UHoziya 1–6; 10–14; UJoweli

Umka Hoziya, uGomeri, akathembekanga kuye, futhi iNkosi yabala lesi sehlakalo esidabukisayo ukufundisa u-Israyeli ukuthi wayezizwa kanjani ngabo nezivumelwano zabo. Ngesikhathi ufunda ku Hoseya 1–3, cabanga ngokuthi iNkosi ibubuka kanjani ubudlelwano Bayo nabantu Bayo besivumelwano. Ukwenza isivumelwano neNkosi kufana kanjani nokungena emshadweni? Ukwehluleka ukugcina leso sivumelwano kufana kanjani nokungathembeki kumuntu oshade naye? (bheka ku Hoseya 2:5–7, 13). Ngabe uHoseya 2:14–23 ukufundisani ngothando nomusa weNkosi. Ngabe wena umkhombisa kanjani uthando lwakho nokuzinikela na?

Ku Hoseya 14, bheka izithembiso eziningi ezinhle iNkosi ezenza kulabo ababuyela Kuyo. Isho ukuthini kuwe inkulumo ethi “ngibathande ngokukhululeka”? (uvesi 4) Izingathekiso zezitshalo kumavesi 5–8 zikufundisani ngezibusiso zeNkosi, kuhlanganisa nezibusiso zokuphenduka? -

Abantu bosuku lukaHoziya babenikela imihlatshelo yezilwane, kodwa babephula imiyalo ebaluleke kakhulu. Ucabanga ukuthi kuchaza ukuthini ukuthi iNkosi “[ya]funa ububele, hhayi umhlatshelo; [no]kumazi uNkulunkulu kuneminikelo yokushiswa”? (UHoseya 6:6). Ucabanga ukuthi kuchaza ukuthini ukuthi ukulunga kunjengamafu noma amazolo? (bheka UHoseya 6:4). Ukulunga kwethu kufanele kube njani na? (bheka u-Isaya 48:18; 1 Nefi 2:9–10).

Ungaphinde ufunde NgokukaMathewu 9:10–13; 12:1–8 ukubona ukuthi uMsindisi wawusebenzisa kanjani uHoseya 6:6 emsebenzini Wakhe. Ngabe lemibhalo ikusiza kanjani ukuba uqonde amazwi kaHoziya?

Ngesikhathi ufunda uJoweli 2:12–13, kungakusiza ukwazi ukuthi ukuklebhula izingubo kwakuwuphawu lwangaphandle lokukhombisa ukuzila nokuzisola. Ngabe ukuklebhula izinhliziyo zethu kuhluke kanjani kunokuklebhula izembatho zethu?

Yikona kuphi okufanayo okubonayo phakathi kosuku lwethu nosuku uJoweli alubona ngaphambilini? (bheka ikakhulukazi kuJoweli 2:1–2, 11, 18–32). Yikuphi okukuchazayo ngezibusiso iNkosi eyazithembisa emavesini 18–32? Kungani lezibusiso zibe usizo ngokukhethekile namuhla?

Kungase kujabulise ukufunda lokho uMoroni akusho ngo Joweli 2 ngenkathi evakashele uJoseph Smith ngo-1823 (bhekaa Joseph Smith—Umlando 1:41). Ucabanga ukuthi iziprofetho eziku Joweli 2:28–32 zigcwaliseka kanjani osukwini lwethu (bheka futhi IZenzo 2:1–21. Ucabanga ukuthi kuchaza ukuthini ukuthi iNkosi “iyakuthulula uMoya [Wayo] phezu kwayo yonke inyama”? (UJoweli 2:28).

Ungase uzindle ngalamazwi avela kuMongameli uRussell M. Nelson: “Ezinsukwini ezizayo, angeke ukwazi ukuphila ngokomoya ngaphandle kokuholwa, ukuyalwa, ukududuzwa nokufundiswa njalo nguMoya oNgcwele” (“Isambulo seBandla, Isambulo seziMpilo Zethu,” ILiyahona, Meyi 2018, 96). Kungani isambulo sibalulekile ukuze uphile ngokomoya?

Yini ongayenza uma uzwa sengathi awukutholi lokho kuthululwa? Nazi ezinye izibonelo ezingasiza. Yikuphi abantu abakulemibhalo engcwele abakwenza ukuze bathole ukuthululwa koMoya weNkosi?

• Mosiya 4:1–3, 19–20; 18:7–11

• Helamani 6:34–36

• IMfundiso neziVumelwano 19:37–41

Ngesikhathi ufunda lamazwi avela kwiGosa uDavid A. Bednar, zindla ngokuthi kusho ukuthini kuwe ukuzwa ukuthululwa kukaMoya oNgcwele empilweni yakho yansuku zonke:

“Ngokuvamile sikwenza kubenzima kithina ukuthola isambulo somuntu siqu.” Ngalokho ngiqonde isithembiso sesivumelwano ukuthi njengoba sihlonipha izivumelwano zethu, singahlala sinoMoya oNgcwele ozoba nathi njalo. Kodwa sikhuluma ngakho futhi sikuthatha njengokungathi ukuzwa izwi leNkosi ngoMoya Wayo kuyisenzakalo esiyimvelakancane. … [UMoya] kufanele ngabe unathi ngaso sonke isikhathi. Akwenzeki izikhathi eziningi ngomzuzwana kodwa uma umuntu enza konke okusemandleni akhe—akudingeki ukuba uphelele—kodwa uma mina nawe senza konke okusemandleni ethu futhi singenzi isiphambeko esibi kakhulu, khona-ke singathembela kuMoya oNgcwele ukuthi usihole. …

“… Sibonakala sikholelwa ukuthi uMoya oNgcwele uyamangalisa, mkhulu futhi unokuzumana, kanti uthule futhi umncane futhi ukhula ngokuhamba kwesikhathi” (“Elder David A. Bednar Discussion” [ubusku noneGunya eliKhulu eBandleni lonke, Feb. 7, 2020], broadcasts.ChurchofJesusChrist.org).

Bheka futhi kuGary E. Stevenson, “Promptings of the Spirit,” ILiyahona, ngoNovemba 2023, 42–45; “Enemy Territory” (ividiyo), Umtapo woLwazi weVangeli).

3:38

• Encwadini kaHoseya, iNkosi yaqhathanisa izivumelwano Zayo nabantu Bayo nomshado. Ukufunda kulesi siqhathaniso, wena kanye nabantwana bakho ningabuka isithombe sikamakoti nomkhwenyana futhi nikhulume ngokuthi uBaba oseZulwini ufuna indoda nomfazi baphathane kanjani. Siza abantwana bakho bathole amagama ku Hoseya 2:19–20 achaza indlela iNkosi ezizwa ngayo ngathi. Singayikhombisa kanjani iNkosi ukuthi siyayithanda futhi sizothembeka kuyo?

• UHoseya 10:12 ukhuluma ngokuhlwanyela, ukuvuna, isikhathi, nemvula ukusimema ukuba sifune iNkosi. Njengoba ufunda lelivesi, yimiphi imibono efika engqondweni engakhuthaza abantwana ukuthi bamfune? Isibonelo, mhlawumbe abantwana bakho bangadweba iwashi futhi babhale phansi izindlela abangafuna ngazo iNkosi ngezikhathi ezehlukene usuku lonke. Ingoma efana nethi “Anytime, Anywhere” (UMtapo woLwazi weVangeli) ingakusiza ukuthi ufundise ukuthi njalo kuyisikhathi esihle sokufuna iNkosi.

• Noma abantwana bakho bangenza izinto ezilula ezihambisana nevesi, ezinjengokwenza sengathi batshala imbewu, bakha imifino, noma bame emvuleni. Siza abantwana bakho baqhathanise ukutshala imbewu kanye nokuvuna ukudla okuhle nokuphila ngokulunga kanye nokwamukela izibusiso zeNkosi. Bese ningatshelana ngezibusiso iNkosi eninikeze zona ngokuchichimayo ngenkathi nizama ukuyifuna.

• Ukuze ugcizelele iqiniso eliku Hoseya 13:4 lokuthi akekho uMsindisi ngaphandle kukaJesu Kristu, ungabonisa abantwana bakho izithombe zabantu abambalwa, kuhlanganise noJesu. Abantwana bakho bangashintshana ngokukhomba umuntu onamandla okusisindisa esonweni nasekufeni. Yabelana ngobufakazi bakho ngoJesu Kristu kanye neNhlawulo Yakhe.

• Abantwana bakho bangabheka amagama ku Hoseya 13:4, 14 achaza uJesu Kristu. Ngabe lamagama asifundisani Ngaye? Cabanga ngokusiza abantwana bakho ukuthi basebenzise IziHloko zemiBhalo eNgcwele ukuze bathole eminye imibhalo efundisa ukuthi uJesu unguMsindisi noMhlengi wethu. Yabelanani omunye nomunye ngokuthi nizizwa kanjani ngoJesu Kristu.

• Mhlawumbe ungasiza abantwana bakho baqonde UJoweli 2:28–29 ngokubavumela bathele uketshezi bese uluqhathanisa neconsi noma indlanzana. Kungachaza ukuthini ukuthi umoya “uthulelwe” phezu kwethu?

• Njengoba nifunda UJoweli 2:28–29 ndawonye, ungase umeme abantwana bakho ukuba bafake amagama omunye nomunye esikhundleni semisho ethi “amadodana akho” kanye “namadodakazi akho. Bese uyabasiza bahlole imibhalo engcwele enjengo NgokukaJohane 14:16; Moroni 10:5; IMfundiso neziVumelwano 42:17 ukuze bathole ukuthi uMoya ungabasiza kanjani.