ამოსი; აბდია; იონა

ამოსი 3:3–6-ში წინასწარმეტყველმა ამოსმა წარმოადგინა დასკვნების მაგალითები, რომლებიც შეგვიძლია გამოვიტანოთ იმ ნიშნებიდან, რომლებიც გვესმის ან ვხედავთ: როდესაც ლომი ღრიალებს, მას ნადირი უნდა ჰყავდეს დაჭერილი; თუ ჩიტი ხაფანგში ხვდება, იქ სატყუარა უნდა იყოს. მუხლები 7-8-ში ამოსმა ეს ლოგიკა წინასწარმეტყველების მიმართ გამოიყენა. რა დასკვნის გაკეთება შეგვიძლია, როცა წინასწარმეტყველი წინასწარმეტყველებს? კიდევ რას სწავლობთ წინასწარმეტყველების შესახებ ამოსი 7:10–15-იდან?

რა გამოგიცხადა უფალმა თავისი წინასწარმეტყველების მეშვეობით?

უხუცესმა ულისეს სოარესმა თქვა, რომ „წინასწარმეტყველების არსებობა არის ღმერთის სიყვარულის ნიშანი“ („წინასწარმეტყველები საუბრობენ სულიწმინდის ძალით“, გენერალური კონფერენცია, აპრილი, 2018, 99). დაფიქრდით, როგორ დაასრულებთ ამ წინადადებას: „ვიცი, ღმერთს ვუყვარვარ, რადგან ის აგზავნის წინასწარმეტყველებს, რომლებიც …“ აქ არის რამდენიმე წერილი, რომელიც დაგეხმარებათ: მეორე რჯული 18:18; ეზეკიელი 3:16–17; ეფესელთა 4:11–14; 1 ნეფი 22:2; მოძღვრება და აღთქმები 21:4–6; 84:36–38; 107:91–92.

რას ეტყოდით მათ, ვინც ფიქრობს, რომ დღეს წინასწარმეტყველები არ არიან საჭირო?

იხ. სახარების ბიბლიოთეკაში ინგლისურ ენაზე “Prophets,” Gospel Library.

ამოსი 4:6–13-ის მიხედვით, რას იმედოვნებდა უფალი, რა მოხდებოდა ისრაელის განსაცდელების შემდეგ? (იხილეთ აგრეთვე ჰელამანი 12:3). მიუხედავად იმისა, რომ თქვენი განსაცდელები, შესაძლოა, ღმერთს არ გამოუგზავნია, როგორ მოგცათ მათ მისკენ მიბრუნების შესაძლებლობა?

ამოსი 5:4, 14–15-ის წაკითხვისას დაფიქრდით, როგორ არის უფალი მოწყალე თქვენ მიმართ. როგორ მოგცათ სიცოცხლე მისმა ძიებამ?

ამოსი 8:11–12-ის წაკითხვისას დაფიქრდით, რატომ არის შიმშილი კარგი შედარება ღვთის სიტყვის გარეშე ცხოვრებასთან (იხილეთ აგრეთვე იოანე 6:26–35; 2 ნეფი 9:50–51; 32:3; ენოსი 1:4– 8). როგორ იგებთ, რომ ხართ სულიერად მშიერი?

ეს მუხლები ასევე შეიძლება ეხებოდეს დიდ განდგომას (იხ. see Topics and Questions, “Apostasy,” Gospel Library). როგორ იმოქმედა სულიერმა „შიმშილმა“ ღვთის შვილებზე? როგორ დააკმაყოფილა აღდგენამ თქვენი სულიერი შიმშილი?

იხ. ვიდეო ინგლისურ ენაზე “The Great Apostasy” (video), Gospel Library.

16:36

აბდია 1:21-ზე მითითებით, პრეზიდენტმა გორდონ ბ. ჰინკლიმ განმარტა, რომ ჩვენ ვხდებით გამარჯვებულნი სიონის მთაზე, როდესაც ვიღებთ წეს-ჩვეულებებს ტაძარში მიცვალებულებისთვის (იხილეთ „Closing Remarks“, Liahona, ნოემბერი, 2004, 105). როგორ არის ამ საქმის კეთება მსგავსი იმისა — თუნდაც მცირედ — რაც მხსნელმა ჩვენთვის გააკეთა? როგორ დაგეხმარათ ამ სამუშაოს შესრულება, მხსნელთან უფრო ახლოს გეგრძნოთ თავი?

იხ. აგრეთვე “Holy Temples on Mount Zion,” Hymns, no. 289.

ნინევე იყო ისრაელის მტერი, ცნობილი თავისი ძალადობითა და სისასტიკით. იონა არ ფიქრობდა, რომ ისინი მზად იყვნენ მონანიებისთვის. შესაძლოა, საინტერესო იყოს იონას დამოკიდებულების შედარება (იხილეთ იონა 1; 3–4) ალმასა და მოსიას შვილების გრძნობებთან (იხილეთ მოსია 28:1–5; ალმა 17:23–25). რას სწავლობთ იონა 3-იდან, რაც შთაგაგონებთ, სახარება გაუზიაროთ იმ ადამიანებსაც კი, რომლებიც შეიძლება არ ჩანდნენ მზად ცვლილებებისთვის?

იონას კითხვისას შეხედეთ უფლის წყალობის მაგალითებს. რატომ ფიქრობთ, რომ იონა იყო „განაწყენებული“ და „გამწარებული“ (იონა 4:1), როცა უფალმა წყალობა გამოუცხადა ნინევის ხალხს? როგორ ფიქრობთ, რის სწავლებას ცდილობდა უფალი მისთვის თავი 4-ში? დაფიქრდით, როგორ განიცდიდით მის წყალობას თქვენს ცხოვრებაში. რას ისწავლით იონასგან, რაც დაგეხმარებათ, იყოთ უფრო გულმოწყალე?

• იმისათვის, რომ დაეხმაროთ თქვენს შვილებს ამოსი 3:7-ის გაგებაში, შეგიძლიათ ერთ-ერთ მათგანს უჩურჩულოთ მარტივი გზავნილი და სთხოვოთ, გაუზიარონ ეს შეტყობინება სხვა ბავშვებს. როგორ ჰგავს მაცნე ამ აქტივობაში წინასწარმეტყველს? რატომ გვაძლევს უფალი წინასწარმეტყველებს?

• მეტის გასაგებად იმის შესახებ, თუ რას აკეთებენ წინასწარმეტყველები, თქვენ და თქვენს შვილებს შეგიძლიათ გადახედოთ ეკლესიის ამჟამინდელი პრეზიდენტის ბოლო გზავნილებს. შეგიძლიათ აგრეთვე იღეროთ “Follow the Prophet” (Children’s Songbook, 110–11). გაუზიარეთ ერთმანეთს, რატომ ირჩევთ ღვთის წინასწარმეტყველის მიყოლას.

• მოიწვიეთ თქვენი შვილები, თავი წარმოიდგინონ მშივრებად, როცა კითხულობთ ამოსი 8:11–12-ს. რას ვგრძნობთ, როცა ღვთის სიტყვის შიმშილს განვიცდით? შესაძლოა, თქვენმა შვილებმა თავი მოაჩვენონ, თითქოს ჭამენ, როცა ერთმანეთს უზიარებთ თქვენს საყვარელ წმინდა წერილებს.

• შეგიძლიათ გამოიყებოთ Guide to the Scriptures, “Apostasy” (Gospel Library), or “After the New Testament” (in New Testament Stories, 167–70) რათა დაეხმაროთ ბავშვებს გაიგონ, რა არის „შიმშილი“ რომელიც მოჰყვა დიდ განდგომას და როორ დასრულდა იგი აღდგენით. გაუზიარეთ ერთმანეთს, რატომ ხართ მადლიერი, რომ უფალმა აღადგინა თავისი სახარება ჩვენს დროში.

  

  2:52

• იმისათვის, რომ დაეხმაროთ თქვენს შვილებს იონას ამბის სწავლაში, შეგიძლიათ გადახედოთ “Jonah the Prophet” in Old Testament Stories; აგრეთვე ამ კვირის ღონისძიებების გვერდს). შემდეგ შეგიძლიათ იკითხოთ:

  • რა მოხდა, როცა იონა არ დაემორჩილა უფალს? (იხილეთ იონა 1:4–17).

  • რა გააკეთა იონამ მოსანანიებლად? (იხილეთ იონა 1:10–12; 2:1–4, 9; 3:1–4).

  • რა მოხდა, როცა იონა დაემორჩილა? (იხილეთ იონა 3:5).

  

  2:30

• შეიძლება, თქვენი შვილები სიამოვნებით მოჰყვნენ იონას ისტორიას ან გაითამაშონ ის. გაუზიარეთ ერთმანეთს რამდენიმე გამოცდილება, როცა უფალს სურდა, გაგეკეთებინა ის, რაც თქვენთვის რთული იყო. როგორ დაგეხმარათ ის, რომ მას დამორჩილებოდით?

• შესაძლოა, თქვენმა შვილებმა გაითამაშონ, თითქოს ინტერვიუს იღებენ იონასთან მისი გამოცდილების შესახებ. რა კითხვებს დაუსვამდნენ მას? წაახალისეთ ისინი, დასვან კითხვები, რათა გაარკვიონ, რა ისწავლა იონამ უფლის შესახებ. რა შეიძლება თქვას იონამ, მაგალითად, უფლის წყალობაზე? (იხილეთ, მაგალითად, იონა 2:7–10; 3:10; 4:2).

• დაეხმარეთ თქვენს შვილებს, მოიფიქრონ მაგალითები, როდესაც მხსნელმა გამოიჩინა წყალობა სხვების მიმართ, მაგალითად: მარკოზი 2:3–12; ლუკა 23:33–34; და იოანე 8:1–11. თქვენ და თქვენს შვილებს, შეგიძლიათ მოძებნოთ ამ მაგალითების სურათები. რა შესაძლებლობები გვაქვს, გულმოწყალე ვიყოთ სხვების მიმართ?