Mika; Nahume; Habakuka; Zefania

Mika abengisi biso tokanisa lolenge nini ekoki kozala “koya liboso ya Nkolo, mpe kofukama … liboso ya Nzambe oyo azali likolo” (Mika 6:6). Nini milongo 6–8 eteyi bino na ntina ya maye ezali ntina epayi ya Nkolo ntango atalaka bomoyi na bino?

Tala lisusu Dale G. Renlund, “Do Justly, Love Mercy, and Walk Humbly with God,” Liahona, Sanza ya zomi na moko 2020, 109–12.

Mosala ya Nahume ezalaki ya kosakola libebi ya Niniwe—mboka-mokonzi ya Asulia, bokonzi ya mobulu, oyo epalanganisaki Yisalaele mpe etombolaki Yuda. Nahume abandaki na kolimbola nkanda ya Nzambe mpe nguya oyo ekokani na mosusu te, kasi alobelaki mpe mawa mpe bolamu ya Nzambe. Boluka milongo na mokapo 1 oyo esalisaka bino bososola moko na moko ya bizalela oyo—mpe bizalela mosusu ya Nzambe oyo bomoni. Mpo na nini bokanisi ezali ntina boyeba moko na moko ya makambo oyo etali Nkolo?

Atako baprofeta ntango mosusu bazalaka na mituna na ntina ya banzela ya Nkolo. Habakuka, oyo abikaki na ntango ya mabe ya bopalangani na Yuda, abandaki likundoli na ye na mituna epayi ya Nkolo (tala Habakuka 1:1–4). Lolenge nini bokoki kolimbola na bokuse mituna ya Habakuka? Mituna ekokana nini bato batunaka na ntina ya Nzambe lelo? Bino mpe bosila kozala na mayoki ya lolenge oyo? Bokoki lisusu kokokanisa mituna na ye na misusu na kati ya makomi, lokola oyo ezwami na Malako 4:37–38 mpe Malongi mpe Mayokani 121:1–6.

Nkolo ayanolaki na mituna ya Habakuka na kolobaka ete akotinda Bakaladi (Babilone) mpo na kopesa etumbu na Yuda (tala Habakuka 1:5–11). Kasi Habakuka azalaki naino kotungisama, mpo emonanaki lokola bosembo te mpo na Nkolo kotelema pembeni “ntango mabe [Babilone] ekolia moto oyo azali sembo koleka [Yuda]” (tala milongo 12–17). Nini bomoni na Habakuka 2:1–4 oyo efuli bino bondimela Nkolo ntango bozali na mituna ezanga biyano? (tala lisusu Malako 4:39–40; Malongi mpe Mayokani 121:7–8; “God Will Lift Us Up” [video], Gospel Library).

4:59

Mokapo 3 losambo ya masanzoli mpe ya bondimi ya Habakuka. Ndenge nini mongongo ya Habakuka na mokapo 3 ekeseni na mokapo 1? Oyo ezali likanisi mpo na kosalisa bino bomanyola milongo 17–19: Bokoma mapamboli ya nzoto mpe ya molimo Nzambe apesaki bino. Nsima bokanisa ete bobungisaki mapamboli ya nzoto. Lolenge nini yango ekoki kotinda bino boyoka na ntina ya mapamboli mosusu? Mpo na nini yango ekoki kozala mpasi “kosepela kati na Nkolo” (molongo 18) na ntango ya mpasi lokola oyo elimbolami na molongo 17? Bomanyola lolenge nini bokoki kotombola bondimi makasi na Nzambe, atako ntango bomoyi emonisamaka mpasi.

Tala lisusu Gerrit W. Gong, “All Things for Our Good,” Liahona, Sanza ya mitano 2024, 41–44; “Lead, Kindly Light,” Hymns, no. 97; Topics and Questions, “Seeking Answers to Questions,” Gospel Library.

Ntango bozali kotanga masakoli ya Zefania, botala bizalela mpe bizaleli oyo ekambaki na libebi—tala mingimingi Zefania 1:4–6, 12; 2:8, 10, 15; 3:1–4. Nsima boluka bizaleli ya bato oyo Nzambe akobatela—tala Zefania 2:1–3; 3:12–13, 18–19. Etinda nini bokanisi Nkolo azali na yango mpo na bino kati na milongo oyo?

Nsima ya kotanga Zefania 3:14–20, botala banzela boni bokoki kokokisa liloba oyo: “Sepela mpe sepela na motema mobimba” mpo ete … Mpo na nini ezali motuya epayi na bino na bantina ya kosepela? Bokoki kokokanisa milongo oyo na baboyebi oyo elimbolami na 3 Nefi 17 mpe bomanyola lolenge nini Yesu Klisto ayokaka na ntina ya bato na Ye—sangisa mpe bino.

• Bana na bino bakoki koyeba te ete ezalaki lisakoli ya Mika oyo esalisaki Bato ya Bwanya bazwa mwana Yesu na Beteleme. Kosalelaka Mika 5:2 mpe Matai 2:1–6, ntango mosusu bana na bino bakoki kosala lisusu makambo oyo bakutanaki na yango. Na nsima bokoki kolobela mpo na nini mbotama ya Yesu ezalaki na ntina mingi na boye ete baprofeta bayebaki yango mibu mingi yambo Ye abotama.

• Nsima kotangaka Nahume 1:7, bana na bino bakoki kotonga to koyema “esika makasi” ya pete to ndako makasi (ezali na elilingi ya moko na moango oyo). Nini ezali bantina bato mosusu basengeli na ndako makasi? Nini esalaka mikolo na biso ezala “mikolo ya mpasi”? Lolenge nini Yesu Klisto azali lokola libanga ya makasi mpo na biso?

• Mpo na koyingisa Habakuka 2:3, bino mpe bana na bino bokoki kolobela makambo oyo ezali malamu kasi kaka nsima ya kozela—lokola mbuma oyo esengeli kokola to potopoto oyo esengeli kotumba. Nini ekosalema soki tomeki kolia mbuma to potopoto liboso ete ekomela? Na nsima, bokoki kolobela profeta Habakuku, oyo alingaki koyeba ntango nini Nkolo akopekisa mabe na mokili. Botanga eyano ya Nkolo na Habakuka 2:3. Bokoki kosalisa bana na bino bakanisa makambo oyo Nzambe alakaki. Na ndakisa moko na moko, bokoki koloba elongo, “Bozela yango; mpamba te ekoya mpenza.”

• Mpo na ndakisa Habakuka 2:14, bino mpe bana na bino bokoki kotondisa molangi to mbeki mosusu na bililingi to maloba oyo ezali komonisa makambo oyo Yesu asalaki to ateyaki. Ndenge nini tokoki kosalisa kotondisa mokili na boyebi ya Nkolo?

• Bokoki mpe kolakisa bana na bino kalati ya mokili (botala Church History Maps, no. 7, “Map of the World”). Bosalisa bango bazwa esika wapi bafandi mpe bisika wapi bamisionele bayebi basalaki. Bokoki lisusu koyemba loyembo etali kokabola nsango malamu, lokola “We’ll Bring the World His Truth” (Children’s Songbook172–73). Nini tokoki koyebisa basusu oyo etalii Yesu Klisto?

• Na Zefania 3:14–20, bana na bino bakoki koluka eloko moko oyo ekopesa bango mposa ya “koyemba, … basepela mpe bayoka esengo na motema mobimba.” Ntango mosusu bokoki koyemba mwa nzembo to banzembo ya esengo elongo mpe kolobela esengo bozali kokuta na nsango malamu ya Yesu Klisto.