Novemba 30–Disemba 6 ‘Em i Save Amamas Long Marimari’: Maika; Nahum; Habakuk; Sefanaia,” Kam, Bihainim Mi—Bilong Haus na Sios: Olpela Testamen 2026 (2026)
Novemba 30–Disemba 6 ‘Em i Save Amamas Long Marimari,’” Kam, Bihainim Mi: Olpela Testamen 2026
Long stat tru Wod i bin Stap, Eva Timothy i droim
Novemba 30–Desemba 6 “Em i Save Amamas long Marimari”
Maika; Nahum; Habakuk; Sefanaia
Ridim Olpela Testamen planti taim i save minim long ridim ol tok profet long bagarap. Bikpela i save kolim ol profet planti taim long givim tok lukaut long ol man nogut long jasmen bilong Em. Ol ministri bilong Maika, Nahum, Habakuk, na Sefanaia em ol gutpela eksampel. Long ol liklik ditail, ol dispela ol profet i bin tokaut long pudaum bilong ol dispela siti, long dispela taim, i luk olsem ol i strong na pulap long pawa: Ninive, Babilon, na Jerusalem. Tasol em bin tausan yia i go pinis. Bilong wanem em i gat bikpela velui long ridim ol tok profet long tude?
Maski ol dispela ol siti we i gat pasin antap na pasin nogut i bin baragap, pasin nogut i stap yet. Yumi ken painim sampela mak bilong em insait long bel bilong yumi. Olpela Testamen profet i soim hau yumi ken tanim beksait long ol dispela pasin nogut. Ating dispela em wanpela as yumi save ridim yet ol toktok bilong ol tude. Ol i no ol profet bilong nogut tasol—ol i bin ol profet bilong frim ol manmeri. Ol tok klia bilong bagarap i kamap long invaitesen i long kam long Krais na kisim fogivnes bilong Em. Olsem Maika i tok, Bikpela i no amamas long bagarapim yumi, tasol “ em i save amamas long marimari” (Maika 7:18). Dispela em i pasin bilong Bikpela long bifo taim, na em i pasin bilong Em long tude. “Pasin bilong Em bai stap oltaim oltaim (Habakuk 3:6).
Long ol ovaviubilong dispela ol buk, lukim “Maika” “Nahum,” ” “Habakuk,” na “Sefanaia”insait long Baibel Diksonari.
Ol Aidia bilong Lainim long Haus na long Sios
Maika 6:1–8
“Wanem samting Bikpela i laikim long yu?”
Maika i invaitim yumi long tingim wanem samting em bai luk olsem taim yumi “kam long Bikpela, na brukim skru … long God i stap antap” (Maika 6:6). Wanem samting dispela ol vese 6–8 i givim tingting long yu long wanem em impoten long Bikpela taim Em skelim laip bilong yu?
Lukim tu Dale G. Renlund, “Mekim Gutpela Pasin, Lavim Pasin Marimari, na Wokabaut wantaim God wantaim Pasin Daunim,” Liahona, Nov. 2020, 109-12.
“Bikpela em i gutpela,wanpela strongpela banis long taim bilong hevi” (Nahum 1:7).
Nahum 1
Bikpela i pawaful na marimari tu.
Misin bilong Nahum em i long tokaut long bagarap i bai kamap long Ninevah—bikpela taun bilong empaia bilong Asiria we i save gat planti pait, we i bin mekim Israel i go nabaut na i mekim nogut long Juda. Nahum i stat long toktok long belhat na bikpela pawa bilong God, tasol em i toktok tu long marimari na gutpela pasin bilong God. Painim ol vese insait long sapta 1 we i ken halivim yu long kliagut long dispela wanwan pasin—na ol narapela pasin bilong God we yu ken lukim. Wai na yu ting em i impoten long save long ol wanwan bilong ol despela somtin bilong bikpela?
Habakuk
Mi ken trustim laik bilong Bikpela na taimim bilong Em.
Maski ol profet sampela taim i save gat askim bilong ol pasin bilong Bikpela. Habakuk,husait i bin stap long taim we planti pasin nogut i bin kamap long Juda, i statim rekot bilong em wantaim ol askim long Bikpela (lukim Habakuk 1:1–4). Hau bau yu mekim sot ol wari bilong Habakkuk? Long nau taim wanem ol wankain askim ol pipol i askim long God? Yu bin kisim ol wankain filims olsem? Yu ken tu skelim ol askim bilong em wantaim ol narapela insait long ol srikpsa, olsem ol dispela insait long Mak 4:37–38 na Doktrin na Kavanen121:1–6.
Bikpela i bekim askim bilong Habakuk na tok Em bai salim ol lain Kaldia (ol lain Babilon) long panisim Judah (lukim Habakuk 1:5–11). Tasol Habakuk i bin stil gat bel hevi, long em i luk i no stret long Bikpela long sanap wantaim ol pasin nogut lain [Babilon] na bagarapim man em i moa stretpela [Judah]” (lukim ol vese 12–17). Yu painim wanem samting insait long Habakuk 2:1–4 we em inspirim yu long trastim Bikpela taim yu gat ol askim we i nogat ansa? (lukim tu Mak 4:39–40; Doktrin na Kavanen 121:7–8; “God bai Litimapim Yumi” [vidio], Gospel Laiberari).
God Will Lift Us Up
Sapta 3 em i prea bilong Habakuk long litimapim nem bilong bikpela na feit. Olsem wanem nek bilong Habakuk insait long sapta 3 i narakain long sapta 1? Hia em wanpela aidia long helpim yu tingim vese 17–19: Mekim wanpela lis bilong ol blesing bilong graun na blesing bilong spirit we God i bin givim yu. Bihain yu tingim olsem yu lusim ol blesing bilong dispela graun. Dispela bai mekim yu pilim olsem wanem long ol dispela narapela ol blesing? Bilong wanem em i hat long “amamas long Bikpela” (vese18) long taim bilong hevi olsem dispela ol i tokto insait long vese 17? Tingting long hau yu ken kamapim bikpela feit long God, maski taim laip i no stret.
Lukim tu Gerrit W. Gong, “Olgeta Samting Bilong Halivim Yumi,” Liahona, Me 2024, 41–44; “Lid, Gutpela Lait,” Hymns, no. 97; O Topik na ol Askim, “Painim ol Ansa long ol Askim,” Gospel Laibreri.
Gat bel isi. Sampela taim yumi save laikim ol ansa long askim bilong yumi hariap tru, tasol tingting bilong spirit i save kisim taim na i no inap long fosim. Olsem Bikpela i tokim Habakuk, “Wait long em; bikos em bai kam tru yet” (Habakkuk 2:3).
Sefanaia
“Yumi mas painim Bikpela, olgeta manmeri bilong dispela graun.”
Taim yu ridim tok profet bilong Sefanaia, luksave long ol tingting na pasin we i kamapim bagarap—lukim Sefanaia 1:4–6, 12; 2:8, 10, 15; 3:1–4. Orait painim ol pasin bilong ol pipol God bai lukautim—lukim Sefanaia 2:1–3; 3:12–13, 18–19. Wanem ol toktok yu filim olsem Bikpela i gat long yu long dispela ol vese?
Sefanaia 3:14–20
Bikpela i bai amamas wantaim ol pipol bilong Em long Saion.
Bihain long ridim Sefanaia 3:14–20, lukim hamas ol we yu ken pinisim dispela sentens: “Yu mas amamas na rijois wantaim olgeta bel” bikos … Bilong Wanem em i impoten long yu long save long as bilong dispela amamas? Yu ken skelim ol dispela vese long ol ekspiriens insait long 3 Nifai 17 na tingim hau Jisas Krais filim long ol pipol bilong Em—yu tu.
Long moa, lukim isu bilong dispela mun Liahona na Bilong Strongim ol Yut ol megazin.
Ol Aidia bilong Tisim ol Pikinini
Maika 5:2
Jisas Krais i bon insait long Betlehem.
-
Ating ol pikinini bilong yu i no save olsem i bin wanpela tok profet bilong Maika we i helpim ol Wise Man long painim bebi Jisas insait long Betlehem. Yusim Maika 5:2 na Matyu 2:1–6, ating ol pikinini bilong yu i ken soim gen ekspiriens bilong ol. Orait yu ken toktok long as na taim mama i binkarim Jisus i impoten tru olsem na ol profet i bin save pinis long em planti yia bifo long Em i bon.
Holi Pikinini I Bon, Dana Wood i droim
Nahum 1:17
“Bikpela em i gutpela, strongpela banis long taim bilong hevi.”
-
Bihain long ridim Nahum 1:7, ol pikinini bilong yu ken bildim o droim wanpela isi piksa bilong wanpela“strongpela banis” o strongpela haus (i gat wanpela piksa bilong wanpela insait long hia). Wanem ol sampela as ol pipol i nidim wanpela strongpela haus? Wanem samting i mekim de bilong yumi wanpela “de bilong hevi”? Olsem wanem na Jisas Krais em i olsem wanpela strongpela banis bilong yumi?
Habakuk 2:3
God bai fulfilim ol promises bilong Em oltaim.
-
Long statim Habakuk 2:3, yu na pikinini bilong yu ken toktok long ol samting we i gutpela tasol bihain long yumi wet—olsem prut i nid long mao o plaua i nid long beikim. Wanem samting bai kamap sapos yumi traim long kaikai prut o plaua bifo long em bai redi? Bihain yu ken toktok long profet Habakkuk, husait i laik save long wanem taim Bikpela bai stopim nogut pasin long dispela wol. Ridim ansa bilong Bikpela insait long Habakuk 2:3. Yu ken halivim ol pikinini blong yu long tingim ol samting God i bin promisim. Wantaim wanwan eksampel, yu ken toktok wantaim, “Wet long em; bikos em bai kam yet.”
Habakuk 2:14
Mi ken halivim long pulapim dispela graun wantaim save bilong Jisas Krais.
-
Long soim klia tok bilong Habakuk 2:14, yu na pikinini bilong yu ken pulapim wanpela jag o ol narapela kontena wantaim ol piksa o ol tok long makim ol samting Jisas i bin mekim o i bin tisim. Hua bai yumi helpim long pulapim wol wantaim save bilong Bikpela?
-
Yu ken soim tu ol pikinini bilong yu wanpela mep bilong wol (lukim Sios Histori ol Mep, no. 7, “Mep bilong Wol”). Helpim ol long painim peles we ol i stap na ol peles we ol misinari ol i save i bin sev. Yu ken singim tu wantaim wanpela singsing we i toktok long serim gospel, olsem “Mi Bai Karim Tok Tru Bilong Em i Kam Long WolSingsingbuk bilong Pikinini172–73). Hau bai yumi tokim ol narapela long Jisas krais?
Sefanaia 3:14–20
Jisas Krais i amamas wantaim husait i bihainim Em.
-
Long Sefanaia 3:14–20, ol pikinini bilong yu i ken panim wanpela samting we i ken mekim ol laik long “singsing, … amamas na rijois wantaim olgeta bel.” Ating yu ken singim sampela amamas hymn o song wantaim na toktok long amamas yu painim insait long gospel bilong Jisas Krais.
Long moa, lukim isu bilong dispela mun bilong Pren megazin.