මීකා; නාහුම්; හබක්කුක්; ශෙපනියා

“ස්වාමින්වහන්සේ ඉදිරියට ඇවිත් උසස්වූ දෙවියන්වහන්සේට වැඳ වැටීම” (මීකා 6:6). කෙබඳු විය හැකිදැයි සිතා බැලීමට මීකා අපට ආරාධනා කරනවා. ස්වාමින්වහන්සේ ඔබගේ ජීවිතය ඇගයීමට ලක් කරන විට උන්වහන්සේට වැදගත් වන දේ ගැන 6–8 පදවලින් ඔබට යෝජනා කරන්නේ මොනවාද?

තවත් බලන්න ඩේල් ජී. රෙන්ලන්ඩ්, “යුක්තිසහගත ලෙස කටයුතු කරන්න, කරුණාවට ප්‍රේම කරන්න, එමෙන්ම දෙවියන්වහන්සේ සමඟ යටහත්ව ගමන් කරන්න,” ලියහෝනා, නොවැ. 2020, 109–12.

නාහුම්ගේ මෙහෙවර වූයේ නිනිවයේ විනාශය පුරෝකථනය කිරීමයි—එය ඉශ්‍රායෙල් දේශය විසුරුවා හරිමින් යුදා දේශයට දරුණු ලෙස පහර දුන්, ප්‍රචණ්ඩ අධිරාජ්‍යය ඇසිරියාවේ අගනුවරයි. නාහුම් ආරම්භ කළේ දෙවියන්වහන්සේගේ උදහස සහ අසමසම බලය විස්තර කිරීමෙනි, නමුත් ඔහු දෙවියන්වහන්සේගේ දයාව සහ යහපත්කම ගැන ද කතා කළා. ඔබ දකින දෙවියන්වහන්සේගේ වෙනත් ගුණාංග සහ—ඔබට මෙම එක් එක් ගුණාංග තේරුම් ගැනීමට උපකාර වන 1 වෙනි පරිච්ඡේදයේ ඇති පද සොයන්න ස්වාමින්වහන්සේ ගැන මේ සෑම දෙයක් ගැනම දැනගැනීම වැදගත් යැයි ඔබ සිතන්නේ ඇයි?

අනාගතවක්තෘවරුන්ට පවා සමහර අවස්ථාවලදී ස්වාමින්වහන්සේගේ මාර්ග ගැන ප්‍රශ්න තිබෙනවා. යුදා හි දුෂ්ටකම් බහුලව පැවති කාලයක ජීවත් වූ හබක්කුක්, ඔහුගේ වාර්තාව ආරම්භ කළේ ස්වාමින්වහන්සේගෙන් ප්‍රශ්න අසමින් (බලන්න හබක්කුක් 1:1–4). හබක්කුක්ගේ කනස්සල්ල ඔබ සාරාංශ කරන්නේ කොහොමද? අද දින මිනිසුන් දෙවියන්වහන්සේ ගැන අසන ඒ හා සමාන ප්‍රශ්න මොනවාද? ඔබට කවදා හෝ ඒ හා සමාන හැඟීම් ඇති වී තිබෙනවාද? ඔබට ඔහුගේ ප්‍රශ්න මාර්ක් 4:37–38 සහ දහම සහ ගිවිසුම් 121:1–6 වැනි ශුද්ධලියවිලිවල ඇති අනෙකුත් ප්‍රශ්න සමඟ සංසන්දනය කළ හැකිය.

ස්වාමින්වහන්සේ හබක්කුක්ගේ ප්‍රශ්නවලට පිළිතුරු දුන්නේ යූදාට දඬුවම් කිරීමට කල්දිවරුන් (බැබිලෝනිවරුන්) යවන බව පවසමිනි (බලන්න හබක්කුක් 1:5–11). නමුත් හබක්කුක් තවමත් කලබල වී සිටියේ, “දුෂ්ටයා [බැබිලෝනිය] වඩා ධර්මිෂ්ඨ තැනැත්තා [යුදාව] නාස්තිකරන කල” (බලන්න පද 12–17). ස්වාමින්වහන්සේ නිකන් සිටීම අසාධාරණ බව පෙනුණු නිසයි. ඔබට පිළිතුරු නොමැති ප්‍රශ්න ඇති විට ස්වාමින්වහන්සේ කෙරෙහි විශ්වාසය තැබීමට ඔබව පොළඹවන හබක්කුක් 2:1–4 තුළ ඔබ සොයාගන්නා දේවල් මොනවාද? (තවත් බලන්න මාර්ක් 4:39–40; දහම සහ ගිවිසුම් 121:7–8).

4:59

3 වෙනි පරිච්ඡේදය හබක්කුක්ගේ ප්‍රශංසාව සහ ඇදහිල්ලේ යාච්ඤාවයි. 3 වෙනි පරිච්ඡේදයේ හබක්කුක්ගේ විලාසයෙහි ස්වභාවය 1 වෙනි පරිච්ඡේදයට වඩා වෙනස් වන්නේ කොහොමද? 17–19 පද මෙනෙහි කිරීමට ඔබට උපකාර වන අදහසක් මෙන්න: දෙවියන්වහන්සේ ඔබට දී ඇති ලෞකික සහ අධ්‍යාත්මික ආශිර්වාද ලැයිස්තුවක් සාදන්න. ඉන්පසු ඔබට ලෞකික ආශිර්වාද අහිමි වූ බව සිතන්න. අනිකුත් ආශිර්වාද ගැන ඔබට හැඟෙන්නේ කොහොමද? 17 වෙනි පදයේ විස්තර කර ඇති දුෂ්කරතා වලදී “ස්වාමින්වහන්සේ කෙරෙහි සන්තෝෂ වීම” (18 වෙනි පදය) අපහසු විය හැක්කේ ඇයි? ජීවිතය අසාධාරණ ලෙස පෙනුනත්, දෙවියන්වහන්සේ කෙරෙහි වැඩි ඇදහිල්ලක් වර්ධනය කරගත හැකි ආකාරය ගැන මෙනෙහි කරන්න.

තවත් බලන්න ජෙරිට් ඩබ්ලිව්. ගොන්ග්, “සියල්ල අපගේ යහපත සඳහා,” ලියහෝනා, මැයි 2024, 41–44.

ඔබ ශෙපනියාගේ අනාවැකි කියවන විට, විනාශයට තුඩු දුන් ආකල්ප සහ හැසිරීම් සැලකිල්ලට ගන්න—විශේෂයෙන් බලන්න ශෙපනියා 1:4–6, 12; 2:8, 10, 15; 3:1–4. ඉන්පසුව, දෙවියන්වහන්සේ ආරක්ෂා කරන මිනිසුන්ගේ ලක්ෂණ සොයන්න—බලන්න ශෙපනියා 2:1–3; 3:12–13, 18–19. ඔබට හැඟෙන ලෙස, මෙම පද වලින් ස්වාමින්වහන්සේ ඔබට දී ඇති පණිවිඩය කුමක්ද?

ශෙපනියා 3:14–20 කියවීමෙන් පසු, ඔබට මෙම වාක්‍යය සම්පූර්ණ කළ හැකි ආකාර බලන්න: “මුළු සිතින් සන්තෝෂ වී ප්‍රීතිමත්වෙයන්න” මක්නිසාද යත් … ප්‍රීති වීමට මෙම හේතු ගැන දැනගැනීම ඔබට වැදගත් වන්නේ ඇයි? ඔබට මෙම පද 3 නෙපී 17 තුළ විස්තර කර ඇති අත්දැකීම් සමඟ සංසන්දනය කර යේසුස් ක්‍රිස්තුස්වහන්සේට—ඔබත් ඇතුළුව තම සෙනඟ ගැන හැඟෙන්නේ කෙසේදැයි මෙනෙහි කළ හැකිය.

• බෙත්ලෙහෙමේදී යේසු බිලිඳුන් සොයා ගැනීමට ශාස්ත්‍රවන්තයින්ට උපකාර කළේ මීකාගේ අනාවැකියක් බව ඔබේ දරුවන් නොදන්නවා වෙන්න පුළුවන්. මීකා 5:2 සහ මතෙව් 2:1–6 භාවිතා කරමින්, සමහරවිට ඔබේ දරුවන්ට ඔවුන්ගේ අත්දැකීම් අලුත් කරගන්න පුළුවන්. යේසුස්වහන්සේ ඉපදීමට වසර ගණනාවකට පෙර අනාගතවක්තෘවරුන් ඒ ගැන දැන සිටි තරමට උන්වහන්සේගේ උපත එතරම් වැදගත් වූයේ මන්දැයි ඔබට කතා කළ හැකිය.

• නාහුම් 1:7 කියවීමෙන් පසු, ඔබේ දරුවන්ට සරල “බලකොටුවක්” හෝ විශාල බලකොටුවක් ගොඩනඟා ගැනීමට හෝ ඇඳීමට පුළුවන් (මෙම දළ සටහනේ එවැන්නක පින්තූරයක් ඇත). මිනිසුන්ට විශාල බලකොටුවක් අවශ්‍ය විය හැකි හේතු මොනවාද? අපේ දවස “විපත්ති දවසක්” බවට පත් කරන්නේ මොනවාද? යේසුස් ක්‍රිස්තුස්වහන්සේ අපට බලකොටුවක් මෙන් වන්නේ කොහොමද?

• හබක්කුක් 2:3 හඳුන්වා දීමට, ඔබට සහ ඔබේ දරුවන්ට ඉදවීමට අවශ්‍ය පලතුරු හෝ පිළිස්සීමට අවශ්‍ය පිටි ගුලිය වැනි—අපි බලා සිටීමෙන් පසුව පමණක් සිදුවන හොඳ දේවල් ගැන කතා කළ හැකියි. අපි පලතුරු හෝ පිටි ගුලිය නිසි ලෙස සූදානම් වීමට පෙර කන්න උත්සාහ කළහොත් කුමක් සිදුවේද? ඉන්පසු ඔබට ස්වාමින්වහන්සේ ලෝකයේ දුෂ්ටකම නතර කරන්නේ කවදාදැයි දැන ගැනීමට අවශ්‍ය වූ අනාගතවක්තෘ හබක්කුක් ගැන කතා කරන්න පුළුවන්. හබක්කුක් 2:3 තුළ ස්වාමින්වහන්සේගේ පිළිතුර කියවන්න. දෙවියන්වහන්සේ පොරොන්දු වී ඇති දේවල් ගැන සිතීමට ඔබට ඔබේ දරුවන්ට උපකාර කළ හැකියි. එක් එක් උදාහරණය සමඟ, ඔබට එකට එක්ව මෙසේ පැවසිය හැකිය, “ඒ ගැන බලාසිටපන්න; මක්නිසාද එය පසු නොබැස පැමිණෙනවාම ඇත.”

• හබක්කුක් 2:14 නිදර්ශනය කිරීම සඳහා, ඔබට සහ ඔබේ දරුවන්ට යේසුස්වහන්සේ කළ හෝ ඉගැන්වූ දේවල් නියෝජනය කරන පින්තූර හෝ වචනවලින් භාජනයක් හෝ වෙනත් භාජනයක් පුරවා ගත හැකිය. ස්වාමින්වහන්සේ පිළිබඳ දැනුමෙන් ලෝකය පිරවීමට අපට උපකාර කළ හැක්කේ කොහොමද?

• ඔබට ඔබේ දරුවන්ට ලෝක සිතියමක් පෙන්විය හැකිය. ඔවුන් ජීවත් වන ස්ථානය සහ ඔවුන් දන්නා ධර්මදුතයින් සේවය කළ ස්ථාන සොයා ගැනීමට ඔවුන්ට උදව් කරන්න. ඔබට ශුභාරංචිය බෙදාගැනීම ගැන ගීතයක් එකට එක්ව ගායනා කළ හැකිය. අපිට යේසුස් ක්‍රිස්තුස්වහන්සේ ගැන අනෙක් අයට පැවසිය හැක්කේ මොනවාද?

• ශෙපනියා 3:14–20 හි, ඔබේ දරුවන්ට “ගී කියා, … මුළු සිතින් සන්තෝෂවී ප්‍රීතිමත් වීමට” අවශ්‍ය කරන යමක් සෙවිය හැකියි. සමහරවිට ඔබට ප්‍රීතිමත් ගීතිකා හෝ ගීත කිහිපයක් එකට එක්ව ගායනා කළ හැකි අතර යේසුස් ක්‍රිස්තුස්වහන්සේගේ ශුභාරංචිය තුළ ඔබ සොයා ගන්නා ප්‍රීතිය ගැන කතා කරන්නත් පුළුවන්.