Disemba 14–20. ‘Mi Bin Lavim Yu, Bikpela i Tok’: Malachi,” Kam,Bihainim Mi—Bilong Haus na Sios: Olpela Testamen 2026 (2026)
Disemba 14–20. ‘Mi Bin Lavim Yu, Bikpela i Tok,’” Kam, Bihainim Mi: Olpela Testamen 2026
Disemba 14–20: “Mi Bin Lavim Yu, Bikpela i Tok”
Malachi
“Mi bin lavim yu,” Bikpela i tokim ol pipol bilong Em long profet Malachi. Tasol ol Israel, husait i karim pen na hevi na stap kalabus long planti jeneresen ,ol i askim, “Yu bin lavim mipela long we?” Malachi 1:2 Bihain long olgeta samting ol Israel i bin pesim, ating ol i bin tingting planti sapos histori bilong ol em tru tru stori bilong lav bilong God long ol kavanen pipol bilong Em. Long sampela wei, em i isi tru long lukim olsem wanpela stori bilong ol man i nogat strong na i bikhet. Tasol long olgeta bilong dispela samting, God i no bin stop long lovim ol. Taim ol pikinini bilong Jekop i no makim gut long brata bilong ol Josep, Bikpela i bin sevim ol long hungere (lukim Genesis 45:4–8). Taim ol Israel toktok planti long insait long ples drai, Em i fidim ol wantaim mana (lukim Exodus 16:1–4). Maski taim Israel i tanim go long ol narapela god na i bin bruk nabaut , God i promisim olsem sapos ol i tanim bel, Em bai bungim ol na kisim ol bek “wantaim bikpela bel marimari” (lukim Isaiah 54:7). Tru tumas, Olpela Testamen em stori bilong pasin stap isi, lav bilong God, i stap oltaim. Na dispela stori i go yet long tude. Jisas Krais, “Pikinini Man bilong Stretpela Pasin,” olsem Malachi i kolim Em, i kam “wantaim hiling long wing bilong Em” (Malachi 4:2). Em i bikpela evidens bilong lav bilong God long ol bipo lain Israel na bilong yumi olgeta.
Long moa infomasen bilong buk bilong Malachi, lukim “Malachi” insait long Baibel Diksinari.
Ol Aidia bilong Lainim long Haus na long Sios
Malachi 1–4
“Kam bek long mi, na mi bai kam bek gen long yu.”
Long de bilong Malachi, ol Israel i bin bildim temple gen long Jerusalem, tasol olsem ol pipol ol i nid long bildim rilesensip bilong ol wantaim Bikpela. Taim yu stadim Malachi, painim ol askim we Bikpela i bin askim ol Israel o ol i bin askim Em. Tingim long askim yu yet ol wankain askim(sampela eksampele i stap aninit )long helpim yu long strongim rilesensip bilong yu wantaim Bikpela na go klostu long Em.
-
Hau mi bin pilim lov bilong God long mi? (lukim Malachi 1:2).
-
Ol ofaring bilong mi i go long Bikpela i tru tumas honarim Em o? (lukim Malachi 1:6–11)
-
Long wanem we mi nid long “kam bek gen” long bikpela? (lukim Malachi 3:7).
-
Mi stil long God long sampela rot? (lukim Malachi 3:8–11).
-
Pasin bilong mi olsem wanem long ol taim nogut bai soim filins bilong mi long Bikpela? (lukim Malachi 3:13–15; lukim tu 2:17).
Malachi 1:6–14
Bikpela i askim long “wanpela klinpela ofaring.”
Taim yu ridim long ol dispela ol ofaring we i toktok insait long Malachi 1, yu lukim wanem samting long ol sakrifais ol pris i ofarim? Ol dispela sakrifais i toktok long wanem filins bilong ol pris i go long Bikpela? (lukim Malachi 1:13). Tingim long mekim wanpela lis bilong ol ofaring, o sakrifais,we yu mekim long Bikpela. Long wanwan samting long lis, tingim wanem samting inap long mekim em i kamap wanpela ofaring“i no klin” o wanpela ofaring we i “klinpela” ofrin (Malachi 1:7, 11).
Malachi 3:8–12
Bikpela bai opim ol windo bilong heven taim mi soim feit na peim taiting.
Tingim olsem yu gat wanpela pren husait i painimaut nau tasol olsem yu save peim taiting. “Bilong wanem na yu save mekim dispela?” pren bilong yu i askim Tingim dispela taim yu ridim Malachi 3:8–12. Yu painim wanem samting long hap we i ken helpim pren bilong yu? Wanem moa samting yu laikim pren bilong yu long kliagut long taiting? Long moa infomesen, yu ken painim long toktok bilong Elda Neil L. Andersen “Taiting: Opim ol Windo bilong Heven” (Liahona, Nov. 2023, 32–35), painim ol ansa billong dispela kain ol askim:
-
Bilong wanem na Bikpela i laikim yumi long peim taiting?
-
Wanem ol samting i ken stopim wanpela man long peim taiting, na hau bai yumi inap long winim dispela ol hevi?
-
Olsem wanem paim taiting i strongim feit bilong yumi long Papa long Heven na Jisas Krais?
Yu ken serim tu wantaim ol poro bilong yu long hau Bikpela i bin blesim yu taim yu paim taiting. Yu ken painim ol aidia insait long seksen taitel “Lesen Namba 1—Ol Bikpela Blesing tasol Hat Long Luksave” insait long toktok bilong Elda David A. Bednar’s “Ol Windo Bilong of Heven” (Liahona, Nov. 2013, 17–18). Yumi kamap wanem kain ol lain taim yumi peim taitin?
Yu tingim wanem long dispela hap toktok “opim windo bilong heaven long yu” (ves 10) bai i minim? Ating yu ken lukluk i go ausait long wanpela windo na tingting long as bilong ol windo. Bilong wanem “ol windo bilong heven” em i gutpela we long tok klia long yumi long hau Bikpela i save blesim yumi taim yumi peim taiting?
Visen insait long Kirtland Temple, Gary E. Smith i mekim
Malachi 4:5–6
“Mi bai salem profet Elijah long yupela.”
Taim Moronai i quotim Malachi 4:5–6 long Joseph Smith, em bin mekim “wantaim liklik senis long we ol i ridim” long Baibel (lukim Joseph Smith—Histori 1:36–39). Wanem samting Moronai i senisim long edim long save bilong yu long dispela tok profet? Moa yet, tingim ol askim olsem dispela:
-
Husait em ol “papa”? (lukim Deuteronomy 29:13). Wanem ol promis ol i bin mekim long ol? (lukim Abraham 2:9–11). Hau yu bai helpim long inapim ol dispela promis?
-
Wanem ol ekspiriens i halivim yu tanim bel bilong yu long ol tumbuna bilong yu? Bilong wanem em iimpoten long plen bilong Papa long Heven?
Long lainim moa long kam bilong Elijah na hau dispela ol tok profet tru i bin kamap tru long nau, lukim Doktrin na Kavanen 110:13–16 na D. Todd Christofferson, “Siling Pawa” (Liahona, Nov. 2023, 19–22). Bilong wanem yu amamas olsem Elijah i bin kam?
Lukim tu Gerrit W. Gong, “Yumi Wanwan I Gat Stori,” Liahona, Me 2022, 43–46; “Tanim Bel Bilong Yupela,” ol Hymn, no. 291; “Siling Pawa” (vidio), ChurchofJesusChrist.org
The Sealing Power
Long moa aidia, lukim isu bilong dispela mun Liahona na Bilong Strongim ol Yut megazin.
Ol Aidia bilong Tisim ol Pikinini
Malachi 1:2
Bikpela i lovim mi.
-
Hau bai yu na ol pikinini bilong yu bekim askim insait long Malachi 1:2—“Long hia [bikpela] i lavim yumi?” Serim wantaim narapela as yu save olsem Em i lovim yu. Ating ol pikinini bilong yu i ken droim ol piksa we i bai mekim yu tingim lov bilong Em.
Mekim ol pikinini long toktok insait long gospel diskasen. Sapos yu tisim ol liklik pikinini, yu nid long tingting long ol nuipela we long involvim ol long gospel diskasens. Long eksampel, ol pikinini bilong yu ken pasim wanpela bol i go raun; taim ol i holim bol, ol i ken serim wanpela as we ol i save olsem Jisas i lovim ol.
Malachi 3:8–12
Bikpela bai blesim mi taim mi peim taiting.
-
Olsem wanem bai yu halivim ol pikinini bilong yu long lainim hau long paim taiting? Yu ken askim ol long kauntim 10pela liklik samting, olsem ol koin long ektiviti pes bilong dispela wik. Bihain ol i ken separatim wanpela bilong ol dispela samting long ol narapela—dispela em i hamas yumi bai givim long Bikpela olsem taiting. Long Malachi 3:8–12, bilong wanemBikpela i laikim yumi long paim taitin? (lukim tu “Malachi em i Profet” insait long ol Olpela Testamen Stori, 171–72; “Ol Fes Samting Fes!” [vidio], Gospel Laiberari).
0:58Malachi the Prophet
1:18First Things First!
-
Taim yu ridim Malachi 3:10 wantaim olgeta, yu ken invaitim ol pikinini bilong yu long sanap long sait bilong wanpela windo taim yu ridim ol dispela hap tok “windos bilong heven.” O yu ken kapsaitim wara insait long kap inap em kapsait kam autsait long soim dispela hap tok “bai i nogat inap rum long kisim ol.” Tokim ol pikinini long ol blesin God i bin givim long yu taim yu paim taiting. Ol pikinini bilong yu ken droin ol piksa we i makim ol blesing na hangamapim ol long o klostu long wanpela windo insait bilong haus bilong yu.
Malachi 4:5–6
Elijah i kam long tanim bel bilong yumi i go long ol famili bilong yumi.
-
Insait long Malachi 4:5–6, ol pikinini bilong yu ken painim ol ansa long ol dispela askim bilong tok profet bilong Malakai: Husait God i promis long salim? Wanem taim Em bin tok long dispela man bai kam? Wanem samting Bikpela i tok bai dispela man bai wokim? Bilong Wanem bai dispela man nid long kam? We bai dispela tok tru i kamap? (lukim Doktrin na Kavanen 110:13–16).
-
Long painimaut hau dispela promis insait long Malakai 4:5 bin kamap tru, yu ken tu lukim gen “Joseph na Oliver i Kisim Prishud ol Ke” insait long ol Doktrin na Kavanen Stori, 26–30. Wanpel singsing olsem “Ol Bel Bilong ol Pikinini” (Singsingbuk bilong Pikinini, 92) ken helpim ol pikinini bilong yu long lainim wai em impotent long Elijah kam. Yu ken visitim tu FamilySearch.org/discovery, FamilySearch Tree app, o Famili Bilong Mi buklet long ol ektiviti we i ken helpim yu na pikinini bilong yu long tanim bel bilong yupela long ol tumbuna bilong yupela.
Long moa, lukim isu bilong dispela mun bilong Pren megazin.