza sengathi bayadla njengoba nixoxa ngemibhalo eniyithanda kakhulu.

• Ungasebenzisa IziHloko zemiBhalo eNgcwele, “Ukuhlubuka” (Umtapo woLwazii weVangeli), or “Ngemva kweTestamente Elisha” (in Izindaba zeTestamente Elisha, 167–70) ukuze usize abantwana bakho baqonde “indlala” eyavela Ekuhlubukeni Okukhulu nokuthi yaphela kanjani ngokuBuyiselwa. Yabelanani omunye nomunye ngezizathu enibonga ngazo ukuthi iNkosi ibuyisele ivangeli Layo osukwini lwethu.

  

  2:52

• Ukuze usize abantwana bakho bafunde indaba kaJona, ungabuyekeza “Umprofethi Jona” kwiZindaba zeTestamente eliDala; bhekaa futhi ikhasi lomsebenzi lalelisonto). Ungase ubuze:

  • Kwenzekani lapho uJona engamlaleli uJehova? (bheka Jona 1:4–17).

  • Wenzani uJona ukuze aphenduke? (bheka Jona 1:10–12; 2:1–4, 9; 3:1–4).

  • Kwenzekani lapho uJona elalela? (bheka uJona 3:5).

  

  2:30

• Abantwana bakho bangase bakujabulele ukuphinda baxoxe indaba kaJona noma bayilingise. Abelanani omunye nomunye ngezigigaba ezithile lapho iNkosi ifuna nenze into eyayinzima kini. Wakusiza kanjani ukuthi umlalele?

• Mhlawumbe abantwana bakho bangenza sengathi baxoxa noJona ngalokho okwenzeka kuye. Babezombuza miphi imibuzo? Bakhuthaze ukuthi babuze imibuzo ukuze bathole ukuthi uJona wafundani ngeNkosi. UJona angase athini, isibonelo, ngomusa weNkosi? (bheka, isibonelo, Jona 2:7–10; 3:10; 4:2).

• Siza abantwana bakho bacabange ngezibonelo lapho uMsindisi ebonisa umusa kwabanye, njeNgokukaMarku 2:3–12; NgokukaLuka 23:33–34; kanye NgokukaJohane 8:1–11. Wena kanye nabantwana bakho ningabheka izithombe zalezi zibonelo. Ymaphi amathuba esinawo okuba nesihe kwabanye?